Raghavendra Sarvam Fraud Case ವಿಹೆಚ್​ಪಿ ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಸವರಾಜ ಆರೋಪ ತಳ್ಳಿ ಹಾಕಿದ ರಾಘವೇಂದ್ರ

ರಾಘವೇಂದ್ರ ಸರ್ವಂ (Raghavendra Sarvam) ಎಂಬಾತ ವಿಶ್ವ ಹಿಂದೂ ಪರಿಷತ್ ರಾಷ್ಟ್ರೀಯ ಕಾರ್ಯಾಧ್ಯಕ್ಷರ ಹೆಸರು ಹೇಳಿಕೊಂಡು ವಂಚನೆ ಮಾಡಿದ್ದಾನೆ ಎಂದು ವಿಹೆಚ್​ಪಿ ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಸವರಾಜ ಆರೋಪ ಮಾಡಿದ್ದರು. ಈ ಆರೋಪಗಳಿಗೆ ರಾಘವೇಂದ್ರ ಸರ್ವಂ ತಮ್ಮ ಫೇಸ್​ಬುಕ್​ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

  • TV9 Web Team
  • Published On - 16:02 PM, 16 Feb 2021
Raghavendra Sarvam Fraud Case ವಿಹೆಚ್​ಪಿ ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಸವರಾಜ ಆರೋಪ ತಳ್ಳಿ ಹಾಕಿದ ರಾಘವೇಂದ್ರ
ರಾಘವೇಂದ್ರ ಸರ್ವಂ

ರಾಘವೇಂದ್ರ ಸರ್ವಂ (Raghavendra Sarvam) ಎಂಬಾತ ವಿಶ್ವ ಹಿಂದೂ ಪರಿಷತ್ ರಾಷ್ಟ್ರೀಯ ಕಾರ್ಯಾಧ್ಯಕ್ಷರ ಹೆಸರು ಹೇಳಿಕೊಂಡು ವಂಚನೆ ಮಾಡಿದ್ದಾನೆ ಎಂದು ವಿಹೆಚ್​ಪಿ ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಸವರಾಜ ಆರೋಪ ಮಾಡಿದ್ದರು. ಈ ಆರೋಪಗಳಿಗೆ ರಾಘವೇಂದ್ರ ಸರ್ವಂ ತಮ್ಮ ಫೇಸ್​ಬುಕ್​ನಲ್ಲಿ ವಿಡಿಯೋ ಸಂದೇಶ ನೀಡಿ, ಸ್ಪಷ್ಟನೆ ಕೊಟ್ಟಿದ್ದಾರೆ.

ನಾನು ಸಮಾಜ ಸೇವೆ ಹಿನ್ನೆಲೆ ಹೊಂದಿರುವ ಕುಟುಂಬದಿಂದ ಬಂದಿರುವ ವ್ಯಕ್ತಿ. ಫೆಬ್ರವರಿ 18ರಂದು ವಿಶ್ವ ಹಿಂದೂ ಪರಿಷತ್​ನ ಅಧ್ಯಕ್ಷರಾದ ಅಲೋಕ್ ಕುಮಾರ್ ಅವರು ಬೆಂಗಳೂರಿಗೆ ಆಗಮಿಸುವುದಕ್ಕೂ ಮುನ್ನ ಒಮ್ಮೆ ನಾನು ದೆಹಲಿ ಅಟ್ವೊಕೇಟ್ ಆಫೀಸ್​ನಲ್ಲಿ ಅವರನ್ನು ಭೇಟಿ ಮಾಡಿದ್ದೆ. ಈ ವೇಳೆ ಅವರ ಜೊತೆ ನಮ್ಮ ಮಠದ ಬಗ್ಗೆ ಮತ್ತು ವಿನಯ್ ಗುರೂಜಿ ಅವರ ಬಗ್ಗೆ ಚರ್ಚೆ ನಡೆಸುವಾಗ ಅಲೋಕ್ ಕುಮಾರ್ ಬೆಂಗಳೂರಿನಲ್ಲಿ ವಿನಯ್ ಗುರೂಜಿ ಅವರನ್ನು ಭೇಟಿ ಮಾಡುವ ಆಸೆಯನ್ನು ವ್ಯಕ್ತಪಡಿಸಿದ್ದರು. ಬಳಿಕ ಫೆಬ್ರವರಿ 18ರಂದು ಅಲೋಕ್ ಕುಮಾರ್ ಏರ್​ಪೋರ್ಟ್​ಗೆ ಬಂದಿದ್ದರು. ಆಗ ನಾನು ಅವರನ್ನು ರಿಸೀವ್  ಮಾಡಲು ಹೋಗಿದ್ದೆ. ಕಾಕತಾಳಿಯವಾಗಿ ಅದೇ ದಿನ ಮಂಗಳೂರಿನಿಂದ ವಿನಯ್ ಗುರೂಜಿ ಸಹ ಬೆಂಗಳೂರಿಗೆ ಬಂದಿದ್ದರು. ಹೀಗಾಗಿ ನಾನು ಅಲೋಕ್ ಕುಮಾರ್ ಅವರಿಗೆ ಈ ವಿಷಯ ತಿಳಿಸಿದೆ. ಆಗ ಇಬ್ಬರೂ ಏರ್​ಪೋರ್ಟ್​ನಲ್ಲೇ ಭೇಟಿಯಾದ್ರು.

ಈ ವೇಳೆ ಅನಂತ್ ಪ್ರಭು ಅವರೂ ಸಹ ವಿನಯ್ ಗುರೂಜಿ ಅವರ ಜೊತೆ ಮಂಗಳೂರಿನಿಂದ ಬಂದಿದ್ದರು. ಅನಂತ್ ಪ್ರಭು ಗ್ಲೋರಿಯಸ್ ಭಾರತ ಎಂಬ ಪುಸ್ತಕವನ್ನು ಬರೆದಿದ್ರು. ಹಾಗೂ ಅವರು ಯಾವಾಗ ನಾನು RSS ಮುಖಂಡ ಮುಕುಂದ್ ಜೀ ಅವರ ಶಿಷ್ಯ ಹಾಗೂ ಈ ಪುಸ್ತಕ ಬರೆಯಲು ಅವರೇ ಸ್ಪೂರ್ತಿ ಎಂದು ಹೇಳಿದಾಗ ವಿನಯ್ ಗುರೂಜಿ ಈ ಪುಸ್ತಕವನ್ನು ಇಲ್ಲೇ ಬಿಡುಗಡೆ ಮಾಡೋಣ ಎಂದು ಹೇಳಿದ್ರು. ಆಗ ಅಲೋಕ್ ಕುಮಾರ್ ಒಂದು ಪುಸ್ತಕ, ವಿನಯ್ ಗುರೂಜಿ ಒಂದು ಪುಸ್ತಕ, ನಾನೊಂದು ಹಿಡಿದು ಅಲ್ಲೇ ಪುಸ್ತಕ ಬಿಡುಗಡೆ ಮಾಡಿದೆವು. ಇದಾದ ಬಳಿಕ ನಾನು ಏರ್​ಪೋರ್ಟ್​ನಿಂದ ಆಚೆ ಬಂದೆ ಆಗ ಬಸವರಾಜ ಅವರನ್ನು ಭೇಟಿ ಮಾಡಿದೆ.

ಆಗ ಬಸವರಾಜ, ಯಾಕೆ ಇಷ್ಟು ತಡ ಎಂದು ನನನ್ನು ಕೇಳಿದ್ರು. ಆಗ ನಾನು ಈ ರೀತಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮದ ಬಗ್ಗೆ ಹೇಳಿದೆ. ಇನ್ನು ನಾಲ್ಕು ದಿನಗಳ ಬಳಿಕ ಬಸವರಾಜ ನನಗೆ ಕರೆ ಮಾಡಿ ಏನಯ್ಯ ರಾಘವೇಂದ್ರ ದೇವರ ಹೆಸರು ಇಟ್ಕೊಂಡು ಹೀಗಾ ಮಾಡೋದು? ಯಾರಯ್ಯ ವಿನಯ್ ಗುರೂಜಿ.. ಅವರೆಲ್ಲ ಜೆಡಿಎಸ್, ಕಾಂಗ್ರೆಸ್​ಗೆ ಸ್ವಾಮಿಜೀ. ಅಂತಹವರನ್ನು ನಮ್ಮ ವಿಶ್ವ ಹಿಂದೂ ಪರಿಷತ್​ನ ಅಧ್ಯಕ್ಷರ ಜೊತೆ ನಿಲ್ಲಿಸಿ ಪುಸ್ತಕ ಬಿಡುಗಡೆ ಮಾಡಿಸಿದ್ದೀಯಲ್ಲ ಎಷ್ಟಯ್ಯ ಕೊಬ್ಬು ನಿನಗೆ ಎಂದು ಹಿಗ್ಗಾಮುಗ್ಗ ಬೈದರು ಎಂದು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಸುಮಾರು 10 ನಿಮಿಷ​ಗಳ ಸ್ಪಷ್ಟನೆ ನೀಡಿರುವ ವಿಡಿಯೋ ಬಿಡುಗಡೆ ಮಾಡಿದ್ದಾರೆ. ಹಾಗೂ ಬಸವರಾಜ ಅವರ ಆರೋಪಗಳನ್ನು ತಳ್ಳಿ ಹಾಕಿದ್ದಾರೆ.

ಇದನ್ನೂ ಓದಿ: Raghavendra Sarvam Fraud Case ಯುವರಾಜನ ಹಾದಿಯಲ್ಲೇ ಮತ್ತೊಬ್ಬ ಸೆಲೆಬ್ರಿಟಿ ವಂಚಕನ ವಿರುದ್ಧ ಶಂಕರಪುರ ಠಾಣೆಯಲ್ಲಿ ಕೇಸ್ ದಾಖಲು