ಸ್ಟೀರಿಂಗ್ ಹಿಡಿಯುವ ಸರಿಯಾದ ಕ್ರಮ ಯಾವುದು?: ನೀವು ತಪ್ಪು ಮಾಡುತ್ತಿದ್ದರೆ ಇಂದೇ ಅರಿತುಕೊಳ್ಳಿ

ಹಲವು ಬಾರಿ ನೀವು ಕಾರನ್ನು ಚಾಲನೆ ಮಾಡುವಾಗ ಉತ್ತಮ ಕಂಟ್ರೊಲ್ ಸಿಗುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ವಾಹನವನ್ನು ಟರ್ನ್ ಮಾಡುವಾಗ ಅಥವಾ ಹಿಂತಿರುಗಿಸುವಾಗ ನೀವು ಬಹಳಷ್ಟು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ. ನೀವು ಸ್ಟೀರಿಂಗ್ ಅನ್ನು ಸರಿಯಾಗಿ ಹಿಡಿದಿಲ್ಲದಿದ್ದರೆ ಅದು ಅಪಘಾತಕ್ಕೂ ಕಾರಣ ಆಗಬಹುದು. ಇಂದು ನಾವು ಸ್ಟೀರಿಂಗ್ ಅನ್ನು ಹಿಡಿದಿಡಲು ಸರಿಯಾದ ಮಾರ್ಗವನ್ನು ಹೇಳಲಿದ್ದೇವೆ. ನೀವು ಕೂಡ ಈ ರೀತಿಯ ತಪ್ಪುಗಳನ್ನು ಮಾಡುತ್ತಿದ್ದರೆ, ಆ ಅಭ್ಯಾಸವನ್ನು ಇಂದಿನಿಂದಲೇ ಬದಲಾಯಿಸಿ.

ಗಡಿಯಾರದ ಟ್ರಿಕ್:

ಸ್ಟೀರಿಂಗ್ ಚಕ್ರವನ್ನು ಗಡಿಯಾರದ ಸ್ಥಾನದಲ್ಲಿ ಹಿಡಿದಿಟ್ಟುಕೊಳ್ಳುವುದನ್ನು ಕಲ್ಪಿಸಿಕೊಳ್ಳಿ. ಅಂದರೆ ನಿಮ್ಮ ಕೈಗಳನ್ನು ಗಂಟೆಯಲ್ಲಿರುವ 9 ಮತ್ತು 3 ಸ್ಥಾನಗಳಲ್ಲಿ ಇರಿಸಿ. ಇದರರ್ಥ ನಿಮ್ಮ ಎಡಗೈ ಸ್ಟೀರಿಂಗ್ ಚಕ್ರದಲ್ಲಿ 9 ಗಂಟೆಯ ಸ್ಥಾನದಲ್ಲಿರಬೇಕು ಮತ್ತು ನಿಮ್ಮ ಬಲಗೈ 3 ಗಂಟೆಯ ಸ್ಥಾನದಲ್ಲಿರಬೇಕು. ಈ ಸ್ಥಾನವು ನಿಮಗೆ ಉತ್ತಮ ನಿಯಂತ್ರಣವನ್ನು ನೀಡುತ್ತದೆ.

10 ಮತ್ತು 2ರ ತಂತ್ರ ಬೇಡ:

ಮೊದಲು, 10 ಮತ್ತು 2 ಗಂಟೆಯ ಸ್ಥಾನಗಳನ್ನು ಸುರಕ್ಷಿತವೆಂದು ಪರಿಗಣಿಸಲಾಗಿತ್ತು, ಆದರೆ ಈಗ ಇದು ಹಳೆಯದು. 9 ಮತ್ತು 3 ಸ್ಥಾನಗಳಲ್ಲಿ ಸ್ಟೀರಿಂಗ್ ಚಕ್ರವನ್ನು ಹಿಡಿದಿಟ್ಟುಕೊಳ್ಳುವುದು ನಿಮ್ಮ ಮೊಣಕೈಗಳನ್ನು ಬಾಗಿಸುವಂತೆ ಮಾಡುತ್ತದೆ, ಎಲ್ಲಾದರು ಏರ್ಬ್ಯಾಗ್ ತೆರೆದಾಗ ಇದು ನಿಮ್ಮ ಕೈಗಳು ಮತ್ತು ಮುಖಕ್ಕೆ ಗಾಯಗಳಾಗದಂತೆ ತಡೆಯುತ್ತದೆ.

ಎರಡೂ ಕೈಗಳನ್ನು ಬಳಸಿ:

ಸ್ಟೀರಿಂಗ್ ಚಕ್ರವನ್ನು ಒಂದು ಕೈಯಿಂದ ಹಿಡಿದುಕೊಳ್ಳಬೇಡಿ, ವಿಶೇಷವಾಗಿ ನೀವು ಹೆಚ್ಚಿನ ವೇಗದಲ್ಲಿ ಚಾಲನೆ ಮಾಡುವಾಗ. ಸ್ಟೀರಿಂಗ್ ಚಕ್ರವನ್ನು ಎರಡೂ ಕೈಗಳಿಂದ ಹಿಡಿದಿಟ್ಟುಕೊಳ್ಳುವುದರಿಂದ, ನಿಮಗೆ ಆರಾಮ ಎನಿಸುತ್ತದೆ ಮತ್ತು ಉತ್ತಮ ನಿಯಂತ್ರಣವನ್ನು ಸಾಧಿಸಬಹುದು.

ಕೆಳಗಿನ ಭಾಗದಲ್ಲಿ ಕೈ ಇಡಬೇಡಿ:

ಸ್ಟೀರಿಂಗ್ ಚಕ್ರದ ಕೆಳಗಿನ ಭಾಗವನ್ನು ಹಿಡಿದಿಟ್ಟುಕೊಳ್ಳುವುದು ವಾಹನದ ನಿಯಂತ್ರಣವನ್ನು ಕಳೆದುಕೊಳ್ಳುವ ಅಪಾಯವನ್ನು ಹೆಚ್ಚಿಸುತ್ತದೆ, ವಿಶೇಷವಾಗಿ ಹಠಾತ್ ತಿರುವುಗಳ ಸಮಯದಲ್ಲಿ ಇದು ತೊಂದರೆ ನೀಡುತ್ತದೆ.

ಮೃದುವಾಗಿ ಬಳಸಿ:

ಸ್ಟೀರಿಂಗ್ ಚಕ್ರವನ್ನು ತುಂಬಾ ಬಿಗಿಯಾಗಿ ಹಿಡಿಯುವ ಬದಲು ಮೃದುವಾಗಿ ಹಿಡಿದುಕೊಳ್ಳಿ. ಟೈಟ್ ಆಗಿ ಹಿಡಿದುಕೊಳ್ಳುವುದರಿಂದ ಸ್ಟೀರಿಂಗ್ ಅನ್ನು ನಿಯಂತ್ರಿಸಲು ಕಷ್ಟವಾಗುತ್ತದೆ. ಇದರಿಂದ ಆಯಾಸವೂ ಉಂಟಾಗಬಹುದು.

ಸ್ಮೂತ್ ಸ್ಟೀರಿಂಗ್:

ಶಾರ್ಪ್ ಜರ್ಕ್‌ಗಳೊಂದಿಗೆ ಸ್ಟೀರಿಂಗ್ ಚಕ್ರವನ್ನು ತಿರುಗಿಸುವ ಬದಲು, ನಿಧಾನ ಮತ್ತು ಮೃದುವಾದ ವೇಗದಲ್ಲಿ ತಿರುಗಿಸಿ. ಇದು ವಾಹನದ ಸಮತೋಲನವನ್ನು ಕಾಪಾಡುತ್ತದೆ ಮತ್ತು ಕಂಟ್ರೊಲ್ ಸಿಗುತ್ತದೆ. ಇನ್ನೊಂದು ಅನೇಕರಿಗೆ ತಿಳಿದಿಲ್ಲದ ವಿಚಾರ ಎಂದರೆ, ಸ್ಟೀರಿಂಗ್ ವೀಲ್ ಹಾಗೂ ನಿಮ್ಮ ನಡುವೆ 25 ಸೆಂಟಿಮೀಟರ್‌ಗಳಷ್ಟು ಅಂತರವಿರಬೇಕು. ಇದು ಅಪಘಾತ ಸಂದರ್ಭದಲ್ಲಿ ಏರ್ ಬ್ಯಾಗ್ ಸರಿಯಾಗಿ ತೆರೆಯಲು ಹಾಗೂ ಸ್ಟೀರಿಂಗ್ ವೀಲ್ ಮೇಲೆ ಉತ್ತಮವಾದ ನಿರ್ವಹಣೆ ಮಾಡಲು ಸಹಾಯ ಮಾಡುತ್ತದೆ.

ಆಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​​ ಮಾಡಿ

Published On - 2:40 pm, Fri, 4 October 24