NEP 2020 ಜಯಚಾಮರಾಜೇಂದ್ರ ಅರಸು ಬೋರ್ಡಿಂಗ್ ಶಾಲೆ ಮರುನಾಮಕರಣದೊಂದಿಗೆ ಪುನರಾರಂಭ
ಸಮಾರಂಭದಲ್ಲಿ ಮಾತನಾಡಿದ ಯದುವೀರ್, " ವಿದ್ಯಾರ್ಥಿಗಳಿಗೆ ಪ್ರಾಚೀನ ಮತ್ತು ಆಧುನಿಕ ಪ್ರಪಂಚದ ಜ್ಞಾನವನ್ನು ಒದಗಿಸಬೇಕು ಎಂಬ ಕಾರಣಕ್ಕೆ ಶ್ರೀ ಚಾಮರಾಜೇಂದ್ರ ಒಡೆಯರ್ ಅವರು ಪ್ರಾಚ್ಯವಸ್ತು ಸಂಶೋಧನಾ ಕೇಂದ್ರ (ORI) ಮತ್ತು ಮಹಾರಾಜ ಕಾಲೇಜುಗಳನ್ನು ಒಂದೇ ಕ್ಯಾಂಪಸ್‌ನಲ್ಲಿ ಸ್ಥಾಪಿಸಿದರು. ಇದೇ ಯೋಜನೆಯನ್ನು ನಾವು SCSE ಅಲ್ಲಿ ಅಳವಡಿಸಿಕೊಂಡಿದ್ದೇವೆ" ಎಂದು ಯದುವೀರ್ ತಿಳಿಸಿದರು.
Updated on: Feb 23, 2023 | 6:46 PM
ಮೈಸೂರು: ಮೈಸೂರಿನ ಚಾಮರಾಜಪುರದ ಕೃಷ್ಣರಾಜ ಬುಲೇವಾರ್ಡ್‌ನಲ್ಲಿರುವ ಜಯಚಾಮರಾಜೇಂದ್ರ ಅರಸು ಬೋರ್ಡಿಂಗ್ ಶಾಲೆಗೆ ಚಾಮರಾಜೇಂದ್ರ ಸ್ಕೂಲ್ ಫಾರ್ ಎಕ್ಸಲೆನ್ಸ್ ( Chamarajendra School For Excellence) ಎಂದು ಮರುನಾಮಕರಣ ಮಾಡಲಾಗಿದ್ದು, ಇದು ಫೆಬ್ರುವರಿ 22ರಂದು ಉದ್ಘಾಟನೆಗೊಂಡಿದೆ.
ಉದ್ಘಾಟನೆ ಬಳಿಕ ಮಾತನಾಡಿದ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದ (KSEU) ಪ್ರಾಚೀನ ಇತಿಹಾಸ ಮತ್ತು ಪುರಾತತ್ವ ವಿಭಾಗದ ಅಧ್ಯಕ್ಷ ಶಲ್ವಪಿಳ್ಳೆ ಅಯ್ಯಂಗಾರ್ ”ಪದವೀಧರರಿಗೆ ಉದ್ಯೋಗ ಸಿಗುತ್ತಿಲ್ಲ ಎಂದು ಉದ್ಯಮಿಗಳು ದೂರುತ್ತಿರುವ ಈ ಸಂದರ್ಭದಲ್ಲಿ ಇಂತಹ ಒಂದು ಶಾಲೆಯನ್ನು ಅನುಷ್ಠಾನಗೊಳಿಸಲಾಗಿದೆ. ಕೆಲವು ವರ್ಷಗಳ ಹಿಂದೆ ಮುಚ್ಚಲಾಗಿದ್ದ ಶ್ರೀ ಚಾಮರಾಜೇಂದ್ರ ಉರ್ಸು ಬೋರ್ಡಿಂಗ್ ಶಾಲೆ (SCUBS) ಅನ್ನು ಚಾಮರಾಜೇಂದ್ರ ಒಡೆಯರ್ (ಹತ್ತನೇ ಚಾಮರಾಜ ಒಡೆಯರ್) ಅವರ 161 ನೇ ಜನ್ಮದಿನದಂದು ಬುಧವಾರ SCSE ಎಂದು ಮರುಪ್ರಾರಂಭಿಸಲಾಗಿದೆ.
ಶಲ್ವಪಿಳ್ಳೆ ಅಯ್ಯಂಗಾರ್, “ಯದು ರಾಜವಂಶದ ಒಡೆಯರ್ ರಾಜರು ಭಾರತದಲ್ಲಿನ ಎಲ್ಲಾ ಕ್ಷೇತ್ರಗಳಲ್ಲಿಯೂ ಪ್ರವರ್ತಕರಾಗಿದ್ದಾರೆ ಅದರಲ್ಲಿ ರಾಷ್ಟ್ರೀಯ ಶಿಕ್ಷಣ ನೀತಿ (NEP) 2020 ಆಧಾರಿತ ಶ್ರೀ ಚಾಮರಾಜೇಂದ್ರ ಸ್ಕೂಲ್ ಫಾರ್ ಎಕ್ಸಲೆನ್ಸ್ (SCSE) ಸ್ಥಾಪನೆಯು ಕೂಡ ಒಂದು” ಎಂದು ಹೇಳಿದರು.
“ಸುಮಾರು ನಾಲ್ಕು ದಶಕಗಳ ನಂತರ ಶಿಕ್ಷಣದಲ್ಲಿ ಪ್ರಮುಖ ಬದಲಾವಣೆಯಾಗಿ ಎನ್‌ಇಪಿ 2020 ಕಾರ್ಯ ರೂಪಕ್ಕೆ ಬಂದಿದೆ. ಎನ್‌ಇಪಿ 2020 ಭಾರತದ ನೈತಿಕ ಮತ್ತು ನೀತಿಗಳನ್ನು ಅಳವಡಿಸಿಕೊಳ್ಳಬೇಕು. ವಾಸ್ತವವಾಗಿ, ಒಡೆಯರ ವಂಶ ಪ್ರಗತಿಪರರಾಗಿದ್ದರು. ಶಾಲಾ-ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳನ್ನು ಪ್ರಾರಂಭಿಸುವುದರ ಜೊತೆಗೆ, ಅವರು ಕೈಗಾರಿಕೆಗಳನ್ನು ಸ್ಥಾಪಿಸಿ ಉಜಿಯೋಗವನ್ನು ಒದಗಿಸಿದರು. ಅವರು ನಿಯಮಿತ ಕೋರ್ಸ್‌ಗಳ ಜೊತೆಗೆ ತಾಂತ್ರಿಕ ಶಿಕ್ಷಣವನ್ನೂ ಹಿಂದೆಯೇ ಪ್ರಾರಂಭಿಸಿದ್ದರು.” ಅಯ್ಯಂಗಾರ್ ತಿಳಿಸಿದರು
1916 ರಲ್ಲಿ ನಾಲ್ವಡಿ ಕೃಷ್ಣರಾಜ ಒಡೆಯರ್, ಮೈಸೂರು ವಿಶ್ವವಿದ್ಯಾನಿಲಯವನ್ನು (UoM) ಪ್ರಾರಂಭಿಸಿದರು. ಅವರಂತೆ ಖಾಸಗಿ ವಿಶ್ವವಿದ್ಯಾಲಯವನ್ನು ಪ್ರಾರಂಭಿಸಲು ಪ್ರಮೋದಾ ದೇವಿ ಒಡೆಯರ್ ಮತ್ತು ಯದುವೀರ್ ಕೃಷ್ಣರಾಜ ಚಾಮರಾಜ (YKC) ಒಡೆಯರ್ ಅವರಿಗೆ ಅಯ್ಯಂಗಾರ್ ಮನವಿ ಮಾಡಿದರು.
ಸಮಾರಂಭದಲ್ಲಿ ಮಾತನಾಡಿದ ಯದುವೀರ್, ” ವಿದ್ಯಾರ್ಥಿಗಳಿಗೆ ಪ್ರಾಚೀನ ಮತ್ತು ಆಧುನಿಕ ಪ್ರಪಂಚದ ಜ್ಞಾನವನ್ನು ಒದಗಿಸಬೇಕು ಎಂಬ ಕಾರಣಕ್ಕೆ ಶ್ರೀ ಚಾಮರಾಜೇಂದ್ರ ಒಡೆಯರ್ ಅವರು ಪ್ರಾಚ್ಯವಸ್ತು ಸಂಶೋಧನಾ ಕೇಂದ್ರ (ORI) ಮತ್ತು ಮಹಾರಾಜ ಕಾಲೇಜುಗಳನ್ನು ಒಂದೇ ಕ್ಯಾಂಪಸ್‌ನಲ್ಲಿ ಸ್ಥಾಪಿಸಿದರು. ಇದೇ ಯೋಜನೆಯನ್ನು ನಾವು SCSE ಅಲ್ಲಿ ಅಳವಡಿಸಿಕೊಂಡಿದ್ದೇವೆ” ಎಂದು ತಿಳಿಸಿದರು.
“ಹಿಂದಿನ ಶಿಕ್ಷಣ ವ್ಯವಸ್ಥೆ ಕೆಲಸದ ಕುದುರೆಗಳನ್ನು ಬೆಳೆಸುತ್ತಿತ್ತು, ಭಾರತೀಯರಲ್ಲಿ ಸೃಜನಶೀಲತೆ ಮತ್ತು ನಾವೀನ್ಯತೆಯ ಕೊರತೆಯಿದೆ ಎಂಬ ದೂರು ಇತ್ತು. ಆದರೆ NEP 2020 ನಾವೀನ್ಯತೆಯನ್ನು ಉತ್ತೇಜಿಸುತ್ತದೆ ಎಂಬ ನಿರೀಕ್ಷೆಯಿದೆ.” ಎಂದು ಯದುವೀರ್ ಹೇಳಿದರು.
ಇದನ್ನೂ ಓದಿ: ರೋಹಿಣಿ ವಿರುದ್ಧ ಯಾವುದೇ ಹೇಳಿಕೆ ನೀಡದಂತೆ ಟಿವಿ9 ಹೊರತುಪಡಿಸಿ ರೂಪಾ ಸೇರಿದಂತೆ ಎಲ್ಲಾ ಪ್ರತಿವಾದಿಗಳಿಗೆ ಕೋರ್ಟ್ ನಿರ್ಬಂಧ
ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ರಾಮಚಂದ್ರ ರಾಜೇ ಅರಸ್ ಅವರು ತಮ್ಮ SCUBS ನಲ್ಲಿ ಕಳೆದ 11 ವರ್ಷಗಳ ವಾಸ ಮತ್ತು ಶಿಕ್ಷಣವನ್ನು ಮೆಲುಕು ಹಾಕುವುದರ ಜೊತೆಗೆ ಆಗಿನ ಎಸ್‌ಜೆಯುಇಟಿ ಅಧ್ಯಕ್ಷ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರೊಂದಿಗಿನ ಸಂವಾದವನ್ನು ನೆನಪಿಸಿಕೊಂಡರು. ಎಸ್‌ಜೆಯುಇಟಿ ಕಾರ್ಯದರ್ಶಿ ಮಹೇಶ್.ಎನ್.ಅರಸ್, ಉಪಾಧ್ಯಕ್ಷೆ ಭಾರತಿ ಶ್ರೀಧರ್ ರಾಜೇ ಅರಸ್, ಜಂಟಿ ಕಾರ್ಯದರ್ಶಿ ಸರ್ದಾರ್ ಶ್ರೀಕಾಂತ ರಾಜೇ ಅರಸ್ ಮತ್ತು ಸದಸ್ಯರಾದ ಬಿ.ಪಿ ಬಾಲಚಂದ್ರ ಅರಸ್ ಮತ್ತು ಪದ್ಮಶ್ರೀ ಅರಸ್ ಈ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.
