ಹಿಂದೊಮ್ಮೆ ಅತಿಥಿಯಾಗಿದ್ದೆ, ಅವಕಾಶ ಸಿಕ್ಕರೆ ಇನ್ನೊಮ್ಮೆ ಹೋಗ್ತೀನಿ: ಪೊಲೀಸ್ ಠಾಣೆ ರಿವ್ಯೂ ಬರೆದ ಭೂಪ!

ಮುಂಬೈ: ತಾವು ಪ್ರವಾಸ ಹೋದ, ತಿಂದು ತೇಗಿದ ಎಲ್ಲವನ್ನೂ ಜಗತ್ತಿಗೆ ಸಾರಿ ಹೇಳುವ ಪ್ರವೃತ್ತಿ ಜನರಲ್ಲಿ ಹೆಚ್ಚುತ್ತಲೇ ಇದೆ. ಇದಕ್ಕಾಗಿಯೇ ನೀವು ಭೇಟಿ ನೀಡಿದ ಸ್ಥಳ ಹಾಗೂ ಹೋಟೆಲ್​ಗೆ ರಿವ್ಯೂ ಕೊಡುವ ಆಯ್ಕೆಯನ್ನು ಗೂಗಲ್​ ಮ್ಯಾಪ್​ ಪರಿಚಯಿಸಿದೆ. ಆದರೆ, ಇಲ್ಲೋರ್ವ ಗೂಗಲ್ ಮ್ಯಾಪ್​ನಲ್ಲಿ ಪೊಲೀಸ್ ಠಾಣೆಯ ರಿವ್ಯೂ ಬರೆದಿದ್ದಾನೆ. ತಾನು ಹಿಂದೊಮ್ಮೆ ಅತಿಥಿಯಾಗಿದ್ದನ್ನೂ ನೆನಪಿಸಿಕೊಂಡಿದ್ದಾನೆ!

ಹೌದು, ವ್ಯಕ್ತಿಯೋರ್ವ ಮಹಾರಾಷ್ಟ್ರದ ಠಾಣೆ ಜಿಲ್ಲೆಯ ನಯಾ ನಗರ್ ಪೊಲೀಸ್ ಠಾಣೆಗೆ ತೆರಳಿದ್ದನಂತೆ. ಪೊಲೀಸ್​ ಠಾಣೆಯಲ್ಲೇ ಕೆಲ ದಿನ ಇದ್ದು ಬಂದಿದ್ದಾನೆ ಎನ್ನಲಾಗಿದೆ. ಲಾಕಪ್​ನಿಂದ ಹೊರ ಬಂದರೂ ಅದರ ಮೇಲಿರುವ ಪ್ರೀತಿ ಮಾತ್ರ ಕಡಿಮೆ ಆದಂತೆ ಕಾಣುವುದಿಲ್ಲ!

ಈ ಮಹಾಶಯ ಪೊಲೀಸ್ ಠಾಣೆಯ ಗೂಗಲ್ ಲೊಕೇಶನ್​ನಲ್ಲಿ ಪೊಲೀಸ್ ಠಾಣೆಯ ರಿವ್ಯೂ ಬರೆದಿದ್ದಾನೆ. ತಾನು ಹಿಂದೆ ಅಲ್ಲಿ ಅತಿಥಿಯಾಗಿದ್ದಾಗಿ ಹೇಳಿರುವ ಈತ, ಅಲ್ಲಿ ಉತ್ತಮ ಸೌಲಭ್ಯಗಳಿರುವುದಾವಾಗಿಯೂ ಹೇಳಿದ್ದಾನೆ. ಅವಕಾಶ ಸಿಕ್ಕರೆ ಇನ್ನೊಮ್ಮೆ ನಯಾ ನಗರ್ ಪೊಲೀಸ್ ಠಾಣೆಯಲ್ಲಿ ಉಳಿಯುವ ಇಚ್ಛೆಯನ್ನೂ ವ್ಯಕ್ತಪಡಿಸಿದ್ದಾನೆ! ರಾಯಗಢದ ಎಸ್​ಪಿ ಆಗಿರುವ ಸಂತೋಶ್ ಸಿಂಗ್​ ಮಾಡಿರುವ ಈ ಟ್ವೀಟ್ ಈಗ ವೈರಲ್ ಆಗಿದೆ. ಆದರೆ ಆತ ಬರೆದದ್ದರ ಸತ್ಯಾಸತ್ಯತೆಯ ಕುರಿತು ಈವರೆಗೂ ಸ್ಪಷ್ಟ ಮಾಹಿತಿ ತಿಳಿದುಬಂದಿಲ್ಲ.

थाना इतना अच्छा कि कोई दुबारा गिरफ्तार हो कर आना चाहे ??? How do you assess it.#policereforms #policing@ipsvijrk @ipskabra @arunbothra @dubey_ips @arifhs1 @AwanishSharan @PriyankaJShukla @sonalgoelias @editorsunil @TheVijayKedia @ParveenKaswan @upcoprahul pic.twitter.com/eczJebXOmH

— Santosh Singh (@SantoshSinghIPS) December 12, 2020