ವಿದೇಶೀ ಹೂಡಿಕೆಗಳಲ್ಲೇ ವಿವಿಧ ಬಗೆ; ಎಫ್ಡಿಐ, ಎಫ್ಪಿಐ ಮತ್ತು ಎಫ್ಐಐ ಮಧ್ಯೆ ವ್ಯತ್ಯಾಸಗಳೇನು?
Difference between FDI, FPI and FII: ವಿದೇಶೀ ಹೂಡಿಕೆಗಳಲ್ಲಿ ಎಫ್ಡಿಐ, ಎಫ್ಐಐ ಮತ್ತು ಎಫ್ಪಿಐ ಎಂಬ ಮೂರು ರೀತಿಯ ಹೂಡಿಕೆಗಳಿವೆ. ವಿದೇಶೀ ನೇರ ಹೂಡಿಕೆಗಳು ಒಂದು ದೇಶದ ಆರ್ಥಿಕತೆಯೊಂದಿಗೆ ನೇರವಾಗಿ ಭಾಗಿಯಾಗುತ್ತವೆ. ಸಾಂಸ್ಥಿಕ ಹೂಡಿಕೆ ಮತ್ತು ಪೋರ್ಟ್ಫೋಲಿಯೋ ಹೂಡಿಕೆಗಳು ಷೇರು ಮಾರುಕಟ್ಟೆ ಮೂಲಕ ಪರೋಕ್ಷವಾಗಿ ಒಂದು ದೇಶದಲ್ಲಿ ಹೂಡಿಕೆ ಮಾಡುತ್ತವೆ.
ವಿದೇಶೀ ಹೂಡಿಕೆಗಳ ಬಗ್ಗೆ ಆಗಾಗ್ಗೆ ನೀವು ಸುದ್ದಿ ಓದುತ್ತಿರಬಹುದು. ಭಾರತದ ವಿವಿಧ ಕಂಪನಿಗಳಲ್ಲಿ, ಈಕ್ವಿಟಿಗಳಲ್ಲಿ, ಮೂಲಸೌಕರ್ಯ ಯೋಜನೆಗಳಲ್ಲಿ ಫಾರೀನ್ ಇನ್ವೆಸ್ಟ್ಮೆಂಟ್ಗಳು ನಡೆಯುತ್ತಿರುತ್ತವೆ. ಎಫ್ಡಿಐ ಹೂಡಿಕೆ, ಎಫ್ಐಐ ಹೂಡಿಕೆ, ಎಫ್ಪಿಐ ಹೂಡಿಕೆ ಇತ್ಯಾದಿ ಪದಗಳು ಈ ವಿದೇಶೀ ಹೂಡಿಕೆಗಳೊಂದಿಗೆ ಜೋಡಿತವಾಗಿವೆ. ಈ ಮೂರು ರೀತಿಯ ವಿದೇಶೀ ಹೂಡಿಕೆಗಳಲ್ಲಿ ಸೂಕ್ಷ್ಮ ವ್ಯತ್ಯಾಸಗಳಿವೆ.
ಎಫ್ಡಿಐ ಎಂದರೇನು?
ಎಫ್ಡಿಐ ಎಂದರೆ ಫಾರೀನ್ ಡೈರೆಕ್ಟ್ ಇನ್ವೆಸ್ಟ್ಮೆಂಟ್. ಅಥವಾ ವಿದೇಶೀ ನೇರ ಹೂಡಿಕೆ. ವಿದೇಶದ ಸಂಸ್ಥೆಯೊಂದು ಪ್ರತ್ಯಕ್ಷವಾಗಿಯೋ ಅಥವಾ ಪರೋಕ್ಷವಾಗಿಯೋ ವ್ಯವಹಾರ ಸ್ಥಾಪಿಸುವುದು ಎಫ್ಡಿಐ ಅನಿಸುತ್ತದೆ. ಭಾರತದಲ್ಲಿರುವ ಒಂದು ಕಂಪನಿಯೊಂದಿಗೋ ಅಥವಾ ತನ್ನದೇ ಅಂಗ ಸಂಸ್ಥೆ ಮೂಲಕವೋ ಉದ್ದಿಮೆ ಆರಂಭಿಸಬಹುದು. ಮ್ಯಾನುಫ್ಯಾಕ್ಚರಿಂಗ್ ಆಗಿರಬಹುದು, ಇನ್ನೇನಾದರೂ ಸರ್ವಿಸ್ ಆಗಿರಬಹುದು, ಅದನ್ನು ನಡೆಸಬಹುದು. ಅಥವಾ ಭಾರತೀಯ ಕಂಪನಿಯೊಂದರ ಶೇ. 10ಕ್ಕಿಂತ ಹೆಚ್ಚಿನ ಪಾಲನ್ನು ಖರೀದಿಸಬಹುದು. ಇದರಿಂದ ಆ ಕಂಪನಿಯ ಚಟುವಕೆಗಳಲ್ಲಿ ಹೂಡಿಕೆದಾರರಿಗೆ ನಿಯಂತ್ರಣ ಸಿಗುತ್ತದೆ.
ಇದನ್ನೂ ಓದಿ: 75 ವರ್ಷದಲ್ಲಿ 2,730; 5 ವರ್ಷದಲ್ಲೇ 2,000; ಭಾರತದ ತಲಾದಾಯ ದ್ವಿಗುಣಗೊಳ್ಳಲಿದೆ ಎಂದ ನಿರ್ಮಲಾ ಸೀತಾರಾಮನ್
ಈ ಎಫ್ಡಿಐ ಹೂಡಿಕೆಯಿಂದ ದೇಶದ ಆರ್ಥಿಕತೆಗೆ ಪುಷ್ಟಿ ಸಿಗುತ್ತದೆ. ಉದ್ಯೋಗಗಳು ಸೃಷ್ಟಿಯಅಗುತ್ತವೆ. ತಂತ್ರಜ್ಞಾನವೂ ವರ್ಗಾವಣೆ ಆಗಬಹುದು. ವಿದೇಶೀ ಕಂಪನಿಗಳು ಒಂದು ದೇಶದ ಆರ್ಥಿಕತೆಯೊಳಗೆ ಕಾರ್ಯ ನಿರ್ವಹಿಸುತ್ತವೆ. ದೀರ್ಘಾವಧಿಯಲ್ಲಿ ಲಾಭ ಪಡೆಯುವ ದೃಷ್ಟಿ ಹೊಂದಿರುತ್ತವೆ.
ಎಫ್ಪಿಐ ಎಂದರೇನು?
ಎಫ್ಪಿಐ ಎಂದರೆ ಫಾರೀನ್ ಪೋರ್ಟ್ಫೋಲಿಯೋ ಇನ್ವೆಸ್ಟ್ಮೆಂಟ್. ಷೇರು, ಬಾಂಡು, ಹಾಗು ಇತರ ಹಣಕಾಸು ಮಾರುಕಟ್ಟೆ ಸಾಧನಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ದೇಶದ ಆರ್ಥಿಕತೆಯೊಂದಿಗೆ ಇದು ನೇರ ಸಂವಹಣ ಹೊಂದಿರುವುದಿಲ್ಲ. ಮಾರುಕಟ್ಟೆಯಲ್ಲಿ ಹಣ ಹಾಕಿ ಲಾಭ ಮಾಡಿಕೊಳ್ಳುವುದಕ್ಕೆ ಈ ಹೂಡಿಕೆಗಳು ಸೀಮಿತವಾಗಿರುತ್ತವೆ.
ಎಫ್ಐಐ ಎಂದರೇನು?
ಎಫ್ಐಐ ಎಂದರೆ ಫಾರೀನ್ ಇನ್ಸ್ಟಿಟ್ಯೂಶನಲ್ ಇನ್ವೆಸ್ಟ್ಮೆಂಟ್. ಇದು ಒಂದು ರೀತಿಯಲ್ಲಿ ಎಫ್ಪಿಯನಂತಹದ್ದು. ಎಫ್ಪಿಐನಲ್ಲಿ ವಿದೇಶದ ಸಣ್ಣ ಹೂಡಿಕೆದಾರರೂ ಬಂಡವಾಳ ಹಾಕಬಹುದು. ಎಫ್ಐಐನಲ್ಲಿ ದೊಡ್ಡ ಸಂಸ್ಥೆಗಳು ಷೇರು ಮಾರುಕಟ್ಟೆ, ಬಾಂಡ್ ಇತ್ಯಾದಿ ಮನಿ ಮಾರ್ಕೆಟ್ ಸಾಧನಗಳಲ್ಲಿ ಹೂಡಿಕೆ ಮಾಡುತ್ತವೆ. ಈ ವಿಚಾರದಲ್ಲಿ ಎಫ್ಪಿಐಗೆ ಎಫ್ಐಐ ಸಾಮ್ಯವಾಗಿದೆಯಾದರೂ ಷೇರು ಮಾರುಕಟ್ಟೆಗೆ ಇದು ಹೆಚ್ಚು ಲಿಕ್ವಿಡಿಟಿ ಮತ್ತು ಕ್ಷಮತೆ ತಂದುಕೊಡಬಲ್ಲುದು.
ಇದನ್ನೂ ಓದಿ: ಬೆಂಗಳೂರು ಸೇರಿ ಇನ್ನೂ 4 ಕಡೆ ಹೊಸ ಆ್ಯಪಲ್ ಸ್ಟೋರ್ಸ್; ಐಫೋನ್ 16 ಪ್ರೋ ಫೋನ್ಗಳೂ ಭಾರತದಲ್ಲೇ ತಯಾರಿಕೆ
ವಿದೇಶದ ಮ್ಯೂಚುವಲ್ ಫಂಡ್ಗಳು, ಹೆಡ್ಜ್ ಫಂಡ್ಗಳು, ಪೆನ್ಷನ್ ಫಂಡ್ಗಳು ಇತ್ಯಾದಿ ಸಂಸ್ಥೆಗಳು ಎಫ್ಐಐಗೆ ಉದಾಹರಣೆ. ಇವು ಭಾರತದ ಈಕ್ವಿಟಿ ಮಾರುಕಟ್ಟೆ ಅಥವಾ ಬಾಂಡ್ ಮಾರುಕಟ್ಟೆಗಳಲ್ಲಿ ಖರೀದಿ ಮಾಡಬಹುದು.
ಒಟ್ಟಾರೆ, ಎಫ್ಡಿಐ ಎಂಬುದು ವಿದೇಶೀ ಕಂಪನಿಗಳು ಭಾರತದಲ್ಲಿ ಮಾಡುವ ನೇರ ಹೂಡಿಕೆಯಾದರೆ, ಎಫ್ಪಿಐ ಮತ್ತು ಎಫ್ಐಐಗಳು ಪರೋಕ್ಷವಾಗಿ ಹೂಡಿಕೆ ಮಾಡುತ್ತವೆ. ಈ ಮೂರೂ ಕೂಡ ವಿವಿಧ ಅವಧಿಗಳಲ್ಲಿ ಲಾಭ ಮಾಡುವ ಉದ್ದೇಶದಿಂದಲೇ ಹೂಡಿಕೆ ಮಾಡುತ್ತವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
