‘ಇವರಿಂದಾಗಿ ನಾನು ಇನ್ನೂ ಬದುಕಿದ್ದೇನೆ’; ಇಬ್ಬರು ವಿದೇಶಿಗರ ಬಗ್ಗೆ ಸಮಂತಾ ವಿಶೇಷ ಮಾತು

‘ಇವರಿಂದಾಗಿ ನಾನು ಇನ್ನೂ ಬದುಕಿದ್ದೇನೆ’; ಇಬ್ಬರು ವಿದೇಶಿಗರ ಬಗ್ಗೆ ಸಮಂತಾ ವಿಶೇಷ ಮಾತು
ಸಮಂತಾ

‘ಪುಷ್ಪ’ ಸಿನಿಮಾ ‘ಹೂ ಅಂತೀಯಾ ಮಾವಾ.. ಊಹು ಅಂತೀಯಾ ಮಾವ..’ ಹಾಡು ಸೂಪರ್​ ಡೂಪರ್​ ಹಿಟ್​ ಆಗಿದೆ. ಈ ಸಿನಿಮಾ ಗೆಲ್ಲುವಲ್ಲಿ ಈ ವಿಶೇಷ ಹಾಡಿನ ಪಾತ್ರ ಕೂಡ ಇದೆ. ಬಳ್ಳಿಯಂತೆ ಸೊಂಟ ಬಳುಕಿಸಿದ ಸಮಂತಾ ಅವರನ್ನು ನೋಡಲು ಅನೇಕರು ಚಿತ್ರಮಂದಿರದತ್ತ ಹೆಜ್ಜೆ ಹಾಕಿದ್ದರು.

TV9kannada Web Team

| Edited By: Rajesh Duggumane

Jan 22, 2022 | 10:06 PM

ಸಮಂತಾ (Samantha) ಅವರು ವಿಚ್ಛೇದನದ (Divorce) ನಂತರದಲ್ಲಿ ತಮ್ಮ ಜೀವನದ ಮಾರ್ಗವನ್ನು ಸಂಪೂರ್ಣವಾಗಿ ಬದಲಾಯಿಸಿಕೊಂಡಿದ್ದಾರೆ. ಅವರು ಈಗ ಫ್ರೀ ಬರ್ಡ್​. ಈ ಕಾರಣಕ್ಕೆ ಅವರಿಗೆ ಹೆಚ್ಚು ಇಷ್ಟ ಆಗುವ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಸಖತ್​ ಬೋಲ್ಡ್​ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಲ್ಲದೆ, ನಾನಾ ಊರುಗಳಿಗೆ, ನಾನಾ ದೇಶಗಳಿಗೆ ಸುತ್ತಾಟ ನಡೆಸುತ್ತಿದ್ದಾರೆ. ಈ ಬಾರಿ ಸಮಂತಾ ಅವರು ತೆರಳಿರುವುದು ಸ್ವಿಜರ್​​ಲೆಂಡ್​ಗೆ (Switzerland). ಈಗ ಚಳಿಗಾಲದ ಸಮಯ. ಹೀಗಾಗಿ, ಸ್ವಿಜರ್​​ಲೆಂಡ್​ ಸಂಪೂರ್ಣವಾಗಿ ಹಿಮಾಚ್ಛಾದಿತವಾಗಿದೆ. ಹಿಮದಿಂದ ಆ ದೇಶದ ಸೌಂದರ್ಯ ಮತ್ತಷ್ಟು ಹೆಚ್ಚಿದೆ. ಅಲ್ಲಿಗೆ ತೆರಳಿರುವ ಸಮಂತಾ ಹಾಲಿಡೇ ಎಂಜಾಯ್​ ಮಾಡುತ್ತಿದ್ದಾರೆ.

‘ಪುಷ್ಪ’ ಸಿನಿಮಾದ ‘ಹೂ ಅಂತೀಯಾ ಮಾವಾ.. ಊಹು ಅಂತೀಯಾ ಮಾವ..’ ಹಾಡು ಸೂಪರ್​ ಡೂಪರ್​ ಹಿಟ್​ ಆಗಿದೆ. ಈ ಸಿನಿಮಾ ಗೆಲ್ಲುವಲ್ಲಿ ಈ ವಿಶೇಷ ಹಾಡಿನ ಪಾತ್ರ ಕೂಡ ಇದೆ. ಬಳ್ಳಿಯಂತೆ ಸೊಂಟ ಬಳುಕಿಸಿದ ಸಮಂತಾ ಅವರನ್ನು ನೋಡಲು ಅನೇಕರು ಚಿತ್ರಮಂದಿರದತ್ತ ಹೆಜ್ಜೆ ಹಾಕಿದ್ದರು. ಅಷ್ಟು ದೊಡ್ಡ ಮಟ್ಟದಲ್ಲಿ ಈ ಹಾಡಿಗೆ ಕ್ರೇಜ್​ ಸೃಷ್ಟಿ ಆಗಿತ್ತು. ಈ ಸಿನಿಮಾದ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರುವ ಸಮಂತಾ ಸ್ವಿಜರ್​ಲೆಂಡ್​ಗೆ ತೆರಳಿದ್ದಾರೆ. ಅಲ್ಲಿ ಹಾಯಾಗಿ ಸಮಯ ಕಳೆಯುತ್ತಿದ್ದಾರೆ.

ಹಿಮಚ್ಛಾದಿತ ಪ್ರದೇಶಗಳಲ್ಲಿ ಸ್ಕೀಯಿಂಗ್​ ಮಾಡಲಾಗುತ್ತದೆ. ಅಂದರೆ, ಕಾಲಿಗೆ ಉದ್ದನೆಯ ಹಲಗೆ ರೀತಿಯ ವಸ್ತುವನ್ನು ಕಟ್ಟಿಕೊಂಡು, ಕೈನಲ್ಲಿ ಕೋಲು ಹಿಡಿದುಕೊಂಡು ಹಿಮದಲ್ಲಿ ಜಾರಿ ಹೋಗುತ್ತಾರೆ. ಇದು ತುಂಬಾನೇ ಡೇಂಜರ್​. ಸೂಕ್ತ ತರಬೇತಿ ಇಲ್ಲದೆ ಇದನ್ನು ಮಾಡಲು ಸಾಧ್ಯವಿಲ್ಲ. ತರಬೇತಿ ಪಡೆದ ಹೊರತಾಗಿಯೂ ಕೆಲವೊಮ್ಮೆ ಅಪಘಾತ ಸಂಭವಿಸಬಹುದು. ಫ್ರೆಂಚ್​ ನಟ ಗ್ಯಾಸ್ಪಾರ್ಡ್ ಯುಲಿಯೋಲ್ ಜನವರಿ 18ರಂದು ಸ್ಕೀ ಅಪಘಾತದಲ್ಲಿ ಮೃತಪಟ್ಟಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು. ಸಮಂತಾ ಕೂಡ ಸ್ಕೀಯಿಂಗ್​ ಪ್ರಯತ್ನಿಸಿದ್ದಾರೆ. ಈ ವಿಡಿಯೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ಇದಕ್ಕೆ ತರಬೇತಿ ನೀಡಿದವರನ್ನು ಅವರು ನೆನಪಿಸಿಕೊಂಡಿದ್ದಾರೆ.

ಇನ್​​ಸ್ಟಾಗ್ರಾಮ್​ನಲ್ಲಿ ಸ್ಟೇಟಸ್​ ಪೋಸ್ಟ್ ಮಾಡಿರುವ ಅವರು, ‘ಇವರಿಂದಾಗಿ ನಾನು ಬದುಕಿದ್ದೇನೆ’ ಎಂದು ಸ್ಕೀ ತರಬೇತುದಾರರಾದ ಕೇಟ್​ ಹಾಗೂ ಆ್ಯಂಟೋನಿ ಅವರನ್ನು ಟ್ಯಾಗ್​ ಮಾಡಿದ್ದಾರೆ. #skiingisbelieving ಎನ್ನುವ ಹ್ಯಾಶ್​ಟ್ಯಾಗ್​ ಹಾಕಿದ್ದಾರೆ.

ಇದನ್ನೂ ಓದಿ: ನಾಗ ಚೈತನ್ಯ ತುಂಬಾನೇ ಮುಗ್ಧ ಎಂದು ಹೊಗಳಿದ್ದ ಸಮಂತಾ; ವೈರಲ್​ ಆಗುತ್ತಿದೆ ಹಳೆಯ ವಿಡಿಯೋ

ಮತ್ತೆ ನಾಗ ಚೈತನ್ಯ ಜೊತೆ ಸಂಸಾರ ಮಾಡ್ತಾರಾ ಸಮಂತಾ? ವಿಚ್ಛೇದನದ ಪೋಸ್ಟ್​ ಏಕಾಏಕಿ ಡಿಲೀಟ್​

Follow us on

Related Stories

Most Read Stories

Click on your DTH Provider to Add TV9 Kannada