Mobile Snatching: ಕದ್ದ ಮೊಬೈಲ್​ಗಳ ಐಎಂಇಐ ನಂಬರ್ ಬದಲಾವಣೆ: ಟೆಕ್ನಾಲಜಿ ಬಳಸಿ ಪೊಲೀಸರ ಕಣ್ಣಿಗೆ ಮಣ್ಣೆರಚಿದ ಖದೀಮರು

ಬೆಂಗಳೂರು: ನಗರದಲ್ಲಿ ಪ್ರತಿನಿತ್ಯ ನಡೆಯುತ್ತಿರುವಂತ ಅತೀಹೆಚ್ಚು ಕ್ರೈಂಗಳು ಅಂದ್ರೆ ಅದು ಮೊಬೈಲ್​ ಸ್ನ್ಯಾಚಿಂಗ್ (Mobile Snatching)​, ಕನಿಷ್ಠ ಅಂದ್ರು ನಗರದಲ್ಲಿ ದಿನಕ್ಕೆ 100 ಕ್ಕೂ ಹೆಚ್ಚು ಮೊಬೈಲ್ ಸ್ನ್ಯಾಚಿಂಗ್ ಆಗುತ್ತವೆ. ಇಲ್ಲಿ ಮೊಬೈಲ್ ಕಳ್ಳತನ ಹಾಗೂ ಮೊಬೈಲ್ ಸ್ನ್ಯಾಚಿಂಗ್​ಗೂ ವ್ಯತ್ಯಾಸ ಇದೆ. ಯಾಕಂದ್ರೆ ಕಳ್ಳತನ ಅಂದ್ರೆ ಏಲ್ಲಿಯೋ ಇಟ್ಟಿದ್ದ ಮೊಬೈಲ್ ಕಳ್ಳತನ ಮಾಡುವುದು ಅಥವಾ ಜೋಬಿನಲ್ಲಿ ಇರುವ ಮೊಬೈಲ್​ನ್ನು ಕಳ್ಳತನ ಮಾಡುವುದು. ಆದರೆ ಮೊಬೈಲ್ ಸ್ನ್ಯಾಚಿಂಗ್​ ಅಂದ್ರೆ ರಸ್ತೆ ಬದಿಯಲ್ಲಿ ಒಂಟಿಯಾಗಿ ನಡೆದುಹೋಗುತ್ತಿರುವಾಗ ಕಿವಿಯಲ್ಲಿ ಮೊಬೈಲ್ ಇಟ್ಟುಕೊಂಡು ಮಾತನಾಡುತಿರುವಾಗ ಅದನ್ನು ದ್ವಿಚಕ್ರ ವಾಹನದಲ್ಲಿ ಬಂದು ಮೊಬೈಲ್ ಕಿತ್ತುಕೊಂಡು ಹೋಗುತ್ತಾರೆ. ನಗರದಲ್ಲಿ ಕನಿಷ್ಠ ಅಂದ್ರು 1000ಕೂ ಹೆಚ್ಚು ಮೊಬೈಲ್ ಸ್ನಾಚರ್ಸ್​ಗಳು ಆಕ್ಟಿವ್ ಆಗಿದ್ದಾರೆ ಎನ್ನೊ ಮಾಹಿತಿ ಇದೆ.

ಇದೆಲ್ಲದರ ನಡುವೆ ಕದ್ದ ಮೊಬೈಲ್​ಗಳನ್ನು ಹೊರ ರಾಜ್ಯಕ್ಕೆ ಮಾರಾಟ ಮಾಡುತ್ತಿದ್ದರು. ಅದನ್ನು ಹೈದ್ರಬಾದ್​ನಲ್ಲಿ ಇರುವ ಹಲವು ಲೀಕಲ್ ಮಾರ್ಕೇಟ್​ನಿಂದ ಸಹ ಹಲವು ಬಾರಿ ಸೀಜ್ ಮಾಡಿಕೊಂಡು ಬಂದಿದ್ದಾರೆ ಬೆಂಗಳೂರು ಪೊಲೀಸರು. ಆದರೆ ಇದೇ ಕದೀಮರು ಪೊಲೀಸರಿಗೆ ಕದ್ದ ಮೊಬೈಲ್​ಗಳನ್ನು ಟ್ರಾಕ್ ಮಾಡಲಿಕ್ಕೆ ಇರುವ ಒಂದೇ ಒಂದು ದಾರಿ ಅಂದರೆ ಅದು ಐಎಂಇಐ ನಂಬರ್. ಪ್ರತಿ ಮೊಬೈಲ್​ಗೂ ಬೇರೆ ಬೇರೆಯಾಗಿರುವ ಐಎಂಇ ನಂಬರ್​ಗಳಿರುತ್ತದೆ. ಆದ್ರೆ ಈಗ ಐಎಂಇಐ ನಂಬರ್​ಗಳನ್ನೆ ಚೇಂಜ್ ಮಾಡಿ ಮಾರಟ ಮಾಡ್ತಿದ್ದ ವಿಚಾರ ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: Kidnap: ಹಣ ವಸೂಲಿಗೆ ಹೈಡ್ರಾಮಾ -ಕಿಡ್ನಾಪರ್​​ಗಳನ್ನೇ ಮೀರಿಸಿದ ಹಾವೇರಿ ಸೈಬರ್ ಪೊಲೀಸರು, ಸ್ವಲ್ಪದರಲ್ಲಿ ಚಿಕ್ಕಬಳ್ಳಾಪುರ ಪೊಲೀಸರಿಂದ ಬಚಾವ್

ಮಲ್ಟಿ ಯುಟಿಲಿಟಿ ಟೂಲ್ ಬಳಸಿ ಐಎಂಇಐ ನಂಬರ್ ಬದಲಾವಣೆ

ಬೆಂಗಳೂರಿನ ಅಶೋಕ್ ನಗರ ಪೊಲೀಸರು ಅಜೀತ್ ಮತ್ತು ಗೋಪಿ ಮೊಬೈಲ್ ಸ್ನಾಚರ್ಸ್​ಗಳನ್ನು ಅರೆಸ್ಟ್ ಮಾಡಿದ್ದಾರೆ. ಈ ಇಬ್ಬರು ಆರೋಪಿಗಳು ಕದ್ದ ಮೊಬೈಲ್​ಗಳನ್ನು ಏನು ಮಾಡ್ತಿದ್ರು ಅನ್ನೊ ವಿಚಾರಣೆ ನಡೆಸಿದ್ದಾರೆ. ಆಗ ಬೆಂಗಳೂರಿನ ಮೊಬೈಲ್ ಸ್ನ್ಯಾಚಿಂಗ್ ನೆಟ್ವರ್ಕ್ ಸಂಪರ್ಣವಾಗಿ ಅರ್ಥ ಮಾಡಿಕೊಂಡು ನೋಡಿದ್ರೆ ಕೊನೆಗೆ ಬಂದು ನಿಲ್ಲುವುದು ಎಸ್​ಪಿ ರೋಡ್ ಗಲ್ಲಿಗಳಿಂದ ಜೆಜೆ ನಗರದ ಕಡೆಗೆ. ಇಲ್ಲೂ ಸಹ ಹಾಗೆಯೇ ಮಾಹಿತಿ ಸಿಕ್ಕಿದೆ. ಅಜೀತ್ ಮತ್ತು ಗೋಪಿ ಕದ್ದ ಮೊಬೈಲ್​ಗಳನ್ನು ಎಸ್ ಪಿ ರೋಡ್​ನಲ್ಲಿ ಓರ್ವನಿಗೆ ಕೊಡ್ತಿದ್ದರಂತೆ. ನಂತರ ಅಲ್ಲಿಂದ ಮೊಬೈಲ್ ಜೆಜೆನಗರದ ಶಾಹೀಲ್​ಗೆ ತಲುಪುತಿತ್ತು. ಶಾಹೀಲ್ ಕೈಗೆ ಮೊಬೈಲ್ ಬಂದ ನಂತ್ರ ಈ ಆರೋಪಿ ಟೆಕ್ನಾಲಜಿ ಬಳಸಿ ಐಎಂಇ ನಂಬರ್​ನ್ನು ಬದಲಾವಣೆ ಮಾಡ್ತಿದ್ದ.

ಒಂದು ಮೊಬೈಲ್ ಐಎಂಇ ನಂಬರ್ ಬದಲಾವಣೆ ಮಾಡಲಿಕ್ಕೆ 600 ರೂ ಹಣ ಪಡೆದುಕೊಳ್ತಿದ್ದ ಈ ಶಾಹೀಲ್. ಅಷ್ಟಕ್ಕೂ ಇಲ್ಲಿ ಶಾಹೀಲ್ ಡಿಪ್ಲೊಮಾ ವ್ಯಾಸಾಂಗ್ ಮಾಡಿ ಮನೆಯಲ್ಲಿದ. ಇವನಿಗೆ ಟೆಕ್ನಾಲಜಿ ಬಗ್ಗೆ ಚೆನ್ನಾಗಿ ಗೊತ್ತಿತ್ತು ಹೀಗಾಗಿ ಒಂದು ಕಂಪ್ಯೂಟರ್ ಅದಕ್ಕೆ ಒಂದು ಡಾಂಗಲ್ ಮೂಲಕ ಇಂಟರ್​ನೆಟ್ ವ್ಯವಸ್ಥೆ ಮಾಡಿಕೊಂಡಿದ್ದ. ಮಲ್ಟಿ ಯುಟಿಲಿಟಿ ಟೂಲ್ ಎನ್ನುವ ವೆಬ್ ಸೈಟ್​ಗೆ ಲಾಗಿನ್ ಆಗಿ, ಅಲ್ಲಿ ಒಂದಷ್ಟು ಹಣವನ್ನು ಪೇ ಮಾಡಿ ಸಾಫ್ವೇರ್ ಖರೀದಿ ಮಾಡಿದ್ದಾನೆ. ಅದೇ ಸಾಫ್ವೇರ್ ಬಳಸಿಕೊಂಡು ಕದೀಮರು ಕದ್ದು ತಂದು ಕೊಡ್ತಿದ್ದ ಮೊಬೈಲ್​ಗಳನ್ನು ಫ್ಲಾಶ್ ಮಾಡಿ ಐಎಂಇ ನಂಬರ್​ನ್ನು ಡಿಲೀಟ್ ಮಾಡ್ತಿದ್ದ.

ಇದನ್ನೂ ಓದಿ: Gadag News: ಗ್ರಾಮೀಣ ಭಾಗದ ಜನ್ರ ಮುಗ್ಧತೆ ದುರುಪಯೋಗ: ಕ್ರೇಡಿಟ್ ಕಾರ್ಡ್ ಬಳಸಿ 6 ಲಕ್ಷ ರೂ. ದೋಚಿದ ಸೇಲ್ಸ್ ಮನ್

ಕದ್ದ ಮೊಬೈಲ್​ಗೆ ಸ್ಕ್ರಾಪ್ ಆಗಿರುವ ಮೊಬೈಲ್ ಐಎಂಇ

ಒಂದು ಸಹ ಮೊಬೈಲ್ ಶಾಹೀಲ್ ಕೈಗೆ ಸಿಕ್ಕರೆ ಅದನ್ನು ಡೆಟಾ ಕೇಬಲ್ ಮೂಲಕ ಕಂಪ್ಯೂಟರ್​ಗೆ ಕನಕ್ಟ್ ಮಾಡುತ್ತಿದ್ದ. ನಂತರ ಮೊಬೈಲ್ ಸಾಫ್ವೇರ್​ಗೆ ಎಂಟರ್ ಆಗಿ ಮೊಬೈಲ್ ಫ್ಲಾಶ್ ಮಾಡುತ್ತಿದ್ದ. ಒಂದು ಸಲ ಮೊಬೈಲ್ ಫ್ಲಾಶ್ ಆಯ್ತು ಅಂದ್ರೆ ಅಲ್ಲಿ ಐಎಂಇ ನಂಬರ್ ಇಲ್ಲದಂತೆ ಆಗುತ್ತೆ. ಆಗ ಅವರ ಹತ್ತಿರವಿರುವ ಬೇಸಿಕ್ ಮೊಬೈಲ್ ಅಂದರೆ ಮಾರ್ಕೇಟ್​ನಲ್ಲಿ 200, 300ರೂಗೆ ಸಿಗುವ ಹಳೆಯ ಸ್ಕ್ರಾಪ್ ಮೊಬೈಲ್​ಗಳನ್ನು ಮೊದಲೇ ಕೊಂಡಿರುತಿದ್ರು. ಹಳೆಯ ಮೊಬೈಲ್ ಐಎಂಇಐ ನಂಬರ್​ಗಳನ್ನು ಅಪ್ಡೇಟ್ ಮಾಡ್ತಿದ್ರು. ಒಂದು ಸಲ ಮೊಬೈಲ್ ಫ್ಲಾಶ್ ಆಗಿ ಅದಕ್ಕೆ ಹೊಸ ಐಎಂಇ ನಂಬರ್ ಬಂದ ನಂತ್ರ ಮತ್ತೆ ಮಾರ್ಕೆಟ್​ನಲ್ಲಿ ಸೆಕೆಂಡ್ ಹ್ಯಾಂಡ್ ಮೊಬೈಲ್ ಅಂತ ಸೇಲ್ ಮಾಡ್ತಾರೆ. ಇನ್ನು ಐಫೋನ್​ಗಳಾದ್ರೆ ಅದನ್ನು ಬಿಡಿ ಭಾಗಗಳಾಗಿ ವಿಂಗಡಿಸಿ ಸ್ಪೇರ್ ಪಾರ್ಟ್ ಗಳನ್ನೆ ಮಾರಾಟ ಮಾಡ್ತಾರೆ. ಇಲ್ಲಿ ಪೊಲೀಸರು ಕದ್ದ ಮೊಬೈಲ್​ಗಳ ಐಎಂಇ ನಂಬರ್ ಟ್ರಾಕ್​ಗೆ ಹಾಕಿಕೊಂಡು ನೋಡ್ತಿದ್ರೆ ಆ ಮೊಬೈಲ್​ಗಳು ಎಂದಿಗೂ ಆನ್ ಆಗುವುದೆ ಇಲ್ಲಾ.

ವರದಿ: ಪ್ರಜ್ವಲ್ ಟಿವಿ 9 ಬೆಂಗಳೂರು

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 9:51 pm, Thu, 29 December 22