Auto Tips: ಡ್ರೈವಿಂಗ್ ಲೈಸೆನ್ಸ್ ಕಳೆದು ಹೋದರೆ ಏನು ಮಾಡಬೇಕು?: ಈ ವಿಚಾರ ನಿಮಗೆ ತಿಳಿದಿರಲಿ
ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಕಳೆದು ಹೋದರೆ ತಕ್ಷಣವೇ ನಕಲಿ ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸಬೇಕು. ಇದನ್ನು ಮಾಡದೇ ವಾಹನ ಚಲಾಯಿಸುವುದು ತಪ್ಪು. ನಕಲಿ ಚಾಲನಾ ಪರವಾನಗಿಗಾಗಿ ದಾಖಲೆಗಳು ಬೇಕಾಗುತ್ತದೆ.
Updated on: Oct 03, 2024 | 5:03 PM
ಆಧಾರ್ ಕಾರ್ಡ್‌ನಂತೆ ಡ್ರೈವಿಂಗ್ ಲೈಸೆನ್ಸ್ ಕೂಡ ಪ್ರಮುಖ ದಾಖಲೆಯಾಗಿದೆ. ಡಿಎಲ್ ಇಲ್ಲದೆ ನೀವು ಯಾವುದೇ ವಾಹನವನ್ನು ಓಡಿಸಲು ಸಾಧ್ಯವಿಲ್ಲ. ಹಾಗೊಂದು ವೇಳೆ ನಿಯಮ ಮೀರಿ ಗಾಡಿ ಚಾಲಯಿಸಿ ಪೊಲೀಸ್ ತಪಾಸಣೆಯ ಸಮಯದಲ್ಲಿ ಸಿಕ್ಕಿಬಿದ್ದರೆ ನಿಮ್ಮ ಚಲನ್ ಅನ್ನು ಕಡಿತಗೊಳಿಸಲಾಗುತ್ತದೆ. ಇದಕ್ಕೆ ದೊಡ್ಡ ಮಟ್ಟದ ದಂಡ ಪಾವತಿಸಬೇಕಾಗಿ ಬರಬಹುದು. ನೀವು ನಿಮ್ಮ ಡಿಎಲ್ ಇಟ್ಟುಕೊಳ್ಳುವುದನ್ನು ಮರೆತಿದ್ದರೆ ಅಥವಾ ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಕಳೆದು ಹೋದರೆ ಏನು ಮಾಡಬೇಕು ಎಂಬುದನ್ನು ನಾವಿಲ್ಲಿ ತಿಳಿಸುತ್ತೇವೆ.
ನೀವು ನಿಮ್ಮ ಡಿಎಲ್ ಇಟ್ಟುಕೊಳ್ಳುವುದನ್ನು ಮರೆತಿದ್ದರೆ ಅಥವಾ ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಕಳೆದು ಹೋದರೆ ತಕ್ಷಣವೇ ನಕಲಿ ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸಬೇಕು. ಇದನ್ನು ಮಾಡದೇ ವಾಹನ ಚಲಾಯಿಸುವುದು ತಪ್ಪು. ನಕಲಿ ಚಾಲನಾ ಪರವಾನಗಿಗಾಗಿ ದಾಖಲೆಗಳು ಬೇಕಾಗುತ್ತದೆ. ಇದಕ್ಕಾಗಿ ನೀವು ಫಾರ್ಮ್ 2 ಮೂಲಕ ಅರ್ಜಿ ಸಲ್ಲಿಸಬೇಕು. ಡ್ರೈವಿಂಗ್ ಲೈಸೆನ್ಸ್‌ನ ದೃಢೀಕರಿಸಿದ ಫೋಟೊಕಾಪಿ ಲಭ್ಯವಿದ್ದರೆ ನೀಡಬೇಕಾಗುತ್ತದೆ.
ನಕಲಿ ಡಿಎಲ್‌ಗೆ ಅರ್ಜಿ ಸಲ್ಲಿಸುವ ಮೊದಲು ಹೀಗೆ ಮಾಡಿ:
ಡಿಎಲ್ ಕಳೆದು ಹೋದರೆ, ಮೊದಲು ಪೊಲೀಸ್ ಠಾಣೆಗೆ ಹೋಗಿ ಕಳೆದುಹೋದ ಡಿಎಲ್ ಬಗ್ಗೆ ಎಫ್‌ಐಆರ್ ದಾಖಲಿಸಬೇಕು. ಎಫ್‌ಐಆರ್ ದಾಖಲಿಸುವುದು ಮುಖ್ಯ, ಏಕೆಂದರೆ ನಿಮ್ಮ ನಕಲಿ ಡಿಎಲ್‌ಗೆ ಅರ್ಜಿ ಸಲ್ಲಿಸುವಾಗ ಇದು ಅಗತ್ಯವಾಗಿರುತ್ತದೆ.
ಒಂದುವೇಳೆ ನಿಮ್ಮ ಡಿಎಲ್ ಕಾರ್ಡ್ ಮುರಿದುಹೋದರೆ ನೀವು ಮೂಲ ಕಾರ್ಡ್ ಅನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಬೇಕಾಗುತ್ತದೆ ಏಕೆಂದರೆ ಈ ಪ್ರಕ್ರಿಯೆಯ ಸಮಯದಲ್ಲಿ ನೀವು ಮೂಲ ಕಾರ್ಡ್ ಅನ್ನು ತೋರಿಸಬೇಕಾಗಬಹುದು. ನಕಲಿ ಚಾಲನಾ ಪರವಾನಗಿಗಾಗಿ ಅರ್ಜಿ ಸಲ್ಲಿಸಲು ನೀವು ಶುಲ್ಕವನ್ನು ಕೂಡ ಪಾವತಿಸಬೇಕಾಗುತ್ತದೆ.
ನಕಲಿ ಚಾಲನಾ ಪರವಾನಗಿಗಾಗಿ ಮೊದಲಿಗೆ https://parivahan.gov.in/parivahan//en ವೆಬ್ಸೈಟ್ಗೆ ಹೋಗಿ.
ಇದರ ನಂತರ, ಆನ್‌ಲೈನ್ ಸೇವೆಗಳಲ್ಲಿ ಡ್ರೈವಿಂಗ್ ಲೈಸೆನ್ಸ್ ಸಂಬಂಧಿತ ಸೇವಾ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಮುಂದಿನ ಪುಟದಲ್ಲಿ ನಿಮ್ಮ ರಾಜ್ಯವನ್ನು ಆಯ್ಕೆ ಮಾಡಲು ನಿಮ್ಮನ್ನು ಕೇಳಲಾಗುತ್ತದೆ.
ರಾಜ್ಯವನ್ನು ಆಯ್ಕೆ ಮಾಡಿದ ನಂತರ, ಮುಂದಿನ ಪುಟದಲ್ಲಿ ನೀವು ನಕಲಿ DL ಆಯ್ಕೆಯನ್ನು ನೋಡುತ್ತೀರಿ. ಈ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಇದನ್ನೂ ಓದಿ: ಕಾರು ಓಡಿಸುವಾಗ ಇದ್ದಕ್ಕಿದ್ದಂತೆ ಬ್ರೇಕ್ ಫೇಲ್ ಆದರೆ ತಪ್ಪಿಯೂ ಹೀಗೆ ಮಾಡಬೇಡಿ
ಮುಂದಿನ ಪುಟದಲ್ಲಿ ನೀವು ಪ್ರಮುಖ ವಿಷಯಗಳ ಬಗ್ಗೆ ಮಾಹಿತಿಯನ್ನು ಪಡೆಯುತ್ತೀರಿ. ಇದನ್ನು ಓದಿದ ಬಳಿಕ ಕೆಳಗೆ ಮುಂದುವರಿಸಿ ಆಯ್ಕೆಯನ್ನು ಕ್ಲಿಕ್ ಮಾಡಿ.
ಮುಂದಿನ ಪುಟದಲ್ಲಿ ವಿನಂತಿಸಿದ ಮಾಹಿತಿಯನ್ನು ಭರ್ತಿ ಮಾಡಿ.
ಫಾರ್ಮ್ ಅನ್ನು ಭರ್ತಿ ಮಾಡಿದ ನಂತರ, ಪ್ರಿಂಟ್ ಔಟ್ ತೆಗೆದುಕೊಂಡು ಅಗತ್ಯ ದಾಖಲೆಗಳೊಂದಿಗೆ ಲಗತ್ತಿಸಿ.
ಈ ಅರ್ಜಿ ನಮೂನೆಯನ್ನು RTO ಗೆ ಸಲ್ಲಿಸಬೇಕು.
ಪ್ರಕ್ರಿಯೆ ಪೂರ್ಣಗೊಂಡ ನಂತರ, ನಕಲಿ ಡಿಎಲ್ ನೀಡಲಾಗುತ್ತದೆ.
ಅಥವಾ ನೀವು ಆನ್‌ಲೈನ್ ಬದಲಿಗೆ ಆರ್‌ಟಿಒ ಕಚೇರಿಗೆಯೇ ಹೋಗಿ ಅರ್ಜಿ ನಮೂನೆಯನ್ನು ಭರ್ತಿ ಮಾಡಬಹುದು.
ಆಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
