‘ವೃತ್ತಿ’ಧರ್ಮಕ್ಕೆ ದ್ರೋಹ ಬಗೆದು ಮಾದಕವಸ್ತು ಪಾರ್ಸೆಲ್ ಮಾಡ್ತಿದ್ದ ಖದೀಮ ಅಂಚೆ ಉದ್ಯೋಗಿಗಳು!

ಬೆಂಗಳೂರು: ಅಂಚೆ ಎಂಬುದು ಪಾರಿವಾಳದ ಕಾಲದಿಂದಲೂ ಪವಿತ್ರ ಮತ್ತು ಮಹತ್ವದ ಸಾಧನವಾಗಿತ್ತು. ಆದ್ರೆ ಕಾಲ ಬದಲಾದಂತೆ ಅಂಚೆಯ ಸ್ವರೂಪವೇ ಬದಲಾಗಿದೆ. ಈಗಂತೂ ಯಾವ ಮಟ್ಟಕ್ಕೆ ಬಂದಿಳಿದಿದೆ ಅಂದ್ರೆ ಇದೇ ಅಂಚೆಯಣ್ಣಗಳು ತಮ್ಮ ವೃತ್ತಿಧರ್ಮಕ್ಕೆ ವಿರುದ್ಧವಾಗಿ ಇಂದಿನ ಯುವಜನತೆಯ ಹಾದಿತಪ್ಪಿಸುವಂತಹ ಕುಕೃತ್ಯದಲ್ಲಿ ತೊಡಗಿದ್ದಾರೆ.

ಡ್ರಗ್ಸ್​ ಜಾಲದಲ್ಲಿ ತೊಡಗಿದ್ದ ಕೇಂದ್ರ ಸರ್ಕಾರಿ ನೌಕಕರು ಅರೆಸ್ಟ್!
ಒಂದ್ ಸರ್ಕಾರಿ ಕೆಲಸ ಸಿಕ್ರೆ ಸಾಕಪ್ಪ. ಲೈಫು ಸೆಟಲ್​ ಅಂತ ಅದೆಷ್ಟೊ ಜನರು ಅಂದ್ಕೊತಾರೆ. ಆದ್ರೆ, ಇಲ್ಲಿ ಕೆಲ ಮಿಕಗಳಿವೆ. ಒಳ್ಳೆ ಕೆಲಸ. ಕೈತುಂಬ ಸಂಬಳ ಎಲ್ಲವೂ ಇತ್ತು. ಆದ್ರೆ, ಮಾಡಬಾರದ್ದನ್ನ ಮಾಡಿ ಈಗ ಖಾಕಿ ಕೈಗೆ ತಗಲಾಕ್ಕೊಂಡಿದ್ದಾರೆ. ಹರಳು ಹರಳಿನಂತಿರೋ ಇದು ಸಕ್ಕರೆಯಲ್ಲ. ಚುಕ್ಕಿ ಚುಕ್ಕಿಯಂತಿರೋ ಇದೆಲ್ಲ ಡಿಸೈನ್​​ ಐಟಂಗಳೂ ಅಲ್ಲ. ಪಕ್ಕಾ ಕವರಿಂಗ್​​ ಆಗಿರೋ ಇದಿಷ್ಟು ಖತರ್ನಾಕ್​ ಮೆಟಿರಿಯಲ್​. ಒಂದೊಂದು ಗುಳಿಗೆಯೂ ಸಿಕ್ಕಾಪಟ್ಟೆ ದುಬಾರಿ.

ವಿದೇಶದಿಂದ ಬರುತ್ತಿದ್ದ ದುಬಾರಿ ಮೌಲ್ಯದ ಡ್ರಗ್ಸ್ ಮೆಟಿರಿಯಲ್!
ಸಿಲಿಕಾನ್ ಸಿಟಿಯಲ್ಲಿ ಸದ್ದಿಲ್ಲದೆ ಹರಡಿರೋ ನಶಾ ಲೋಕವನ್ನ ಸಿಸಿಬಿ ಪೊಲೀಸರು ಜಾಲಾಡ್ತಿದ್ದಾರೆ. ಕೆಲದಿನಗಳ ಹಿಂದಷ್ಟೇ, ಸುದ್ದಗುಂಟೆ ಪಾಳ್ಯ ಮತ್ತು ಕೆಂಗೇರಿ ಅಪಾರ್ಟ್ಮೆಂಟ್​​​ನಲ್ಲಿ ಹೈಡ್ರೋ ಗಾಂಜಾ ಬೆಳೆಯುತ್ತಿದ್ದ ಖತರ್ನಾಕ್​​​​ನನ್ನ ಪೊಲೀಸರು ಅರೆಸ್ಟ್ ಮಾಡಿದ್ರು. ಇದೀಗ ಅಂಚೆ ಇಲಾಖೆಯಲ್ಲಿ ಇದ್ಕೊಂಡು ಡ್ರಗ್​​​​ ಸ್ಮಗ್ಲಿಂಗ್​​​​​​​​​ನಲ್ಲಿ ತೊಡಗಿಕೊಂಡಿದ್ದ, ಸುಬ್ಬು , ರಮೇಶ್ ಕುಮಾರ್, ಜಯರಾಜ್ ಮತ್ತು ಮಜೀದ್ ಅಹಮದ್ ಅನ್ನೋರನ್ನ ಬಂಧಿಸಿದ್ದಾರೆ.

ಜಿಪಿಓನಲ್ಲಿ (General Post Office) ಡಿ ದರ್ಜೆ ನೌಕರನಾಗಿದ್ದ ಸುಬ್ಬು, ಕಸ್ಟಮ್ಸ್​​​ ವಿಭಾಗದ ರಮೇಶ್​​​ ಕುಮಾರ್​​ ಮತ್ತು ಭದ್ರತಾ ವಿಭಾಗದ ಜಯರಾಜ್. ಎಲ್ಲರೂ​​​​​​​​​ ಸೇರಿ ಪಕ್ಕಾ ಪ್ಲಾನ್​​ ಮಾಡಿದ್ರು. ನಕಲಿ ಅಡ್ರೆಸ್​​​ ನೀಡಿ ಡಾರ್ಕ್​​​ ವೆಬ್​​​ ಮೂಲಕ ಡ್ರಗ್ಸ್​​ ಅನ್ನ ಆಮದು ಮಾಡಿಕೊಳ್ತಿದ್ರು. ಜಿಪಿಒಗೆ ಬರುತ್ತಿದ್ದ ಡ್ರಗ್ಸ್​​​ ಪಾರ್ಸೆಲ್​​ಗಳನ್ನ ಯಾರಿಗೂ ಗೊತ್ತಾಗದಂತೆ ಸಾಗಿಸ್ತಿದ್ರು. ಡೆನ್ಮಾರ್ಕ್​​​​​, ನೆದರ್ಲ್ಯಾಂಡ್​​​, ಯುಎಸ್​​​​ನಿಂದೆಲ್ಲ ಬ್ರೌನ್​ ಶುಗರ್​​​​​​​, ಎಕ್ಸ್​ಡೆಸಿ ಮಾತ್ರೆ ತರಿಸಿಕೊಳ್ತಿದ್ದ ಚಾಲಾಕಿಗಳು, ಡ್ರಗ್​​ ಪೆಡ್ಲರ್​​ ಸಂಪರ್ಕದಲ್ಲಿ ಅದನ್ನೆಲ್ಲ ಮಾರುತ್ತಿದ್ರು. ಆದ್ರೆ, ಸಿಸಿಬಿ ಪೊಲೀಸರು ಬೀಸಿದ ಬಲೆಗೆ ಎಲ್ಲರೂ ತಗಲಾಕ್ಕೊಂಡಿದ್ದಾರೆ.

Related Posts :

Category:

error: Content is protected !!

This website uses cookies to ensure you get the best experience on our website. Learn more