ದೊಡ್ಮನೆಯಿಂದ ಹೊರ ಹೋಗುವುದಕ್ಕೂ ಮೊದಲು ದಿವ್ಯಾ ಸುರೇಶ್​ ಆಸೆ ಈಡೇರಿಸಿದ ಬಿಗ್​ ಬಾಸ್

ಕನ್ನಡ ಬಿಗ್​ ಬಾಸ್​ ಸೀಸನ್​ 8ರ ಕೊನೆಯ ಎಲಿಮಿನೇಷನ್ ಆಗಸ್ಟ್​ 4ರಂದು​ ನಡೆದಿದೆ. ಈ ವೇಳೆ ದಿವ್ಯಾ ಸುರೇಶ್​ ಎಲಿಮಿನೇಟ್​ ಆಗಿದ್ದಾರೆ. ಹೊರ ನಡೆಯುವುದಕ್ಕೂ ಮೊದಲು ಬಿಗ್​ ಬಾಸ್​ ಅವರ ಆಸೆಯನ್ನು ಈಡೇರಿಸಿದ್ದಾರೆ. ಇದರಿಂದ ದಿವ್ಯಾ ಸಾಕಷ್ಟು ಖುಷಿಪಟ್ಟಿದ್ದಾರೆ. 

ಬಿಗ್​ ಬಾಸ್​ ಮನೆಯ ಗಾರ್ಡನ್​ ಏರಿಯಾದಲ್ಲಿ ಕಿವಿ ಆಕೃತಿಯನ್ನು ಇರಿಸಲಾಗಿತ್ತು. ಆ ಕಿವಿ ಬಳಿ ಹೋಗಿ ಸ್ಪರ್ಧಿಗಳು ತಮ್ಮಿಚ್ಛೆಯನ್ನು ಕೋರಬೇಕು. ಅದು ಈಡೇರಿಸುವಂತಿದ್ದರೆ ಬಿಗ್​ ಬಾಸ್​ ಅದನ್ನು ಪೂರ್ಣಗೊಳಿಸುತ್ತಾರೆ. ಮನೆಯ ಎಲ್ಲಾ ಸ್ಪರ್ಧಿಗಳು ತಮ್ಮಿಷ್ಟದ್ದನ್ನು ಕೋರಿದ್ದಾರೆ. ಈ ವೇಳೆ ದಿವ್ಯಾ ಸುರೇಶ್​ ವಿಶೇಷ ಬೇಡಿಕೆ ಒಂದನ್ನು ಇಟ್ಟಿದ್ದರು. ಮಂಜು ಮತ್ತು ನಾನು ಒಟ್ಟಿಗೆ ಇರುವ ಫೋಟೋ ಜತೆ ಕೇಕ್​ ಕೂಡ ಕಳಿಸಿ ಎಂದು ಕೋರಿದ್ದರು.

ಈ ಬೇಡಿಕೆಯನ್ನು ಬಿಗ್​ ಬಾಸ್​ ಈಡೇರಿಸಿದ್ದಾರೆ. ಆಗಸ್ಟ್​ 4ರ ಎಪಿಸೋಡ್​ನಲ್ಲಿ ಗಾರ್ಡನ್​ ಏರಿಯಾದಲ್ಲಿ ಕೇಕ್​ ಇಟ್ಟು ಬಲೂನ್​ಗಳ ಮೂಲಕ ಸಿಂಗರಿಸಲಾಗಿತ್ತು. ದಿವ್ಯಾ ಸುರೇಶ್​ ಹಾಗೂ ಮಂಜು ಇಬ್ಬರೇ ಅಲ್ಲಿ ಕುಳಿತು ಮಾತುಕತೆ ನಡೆಸಿದರು.

View this post on Instagram

A post shared by Colors Kannada Official (@colorskannadaofficial)

‘ನನಗೆ ಈ ಆಲೋಚನೆ ಬರೋದಕ್ಕೂ ಕಾರಣ ಇದೆ. ನಿನ್ನ ನೋಡಿದಾಗ ರೆಸ್ಪೆಕ್ಟ್​ ಕೊಡಬೇಕು ಎನಿಸುತ್ತದೆ. ಮೊದಲ ಇನ್ನಿಂಗ್ಸ್​​ನಲ್ಲಿ ನಿನಗೆ ಬೇಜಾರು​ ಮಾಡಿದೆ. ನಾಮಿನೇಟ್ ಮಾಡಿದೆ. ಕೊನೆಯಲ್ಲಿ ನಿನ್ನ ಆಟಕ್ಕೆ ತೊಂದರೆ ಆಯ್ತು ಅಂತ ನನಗೆ ಅನ್ನಿಸ್ತು. ಜಾಸ್ತಿ ಪೊಸೆಸಿವ್​ ಆದೆ. ನಿನ್ನ ನಿಯಂತ್ರಣ ಮಾಡಿದೆ. ನಿನಗೆ ಯಾವಾಗೂ ಸಾರಿ ಕೇಳಿಲ್ಲ. ಕರೆಕ್ಟ್​ ಆಗಿ ಸಾರಿ ಕೇಳಿರಲಿಲ್ಲ. ನೀನಂದ್ರೆ ತುಂಬಾ ಇಷ್ಟ’ ಎಂದರು ದಿವ್ಯಾ.

‘ತಪ್ಪು ಗೊತ್ತಾದಾಗ ತಿದ್ದಿಕೊಳ್ಳೋದು ಮುಖ್ಯ. ಇದರಿಂದ ಹೊರ ಬಂದಮೇಲೆ ಎಲ್ಲರೂ ಒಳ್ಳೆದು ಮಾತಾಡ್ಬೇಕು. ನಾನು ಸಿನಿಮಾದಲ್ಲಿ ನೋಡಿದ್ದೆ ಇದನ್ನೆಲ್ಲ’ ಎಂದರು ಮಂಜು. ಇದಾದ ನಂತರ ದಿವ್ಯಾ ಎಲಿಮಿನೇಟ್​ ಆಗಿದ್ದಾರೆ.

ಇದನ್ನೂ ಓದಿ:

 Divya Suresh: ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಮುಖ ತೋರಿಸದೇ ಮನೆಯಿಂದ ಹೊರ ನಡೆದ ದಿವ್ಯಾ ಸುರೇಶ್​

‘ಅರವಿಂದ್ ಬೈಕ್​ ಮಿಸ್​ ಹೊಡೆಯುತ್ತಿದೆ, ಫಿನಾಲೆ ಗೆಲ್ಲೋದು ಮಂಜು ಪಾವಗಡ’