ಕಡಿಮೆ ಕೊಬ್ಬು ಎಂದು ಲೇಬಲ್ ಹಾಕಲಾದ ಉತ್ಪನ್ನವು ಆರೋಗ್ಯಕರ ಎಂದು ಹೇಳಲಾಗುವುದಿಲ್ಲ, ಬದಲಿಗೆ ಅದು ಅಪಾಯಕಾರಿ! ಹೇಗೆ?

ಆಹಾರ ಪೊಟ್ಟಣಗಳ ಮೇಲಿರುವ ನಾನಾ ಲೇಬಲ್‌ಗಳ ಅರ್ಥವೇನು? ಅದನ್ನು ಪರೀಕ್ಷಿಸುವುದು ಹೇಗೆ? ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವ ಇಂದಿನ ದಿನಮಾನದಲ್ಲಿ ಈ ಮೂಲಭೂತ ಅಂಶದ ಬಗ್ಗೆ ಇಲ್ಲಿ ಒಂದಷ್ಟು ಅನ್ವೇಷಣೆ ನಡೆಸೋಣ. ಅಂದರೆ ಪ್ಯಾಕ್ಡ್​​​ ಆಹಾರದ ಬಾಕ್ಸ್​ಗಳ ಮೇಲಿನ ಲೇಬಲ್‌ಗಳನ್ನು ಅರ್ಥ ಮಾಡಿಕೊಳ್ಳೋಣ. ಪ್ಯಾಕ್ಡ್​​​ ಫುಡ್​​ ಲೇಬಲಿಂಗ್‌ಗೆ (packaged food labels) ಸಂಬಂಧಿಸಿದ ಸಾಮಾನ್ಯ ಪರಿಭಾಷೆಯನ್ನು ನಾವು ತಿಳಿಯೋಣ. ನಾವು ಸೂಪರ್​ ಮಾರ್ಕೆಟ್ ಅಥವಾ ಕಿರಾಣಿ ಅಂಗಡಿಗಳ ಆಹಾರ ಪ್ಯಾಕ್​​​ಗಳ ಮೇಲೆ ಕಣ್ಣಾಡಿಸುವಾಗ ಕಡಿಮೆ-ಕೊಬ್ಬು, ಶೂನ್ಯ-ಕೊಲೆಸ್ಟರಾಲ್, ಸಕ್ಕರೆ-ಮುಕ್ತ, ಮತ್ತು ಹೃದಯ-ಆರೋಗ್ಯಕರ ಎಂಬ ಆಕರ್ಷಕ ಪದ ಪುಂಜಗಳನ್ನು ಈ ಆಹಾರ ಪ್ಯಾಕೇಜ್‌ಗಳ ಮೇಲೆ ಗಾಢವಾಗಿ ಮುದ್ರಿಸಿರುವುದನ್ನು ನಾವು ನೋಡುತ್ತೇವೆ. ಹಾಗಾದರೆ ಇಂತಹ ಆಹಾರ ಲೇಬಲ್‌ ಗಳಲ್ಲಿ ನಾವು ಪ್ರಮುಖವಾಗಿ ಏನು ನೋಡಬೇಕು? ಮೊದಲನೆಯದಾಗಿ, ಭಾರತದಲ್ಲಿನ ಎಲ್ಲಾ ಪ್ಯಾಕ್ ಮಾಡಲಾದ ಆಹಾರಗಳು ಮತ್ತು ಪಾನೀಯಗಳಿಗೆ ಕಡ್ಡಾಯವಾಗಿರುವ FSSAI (ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ -Food Safety and Standards Authority of India) ಚಿಹ್ನೆ ಇರುವುದನ್ನು ನಾವು ಖಚಿತಪಡಿಸಿಕೊಳ್ಳಬೇಕು. ಹೆಚ್ಚುವರಿಯಾಗಿ ಈ ಅಂಶಗಳನ್ನೂ ಪರೀಕ್ಷಿಸಬೇಕು. ಸಸ್ಯಾಹಾರಿ ಅಥವಾ ಮಾಂಸಾಹಾರಿ ಸೂಚನೆಗಳು, ಬಲವರ್ಧಿತ ಉತ್ಪನ್ನಗಳ ಗುರುತಿಸುವಿಕೆ ಮತ್ತು ಸಾವಯವ ಉತ್ಪನ್ನಗಳಿಗೆ ಜೈವಿಕ್ ಭಾರತ್ ಲೇಬಲ್‌ನಂತಹ ಮಾರ್ಕರ್‌ಗಳನ್ನು ನಾವು ಪರಿಗಣಿಸಬೇಕಾಗುತ್ತದೆ. ತಾಳೆ ಎಣ್ಣೆಗಾಗಿ, ಮಲೇಷಿಯನ್ ಸಸ್ಟೈನಬಲ್ ಪಾಮ್ ಆಯಿಲ್ (MSPO) ಅಥವಾ ರೌಂಡ್ಟೇಬಲ್ ಆನ್ ಸಸ್ಟೈನಬಲ್ ಪಾಮ್ ಆಯಿಲ್ (RSPO) ಪ್ರಮಾಣೀಕರಣ ಯೋಜನೆಗಳನ್ನು ನೋಡಬಹುದು. ಗ್ರಾಹಕರ ಇಂತಹ ಅಭ್ಯಾಸಗಳು ಹೆಚ್ಚು ಸಮರ್ಥನೀಯವಾಗುತ್ತದೆ. ನಿರ್ದಿಷ್ಟ ದಿನಾಂಕದ ಮೊದಲು ಬಳಕೆಗೆ...