ಹಳೆಯ ಪಿಂಚಣಿ ಯೋಜನೆ ಬಗ್ಗೆ ಚರ್ಚಿಸುವುದಾಗಿ ಹೇಳಿದ ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್
ನಾನು ಸ್ಪಷ್ಟವಾಗಿ ಹೇಳುತ್ತೇನೆ, ನಾವು ಒಪಿಎಸ್ ಬಗ್ಗೆ ನೆಗಿಟಿವ್ ಆಗಿಲ್ಲ. ನಾವು ಅದನ್ನು ಹಣಕಾಸು ಮತ್ತು ಇತರ ಇಲಾಖೆಗಳೊಂದಿಗೆ ಚರ್ಚಿಸುತ್ತೇವೆ. ಆದರೆ ಪರಿಹಾರ ಏನೇ ಇರಲಿ, ಅದು ದೀರ್ಘಾವಧಿಯದ್ದಾಗಿರಬೇಕು, ಅಲ್ಪಾವಧಿಯಲ್ಲ" ಎಂದು ಬಿಜೆಪಿ ನಾಯಕ ಫಡ್ನವಿಸ್ ಹೇಳಿದ್ದಾರೆ.
ಔರಂಗಾಬಾದ್: ಮಹಾರಾಷ್ಟ್ರದ (Maharashtra) ಶಿವಸೇನಾ-ಬಿಜೆಪಿ ಸರ್ಕಾರವು ಹಳೆಯ ಪಿಂಚಣಿ ಯೋಜನೆಯನ್ನು (Old Pension Scheme) ಮರುಸ್ಥಾಪಿಸುವ ಯಾವುದೇ ಯೋಜನೆಯನ್ನು ಹೊಂದಿಲ್ಲ ಎಂದು ಹೇಳಿದ ಒಂದು ತಿಂಗಳ ನಂತರ, ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ (Devendra Fadnavis) ಗುರುವಾರ ಸಂಭವನೀಯ ಮರುಚಿಂತನೆಯ ಬಗ್ಗೆ ಮಾತನಾಡಿದ್ದಾರೆ. “ನಾನು ಸ್ಪಷ್ಟವಾಗಿ ಹೇಳುತ್ತೇನೆ, ನಾವು ಒಪಿಎಸ್ ಬಗ್ಗೆ ನೆಗಿಟಿವ್ ಆಗಿಲ್ಲ. ನಾವು ಅದನ್ನು ಹಣಕಾಸು ಮತ್ತು ಇತರ ಇಲಾಖೆಗಳೊಂದಿಗೆ ಚರ್ಚಿಸುತ್ತೇವೆ. ಆದರೆ ಪರಿಹಾರ ಏನೇ ಇರಲಿ, ಅದು ದೀರ್ಘಾವಧಿಯದ್ದಾಗಿರಬೇಕು, ಅಲ್ಪಾವಧಿಯಲ್ಲ” ಎಂದು ಬಿಜೆಪಿ ನಾಯಕ ಫಡ್ನವಿಸ್ ಹೇಳಿದ್ದಾರೆ. ಕಾಂಗ್ರೆಸ್ ಮತ್ತು ಇತರ ವಿರೋಧ ಪಕ್ಷಗಳು ಇತ್ತೀಚಿಗೆ ಒಪಿಎಸ್ಗೆ ಮರಳಿವೆ. ಹಿಮಾಚಲ ಪ್ರದೇಶ ಮತ್ತು ರಾಜಸ್ಥಾನದಂತಹ ರಾಜ್ಯಗಳಲ್ಲಿ ಒಪಿಎಸ್ ಯೋಜನೆಯೇ ಇದೆ. ಸರ್ಕಾರಗಳ ಮೇಲೆ ಭಾರಿ ಆರ್ಥಿಕ ಹೊರೆಯನ್ನು ಉಲ್ಲೇಖಿಸಿ ಬಿಜೆಪಿ ಅದರ ವಿರುದ್ಧವಾಗಿದೆ, ಆದರೆ ಅದರ ನಾಯಕರು ಇದನ್ನು ಪರಿಗಣಿಸುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ಒಪಿಎಸ್, 20 ವರ್ಷಗಳ ಸೇವೆ ಹೊಂದಿರುವ ನೌಕರರಿಗೆ ಅವರ ಕೊನೆಯ ಸಂಬಳದ ಕನಿಷ್ಠ 50 ಪ್ರತಿಶತವನ್ನು ಪಿಂಚಣಿಯಾಗಿ ನೀಡಿತ್ತದೆ. ಆದರೆ ಹೊರೆ ಸಂಪೂರ್ಣವಾಗಿ ಸರ್ಕಾರದ ಮೇಲಿತ್ತು. ಇದಕ್ಕಾಗಿ ಸಿಬ್ಬಂದಿಯಿಂದ ಯಾವುದೇ ಕಾರ್ಪಸ್ ಸಂಗ್ರಹಿಸಲಾಗಿಲ್ಲ. ಹೊಸ ಪಿಂಚಣಿ ಯೋಜನೆ (NPS) ಅಡಿಯಲ್ಲಿ, ಸರ್ಕಾರ ಮತ್ತು ಸಿಬ್ಬಂದಿ ಇಬ್ಬರೂ ವೇತನದ 10 ಮತ್ತು 14 ಪ್ರತಿಶತವನ್ನು ಅನುಕ್ರಮವಾಗಿ ನಿಧಿಗೆ ಕೊಡುಗೆ ನೀಡಿ ನಂತರ ಅದರಿಂದ ಪಿಂಚಣಿ ಪಡೆಯುತ್ತಾರೆ.
ಇದನ್ನೂ ಓದಿ: iNCOVACC: ಭಾರತ್ ಬಯೋಟೆಕ್‌ ತಯಾರಿಸಿದ ಮೂಗಿನ ಮೂಲಕ ಹಾಕುವ ಕೋವಿಡ್ ಲಸಿಕೆ ಇನ್ಕೋವ್ಯಾಕ್ ಬಿಡುಗಡೆ
ಜನವರಿ 30 ರಂದು ನಡೆಯಲಿರುವ ವಿಧಾನ ಪರಿಷತ್ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಔರಂಗಾಬಾದ್ ವಿಭಾಗದ ಶಿಕ್ಷಕರ ಕ್ಷೇತ್ರದಿಂದ ಬಿಜೆಪಿಯ ಕಿರಣ್ ಪಾಟೀಲ್ ಅವರಿಗೆ ಮತ ಯಾಚಿಸಿ ರ್ಯಾಲಿಯಲ್ಲಿ ಫಡ್ನವಿಸ್ ಮಾತನಾಡುತ್ತಿದ್ದರು.
“ಈ ಜನರು (ಒಪಿಎಸ್ ಬಗ್ಗೆ) ಮಾತ್ರ ಮಾತನಾಡುತ್ತಾರೆ ಎಂದು ಫಡ್ನವಿಸ್ ಎನ್‌ಸಿಪಿಯನ್ನು ಉಲ್ಲೇಖಿಸಿ ಹೇಳಿದ್ದಾರೆ. ಆದರೆ ಪ್ರಸ್ತುತ ಪಿಂಚಣಿ ಯೋಜನೆಯಲ್ಲಿ ಹಳೆಯದಕ್ಕೆ ಬದಲಾವಣೆಯಾಗುವುದಾದರೆ, ಅದನ್ನು ಮಾಡುವ ಧೈರ್ಯ ಬಿಜೆಪಿಗೆ ಇದೆ, ಅವರಿಗಲ್ಲ ಎಂದಿದ್ದಾರೆ
ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಅವರು ತಮ್ಮ ಸರ್ಕಾರವು ಈ ವಿಷಯದ ಬಗ್ಗೆ ಸಕಾರಾತ್ಮಕವಾಗಿದೆ ಎಂದು ಹೇಳಿದ ಎರಡು ವಾರಗಳ ನಂತರ ಫಡ್ನವಿಸ್ ಅವರ ಈ ಹೇಳಿಕೆ ಬಂದಿದೆ. ಈ ಹಿಂದೆ ಡಿಸೆಂಬರ್‌ನಲ್ಲಿ ವಿಧಾನಸಭೆಯಲ್ಲಿ ಬಿಜೆಪಿ ಶಾಸಕರೊಬ್ಬರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಫಡ್ನವಿಸ್, “ಸರ್ಕಾರವು ಹಳೆಯ ಪಿಂಚಣಿ ಯೋಜನೆಯನ್ನು ಪುನಶ್ಚೇತನಗೊಳಿಸುವುದಿಲ್ಲ. ಇದು ರಾಜ್ಯದ ಬೊಕ್ಕಸಕ್ಕೆ ₹ 1.1 ಲಕ್ಷ ಕೋಟಿ ಹೆಚ್ಚುವರಿ ಹೊರೆಯನ್ನು ಹಾಕುತ್ತದೆ” ಎಂದು ಹೇಳಿದ್ದರು.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ