ಕನ್ನಡ ರಾಜ್ಯೋತ್ಸವ: ಕರ್ನಾಟಕ ಆರ್ಥಿಕತೆ ಹೇಗಿದೆ? ಯಾವ್ಯಾವ ವಲಯದಲ್ಲಿ ರಾಜ್ಯದ ಸಾಧನೆ ಹೇಗಿದೆ?

Karnataka Achievements: ಭಾರತದ ಅತ್ಯಂತ ಸಿರಿವಂತ ಪ್ರದೇಶಗಳಲ್ಲಿ ಕರ್ನಾಟಕವೂ ಒಂದು. ಐತಿಹಾಸಿಕವಾಗಿಯೂ ಕರ್ನಾಟಕ ಬಹಳಷ್ಟು ವರ್ಷಗಳಿಂದ ಸಂಪದ್ಭರಿತ ಪ್ರದೇಶವಾಗಿತ್ತು. 1973ರ ನವೆಂಬರ್ 1ರಂದು ಮೈಸೂರು ರಾಜ್ಯಕ್ಕೆ ಕರ್ನಾಟಕವೆಂದು ನಾಮಕರಣ ಮಾಡಲಾಯಿತಾದರೂ ವಿಜಯನಗರ ಅರಸರ ಕಾಲದಲ್ಲೇ ಕರ್ನಾಟಕ ನಾಡೆಂದು (Karnataka Region) ಹೆಸರಾಗಿತ್ತು. ಒಳ್ಳೊಳ್ಳೆಯ ಆಡಳಿತಗಾರರು, ಆರ್ಥಿಕ ತಜ್ಞರು, ಉದ್ಯಮಿಗಳು, ಹಣಕಾಸು ತಜ್ಞರನ್ನು ಕರ್ನಾಟಕ ಈ ದೇಶಕ್ಕೆ ಕೊಡುಗೆಯಾಗಿ ನೀಡಿದೆ. ಕರ್ನಾಟಕದ ಆರ್ಥಿಕತೆ ಹಾಗೂ ಇತರ ಕೆಲ ಹಣಕಾಸು ಸಾಧನೆಗಳ ಬಗ್ಗೆ ಒಂದಷ್ಟು ಮಾಹಿತಿ ಇಲ್ಲಿದೆ:

ಕರ್ನಾಟಕದ ಆರ್ಥಿಕ, ಹಣಕಾಸು ಮತ್ತು ಔದ್ಯಮಿಕ ಸಾಧನೆಗಳು

• ಅತಿಹೆಚ್ಚು ಜಿಡಿಪಿ ಇರುವ ರಾಜ್ಯಗಳಲ್ಲಿ ಮಹಾರಾಷ್ಟ್ರದ ನಂತರದ ಸ್ಥಾನ ಕರ್ನಾಟಕದ್ದು
• ಕರ್ನಾಟಕ ರಾಜ್ಯದ ಒಟ್ಟು ಜಿಡಿಪಿ 2022-23ರಲ್ಲಿ 22.4 ಲಕ್ಷಕೋಟಿ ರೂ ಇದೆ. ಕಳೆದ ಏಳು ವರ್ಷಗಳಲ್ಲಿ ಸರಾಸರಿಯಾಗಿ ಆರ್ಥಿಕತೆ ಶೇ. 11.51ರ ದರದಲ್ಲಿ ಬೆಳೆದಿದೆ. 2023-24ರಲ್ಲಿ ರಾಜ್ಯದ ಆರ್ಥಿಕತೆ 28.3 ಲಕ್ಷಕೋಟಿಗೆ ಏರುವ ನಿರೀಕ್ಷೆ ಇದೆ.
• ಕಳೆದ ಒಂದು ದಶಕದಲ್ಲಿ ಎಲ್ಲಾ ರಾಜ್ಯಗಳದ್ದಕ್ಕಿಂತ ಕರ್ನಾಟಕದ ಆರ್ಥಿಕತೆ ಅತಿ ಹೆಚ್ಚು ವೇಗದಲ್ಲಿ ಬೆಳೆದಿದೆ.

ಇದನ್ನೂ ಓದಿ: ವಿಸ್ಟ್ರಾನ್ ಘಟಕದಲ್ಲಿ ಟಾಟಾ ಕಾರ್ಯಾಚರಣೆ ಅಧಿಕೃತ; ಮೊದಲ ಬಾರಿಗೆ ಭಾರತೀಯ ಕಂಪನಿಯಿಂದ ಆ್ಯಪಲ್ ಐಫೋನ್ ತಯಾರಿಕೆ

• ಅತಿಹೆಚ್ಚು ಜಿಎಸ್​ಟಿ ತೆರಿಗೆ ಸಂಗ್ರಹಿಸುವ ರಾಜ್ಯಗಳ ಪೈಕಿ ಮಹಾರಾಷ್ಟ್ರ ಬಿಟ್ಟರೆ ಕರ್ನಾಟಕವೇ ಹೆಚ್ಚು.
• ದೇಶದಲ್ಲಿ ಮೊದಲು ಬ್ಯಾಂಕುಗಳು ಸ್ಥಾಪನೆಯಾಗಿದ್ದು ಕರ್ನಾಟಕದಲ್ಲಿ. ಕೆನರಾ ಬ್ಯಾಂಕ್, ಕರ್ಣಾಟಕ ಬ್ಯಾಂಕ್, ವಿಜಯ ಬ್ಯಾಂಕ್, ಕಾರ್ಪೊರೇಶನ್ ಬ್ಯಾಂಕ್, ಸಿಂಡಿಕೇಟ್ ಬ್ಯಾಂಕ್, ವೈಶ್ಯ ಬ್ಯಾಂಕ್ ಮತ್ತು ಸ್ಟೇಟ್ ಬ್ಯಾಂಕ್ ಆಫ್ ಮೈಸೂರು ಈ ಬ್ಯಾಂಕುಗಳು 1906ರಿಂದ 1913ರ ಅವಧಿಯೊಳಗೆ ಕರ್ನಾಟಕದಲ್ಲಿ, ಅದರಲ್ಲೂ ಹೆಚ್ಚಾಗಿ ಕರಾವಳಿ ಭಾಗದಲ್ಲಿ ಆರಂಭಗೊಂಡಿದ್ದವು.
• ಐಟಿ ಉದ್ಯಮ ಅಡಿ ಇಡುವ ಮುನ್ನ ಕರ್ನಾಟಕ ದೊಡ್ಡ ಕೈಗಾರಿಕೆಗಳ ನಗರಿಯಾಗಿ ಖ್ಯಾತವಾಗಿತ್ತು. ಬಿಇಎಲ್, ಬಿಎಚ್​ಇಎಲ್, ಹೆಚ್​​ಎಎಲ್, ಬಿಇಎಂಎಲ್, ಎಚ್​ಎಂಟಿ ಮೊದಲಾದ ಸಂಸ್ಥೆಗಳ ಮುಖ್ಯಕಚೇರಿ ಬೆಂಗಳೂರಿನಲ್ಲಿ ಇದೆ. ಕರ್ನಾಟಕದಲ್ಲಿ ಉಕ್ಕಿನ ಕಾರ್ಖಾನೆ, ಸಾಬೂನು ಕಾರ್ಖಾನೆ ಇತ್ಯಾದಿ ದೊಡ್ಡ ಉದ್ದಿಮೆಗಳು ನೆಲೆ ನಿಂತಿವೆ.
• ಭಾರತದ ಬಹುತೇಕ ಐಟಿ ಕಂಪನಿಗಳು ಬೆಂಗಳೂರಿನಲ್ಲಿ ನೆಲಸಿವೆ. ಇನ್ಫೋಸಿಸ್, ವಿಪ್ರೋ ಮೊದಲಾದವು ಉದಾಹರಣೆ.
• ಭಾರತದ ಬಹುತೇಕ ಸ್ಟಾರ್ಟಪ್​​ಗಳು ಬೆಂಗಳೂರಿನಲ್ಲಿವೆ. ಹಲವು ಯೂನಿಕಾರ್ನ್​ಗಳಿವೆ. ಓಲಾ, ಫ್ಲಿಪ್​ಕಾರ್ಟ್ ಇತ್ಯಾದಿಗಳ ಮುಖ್ಯ ಕಚೇರಿ ಬೆಂಗಳೂರಿನಲ್ಲೇ ಇದೆ.
• ಕರ್ನಾಟಕದಲ್ಲಿ 34 ಎಸ್​ಇಝಡ್​ಗಳು ಕಾರ್ಯನಿರ್ವಹಣೆಯಲ್ಲಿವೆ. 61 ಎಸ್​ಇಝಡ್​ಗಳು ಅಧಿಕೃತವಾಗಿ ಅನುಮೋದನೆ ಪಡೆದಿವೆ. 50 ಎಸ್​ಇಝಡ್​ಗಳಿಗೆ ಅಧಿಸೂಚನೆ ಕೊಡಲಾಗಿದೆ.

ಇದನ್ನೂ ಓದಿ: ಆನ್​ಲೈನ್​ ಮೂಲಕವೇ ಉಚಿತವಾಗಿ ಕನ್ನಡ ಕಲಿಯಿರಿ: ಹೇಗೆ ಅಂತೀರಾ? ಇಲ್ಲಿದೆ ನೋಡಿ

• ಕರ್ನಾಟಕದಲ್ಲಿ ಅತಿದೊಡ್ಡ ಟೆಕ್ನಾಲಜಿ ಕ್ಲಸ್ಟರ್ ಇದೆ. ಇದು ವಿಶ್ವದಲ್ಲೇ ನಂ. 4.
• ಕರ್ನಾಟಕ ಸಾಫ್ಟ್​ವೇರ್ ರಫ್ತಿನಲ್ಲಿ ಸೈ ಎನಿಸಿದೆ. ಉತ್ಪಾದನಾ ವಲಯದಲ್ಲೂ ಮಿಂಚುತ್ತಿದೆ. ಐಫೋನ್ ಫ್ಯಾಕ್ಟರಿಗಳಾಗಿವೆ. ಸೆಮಿಕಂಡಕ್ಟರ್ ಘಟಕಗಳು ತಲೆ ಎತ್ತುತ್ತಿವೆ. ಬಯೋಟೆಕ್ ಕಂಪನಿಗಳಿವೆ.
• ಕರ್ನಾಟಕದ ಜಿಡಿಪಿಗೆ ಅತಿಹೆಚ್ಚು ಕೊಡುಗೆ ಸರ್ವಿಸ್ ಸೆಕ್ಟರ್​ನಿಂದ ಸಿಗುತ್ತದೆ. ಐಟಿ ಉದ್ಯಮ ಸೇರಿದಂತೆ ಸರ್ವಿಸ್ ಸೆಕ್ಟರ್​ನಿಂದ ರಾಜ್ಯ ಜಿಡಿಪಿಯಲ್ಲಿ ಶೇ. 66ರಷ್ಟು ಪಾಲು ಇದೆ. ಕೈಗಾರಿಕೆಗಳಿಂದ ಶೇ. 19ರಷ್ಟು ಕೊಡುಗೆ ಇದೆ.
• ಕರ್ನಾಟಕ ಸರ್ಕಾರದ ಸಾಲವು ರಾಜ್ಯ ಜಿಡಿಪಿಯ ಶೇ. 28ರಷ್ಟಿದೆ.

ಇನ್ನಷ್ಟು ರಾಜ್ಯೋತ್ಸವ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ