Warm Water Benefits: ಬೆಳಗ್ಗೆ ಬೆಚ್ಚನೆಯ ನೀರು ಏಕೆ ಕುಡಿಯಬೇಕು? ಆಯುರ್ವೇದ ಏನು ಹೇಳುತ್ತೆ?

ಆರೋಗ್ಯದ ವಿಚಾರದಲ್ಲಿ ನೀರಿನ ಮೊದಲ ಸ್ಥಾನ ನೀಡಲಾಗಿದೆ, ನೀರು( Water) ಪ್ರತಿಯೊಬ್ಬ ಜೀವಿಗೂ ಜೀವಾಮೃತವಿದ್ದಂತೆ. ಹಾಗಾಗಿ ನೀರನ್ನು ಎಷ್ಟು ಕುಡಿಯಬೇಕು, ಹೇಗೆ ಕುಡಿಯಬೇಕು ಎಂಬುದರ ಕುರಿತು ಸಲಹೆಗಳು ಇಲ್ಲಿವೆ. ತಣ್ಣನೆಯ ನೀರಿಗಿಂತ ಬೆಚ್ಚನೆಯ ನೀರು ಇನ್ನು ಉತ್ತಮ, ಇದು ಚರ್ಮದ ಕಾಂತಿ ಹೆಚ್ಚಿಸುತ್ತದೆ. ಪ್ರತಿದಿನ 3 ರಿಂದ 4 ಲೀಟರ್ ನೀರು ಕುಡಿಯುವಂತೆ ವೈದ್ಯರು ಸಲಹೆ ನೀಡುತ್ತಾರೆ.

ವಿಜ್ಞಾನದ ಪ್ರಕಾರ, ಆಯುರ್ವೇದದಿಂದ ಪ್ರಾಚೀನ ಚೀನೀ ಔಷಧದವರೆಗೆ, ಎಲ್ಲರೂ ಒಪ್ಪುವ ಒಂದು ವಿಷಯವೆಂದರೆ ಬಿಸಿನೀರು ಹೆಚ್ಚು ಪ್ರಯೋಜನಕಾರಿಯಾಗಿದೆ.

ನಮ್ಮ ದೇಹದ ಮುಕ್ಕಾಲು ಪಾಲು ನೀರಿನಿಂದಲೇ ತುಂಬಿದೆ. ನಮ್ಮ ದೇಹಕ್ಕೆ ಅಗತ್ಯವಾಗಿ ಬೇಕಾದ ಪ್ರಮುಖ ಆಹಾರ ಪದಾರ್ಥಗಳಲ್ಲಿ ನೀರು ಪ್ರಮುಖವಾದದ್ದು. ಸಂಶೋಧನೆಯ ಅಂದಾಜಿನ ಪ್ರಕಾರ ನೀರಿಲ್ಲದೆ ನಾವು ಹೆಚ್ಚು ದಿನಗಳು ಬದುಕಲು ಸಾಧ್ಯವಿಲ್ಲ.

ಯಾವುದಾದರೂ ಒಂದು ರೂಪದಲ್ಲಿ ನೀರಿನ ಅಂಶವನ್ನು ನಾವು ನಮ್ಮ ದೇಹಕ್ಕೆ ಅಗತ್ಯವಾಗಿ ಸೇರಿಸಲೇಬೇಕು. ಒಟ್ಟಾರೆಯಾಗಿ ನಮ್ಮ ದೇಹಕ್ಕೆ ನಿರ್ಜಲೀಕರಣದ ಸಮಸ್ಯೆ ಎದುರಾಗದಂತೆ ನೋಡಿಕೊಳ್ಳಬೇಕು.

ಆದರೆ ನಾವು ಸರಿಯಾದ ವಿಧಾನದಲ್ಲಿ ನೀರನ್ನು ಸೇವನೆ ಮಾಡುತ್ತಿಲ್ಲ ಎಂದು ಆಹಾರ ತಜ್ಞರು ಆತಂಕ ವ್ಯಕ್ತಪಡಿಸುತ್ತಾರೆ. ಕೇವಲ ಕೆಟ್ಟ ಹವ್ಯಾಸಗಳನ್ನು ರೂಡಿ ಮಾಡಿಕೊಂಡ ವ್ಯಕ್ತಿಗೆ ಮಾತ್ರ ಆರೋಗ್ಯ ಹಾಳಾಗುತ್ತದೆ ಎಂದೇನಿಲ್ಲ.

ಅಷ್ಟೇ ಪ್ರಮಾಣದಲ್ಲಿ ಸರಿಯಾದ ರೀತಿಯಲ್ಲಿ ನೀರು ಕುಡಿಯದೆ ಹೋದರೂ ಆರೋಗ್ಯಕ್ಕೆ ಹಾನಿಕರ. ಬೆಳಗ್ಗೆ ಎದ್ದು ಬೆಚ್ಚನೆಯ ನೀರು ಸೇವಿಸುವುದರಿಂದ ತೂಕದ ಸಮತೋಲನವನ್ನು ಕಾಪಾಡಬಹುದು.

ಬೆಚ್ಚನೆಯ ನೀರು ಕುಡಿಯುವುದರಿಂದಾಗುವ ಪ್ರಯೋಜನಗಳು

ಮಲಬದ್ಧತೆ ನಿವಾರಣೆ:ಬೆಚ್ಚಗಿನ ನೀರನ್ನು ಕುಡಿಯುವುದು ಆಂತರಿಕ ಶುದ್ಧೀಕರಣಕ್ಕೆ ಉತ್ತಮವಾಗಿದೆ ಎಂದು ಹೇಳುತ್ತಾರೆ. ಇದು ಕರುಳಿನ ಚಲನೆಯನ್ನು ನಿಯಂತ್ರಿಸುತ್ತದೆ ಮತ್ತು ಮಲಬದ್ಧತೆಯನ್ನು ತಡೆಯುತ್ತದೆ. ಉಬ್ಬಸ, ಹೊಟ್ಟೆ ನೋವು ಮತ್ತು ಅಸ್ವಸ್ಥತೆಯನ್ನು ತಪ್ಪಿಸಲು ಕರುಳಿನ ಚಲನೆ ಮುಖ್ಯವಾಗಿದೆ.

ರಕ್ತಸಂಚಾರ ಸುಗಮ: ಗಂಟಲು ನೋವು ಇರುವಾಗ ತಣ್ಣೀರಿನಿಂದ ದೂರವಿರುವುದು ಉತ್ತಮ. ಬೆಚ್ಚಗಿನ ನೀರು ರಕ್ತಸಂಚಲನಕ್ಕೆ ಸಹಾಯ ಮಾಡುತ್ತದೆ ಮತ್ತು ನೋಯುತ್ತಿರುವ ಗಂಟಲನ್ನು ಶಮನಗೊಳಿಸುತ್ತದೆ ಎಂಬುದು ನಿರ್ವಿವಾದ. ನೀರು ಕಫ ಶೇಖರಣೆಯನ್ನು ತಡೆಯಲು ಸಹಾಯ ಮಾಡುತ್ತದೆ.

ಅಕಾಲಿಕ ವಯಸ್ಸಾಗುವಿಕೆಯನ್ನು ತಡೆಯುತ್ತದೆ: ಬೆಚ್ಚಗಿನ ನೀರಿನ ಸೇವನೆಯು ಬೆವರು, ಕರುಳಿನ ಚಲನೆ ಮತ್ತು ಮುಚ್ಚಿಹೋಗದ ರಂಧ್ರಗಳ ಮೂಲಕ ದೇಹದಿಂದ ವಿಷವನ್ನು ತೆಗೆದುಹಾಕುತ್ತದೆ. ದೇಹದಲ್ಲಿ ವಿಷದ ಉಪಸ್ಥಿತಿಯು ಅಕಾಲಿಕ ವಯಸ್ಸಿಗೆ ಕಾರಣವಾಗುತ್ತದೆ.

ಕಾಂತಿಯುತ ಚರ್ಮ: ಬೆಚ್ಚನೆಯ ನೀರನ್ನು ಕುಡಿಯುವುದು ನಿಮ್ಮ ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ ಮತ್ತು ವಿಷವನ್ನು ಬಿಡುಗಡೆ ಮಾಡಲು ಸಹಾಯ ಮಾಡುತ್ತದೆ. ಈ ನಿರ್ವಿಶೀಕರಣವು ಹೊಳೆಯುವ ಚರ್ಮ ಮತ್ತು ಮುಚ್ಚಿಹೋಗದ ರಂಧ್ರಗಳಿಗೆ ಉತ್ತಮವಾಗಿದೆ.

ಹಸಿವನ್ನು ಪ್ರಚೋದಿಸುತ್ತದೆ: ಬೆಚ್ಚಗಿನ ನೀರನ್ನು ಕುಡಿದಾಗ ದೇಹವು ಅದರ ತಾಪಮಾನವನ್ನು ಕಡಿಮೆ ಮಾಡಲು ಹೆಚ್ಚು ಶ್ರಮಿಸಬೇಕಾಗುತ್ತದೆ. ಹೀಗಾಗಿ, ಚಯಾಪಚಯ ವ್ಯವಸ್ಥೆಯು ಉತ್ತಮವಾಗಿರುತ್ತದೆ ಎಂದು ವಿವರಿಸುತ್ತಾರೆ. ಇದು ಆಹಾರದ ಬೇಡಿಕೆಯನ್ನು ಮತ್ತು ಹಸಿವನ್ನು ಪ್ರಚೋದಿಸುತ್ತದೆ.

ಈ ಮೇಲಿನ ಲೇಖನವು ಟಿವಿ9ನ ಅಧಿಕೃತ ಮಾಹಿತಿಯಾಗಿರುವುದಿಲ್ಲ, ಸಾಮಾನ್ಯ ಮಾಹಿತಿಯನ್ನು ಒಳಗೊಂಡಿರುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 11:40 am, Thu, 2 June 22