ಹೊಸ ಚಿತ್ರದಲ್ಲಿ ನಟ ಧನುಷ್​ಗೆ ಮೂವರು ಹೀರೋಯಿನ್​; ಶೀರ್ಷಿಕೆ ಅನಾವರಣಕ್ಕೆ ಕ್ಷಣಗಣನೆ

ನಟ ಧನುಷ್​ ಎಂಥ ಪ್ರತಿಭಾನ್ವಿತ ಕಲಾವಿದ ಎಂಬುದು ಮತ್ತೆ ಮತ್ತೆ ಸಾಬೀತಾಗುತ್ತಲೇ ಇದೆ. ಇತ್ತೀಚಿನ ವರ್ಷಗಳಲ್ಲಿ ಅವರು ಮಾಡಿದ ‘ಕರ್ಣನ್​’, ‘ಅಸುರನ್​’ ಸಿನಿಮಾಗಳು ಸೂಪರ್​ ಹಿಟ್​ ಆಗಿದ್ದೂ ಅಲ್ಲದೆ, ಅವರಿಗೆ ಪ್ರಶಸ್ತಿಯನ್ನೂ ತಂದುಕೊಟ್ಟಿವೆ. ಹಾಗಾಗಿ ಅವರ ಅಭಿಮಾನಿ ಬಳಗ ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಲೇ ಇದೆ. ಧನುಷ್​ ನಟಿಸುವ ಎಲ್ಲ ಸಿನಿಮಾಗಳಲ್ಲೂ ಒಂದು ಮೆಸೇಜ್​ ಇರುತ್ತದೆ ಎಂಬ ನಿರೀಕ್ಷೆ ಸಿನಿಪ್ರಿಯರದ್ದು. ಹಾಗಾಗಿ ಅವರ ಮುಂದಿನ ಸಿನಿಮಾ ಮೇಲೆ ಹೆಚ್ಚು ಕಾತರ ಸೃಷ್ಟಿ ಆಗಿದೆ.

ಧನುಷ್​ ಅಭಿನಯಿಸಲಿರುವ 44ನೇ ಚಿತ್ರದ ಬಗ್ಗೆ ಹಲವು ಅಪ್​ಡೇಟ್​ಗಳು ಕೇಳಿಬರುತ್ತಿವೆ. ಈ ಸಿನಿಮಾದಲ್ಲಿ​ ಮೂವರು ಹೀರೋಯಿನ್​ಗಳು ಧನುಷ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ. ಅವರು ಯಾರು ಎಂಬುದು ಕೂಡ ತಿಳಿದು ಬಂದಿದೆ. ದಕ್ಷಿಣ ಭಾರತದ ಪ್ರತಿಭಾನ್ವಿತ ನಟಿಯರಾದ ನಿತ್ಯಾ ಮೆನನ್​, ರಾಶಿ ಖನ್ನಾ, ಪ್ರಿಯಾ ಭವಾನಿ ಶಂಕರ್​ ಅವರು ಈ ಸಿನಿಮಾದಲ್ಲಿ ನಟಿಸಲಿರುವುದು ವಿಶೇಷ. ಮೂವರು ಹೀರೋಯಿನ್​ ಎಂಬ ಸುದ್ದಿ ಹೊರಬೀಳುತ್ತಿದ್ದಂತೆಯೇ ಈ ಚಿತ್ರದ ಕಥೆ ಏನಿರಬಹುದು ಎಂದು ಅಭಿಮಾನಿಗಳು ಊಹಿಸಲು ಆರಂಭಿಸಿದ್ದಾರೆ.

ಸದ್ಯಕ್ಕೆ ಈ ಚಿತ್ರವನ್ನು ತಾತ್ಕಾಲಿಕವಾಗಿ ಡಿ44 ಎಂದು ಕರೆಯಲಾಗುತ್ತಿದೆ. ಇಂದು (ಆ.5) ಚಿತ್ರದ ಶೀರ್ಷಿಕೆ ಘೋಷಣೆ ಆಗಲಿದೆ. ಸನ್​ ಪಿಕ್ಚರ್ಸ್​ ಸಂಸ್ಥೆ ಮೂಲಕ ಸಿನಿಮಾ ನಿರ್ಮಾಣ ಆಗಲಿದೆ. ಇಂದು ಸಂಜೆ 6 ಗಂಟೆಗೆ ಟೈಟಲ್​ ಲಾಂಚ್​ ಮಾಡಲಾಗುವುದು ಎಂದು ಸನ್​ ಪಿಕ್ಚರ್ಸ್ ಸೋಶಿಯಲ್​ ಮೀಡಿಯಾ ಮೂಲಕ ಸುದ್ದಿ ನೀಡಿದೆ. ಅದಕ್ಕಾಗಿ ಧನುಷ್​ ಅಭಿಮಾನಿಗಳು ಕಾತರರಾಗಿದ್ದಾರೆ.

.@MenenNithya joins the cast of #D44.@dhanushkraja @anirudhofficial @prakashraaj pic.twitter.com/wyUx16agxl

— Sun Pictures (@sunpictures) August 4, 2021

.@dhanushkraja’s #D44 title will be revealed tomorrow at 6 PM.#D44TitleRevealTomorrow@anirudhofficial @RaashiiKhanna_ @MenenNithya @priya_Bshankar @prakashraaj #Bharathiraja pic.twitter.com/6OzTZ5TAdk

— Sun Pictures (@sunpictures) August 4, 2021

ಈ ಸಿನಿಮಾದಲ್ಲಿ ಪ್ರಕಾಶ್​ ರೈ ಮತ್ತು ಭಾರತಿರಾಜ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಲಿದ್ದಾರೆ. ಹಾಗಾಗಿ ಪಾತ್ರವರ್ಗದ ಕಾರಣದಿಂದಲೂ ಈ ಸಿನಿಮಾ ಮಹತ್ವ ಪಡೆದುಕೊಂಡಿದೆ. ಈ ಚಿತ್ರಕ್ಕೆ ಮಿತ್ರನ್​ ಜವಹಾರ್​ ಅವರು ನಿರ್ದೇಶನ ಮಾಡಲಿದ್ದಾರೆ. ಆಗಸ್ಟ್​ 6ರಂದು ಮುಹೂರ್ತ ನೆರವೇರಲಿದ್ದು, ಇದೇ ತಿಂಗಳಲ್ಲಿ ಶೂಟಿಂಗ್​ ಶುರುವಾಗುವ ನಿರೀಕ್ಷೆ ಇದೆ. ಸದ್ಯ ಮಾರನ್​ ಸಿನಿಮಾ ಚಿತ್ರೀಕರಣದಲ್ಲಿ ಧನುಷ್​ ಬ್ಯುಸಿ ಆಗಿದ್ದಾರೆ. ಆ ಚಿತ್ರದ ಬಗ್ಗೆಯೂ ದೊಡ್ಡ ಮಟ್ಟದ ನಿರೀಕ್ಷೆ ಇದೆ.

ಇದನ್ನೂ ಓದಿ:

150 ಕೋಟಿ ರೂ. ಬಂಗಲೆ ಕಟ್ಟಿಸುತ್ತಿರುವ ನಟ ಧನುಷ್​​; ಈ ಮನೆಯ ವಿಶೇಷ ಏನು?

Dhanush: ‘ಕರ್ಣನ್’​ ಗೆದ್ದ ಬಳಿಕ ಧನುಷ್​ ಸಂಭಾವನೆ ಏರಿಕೆ; ಖ್ಯಾತ ನಟನಿಗೆ ಈಗ ಸಿಗುತ್ತಿರುವ ಹಣ ಎಷ್ಟು?

ಸೋಲಿನ ಸುಳಿಯಲ್ಲಿದ್ದ ನಟ ಧನುಷ್ ಯಶಸ್ಸನ್ನು ಪಡೆಯಲು ಕಾರಣವಾದ ಸಂಗತಿಗಳು ನಿಮಗೆ ಗೊತ್ತೇ?