Subsidy Cut: ಅತ್ತ ರೈತ, ಇತ್ತ ಐಟಿ; ರಸಗೊಬ್ಬರ ಸಬ್ಸಿಡಿಗೆ ಖೋತಾ; ಐಟಿ ಹಾರ್ಡ್​ವೇರ್​ಗೆ ಜಿಗಿತ; ಕೇಂದ್ರ ಸಂಪುಟದಿಂದ ಸದ್ಯದಲ್ಲೇ ಅನುಮೋದನೆ?

ನವದೆಹಲಿ: ರಸಗೊಬ್ಬರಕ್ಕೆ (Fertilizer) ನೀಡಲಾಗುತ್ತಿರುವ ಸಬ್ಸಿಡಿಯನ್ನು ಕಡಿಮೆ ಮಾಡಲು ಮತ್ತು ಪಿಎಲ್​ಐ ಸ್ಕೀಮ್​ನಲ್ಲಿ ಐಟಿ ಹಾರ್ಡ್​ವೇರ್ ಕ್ಷೇತ್ರಕ್ಕೆ 17,000 ರೂ ಕೊಡುವ ಯೋಜನೆಗೆ ಕೇಂದ್ರ ಸಂಪುಟ ಸಮಿತಿ ಅನುಮೋದನೆ ನೀಡಲಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಈ ವರದಿಗಳ ಪ್ರಕಾರ, ಡಿಎಪಿ, ಎಂಒಪಿ ಇತ್ಯಾದಿ ರಸಗೊಬ್ಬರಗಳಿಗೆ ನೀಡಲಾಗುವ ಎನ್​ಬಿಎಸ್ ಸಬ್ಸಿಡಿಯಲ್ಲಿ ಶೇ. 35ರಷ್ಟು ಕಡಿಮೆ ಮಾಡಲಾಗುವ ನಿರೀಕ್ಷೆ ಇದೆ. ಸಬ್ಸಿಡಿ ಕಡಿತದೊಂದಿಗೆ ರಸಗೊಬ್ಬರದ ಹೊಸ ದರಗಳು 2023ರ ಸೆಪ್ಟೆಂಬರ್​ವರೆಗೂ ಇರಲಿವೆ.

ಏನಿದು ಎನ್​ಬಿಎಸ್ ಸಬ್ಸಿಡಿ?

ಎನ್​ಬಿಎಸ್ ಎಂದರೆ ನ್ಯೂಟ್ರಿಯೆಂಟ್ ಬೇಸ್ಡ್ ಸ್ಕೀಮ್. ಪೋಷಕಾಂಶ ಆಧಾರಿತ ಯೋಜನೆ. ರಸಗೊಬ್ಬರದಲ್ಲಿ ಇರುವ ಎನ್, ಪಿ. ಕೆ ಮತ್ತು ಎಸ್ ಪೋಷಕಾಂಶಗಳ ಆಧಾರದ ಮೇಲೆ ಅದಕ್ಕೆ ರಿಯಾಯಿತಿ ಅಥವಾ ಸಬ್ಸಿಡಿ ನೀಡಲಾಗುತ್ತದೆ. ಮಣ್ಣಿನ ಗುಣಮಟ್ಟ ಕಾಪಾಡಲು ಈ ಪೋಷಕಾಂಶಗಳು ಅವಶ್ಯಕ. ಹೀಗಾಗಿ, ಇಂಥ ಪೋಷಕಾಂಶ ಇರುವ ರಸಗೊಬ್ಬರದ ಮಾರಾಟಕ್ಕೆ ಸರ್ಕಾರ ಉತ್ತೇಜನ ನೀಡಲು ಎನ್​ಬಿಎಸ್ ಸಬ್ಸಿಡಿ ಯೋಜನೆಯನ್ನು ಕಳೆದ ವರ್ಷ ಆರಂಭಿಸಿತ್ತು.

ಇದನ್ನೂ ಓದಿ: Bankrupt: ನಾನ್ಯಾಕೆ ವಾಪಸ್ ಕೊಡ್ಲಿ? ಬ್ಯಾಂಕ್ ದಿವಾಳಿಯಾಗುತ್ತಿದ್ದರೂ ಸಖತ್ ಹಣ ಪಡೆದು ಈಗ ಮರಳಿಸಲು ಒಲ್ಲೆ ಎನ್ನುತ್ತಿರುವ ಮಾಜಿ ಸಿಇಒ ಧೋರಣೆಗೆ ಟೀಕೆ

ಎನ್​ಬಿಎಸ್ ಸಬ್ಸಿಡಿ ಕಡಿತವಾಗಿರುವ ಡಿಎಪಿ ಎಂದರೆ ಡೈ ಅಮೋನಿಯಂ ಫಾಸ್​ಫೇಟ್, ಎಂಒಪಿ ಎಂದರೆ ಮ್ಯೂರಿಯೇಟ್ ಆಫ್ ಪೊಟ್ಯಾಷ್ ರಸಗೊಬ್ಬರಗಳು. ಡಿಎಪಿ ರಸಗೊಬ್ಬರ ಈಗ ಬಹಳ ಸಾಮಾನ್ಯ ಬಳಕೆಯಲ್ಲಿದೆ. ಸರ್ಕಾರ ಸಬ್ಸಿಡಿ ಕಡಿತ ಮಾಡಿದ್ದು ರೈತರೊಳಗೆ ಅಸಮಾಧಾನ ಸೃಷ್ಟಿಸುವ ಸಾಧ್ಯತೆ ಇಲ್ಲದಿಲ್ಲ.

ಐಟಿ ಹಾರ್ಡ್​ವೇರ್​ಗಾಗಿ 17,000 ಕೋಟಿ ರೂ ಪಿಎಲ್​ಐ ಸ್ಕೀಮ್

ಐಟಿ ಕ್ಷೇತ್ರದಲ್ಲಿ ಹಾರ್ಡ್​ವೇರ್ ಉತ್ಪಾದನೆಗೆ ಉತ್ತೇಜನ ನೀಡಲು 17,000 ಕೋಟಿ ರೂ ಮೊತ್ತದ ಪಿಎಲ್​ಐ ಸ್ಕೀಮ್​ಗೆ ಕೇಂದ್ರ ಸಂಪುಟ ಅನುಮೋದನೆ ಕೊಡುವ ನಿರೀಕ್ಷೆ ಇದೆ. ಲ್ಯಾಪ್​ಟಾಪ್, ಟ್ಯಾಬ್ಲೆಟ್ಸ್, ಪರ್ಸನಲ್ ಕಂಪ್ಯೂಟರ್, ಸರ್ವರ್ ಇತ್ಯಾದಿ ಹಾರ್ಡ್​ವೇರ್​ಗಳ ಉತ್ಪಾದನೆಗೆ ಈ ಸ್ಕೀಮ್ ಸಹಾಯಕವಾಗಬಹುದು.

ಇದನ್ನೂ ಓದಿ: SEBI: ಬಿಬಿಎಂಪಿಯಂಥ ಸಂಸ್ಥೆಗಳಿಗೂ ಡೆಟ್ ಸೆಕ್ಯೂರಿಟಿಗಳಲ್ಲಿ ಹೂಡಿಕೆ ಮಾಡಲು ಅವಕಾಶ: ಸೆಬಿ ಆಲೋಚನೆ; ಆದರೆ, ನಷ್ಟವಾದರೆ ಹೊಣೆ ಯಾರು?

ಪಿಎಲ್​ಐ ಸ್ಕೀಮ್ ಎಂದರೆ ಪ್ರೊಡಕ್ಷನ್ ಲಿಂಕ್ಡ್ ಇನ್ಸೆಂಟಿವ್ ಯೋಜನೆ. ಅಂದರೆ, ಉತ್ಪಾದನೆ ಆಧಾರಿತ ಭತ್ಯೆ. ಐಟಿ ಹಾರ್ಡ್​ವೇರ್ ಉತ್ಪಾದನೆಯ ಈ ಪಿಎಲ್​ಐ ಸ್ಕೀಮ್ 6 ವರ್ಷದ ಅವಧಿಯದ್ದಾಗಿದೆ. ಈ ಯೋಜನೆಯಿಂದ 3 ಲಕ್ಷ ಕೋಟಿ ರೂಗೂ ಹೆಚ್ಚು ಮೌಲ್ಯದ ಉತ್ಪನ್ನಗಳು ತಯಾರಾಗುವ ನಿರೀಕ್ಷೆ ಇದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ