ಬೇಡದ ಡೀಮ್ಯಾಟ್ ಖಾತೆ ಮುಕ್ತಾಯಗೊಳಿಸುವುದು ರಗಳೆಯಲ್ಲ, ಸುಲಭ; ಇಲ್ಲಿದೆ ಮಾಹಿತಿ

ಬೇರೆ ಬೇರೆ ಕಾರಣಕ್ಕೆ ನಾವು ಹಲವು ಡೀಮ್ಯಾಟ್ ಅಕೌಂಟ್ ಪಡೆದಿರಬಹುದು. ಈಗ ಕೆಲವು ಬಳಕೆಯಲ್ಲಿ ಇಲ್ಲದೇ ಇದ್ದರೂ ಅವುಗಳಿಗೆ ವಾರ್ಷಿಕ ಪಾಲನಾ ಶುಲ್ಕ ಅಥವಾ ಆ್ಯನುವಲ್ ಮೇಂಟೆನೆನ್ಸ್ ಫೀ ನೀಡುತ್ತಿರಬೇಕು. ಅಲ್ಲದೇ ಹಲವು ಡೀಮ್ಯಾಟ್ ಅಕೌಂಟ್​ಗಳಿದ್ದರೆ ಗೊಂದಲಕ್ಕೆ ಎಡೆ ಮಾಡಿಕೊಡಬಹುದು. ಹೀಗಾಗಿ, ಅಗತ್ಯವಾದ ಅಕೌಂಟ್​ಗಳನ್ನು ಉಳಿಸಿಕೊಂಡು, ಉಳಿದವನ್ನು ನೀಗಿಸುವುದು ಉತ್ತಮ.

ಡೀಮ್ಯಾಟ್ ಅಕೌಂಟ್ ಎಂದರೆ ಡೀಮೆಟೀರಿಯಲೈಸ್ಡ್ ಅಕೌಂಟ್. ಎಲೆಕ್ಟ್ರಾನಿಕ್ ರೂಪದಲ್ಲಿ ಷೇರುಗಳನ್ನು, ಬಾಂಡ್​ಗಳನ್ನು ಇರಿಸಿಕೊಳ್ಳಲು ಇರುವ ಖಾತೆ. ಭಾರತದಲ್ಲಿ 2023-24ರಲ್ಲಿ 15 ಕೋಟಿಗೂ ಅಧಿಕ ಡೀಮ್ಯಾಟ್ ಖಾತೆಗಳು ಇವೆ ಎನ್ನಲಾಗುತ್ತಿದೆ.

ಡೀಮ್ಯಾಟ್ ಖಾತೆ ನಿಲ್ಲಿಸುವ ಮುನ್ನ ಈ ಕಾರ್ಯ ಮಾಡಿ….

• ನಿಮ್ಮ ಡೀಮ್ಯಾಟ್ ಅಕೌಂಟ್​ಗೆ ಸಂಬಂಧಿಸಿದ ಯಾವುದೇ ಶುಲ್ಕ, ದಂಡ ಇತ್ಯಾದಿ ಎಲ್ಲಾ ಬಾಕಿ ಹಣ ಚುಕ್ತಾ ಮಾಡಬೇಕು. ಇಲ್ಲದಿದ್ದರೆ ಅಕೌಂಟ್ ನಿಲ್ಲಿಸಲು ಅಸಾಧ್ಯ.
• ನಿಮ್ಮ ಅಕೌಂಟ್​ನಲ್ಲಿ ಯಾವುದಾದರೂ ಷೇರು ಇತ್ಯಾದಿ ಸೆಕ್ಯುರಿಟಿಗಳಿದ್ದಲ್ಲಿ ಅದನ್ನು ನಿಮ್ಮ ಬೇರೊಂದು ಸಕ್ರಿಯ ಖಾತೆಗೆ ವರ್ಗಾಯಿಸಬೇಕು.
• ಡಿಮ್ಯಾಟ್ ಖಾತೆಯಲ್ಲಿ ಮ್ಯುಚುವಲ್ ಫಂಡ್ ಇದ್ದಲ್ಲಿ ಅದನ್ನು ಹಿಂಪಡೆಯಿರಿ, ಅಥವಾ ಬೇರೆ ಖಾತೆಗೆ ವರ್ಗಾವಣೆ ಮಾಡಿ.

ಇದನ್ನೂ ಓದಿ: ಎಸ್​ಜಿಬಿ vs ಗೋಲ್ಡ್ ಇಟಿಎಫ್ vs ಡಿಜಿಟಲ್ ಗೋಲ್ಡ್; ಯಾವುದು ಉತ್ತಮ? ಇಲ್ಲಿದೆ ಒಂದು ಹೋಲಿಕೆ

ಡೀಮ್ಯಾಟ್ ಅಕೌಂಟ್ ಮುಕ್ತಾಯಗೊಳಿಸುವ ಪ್ರಕಿಯೆಗಳು

• ನಿಮ್ಮ ಡೆಪಾಸಿಟರಿ ಪಾರ್ಟಿಸಿಪೆಂಟ್ (ಬ್ರೋಕರ್ ಕಂಪನಿಗಳು) ವೆಬ್​ಸೈಟ್​ನಿಂದ ಡೀಮ್ಯಾಟ್ ಅಕೌಂಟ್ ಕ್ಲೋಶರ್ ಫಾರ್ಮ್ ಡೌನ್​ಲೋಡ್ ಮಾಡಿ.
• ಅರ್ಜಿಯನ್ನು ಸರಿಯಾಗಿ ಭರ್ತಿ ಮಾಡಿ. ಅಕೌಂಟ್ ನಂಬರ್, ಕ್ಲೈಂಟ್ ಐಡಿ, ಡಿಪಿ ಐಡಿ ಇತ್ಯಾದಿ ಎಲ್ಲಾ ಮಾಹಿತಿಯನ್ನು ನಿಖರವಾಗಿ ತುಂಬಿರಿ.
• ನಿಮ್ಮ ಪ್ಯಾನ್, ಆಧಾರ್ ಅಥವಾ ಬೇರೆ ಐಡಿ ಪ್ರೂಫ್ ದಾಖಲೆ ಪ್ರತಿ ಎತ್ತಿಟ್ಟುಕೊಳ್ಳಿ. ಹಾಗೆಯೇ, ಬ್ಯಾಂಕ್​ನ ಕ್ಯಾನ್ಸಲ್ಡ್ ಚೆಕ್ ಎತ್ತಿಟ್ಟುಕೊಳ್ಳಿ.
• ನೀವು ಅರ್ಜಿ ಹಾಗೂ ಸಂಬಂಧಿತ ದಾಖಲೆಗಳೊಂದಿಗೆ ಬ್ರೋಕರ್​ನ ಕಚೇರಿಗೆ ಹೋಗಿ ಸಲ್ಲಿಸಬೇಕು. ಕೆಲ ಬ್ರೋಕರ್ ಸಂಸ್ಥೆಗಳು ಇಮೇಲ್ ಮೂಲಕವೇ ಅಕೌಂಟ್ ನಿಲುಗಡೆಗೆ ಅವಕಾಶ ಕೊಡುತ್ತವೆ. ಯಾವುದಕ್ಕೂ ನಿಮ್ಮ ಡಿಪಿ ವೆಬ್​ಸೈಟ್​ನಲ್ಲಿ ನಿಯಮಗಳನ್ನು ತಿಳಿದು ಮುಂದುವರಿಯಿರಿ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ