Custard apple recipes: ಸೀತಾಫಲದಿಂದ ಮಾಡುವ ಈ ಪಾಕವಿಧಾನಗಳನ್ನು ಪ್ರಯತ್ನಿಸಿ, ರುಚಿಯ ಜೊತೆಗೆ ಆರೋಗ್ಯ ಪ್ರಯೋಜನಗಳನ್ನು ಪಡೆದುಕೊಳ್ಳಿ

ಸೀತಾಫಲ ನಿಮಗೆ ತುಂಬಾ ಇಷ್ಟಾನಾ? ಈ ಹಣ್ಣನ್ನು ಪ್ರೀತಿಸಿ ಅಥವಾ ದ್ವೇಷಿಸಿ ಆದರೆ ಈ ಉಷ್ಣವಲಯದ ಹಣ್ಣು ಪೋಷಕಾಂಶಗಳ ಅದ್ಭುತ ಮೂಲವಾಗಿದೆ. ಕಸ್ಟರ್ಡ್ ಸೇಬು ಎಂದೂ ಕರೆಯಲ್ಪಡುವ ಸೀತಾಫಲ ರುಚಿಕರವಾದ ಹಣ್ಣು, ಇದು ರುಚಿ ಮೊಗ್ಗುಗಳನ್ನು ತಂಪಾಗಿಸುವುದಲ್ಲದೆ ಅಸಂಖ್ಯಾತ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಇದು ಕೆನೆ ವಿನ್ಯಾಸ ಮತ್ತು ಸಿಹಿ ಪರಿಮಳವನ್ನು ಹೊಂದಿದೆ. ಜೊತೆಗೆ ಉತ್ಕರ್ಷಣ ನಿರೋಧಕಗಳು, ವಿಟಮಿನ್ ಸಿ, ವಿಟಮಿನ್ ಬಿ 6, ಕ್ಯಾಲ್ಸಿಯಂ ಮತ್ತು ಕಬ್ಬಿಣದಿಂದ ಸಮೃದ್ಧವಾಗಿದೆ. ಇದಲ್ಲದೆ, ಇದು ಯಾವುದೇ ಕೊಲೆಸ್ಟ್ರಾಲ್ ಅಥವಾ ಕೊಬ್ಬನ್ನು ಹೊಂದಿರುವುದಿಲ್ಲ. ಪೋಷಕಾಂಶಗಳು ಮತ್ತು ಹೆಚ್ಚಿನ ಗುಣಗಳಿಂದ ತುಂಬಿರುವವುದರಿಂದ ಖಂಡಿತವಾಗಿಯೂ ನಿಮ್ಮ ಆಹಾರದ ಒಂದು ಭಾಗವಾಗಿರಬೇಕು. ಹಾಗಾಗಿ ನೀವು ಪ್ರಯತ್ನಿಸಬಹುದಾದ 3 ಸೀತಾಫಲ ಪಾಕವಿಧಾನಗಳನ್ನು ಇಲ್ಲಿ ಹಂಚಿಕೊಳ್ಳಲಾಗಿದೆ.

ಸೀತಾಫಲ ಅಥವಾ ಕಸ್ಟರ್ಡ್ ಸೇಬಿನ ಪ್ರಯೋಜನಗಳೇನು?

ಮೊದಲೇ ಹೇಳಿದಂತೆ, ಸೀತಾಫಲ ಅಥವಾ ಕಸ್ಟರ್ಡ್ ಸೇಬು ಪೋಷಕಾಂಶಗಳ ಶಕ್ತಿ ಕೇಂದ್ರವಾಗಿದೆ, ಇದು ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ. ಜೊತೆಗೆ ಉತ್ಕರ್ಷಣ ನಿರೋಧಕಗಳಿಂದ ಸಮೃದ್ಧವಾಗಿವೆ, ಇದು ಕ್ಯಾನ್ಸರ್ ವಿರೋಧಿ, ಆಂಟಿಮೈಕ್ರೊಬಿಯಲ್, ಮಧುಮೇಹ ವಿರೋಧಿ ಮತ್ತು ಉರಿಯೂತ ನಿವಾರಕ ಗುಣಲಕ್ಷಣಗಳನ್ನು ಹೊಂದಿದೆ. ಸೀತಾಫಲದಂತಹ ಉತ್ಕರ್ಷಣ ನಿರೋಧಕ ಭರಿತ ಆಹಾರಗಳು ದೇಹದಿಂದ ಫ್ರೀ ರಾಡಿಕಲ್ಗಳನ್ನು ತೆಗೆದುಹಾಕುತ್ತವೆ, ಹೃದ್ರೋಗದಂತಹ ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಹೌದು. ಇದು ಸತ್ಯ. ಅದಲ್ಲದೆ ಕಸ್ಟರ್ಡ್ ಸೇಬಿನ ಪ್ರಯೋಜನಗಳು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬೆಂಬಲಿಸುವುದು, ಉರಿಯೂತ ಮತ್ತು ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುವುದು ಸಹ ಒಳಗೊಂಡಿದೆ ಎಂದು ಅಧ್ಯಯನಗಳು ಕಂಡುಕೊಂಡಿವೆ. ಮಧುಮೇಹ ಮತ್ತು ಪಿತ್ತಜನಕಾಂಗದ ಸಮಸ್ಯೆ ಇರುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ. ಆದರೆ ಈ ಹಣ್ಣಿನ ಬೀಜಗಳನ್ನು ಸೇವಿಸಬೇಡಿ, ಬೀಜಗಳು ವಿಷಕಾರಿಯಾಗಿರುವುದರಿಂದ ಹಣ್ಣಿನ ತಿರಳನ್ನು ಮಾತ್ರ ಸೇವಿಸಲು ಸೂಚಿಸಲಾಗುತ್ತದೆ.

ನೀವು ಪ್ರಯತ್ನಿಸಲೇಬೇಕಾದ ಕಸ್ಟರ್ಡ್ ಸೇಬಿನ ಪಾಕವಿಧಾನಗಳು ಇಲ್ಲಿದೆ!

ಆಹಾರ ವಿಜ್ಞಾನಿ ಮತ್ತು ರೆಸ್ಟೋರೆಂಟ್ ನೇಹಾ ದೀಪಕ್ ಶಾ ಅವರು ಸೀತಾಫಲವನ್ನು ಬಳಸಿ ತಯಾರಿಸಿದ 3 ರುಚಿಕರವಾದ ಪಾಕವಿಧಾನಗಳ ಬಗ್ಗೆ ಇತ್ತೀಚೆಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

1. ಸೀತಾಫಲ ಐಸ್ ಕ್ರೀಮ್:

ನೀವು ಐಸ್ ಕ್ರೀಮ್ ತಿನ್ನಲು ಇಷ್ಟಪಡುತ್ತಿದ್ದರೆ, ಈ ಸೀತಾಫಲ ಐಸ್ ಕ್ರೀಮ್ ನೀವು ಟ್ರೈ ಮಾಡಲೇ ಬೇಕು.

ಬೇಕಾಗುವ ಸಾಮಾಗ್ರಿಗಳು:

• 1 ಕಪ್ ಹಾಲು
• 1 ಕಪ್ ತಾಜಾ ಕ್ರೀಮ್ ಅಥವಾ ಕೆನೆ
• 1 ಕಪ್ ಹಾಲಿನ ಪುಡಿ
• 1 ಕಪ್ ಸೀತಾಫಲ ತಿರುಳು
• 1/2 ರಿಂದ 3/4 ಸಕ್ಕರೆ (ನಿಮ್ಮ ಟೇಸ್ಟ್ ಗೆ ಅನುಗುಣವಾಗಿ)
• 1/4 ಹೆಚ್ಚುವರಿ ಸೀತಾಫಲ ತಿರುಳನ್ನು ಪಕ್ಕಕ್ಕೆ ಇರಿಸಿಕೊಳ್ಳಿ

ತಯಾರಿಸುವುದು ಹೇಗೆ ?

ಹಾಲು, ತಾಜಾ ಕೆನೆ, ಹಾಲಿನ ಪುಡಿ, ಸೀತಾಫಲ ತಿರುಳು ಮತ್ತು ಸಕ್ಕರೆಯನ್ನು ಬ್ಲೆಂಡರ್ ನಲ್ಲಿ ಹಾಕಿ. ಇದು ಚೆನ್ನಾಗಿ ಮಿಶ್ರಣವಾದ ನಂತರ, ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ ಫ್ರೀಜರ್ ನಲ್ಲಿ ಇರಿಸಿ. ಮಿಶ್ರಣವು ಸ್ವಲ್ಪ ಸೆಟ್ ಆದ ನಂತರ, ನೀವು ಐಸ್ ಕ್ರೀಮ್ ನಲ್ಲಿ ಉಳಿಸಿದ ಹೆಚ್ಚುವರಿ ತಿರುಳನ್ನು ಸೇರಿಸಿ ಮತ್ತೆ ಫ್ರೀಜ್ನಲ್ಲಿಡಿ. ಈಗ ನಿಮ್ಮ ಐಸ್ ಕ್ರೀಮ್ ಆನಂದಿಸಲು ಸಿದ್ಧವಾಗಿರುತ್ತದೆ.

ತಜ್ಞರಿಂದ ಸಲಹೆ : ಐಸ್ ಕ್ರೀಮ್ ನಲ್ಲಿ ಜೋಳದ ಹಿಟ್ಟು ಅಥವಾ ಸ್ಟೆಬಿಲೈಸರ್ ಗಳು ಇಲ್ಲದಿರುವುದರಿಂದ, ನೀವು ಸ್ಕೂಪ್ ತೆಗೆದುಕೊಳ್ಳುವ ಮೊದಲು ಮೃದುವಾಗಲು 5- 7 ನಿಮಿಷಗಳು ಬೇಕಾಗಬಹುದು.

ಇದನ್ನೂ ಓದಿ: ಬ್ಲ್ಯಾಕ್ ಕಾಫಿಯಿಂದ ಆರೋಗ್ಯ ಪ್ರಯೋಜನಗಳೇನು? ಇದನ್ನು ಯಾವಾಗ ಸೇವಿಸಿದರೆ ಉತ್ತಮ?

2. ಸೀತಾಫಲ ಬಸುಂಡಿ:

ನೀವು ಒಮ್ಮೆ ಸೀತಾಫಲ ಬಸುಂಡಿಯನ್ನು ಪ್ರಯತ್ನಿಸಲೇಬೇಕು. ಆದರೇ ಯಾವುದಾದರೂ ಕಾಯಿಲೆ ಇರುವ ಜನರು ಇದನ್ನು ತಮ್ಮ ಆಹಾರದಲ್ಲಿ ಸೇರಿಸಬಹುದೇ ಎಂದು ತಿಳಿಯಲು ವೈದ್ಯರನ್ನು ಸಂಪರ್ಕಿಸಬೇಕು.

ಬೇಕಾಗುವ ಸಾಮಾಗ್ರಿಗಳು:

• ಸ್ವಲ್ಪ ಕುದಿಸಿದ 1 ಲೀಟರ್ ಹಾಲು
• 2 ದೊಡ್ಡ ಸೀತಾಫಲ
• 2 ರಿಂದ 3 ಚಮಚ ಸಕ್ಕರೆ
• 2 ರಿಂದ 3 ಸಂಪೂರ್ಣ ಎಲೈಚಿಗಳು (ಏಲಕ್ಕಿ)
• 1/2 ಟೀ ಸ್ಪೂನ್ ಏಲಕ್ಕಿ ಪುಡಿ
• ಅಲಂಕರಿಸಲು ಬಾದಾಮಿ ಅಥವಾ ನಿಮಗಿಷ್ಟವಾಗುವ ಬೀಜಗಳು, ಮತ್ತು ಗುಲಾಬಿ ದಳ ತೆಗೆದುಕೊಳ್ಳಬಹುದು

ತಯಾರಿಸುವುದು ಹೇಗೆ?

ಹಾಲಿಗೆ ಸಕ್ಕರೆ (ಅಥವಾ ಆರೋಗ್ಯಕರ ಪರ್ಯಾಯ), ಏಲಕ್ಕಿ ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಿ ಅದು ಅರ್ಧಕ್ಕೆ ಬರುವವರೆಗೆ ಕುದಿಯಲು ಬಿಡಿ. ಬಳಿಕ ಅದನ್ನು ಕೋಣೆಯ ತಾಪಮಾನಕ್ಕೆ ಬರಲು ಬಿಡಿ, ನಂತರ ಅದಕ್ಕೆ ಸೀತಾಫಲ ತಿರುಳನ್ನು ಸೇರಿಸಿ. ಗುಲಾಬಿ ದಳಗಳು, ಬೀಜಗಳಿಂದ ಅಲಂಕರಿಸಿ. ಈಗ ಸೀತಾಫಲ ಬಸುಂಡಿಯನ್ನು ಆನಂದಿಸಿ!

3. ಸೀತಾಫಲ ಅಂಗೂರಿ ಬಸುಂಡಿ:

ಬೇಕಾಗುವ ಸಾಮಗ್ರಿಗಳು:

ಚೆಂಡುಗಳನ್ನು ತಯಾರಿಸಲು:

• ಹಾಲು
• ಸಕ್ಕರೆ ಸಿರಪ್ (ಅಥವಾ ಜೇನುತುಪ್ಪದ ಸಿರಪ್, ಮೇಪಲ್ ಸಿರಪ್ ಆರೋಗ್ಯಕರವಾಗಿ)

ಬಸುಂಡಿಗಾಗಿ:

• ಸ್ವಲ್ಪ ಕುದಿಸಿದ 1 ಲೀಟರ್ ಹಾಲು
• 2 ದೊಡ್ಡ ಸೀತಾಫಲ
• 2 ರಿಂದ 3 ಟೇಬಲ್ ಚಮಚ ಸಕ್ಕರೆ (ಅಥವಾ ಆರೋಗ್ಯಕರ ಪರ್ಯಾಯ)
• ಅಲಂಕರಿಸಲು ಬಾದಾಮಿ ಅಥವಾ ನಿಮಗಿಷ್ಟವಾಗುವ ಬೀಜಗಳು, ಮತ್ತು ಗುಲಾಬಿ ದಳ ತೆಗೆದುಕೊಳ್ಳಬಹುದು

ತಯಾರಿಸುವುದು ಹೇಗೆ?

ಮೊದಲು ಹಾಲನ್ನು ಕುದಿಯುವವರೆಗೆ ಬಿಸಿ ಮಾಡಬೇಕಾಗುತ್ತದೆ. ನಂತರ ಅದನ್ನು ಮೊಸರು ಮಾಡಲು ನಿಂಬೆ ರಸ ಅಥವಾ ವಿನೆಗರ್ ಸೇರಿಸಿ. ಮಿಶ್ರಣವನ್ನು ಸೋಸಿ ಬಳಿಕ ಪ್ರೆಸ್ ಮಾಡುತ್ತಾ, ಎಲ್ಲಾ ನೀರನ್ನು ತೆಗೆಯಿರಿ ಬಳಿಕ ಸಣ್ಣ ಉಂಡೆಗಳನ್ನು ತಯಾರಿಸಿ ಮತ್ತು ಅವುಗಳನ್ನು ಸಕ್ಕರೆ ಪಾಕದಲ್ಲಿ ಬೇಯಿಸಿ (ಅಥವಾ ಆರೋಗ್ಯಕರ ಪರ್ಯಾಯ). 8- 9 ನಿಮಿಷಗಳ ಕಾಲ ಬೇಯಲು ಬಿಡಿ. ಗ್ಯಾಸ್ ಸ್ವಿಚ್ ಆಫ್ ಮಾಡಿ ಮತ್ತು ಅದನ್ನು ತಣಿಯಲು ಬಿಡಿ. ಹಾಲಿನ ಉಂಡೆಗಳು ತಣ್ಣಗಾಗುತ್ತಿದ್ದಂತೆ, ಒಂದು ಪಾತ್ರೆಯಲ್ಲಿ ಸ್ವಲ್ಪ ಹಾಲನ್ನು ಹಾಕಿ ಕುದಿ ಬರುತ್ತಿದ್ದಂತೆ ಅದನ್ನು ಅರ್ಧಕ್ಕೆ ಇಳಿಸಿ. ಬಳಿಕ ಹಾಲಿಗೆ ಸೀತಾಫಲ ತಿರುಳನ್ನು ಸೇರಿಸಿ ಮತ್ತು ಬ್ಲೆಂಡರ್ ನಲ್ಲಿ ಚೆನ್ನಾಗಿ ಮಿಶ್ರಣ ಮಾಡಿ. ಮಿಶ್ರಣವನ್ನು ಒಂದು ಬಟ್ಟಲು ಅಥವಾ ಬೌಲ್ ಗೆ ಸುರಿಯಿರಿ ಬಳಿಕ ಮೊದಲೇ ಮಾಡಿಟ್ಟುಕೊಂಡ ಚೆಂಡುಗಳನ್ನು ಸೇರಿಸಿ. ಅದನ್ನು ತಣ್ಣಗಾಗಲು ಬಿಡಿ ಮತ್ತು ಗುಲಾಬಿ ದಳಗಳು, ಬೀಜಗಳಿಂದ ಅಲಂಕರಿಸಿ.

ನೆನಪಿಡಿ: ಜೇನುತುಪ್ಪ, ಮೇಪಲ್ ಸಿರಪ್ ಅಥವಾ ನೈಸರ್ಗಿಕ ಸಿಹಿಕಾರಕಗಳಂತಹ ಸಕ್ಕರೆ ಪರ್ಯಾಯಗಳನ್ನು ಆರೋಗ್ಯಕರವಾಗಿಸಲು ನೀವು ಬಳಸಬಹುದು. ಅಲ್ಲದೆ, ಕಾಯಿಲೆ ಇರುವ ಜನರು ತಮ್ಮ ಆಹಾರದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡುವ ಮೊದಲು ತಮ್ಮ ವೈದ್ಯರನ್ನು ಸಂಪರ್ಕಿಸಬೇಕು.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: