ನಿರ್ಭಯಾ ರೇಪ್ ಅಂಡ್ ಮರ್ಡರ್: ನೇಣು ಕುಣಿಕೆಯಿಂದ ಪಾರಾದ ನರರೂಪಿ ರಾಕ್ಷಸರು?

ದೆಹಲಿ: ಪಾಪಿ ಚಿರಾಯು ಅನ್ನೋ ಮಾತು ನಿರ್ಭಯಾ ಹಂತಕರಿಗೆ ಹೋಲಿಕೆಯಾಗ್ತಿದೆ. ಯಾಕಂದ್ರೆ ಈ ನರರೂಪಿ ರಾಕ್ಷಸರ ಕೃತ್ಯ ಸಾಬೀತಾಗಿ, ಗಲ್ಲುಶಿಕ್ಷೆ ವಿಧಿಸಿದ್ದರೂ ಒಂದಿಲ್ಲೊಂದು ಅಡೆ-ತಡೆಯಿಂದ ನೇಣಿಗೇರಿಸಲು ಸಾಧ್ಯವಾಗುತ್ತಿಲ್ಲ. ಈ ಹಿನ್ನೆಲೆಯಲ್ಲಿ 2ನೇ ಬಾರಿಗೆ ಡೆತ್ ವಾರೆಂಟ್ ಹೊರಡಿಸಿದ್ದರೂ ಅದನ್ನ ಜಾರಿಗೆ ತರಲು ಆಗುತ್ತಿಲ್ಲ. ಅಷ್ಟಕ್ಕೂ ಈ ಬಾರಿ ಅಡ್ಡಿಯಾಗಿರೋ ಅಂಶವಾದ್ರು ಏನು..? ಅನ್ನೋದಾದ್ರೆ..

ಅಬಲೆಯ ಮೇಲೆ ಮೃಗಗಳಂತೆ ಎರಗಿ, ಹತ್ಯೆಗೈದ ನರರೂಪಿ ರಾಕ್ಷಸರಿಗೆ ನೇಣಿಗೇರಿಸಲು ಸಾಧ್ಯವಾಗುತ್ತಿಲ್ಲ. ಇಡೀ ದೇಶವನ್ನೇ ನಡುಗಿಸಿದ್ದ ನಿರ್ಭಯಾ ರೇಪ್ ಌಂಡ್ ಮರ್ಡರ್ ಕೇಸ್​ನಲ್ಲಿ ಅಪರಾಧಿಗಳಿಗೆ ವಿಧಿಸಿರುವ ಶಿಕ್ಷೆಯನ್ನೇ ಜಾರಿಗೊಳಿಸಲು ಸಾಧ್ಯವಾಗುತ್ತಿಲ್ಲ. ಮೊದಲ ಬಾರಿ ಡೆತ್ ವಾರಂಟ್ ಜಾರಿಯಾದ ಸಂದರ್ಭದಲ್ಲಿ ಹಲವು ಅಡೆ, ತಡೆ ಎದುರಾಗಿ ಬ್ರೇಕ್ ಬಿದ್ದಿತ್ತು. ಈ ಹಿನ್ನೆಲೆಯಲ್ಲಿ 2ನೇ ಬಾರಿಗೆ ಡೆತ್ ವಾರೆಂಟ್ ಹೊರಡಿಸಿದ್ರೂ ಪ್ರಯೋಜನವಾಗ್ತಿಲ್ಲ.

ನೇಣು ಕುಣಿಕೆಯಿಂದ ಆರೋಪಿಗಳು ಪಾರು..? ಅಂದಹಾಗೆ ಫೆಬ್ರವರಿ 1ರ ಬೆಳಗ್ಗೆ 6ಕ್ಕೆ ಗಲ್ಲಿಗೇರಿಸಲು ಬ್ಲ್ಯಾಕ್ ವಾರೆಂಟ್ ಹೊರಡಿಸಿದ್ದರು ಕೂಡ ಫೆಬ್ರವರಿ 1 ರಂದೇ ಗಲ್ಲಿಗೇರಿಸೋದು ಅನುಮಾನವಾಗಿದೆ. ಏಕೆಂದರೇ ಈಗಲೂ ಅಪರಾಧಿಗಳನ್ನ ಗಲ್ಲಿಗೇರಿಸಲು ಕೆಲ ನಿಯಮ ಅಡ್ಡಿಯಾಗುತ್ತಿವೆ. ಸದ್ಯದ ಪರಿಸ್ಥಿತಿಯಲ್ಲಿ ಅಪರಾಧಿಗಳನ್ನು ಗಲ್ಲಿಗೇರಿಸಲು ಇನ್ನೂ 1 ತಿಂಗಳು ಬೇಕಾಗಬಹುದು ಅಂತ ಕಾನೂನು ತಜ್ಞರು ಹೇಳುತ್ತಿದ್ದಾರೆ. ಹಾಗಾದರೇ ಈಗ ಎದುರಾಗಿರೋ ಸಮಸ್ಯೆ ಏನು ಅನ್ನೋದಾದ್ರೆ.

ನೇಣು ಕುಣಿಕೆಯಿಂದ ಮಿಸ್..? ದೆಹಲಿಯ ಜೈಲ್ ಮ್ಯಾನ್ಯುಯಲ್ ಪ್ರಕಾರ ಕ್ಷಮಾದಾನ ಅರ್ಜಿ ವಜಾಗೊಂಡ ನಂತರ 14 ದಿನಗಳ ಕಾಲಾವಕಾಶವನ್ನ ಅಪರಾಧಿಗಳಿಗೆ ನೀಡಬೇಕು. ನಿರ್ಭಯಾ ಕೇಸ್​ನಲ್ಲಿ ಇನ್ನೂ ಇಬ್ಬರು ಅಪರಾಧಿಗಳು ಕ್ಷಮಾದಾನ ಅರ್ಜಿಯನ್ನೇ ಸಲ್ಲಿಸಿಲ್ಲ. ಈ ಕ್ಷಮಾದಾನ ಅರ್ಜಿ ವಜಾಗೊಂಡ ಬಳಿಕವೂ ಗಲ್ಲಿಗೇರಿಸಲು 14 ದಿನ ಅಂತರ ಅತ್ಯಗತ್ಯ. ಅಪರಾಧಿ ವಿನಯಾ ಶರ್ಮಾನ ಕ್ಷಮಾದಾನ ಅರ್ಜಿ ಬಗ್ಗೆ ವಿವಾದ ಸೃಷ್ಟಿಯಾಗಿದೆ. ಹೀಗಾಗಿ ಕ್ಷಮೆ ಯಾಚಿಸಲು ತನ್ನ ಒಪ್ಪಿಗೆ ಇಲ್ಲ ಎಂದು ವಿನಯ ಶರ್ಮಾ ರಾಷ್ಟ್ರಪತಿಗೆ ಪತ್ರ ಬರೆದಿದ್ದಾನೆ. ಈ ಪತ್ರವೂ ಈಗಲೂ ರಾಷ್ಟ್ರಪತಿ ಬಳಿ ಇದೆ. ರಾಷ್ಟ್ರಪತಿ ತಿರಸ್ಕಾರ ಮಾಡಿದರೆ ಕೋರ್ಟ್​ನಲ್ಲಿ ವಿಚಾರಣೆ ಮಾಡಬಹುದಾಗಿದೆ.

ಒಟ್ನಲ್ಲಿ ಗಲ್ಲುಶಿಕ್ಷೆ ಜಾರಿಗೆ ನಿಗದಿಪಡಿಸಿದ ದಿನಾಂಕ ದಿನೇ ದಿನೆ ಹೈಟೆನ್ಷನ್ ಕ್ರಿಯೇಟ್ ಮಾಡ್ತಿದೆ. ಈ ಬಗ್ಗೆ ನಿರ್ಭಯಾ ತಾಯಿ ತಮ್ಮ ಅಳಲು ತೋಡಿಕೊಂಡಿದ್ದು, ಮುಂದೆ ಯಾವ ನಿರ್ಧಾರ ಕೈಗೊಳ್ಳಲಿದ್ದಾರೆ ಅನ್ನೋದನ್ನ ಕಾದು ನೋಡಬೇಕಿದೆ.

Published On - 7:48 am, Wed, 22 January 20