Fibroids: ತೀವ್ರ ಹೊಟ್ಟೆ ನೋವಿಗೆ ಗರ್ಭಾಶಯದಲ್ಲಿ ಬೆಳೆದ ಫೈಬ್ರಾಯ್ಡ್​ಗಳು ಕಾರಣ ಇರಬಹುದು, ಇದರ ಲಕ್ಷಣಗಳು ಇಲ್ಲಿವೆ

ಫೈಬ್ರಾಯ್ಡ್‌ಗಳು (Fibroids) ಮಹಿಳೆಯ ಗರ್ಭಾಶಯದಲ್ಲಿ ಬೆಳೆಯುವ ಕ್ಯಾನ್ಸರ್ ಅಲ್ಲದ ಕೋಶಗಳಾಗಿವೆ, ಇದು ಕೆಲವೊಮ್ಮೆ ತೀವ್ರ ಹೊಟ್ಟೆ ನೋವು ಉಂಟುಮಾಡುವಷ್ಟು ದೊಡ್ಡದಾಗುತ್ತದೆ. ಎಸ್‌ಎಲ್ ರಹೇಜಾ ಆಸ್ಪತ್ರೆ, ಗ್ಲೋಬಲ್ ಆಸ್ಪತ್ರೆ, ಮುಂಬೈನ ಸುರಾನಾ ಸೇಥಿಯಾ ಆಸ್ಪತ್ರೆಯ ಇಂಟರ್‌ವೆನ್ಷನಲ್ ರೇಡಿಯಾಲಜಿಸ್ಟ್ ಡಾ.ಮೌನಿಲ್ ಭೂತಾ ಪ್ರಕಾರ, ಹೆರಿಗೆಯ ವರ್ಷಗಳಲ್ಲಿ ಗರ್ಭಾಶಯದ ಫೈಬ್ರಾಯ್ಡ್‌ಗಳನ್ನು ಅನುಭವಿಸುವುದು ಸಾಮಾನ್ಯವಾಗಿದೆ. ಅವುಗಳನ್ನು ಲಿಯೋಮಿಯೊಮಾಸ್ ಅಥವಾ ಮೈಯೋಮಾಸ್ ಎಂದೂ ಕರೆಯುತ್ತಾರೆ.

ಇದನ್ನೂ ಓದಿ: ಆ್ಯಪಲ್ ಸೈಡರ್ ವಿನೆಗರ್​ ಅನ್ನು ನಿತ್ಯ ಸೇವಿಸುವುದರಿಂದ ಏನೆಲ್ಲಾ ಅಡ್ಡಪರಿಣಾಮಗಳಿವೆ, ಇಲ್ಲಿದೆ ಮಾಹಿತಿ

ಫೈಬ್ರಾಯ್ಡ್‌ಗಳು ವಿಭಿನ್ನ ಗಾತ್ರದಲ್ಲಿರಬಹುದು ಮತ್ತು ಇನ್ನೂ ಕೆಲವು ಫೈಬ್ರಾಯ್ಡ್‌ಗಳು ಗರ್ಭಾಶಯದ ಆಕಾರ ಮತ್ತು ಗಾತ್ರವನ್ನು ಸಮರ್ಥವಾಗಿ ಬದಲಾಯಿಸಬಹುದು. ಅದು ಪಕ್ಕೆಲುಬುಗಳನ್ನು ತಲುಪುವುದಲ್ಲದೆ ದೇಹದ ತೂಕವನ್ನು ಕೂಡ ಹೆಚ್ಚಿಸುತ್ತದೆ”ಎಂದು ವೈದ್ಯರು ಹೇಳುತ್ತಾರೆ. ಹಾಗಿದ್ದರೆ ಗರ್ಭಾಶಯದ ಫೈಬ್ರಾಯ್ಡ್‌ಗಳಿಗೆ ಕಾರಣಗಳೇನು? ಅವುಗಳು ಈ ಕೆಳಗಿನಂತಿವೆ:

1. ಹಾರ್ಮೋನ್ ಬದಲಾವಣೆಗಳು: ಮುಟ್ಟು ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್​ನಂತಹ ಹಾರ್ಮೋನುಗಳ ಉತ್ಪಾದನೆಯನ್ನು ಪ್ರೇರೇಪಿಸುತ್ತದೆ, ಇದು ಗರ್ಭಧಾರಣೆಯ ತಯಾರಿಯಲ್ಲಿ ಗರ್ಭಾಶಯದ ಒಳಪದರವನ್ನು ರೂಪಿಸಲು ಅನುವು ಮಾಡಿಕೊಡುತ್ತದೆ. ಈ ಹಾರ್ಮೋನುಗಳು ಅಧಿಕವಾಗಿದ್ದರೆ, ಸಾಮಾನ್ಯ ಗರ್ಭಾಶಯದ ಸ್ನಾಯು ಕೋಶಗಳಿಗಿಂತ ಹೆಚ್ಚು ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್ ಗ್ರಾಹಕಗಳನ್ನು ಒಳಗೊಂಡಿರುವ ಫೈಬ್ರಾಯ್ಡ್‌ಗಳನ್ನು ಅಭಿವೃದ್ಧಿಪಡಿಸುವಂತೆ ತೋರುತ್ತದೆ.
2. ಆನುವಂಶಿಕ ಅಂಶ: ಕುಟುಂಬ ಅಥವಾ ಸಂಬಂಧಿಕರು ಫೈಬ್ರಾಯ್ಡ್‌ಗಳನ್ನು ಹೊಂದಿದ್ದರೆ ಕುಟುಂಬದ ಇತರ ಸದಸ್ಯರಿಗು ಕೂಡ ಆ ಸಮಸ್ಯೆ ಕಂಡುಬರಬಹುದು.
3. ಗರ್ಭಾವಸ್ಥೆ: ಗರ್ಭಾವಸ್ಥೆಯಲ್ಲಿ ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್ ರಚನೆಯು ಅಧಿಕ ಪ್ರಮಾಣದಲ್ಲಿ ಹೆಚ್ಚಾಗುತ್ತದೆ, ಇದು ಫೈಬ್ರಾಯ್ಡ್​ಗಳ ಬೆಳವಣಿಗೆಗೆ ಕಾರಣವಾಗಬಹುದು.
4. ಜೀವನಶೈಲಿ: ಮದ್ಯಪಾನ ಮತ್ತು ಧೂಮಪಾನವು ಮಹಿಳೆಯರಲ್ಲಿ ಅಂತಹ ಜೀವಕೋಶಗಳ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ.

ಇದನ್ನೂ ಓದಿ: ಕೋವಿಡ್ ಬೂಸ್ಟರ್‌ಗಳಿಂದ ಬ್ಲಡ್ ಕ್ಯಾನ್ಸರ್ ರೋಗಿಗಳಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚಳ

ಗರ್ಭಾಶಯದ ಫೈಬ್ರಾಯ್ಡ್‌ಗಳ ಲಕ್ಷಣಗಳು

• ಮೂತ್ರ ವಿಸರ್ಜನೆಯಲ್ಲಿ ಹೆಚ್ಚಳ
• ಭಾರೀ ರಕ್ತಸ್ರಾವ
• ಹೊಟ್ಟೆಯ ಕೆಳಭಾಗದಲ್ಲಿ ಊತ
• ಮುಟ್ಟಿನ ಸಾಮಾನ್ಯಕ್ಕಿಂತ ಹೆಚ್ಚು ಕಾಲ ಇರುತ್ತದೆ
• ಮುಟ್ಟಿನ ಸೆಳೆತ ಮತ್ತು ಬೆನ್ನು ಮತ್ತು ಕೆಳ ಹೊಟ್ಟೆಯಲ್ಲಿ ನೋವು ಹೆಚ್ಚಾಗುತ್ತದೆ
• ಸಂಭೋಗದ ಸಮಯದಲ್ಲಿ ನೋವು ಅನುಭವಿಸುವುದು

ಹಾಗಿದ್ದರೆ ಇದಕ್ಕೆ ಚಿಕಿತ್ಸೆ ಏನು?

ಫೈಬ್ರಾಯ್ಡ್‌ಗಳಿಗೆ ಶಸ್ತ್ರಚಿಕಿತ್ಸೆ ಮತ್ತು ಶಸ್ತ್ರಚಿಕಿತ್ಸೆಯಲ್ಲದ ಹಲವಾರು ಚಿಕಿತ್ಸಾ ಆಯ್ಕೆಗಳಿವೆ. ಗರ್ಭಕಂಠಗಳು ಗರ್ಭಾಶಯವನ್ನು ತೆಗೆದುಹಾಕುವುದನ್ನು ಒಳಗೊಂಡಿರುವ ಆಕ್ರಮಣಶೀಲ ಫೈಬ್ರಾಯ್ಡ್ ಶಸ್ತ್ರಚಿಕಿತ್ಸೆಗಳಾಗಿವೆ. ಅಲ್ಲದೆ ಲ್ಯಾಪರೊಸ್ಕೋಪಿಕ್ ಮಯೋಮೆಕ್ಟಮಿ ಆಕ್ರಮಣಕಾರಿ ಶಸ್ತ್ರಚಿಕಿತ್ಸೆಯಾಗಿದ್ದು, ಗರ್ಭಾಶಯವನ್ನು ಹಾಗೇ ಇರಿಸಿಕೊಂಡು ಫೈಬ್ರಾಯ್ಡ್ ಅನ್ನು ತೆಗೆದುಹಾಕಲಾಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಫೈಬ್ರಾಯ್ಡ್ ಎಂಬೋಲೈಸೇಶನ್ ಗರ್ಭಾಶಯದಲ್ಲಿ ಕ್ಯಾನ್ಸರ್ ಅಲ್ಲದ ಗೆಡ್ಡೆಗಳನ್ನು ಸಂಕುಚಿತಗೊಳಿಸುವ ಪ್ರಕ್ರಿಯೆಯಾಗಿದೆ. ಗರ್ಭಾಶಯದ ಫೈಬ್ರಾಯ್ಡ್ ಎಂಬೋಲೈಸೇಶನ್ ರಕ್ತ ಪೂರೈಕೆಯನ್ನು ಮುಚ್ಚುವ ಮೂಲಕ ಫೈಬ್ರಾಯ್ಡ್‌ಗಳನ್ನು ಕುಗ್ಗಿಸುತ್ತದೆ.

ವಿಶೇಷ ಸೂಚನೆ: ಫೈಬ್ರಾಯ್ಡ್‌ಗಳ ಗಾತ್ರ ಮತ್ತು ಪ್ರದೇಶವು ಎಂಬೋಲೈಸೇಶನ್ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದರ ಮೇಲೆ ಪ್ರಭಾವ ಬೀರಬಹುದು. ಪ್ರಕ್ರಿಯೆಗೆ ಒಳಗಾಗುವ ಮೊದಲು ಒಬ್ಬರು ವೈದ್ಯರನ್ನು ಸಂಪರ್ಕಿಸಬೇಕು ಮತ್ತು ವಯಸ್ಸು, ಅಪಾಯಕಾರಿ ಅಂಶಗಳು ಮತ್ತು ಅಡ್ಡ ಪರಿಣಾಮಗಳನ್ನು ಪರಿಗಣಿಸಬೇಕು ಎಂದು ಡಾ. ಮೌನಿಲ್ ಭೂತಾ ಹೇಳುತ್ತಾರೆ.

ಇದನ್ನೂ ಓದಿ: High BP: ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸಲು ಇಲ್ಲಿವೆ ಆಯುರ್ವೇದ ಸಲಹೆಗಳು