Breast Cancer: ಸ್ತನ ಕ್ಯಾನ್ಸರ್ ಚಿಕಿತ್ಸೆ ನಂತರದ ಆರೋಗ್ಯಕರ ಜೀವನಕ್ಕೆ ಇಲ್ಲಿದೆ ಸಲಹೆಗಳು

ಜಗತ್ತಿನಾದ್ಯಂತ ಅಂದಾಜು 2.5 ಶತಕೋಟಿ ಯುವಜನಾಂಗವೇ ಹೆಚ್ಚು ನಿತ್ಯ ರಸ್ತೆ ಬದಿ ಆಹಾರಕ್ಕೆ ಮುಗಿ ಬೀಳುತ್ತಿದ್ದಾರೆ ಎಂದು ಆಹಾರ ಹಾಗೂ ಕೃಷಿ ಸಂಸ್ಥೆ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ. ಇದು ತಾವಾಗಿಯೇ ರೋಗಗಳನ್ನು ಮೈಮೇಲೆ ಎಳೆದುಕೊಂಡಂತೆ. ಆದ್ದರಿಂದ ಆದಷ್ಟು ಆಹಾರ ಪದ್ದತಿಯಲ್ಲಿ ಎಚ್ಚರ ವಹಿಸುವುದು ಅಗತ್ಯವಾಗಿದೆ. ಆರೋಗ್ಯ ಮಟ್ಟವನ್ನು ಸುಧಾರಿಸುವ ಆಹಾರಗಳು ಅಷ್ಟು ರುಚಿ ಎನಿಸದ್ದಿದ್ದರೂ ಕೂಡ, ಪ್ರತಿ ದಿನದ ಆಹಾರ ಪದ್ದತಿಯಲ್ಲಿ ರೂಢಿಸಿಕೊಳ್ಳುವುದು ಅನಿವಾರ್ಯವಾಗಿದೆ.

ಕ್ಯಾನ್ಸರ್ ರೋಗ ಅನುವಂಶೀಯ ಕಾಯಿಲೆಯಾಗಿದ್ದು, ಅದರಲ್ಲಿ ಸ್ತನ ಕ್ಯಾನ್ಸರ್ ಕೂಡ ಒಂದಾಗಿದೆ. ಪ್ರಾರಂಭದಲ್ಲಿ ಸೂಕ್ತ ಚಿಕಿತ್ಸೆಯ ಮೂಲಕ ಪರಿಹರಿಸಬಹುದಾಗಿದೆ. ಅದರೂ ಸಾಕಷ್ಟು ಮಹಿಳೆಯರಲ್ಲಿ ಚಿಕಿತ್ಸೆಯ ನಂತರವೂ ಕೂಡ ಮತ್ತೆ ಮರಳುವ ಭಯದಿಂದ ಬದುಕುತ್ತಾರೆ. ಪ್ರತಿ ವರ್ಷ, 20,000 ಕ್ಕೂ ಹೆಚ್ಚು ಆಸ್ಟ್ರೇಲಿಯನ್ನರಲ್ಲಿ ಹೆಚ್ಚಾಗಿ ಮಹಿಳೆಯರು ಸ್ತನ ಕ್ಯಾನ್ಸರ್ ಎದುರಿಸುತ್ತಿದ್ದಾರೆ. ಅವರಲ್ಲಿ ಪ್ರತಿ 100 ಮಹಿಳೆಯರಲ್ಲಿ 92 ಮಹಿಳೆಯರು ಚಿಕಿತ್ಸೆಯ ನಂತರ ಐದು ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಕಾಲ ಮತ್ತೇ ಮರಳುವ ಭಯದಿಂದ ಬದುಕುತ್ತಾರೆ.

ಆದ್ದರಿಂದ, ಸ್ತನ ಕ್ಯಾನ್ಸರ್ ಚಿಕಿತ್ಸೆ ನಂತರವೂ ಕೂಡ ಯಾವುದೇ ಭಯವಿಲ್ಲದೆ ಆರೋಗ್ಯಕರ ಜೀವನವನ್ನು ನಡೆಸಲು ನೀವು ಏನು ಮಾಡಬಹುದು?

ವ್ಯಾಯಾಮ:

ದಿನ ನಿತ್ಯದ ಚಟುವಟಿಕೆಗಳಲ್ಲಿ ಕನಿಷ್ಟ 1 ಗಂಟೆ ವ್ಯಾಯಾಮ ಮಾಡಲು ಮೀಸಲಿಡಿ. ಇದು ದೀರ್ಘಾವಧಿಯ ಜೀವನ ಮತ್ತು ಕ್ಯಾನ್ಸರ್ ಮರುಕಳಿಸುವಿಕೆಯನ್ನು ತಡೆಗಟ್ಟುಲು ಸಹಾಯಕವಾಗಿದೆ. ಸ್ತನ ಕ್ಯಾನ್ಸರ್ ಹೊಂದಿರುವ ಮಹಿಳೆಯರು ಪ್ರತಿ ದಿನ ವ್ಯಾಯಾಮ ಮತ್ತು ಉತ್ತಮ ಗುಣಮಟ್ಟದ ಜೀವನ, ಶಕ್ತಿ ಮತ್ತು ಫಿಟ್‌ನೆಸ್ ಹೊಂದಿದ್ದರೆ, ಕ್ಯಾನ್ಸರ್ ಪ್ರಭಾವವನ್ನು ಎದುರಿಸಬಹುದು.

ಉತ್ತಮ ಗುಣಮಟ್ಟದ ಆಹಾರ:

ಉತ್ತಮ ಗುಣ ಮಟ್ಟದ ಆಹಾರಗಳೆಂದರೆ ತರಕಾರಿಗಳು, ಹಣ್ಣುಗಳು, ದ್ವಿದಳ ಧಾನ್ಯಗಳು, ಬೀಜಗಳು ಮತ್ತು ಮೀನುಗಳ ಸೇವನೆಯು ಅಗತ್ಯವಾಗಿದೆ. ಇಂತಹ ಆಹಾರಗಳ ಸೇವನೆಯಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಾಗಲು ಸಹಾಯ ಮಾಡುತ್ತದೆ.

ಆರೋಗ್ಯಕರ ತೂಕ:

ಸ್ತನ ಕ್ಯಾನ್ಸರ್ ಚಿಕಿತ್ಸೆಯ ನಂತರ ತೂಕ ಹೆಚ್ಚಾಗುವುದು ಸಾಮಾನ್ಯವಾಗಿದೆ. ಆದ್ದರಿಂದ ನಂತರದ ದಿನಗಳಲ್ಲಿ ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳುವತ್ತಾ ಗಮನ ಹರಿಸಬೇಕಿದೆ. ಹೆಚ್ಚುವರಿ ತೂಕವನ್ನು ಹಾಗೆಯೇ ಮುಂದುವರಿಸಿದರೆ ದೇಹಕ್ಕೆ ಮತ್ತೇ ಅಪಾಯವಾಗುವ ಎದುರಾಗುವ ಸಾಧ್ಯತೆ ಇದೆ.

ಸರಿಯಾದ ನಿದ್ದೆ:

ಸಾಮಾನ್ಯವಾಗಿ ಚಿಕಿತ್ಸೆಯು ಮುಗಿದ ನಂತರದ ವರ್ಷಗಳಲ್ಲಿ ನಿದ್ದೆಗೆ ಅಡ್ಡಿಯಾಗುವುದು ಸಹಜ. ಆದ್ದರಿಂದ ಸ್ತನ ಕ್ಯಾನ್ಸರ್ ಹೊಂದಿರುವ ಮಹಿಳೆಯರು ರಾತ್ರಿಯಲ್ಲಿ ನಿದ್ರಿಸಲು ಕಷ್ಟಪಡುತ್ತಾರೆ. ನಿಯಮಿತ ಗಂಟೆಗಳ ಕಾಲ ನಿದ್ದೆ ಅವಶ್ಯಕವಾಗಿದೆ.

ವಿಶ್ವ ಕ್ಯಾನ್ಸರ್ ಸಂಶೋಧನಾ ನಿಧಿಯು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಲು ಮತ್ತು ಕ್ಯಾನ್ಸರ್ ಮರಳಿ ಬರುವ ಅಪಾಯವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಪ್ರಮುಖ ಅಂಶಗಳ ಪಟ್ಟಿ ತಯಾರಿಸಿದೆ. ಆದರೆ ಮುಖ್ಯವಾಗಿ ಆಯಾಸ ಮತ್ತು ಒತ್ತಡದಿಂದಾಗಿ ಹೆಚ್ಚಿನ ಮಹಿಳೆಯರು ಮತ್ತೇ ಮರಳುವ ಭಯದಿಂದ ಬದುಕುತ್ತಿದ್ದಾರೆ ಎಂದು ಸಂಶೋಧನೆಯಲ್ಲಿ ತಿಳಿದುಬಂದಿದೆ.

Published On - 2:38 pm, Tue, 25 October 22