Auto Tips: ನೀವು ಪೆಟ್ರೋಲ್ ತುಂಬಿಸುವಾಗ ಈ 5 ತಪ್ಪುಗಳನ್ನು ಮಾಡುತ್ತಿದ್ದರೆ ಇಂದೇ ನಿಲ್ಲಿಸಿ

ಇಂದು ಬಹುತೇಕ ಎಲ್ಲರ ಮನೆಯಲ್ಲಿ ಕನಿಷ್ಠ ಒಂದು ವಾಹನ ಇದ್ದೇ ಇರುತ್ತದೆ. ಕಡಿಮೆ ಬೆಲೆ ಮತ್ತು ಬ್ಯಾಂಕ್ ಲೋನ್​ಗಳು ಸುಲಭವಾಗಿ ಸಿಗುತ್ತಿರುವ ಕಾರಣ ವಾಹನ ಕೊಂಡುಕೊಳ್ಳುವವರ ಸಂಖ್ಯೆ ಕೂಡ ದ್ವಿಗುಣವಾಗಿದೆ. ಆದರೆ, ಇದರ ಸರಿಯಾದ ನಿರ್ವಹಣೆ ಅನೇಕರಿಗೆ ತಿಳಿದಿಲ್ಲ. ನಿಮ್ಮ ಗಾಡಿಗೆ ನೀವು ಪೆಟ್ರೋಲ್ ತುಂಬಿಸುವಾಗ ಮಾಡುವ ಕೆಲವು ತಪ್ಪುಗಳು ಎಂಜಿನ್‌ನ ದಕ್ಷತೆ ಮತ್ತು ದೀರ್ಘಾಯುಷ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು.

ಅನೇಕ ಜನರು ಅರಿವಿಲ್ಲದೆ ಇಂತಹ ಅಜಾಗರೂಕತೆಯನ್ನು ಮಾಡುತ್ತಾರೆ. ಇದು ಎಂಜಿನ್​ನ ಕಾರ್ಯಕ್ಷಮತೆ ಮತ್ತು ಮೈಲೇಜ್ ಮೇಲೆ ಪರಿಣಾಮ ಬೀರುತ್ತದೆ. ಮುಖ್ಯವಾಗಿ ಕಾರಿನ ಎಂಜಿನ್ ಅನ್ನು ಹಾನಿಗೊಳಿಸಬಹುದಾದ ಐದು ಸಾಮಾನ್ಯ ತಪ್ಪುಗಳು ಇಲ್ಲಿವೆ:

• ಟ್ಯಾಂಕ್ ಖಾಲಿಯಾಗುವವರೆಗೆ ಕಾಯುವುದು: ಪೆಟ್ರೋಲ್ ಟ್ಯಾಂಕ್ ಸಂಪೂರ್ಣವಾಗಿ ಖಾಲಿಯಾಗುವವರೆಗೆ ಕಾಯುವುದು ಹಾನಿಕಾರಕವಾಗಿದೆ. ಕೊಳಕು ಮತ್ತು ಕಸಗಳು ಟ್ಯಾಂಕ್ ಒಳಗಡೆ ಸೇರಿಕೊಂಡಿರುತ್ತದೆ, ಮತ್ತು ಪೆಟ್ರೋಲ್ ಬಹುತೇಕ ಮುಗಿದ ನಂತರ, ಈ ತ್ಯಾಜ್ಯವು ಇಂಧನ ಪಂಪ್ ಮೂಲಕ ಎಂಜಿನ್​ಗೆ ಹಾದುಹೋಗುತ್ತದೆ, ಇದು ಪಂಪ್ ಮತ್ತು ಫಿಲ್ಟರ್ ಅನ್ನು ಬಂದ್ ಮಾಡುತ್ತದೆ. ಹೀಗಾಗಿ ಟ್ಯಾಂಕ್ ಅರ್ಧ ಅಥವಾ ಸ್ವಲ್ಪ ಕಡಿಮೆಯಾದಾಗ, ಪೆಟ್ರೋಲ್ ತುಂಬಬೇಕು.
• ಅಗ್ಗದ ಸ್ಥಳದಿಂದ ಪೆಟ್ರೋಲ್ ತುಂಬಿಸುವುದು: ಎಷ್ಟೋ ಸಲ ಕಡಿಮೆ ಬೆಲೆಗೆ ಪೆಟ್ರೋಲ್ ಸಿಗಲಿ ಅಂತ ಗುಣಮಟ್ಟ ಚೆನ್ನಾಗಿಲ್ಲದ ಕಡೆಯಿಂದ ಪೆಟ್ರೋಲ್ ತುಂಬಿಸಿಕೊಳ್ಳುತ್ತಾರೆ. ಕಳಪೆ ಗುಣಮಟ್ಟದ ಪೆಟ್ರೋಲ್ ಎಂಜಿನ್‌ನ ಮೇಲೆ ನೇರ ಪರಿಣಾಮ ಉಂಟುಮಾಡಬಹುದು ಮತ್ತು ಅದರ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀಳುತ್ತದೆ. ಇದಕ್ಕಾಗಿ ಯಾವಾಗಲೂ ವಿಶ್ವಾಸಾರ್ಹ ಪೆಟ್ರೋಲ್ ಪಂಪ್‌ನಿಂದ ಇಂಧನವನ್ನು ತುಂಬಿಸಿ, ಅಲ್ಲಿ ಪೆಟ್ರೋಲ್‌ನ ಗುಣಮಟ್ಟ ಉತ್ತಮವಾಗಿರುತ್ತದೆ.
• ಇಂಧನ ಕ್ಯಾಪ್ ಅನ್ನು ಸರಿಯಾಗಿ ಮುಚ್ಚದಿರುವುದು; ಪೆಟ್ರೋಲ್ ತುಂಬಿದ ನಂತರ ನೀವು ಇಂಧನ ಕ್ಯಾಪ್ ಅನ್ನು ಸರಿಯಾಗಿ ಮುಚ್ಚದಿದ್ದರೆ, ಗಾಳಿ ಮತ್ತು ತೇವಾಂಶವು ಟ್ಯಾಂಕ್ ಒಳಗೆ ಹೋಗಬಹುದು. ಈ ಕಾರಣದಿಂದಾಗಿ, ಪೆಟ್ರೋಲ್​ನಲ್ಲಿ ನೀರಿನ ಆವಿ ಮಿಶ್ರಣವಾಗಬಹುದು ಮತ್ತು ಇಂಧನದ ಗುಣಮಟ್ಟವು ಹದಗೆಡಬಹುದು. ಇದು ಎಂಜಿನ್ ದಕ್ಷತೆಯ ಮೇಲೂ ಪರಿಣಾಮ ಬೀರುತ್ತದೆ.
• ಅತಿಯಾಗಿ ತುಂಬುವುದು: ಕೆಲವರು ಟ್ಯಾಂಕ್ ಅನ್ನು ಸಂಪೂರ್ಣವಾಗಿ ತುಂಬಲು ಪೆಟ್ರೋಲ್ ಪಂಪ್‌ನಲ್ಲಿ ಪೆಟ್ರೋಲ್ ತುಂಬಿಸುತ್ತಲೇ ಇರುತ್ತಾರೆ. ಇದು ಇಂಧನ ಸೋರಿಕೆಗೆ ಕಾರಣವಾಗಬಹುದು, ಎಂಜಿನ್‌ನ ಸರಿಯಾದ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀಳುತ್ತದೆ. ಪೆಟ್ರೋಲ್ ಪಂಪ್ ಸ್ವಯಂಚಾಲಿತವಾಗಿ ಕಟ್-ಆಫ್ ಆದ ನಂತರ ಪೆಟ್ರೋಲ್ ತುಂಬಿಸಬೇಡಿ.
• ಪೆಟ್ರೋಲ್ ತುಂಬಿಸುವಾಗ ಎಂಜಿನ್ ಅನ್ನು ಚಾಲನೆಯಲ್ಲಿ ಇಡುವುದು: ಅನೇಕ ಜನರು ತರಾತುರಿಯಲ್ಲಿ ಪೆಟ್ರೋಲ್ ತುಂಬಿಸುವಾಗ ಎಂಜಿನ್ ಚಾಲನೆಯಲ್ಲಿ ಬಿಡುತ್ತಾರೆ, ಇದು ಸುರಕ್ಷತೆಯ ದೃಷ್ಟಿಯಿಂದ ತುಂಬಾ ಅಪಾಯಕಾರಿ. ಇದಲ್ಲದೆ, ಇದು ಸರಿಯಾದ ಇಂಧನ ಬಳಕೆ ಮತ್ತು ಎಂಜಿನ್ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರುತ್ತದೆ.
• ನಿಮ್ಮ ಕಾರ್ ಇಂಜಿನ್​ನ ದೀರ್ಘಾಯುಷ್ಯ ಮತ್ತು ಉತ್ತಮ ಮೈಲೇಜ್‌ಗಾಗಿ ಈ ತಪ್ಪುಗಳನ್ನು ಮಾಡದಿರುವುದು ಬಹಳ ಮುಖ್ಯ. ನೀವು ಮಾಡುವ ಸಣ್ಣ ಜಾಗರೂಕತೆಯು ನಿಮ್ಮ ಎಂಜಿನ್ ಅನ್ನು ಸರಾಗವಾಗಿ ಮತ್ತು ಯಾವುದೇ ತೊಂದರೆಯಿಲ್ಲದೆ ಕಾರ್ಯನಿರ್ವಹಿಸುವಂತೆ ಮಾಡುತ್ತದೆ.

ಮತ್ತಷ್ಟು ಆಟೋಮೊಬೈಲ್​​​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ