ಪ್ರವಾಸಕ್ಕೆ ಹೋದಾಗ ರಷ್ಯಾ ಅಧ್ಯಕ್ಷ ಪುಟಿನ್ ಭದ್ರತೆ ಹೇಗಿರುತ್ತೆ? ಮಲವನ್ನು ಕೂಡ ಪ್ಯಾಕ್ ಮಾಡಿ ರಷ್ಯಾಗೆ ಕೊಂಡೊಯ್ತಾರೆ!

ನವದೆಹಲಿ, ಡಿಸೆಂಬರ್ 05: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್(Vladimir Putin) ಪ್ರಧಾನಿ ನರೇಂದ್ರ ಮೋದಿ ಆಹ್ವಾನದ ಮೇರೆಗೆ ದೆಹಲಿಗೆ ಬಂದಿಳಿದಿದ್ದಾರೆ. ಸಾಮಾನ್ಯವಾಗಿ ಒಂದು ದೇಶದ ಅಧ್ಯಕ್ಷ, ರಾಷ್ಟ್ರಪತಿ, ಪ್ರಧಾನಿಯಾಗಿರಲಿ ಬೇರೆ ಬೇರೆ ರೀತಿಯ ಭದ್ರತಾ ವ್ಯವಸ್ಥೆ ಇರುತ್ತದೆ. ಹಾಗೆಯೇ ಪುಟಿನ್ ಅವರ ಭದ್ರತೆ ಕುರಿತು ಕೂಡ ಕುತೂಹಲಕಾರಿ ಮಾಹಿತಿಗಳು ಬಹಿರಂಗಗೊಂಡಿವೆ. ರಾಜ್‌ಘಾಟ್‌ನಲ್ಲಿರುವ ಮಹಾತ್ಮ ಗಾಂಧಿಯವರ ಸಮಾಧಿಗೆ ಭೇಟಿ ನೀಡಲಿದ್ದಾರೆ. ಹೈದರಾಬಾದ್ ಹೌಸ್‌ನಲ್ಲಿ ನಡೆಯುವ ಶೃಂಗಸಭೆ ಮತ್ತು ಭಾರತ್ ಮಂಟಪದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.ರಾಷ್ಟ್ರಪತಿ ಭವನದಲ್ಲಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಆಯೋಜಿಸಿರುವ ಔತಣಕೂಟದಲ್ಲಿಯೂ ಭಾಗವಹಿಸಲಿದ್ದಾರೆ. ಪುಟಿನ್ ಭದ್ರತೆ ಬಗ್ಗೆ ಕೆಲವು ವಿಚಾರಗಳು ಇಲ್ಲಿವೆ.

ಪುಟಿನ್ ಭದ್ರತೆ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಭಾರತ ಭೇಟಿಗೆ ಬಿಗಿ ಭದ್ರತಾ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಪುಟಿನ್ ಅವರಿಗಾಗಿ ಐದು ಹಂತದ ಭದ್ರತಾ ವ್ಯವಸ್ಥೆಯನ್ನು ಸ್ಥಾಪಿಸಲಾಗಿದೆ. ಈ  ಭೇಟಿಯ ಸಮಯದಲ್ಲಿ ಉನ್ನತ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ರಷ್ಯಾದಿಂದ ನಾಲ್ಕು ಡಜನ್‌ಗಿಂತಲೂ ಹೆಚ್ಚು ಉನ್ನತ ಭದ್ರತಾ ಅಧಿಕಾರಿಗಳು ಈಗಾಗಲೇ ದೆಹಲಿಗೆ ಆಗಮಿಸಿದ್ದಾರೆ ಎಂದು ಮೂಲಗಳು ಬಹಿರಂಗಪಡಿಸಿವೆ.

ರಷ್ಯಾದ ಅತ್ಯಂತ ರಹಸ್ಯ ಭದ್ರತಾ ಸಂಸ್ಥೆಗಳಲ್ಲಿ ಒಂದಾದ ಫೆಡರಲ್ ಸೆಕ್ಯುರಿಟಿ ಸರ್ವಿಸ್ (FSO) ಈ ಎಲ್ಲಾ ವ್ಯವಸ್ಥೆಗಳನ್ನು ನೋಡಿಕೊಳ್ಳುತ್ತದೆ, ಸಾರಿಗೆಯಿಂದ ಹಿಡಿದು ವೈಯಕ್ತಿಕ ರಕ್ಷಣೆಯವರೆಗೆ ಪ್ರತಿಯೊಂದು ವಿವರದಲ್ಲೂ ಭದ್ರತೆಯನ್ನು ನೀಡುತ್ತದೆ.

ಆಹಾರ, ಲ್ಯಾಬೊರೇಟರಿ, ನೈರ್ಮಲ್ಯ ಪುಟಿನ್​ಗೆ ಅವರದ್ದೇ ಆದ ಅಡುಗೆ ತಯಾರಕರಿರುತ್ತಾರೆ. ಪ್ರತಿಯೊಬ್ಬರು ಕೈಗವಸುಗಳನ್ನು ಧರಿಸುವುದು, ದಿನಕ್ಕೆ ಹಲವಾರು ಬಾರಿ ಸಮವಸ್ತ್ರವನ್ನು ಬದಲಾಯಿಸುವುದು ಕಡ್ಡಾಯವಾಗಿದೆ. ಅಡುಗೆಮನೆಗೆ ಪ್ರವೇಶಿಸುವ ಪ್ರತಿಯೊಂದು ಪದಾರ್ಥವನ್ನು ಎಚ್ಚರಿಕೆಯಿಂದ ಪರಿಶೀಲಿಸಲಾಗುತ್ತದೆ. ಈ ಕಟ್ಟುನಿಟ್ಟಿನ ನಿಯಂತ್ರಣಗಳ ಹೊರತಾಗಿಯೂ, ಅಧ್ಯಕ್ಷರಿಗಾಗಿ ತಯಾರಿಸಿದ ಎಲ್ಲಾ ಭಕ್ಷ್ಯಗಳನ್ನು ಮೊದಲು ಭದ್ರತೆಗೆಂದು ನಿಯೋಜನೆಗೊಂಡವರು ರುಚಿ ನೋಡುತ್ತಾರೆ. ಯಾಕೆಂದರೆ ಒಂದೊಮ್ಮೆ ಆ ಆಹಾರದಲ್ಲಿ ಏನೇ ವಿಷಕಾರಿ ಪದಾರ್ಥ ಮಿಶ್ರಣವಾಗಿದ್ದರೂ ಅದು ಮೊದಲು ಸಿಬ್ಬಂದಿ ಮೇಲೆ ಗೋಚರಿಸುತ್ತದೆ ಎಂದು Modern.az ವರದಿ ಮಾಡಿದೆ.

ಪುಟಿನ್ ಎಲ್ಲೇ ಇದ್ದರೂ ನಾವು ಅಲ್ಲೇ ಇರುತ್ತೇವೆ. ಅಂದರೆ, ಅದು ವ್ಯಾಪಾರ ಪ್ರವಾಸವಾಗಿರಲಿ, ರಜೆಯಾಗಿರಲಿ ಅಥವಾ ಖಾಸಗಿ ಸಮಾರಂಭವಾಗಿರಲಿ, ನಾವು ಯಾವಾಗಲೂ ಅಲ್ಲೇ ಇರುತ್ತೇವೆ. ದೊಡ್ಡ ಕಾರ್ಯಕ್ರಮವಿದ್ದಾಗ, ನಾವು ಅದನ್ನು ಮೇಲ್ವಿಚಾರಣೆ ಮಾಡುತ್ತೇವೆ ಎಂದು ಅಡುಗೆಯವರು ಹೇಳಿಕೆ ಕೊಟ್ಟಿದ್ದರು. ಅವರು ಫಾಸ್ಟ್​ಫುಡ್ ತಿನ್ನುವುದಿಲ್ಲ, ರಾತ್ರಿ ಹೊತ್ತು ಮಾಂಸವನ್ನು ಕಡಿಮೆ ಸ್ವೀಕರಿಸುತ್ತಾರೆ.ರೋಸ್‌ಶಿಪ್ ಅಥವಾ ಶುಂಠಿ ಚಹಾವನ್ನು ಕುಡಿಯುತ್ತಾರೆ.

ಮತ್ತಷ್ಟು ಓದಿ: ಪ್ರಧಾನಿ ಮೋದಿ- ಪುಟಿನ್ ಗೆಳೆತನ 25 ವರ್ಷಕ್ಕೂ ಹಿಂದಿನದು; ವಾಜಪೇಯಿ ಜೊತೆಗಿನ ಫೋಟೋ ಮತ್ತೆ ವೈರಲ್

ವಾಹನಗಳು ಮತ್ತು ವಿಮಾನಗಳು ವಿದೇಶಗಳಲ್ಲಿ ಪುಟಿನ್ ಗ್ರೆನೇಡ್ ನಿರೋಧಕತೆ, ಎಮರ್ಜೆನ್ಸಿ ಆಕ್ಸಿಜನ್, ಫೈರ್ ಸಪ್ರೆಷನ್,ಗುಂಡು ನಿರೋಧಕ ಔರಸ್ ಸೆನಾಟ್ ಲಿಮೋಸಿನ್‌ನಲ್ಲಿ ಪ್ರಯಾಣಿಸುತ್ತಾರೆ. ಈ ವಿಮಾನವನ್ನು ಫ್ಲೈಯಿಂಗ್ ಪ್ಲುಟನ್ ಎಂದು ಕರೆಯಲಾಗುತ್ತದೆ. ಜಿಮ್, ವೈದ್ಯಕೀಯ ಕೇಂದ್ರ, ಸಮ್ಮೇಳನ ಕೊಠಡಿಗಳನ್ನು ಇದು ಹೊಂದಿರುತ್ತದೆ.

ಮಲದ ಸೂಟ್‌ಕೇಸ್ ಪುಟಿನ್ ಅವರ ಪ್ರಯಾಣದ ದಿನಚರಿಯ ಅಸಾಮಾನ್ಯ ಅಂಶವೆಂದರೆ ಅವರ ದೈಹಿಕ ತ್ಯಾಜ್ಯ. ಅವರ ಮಲವನ್ನು ಸಂಗ್ರಹಿಸಲಾಗುತ್ತದೆ, ಸೀಲ್ ಮಾಡಲಾಗುತ್ತದೆ ಮತ್ತು ರಷ್ಯಾಗೆ ಹಿಂದಿರುಗಿಸಲಾಗುತ್ತದೆ. ಅಂಗರಕ್ಷಕರು ತ್ಯಾಜ್ಯವನ್ನು ನಿರ್ವಹಿಸುತ್ತಾರೆ, ಅದನ್ನು ಮೊಹರು ಮಾಡಿದ ಬ್ರೀಫ್‌ಕೇಸ್‌ನಲ್ಲಿ ಇರಿಸಿ ಮಾಸ್ಕೋಗೆ ಹಿಂತಿರುಗುತ್ತಾರೆ .ಪುಟಿನ್ ಅವರ 2017 ರ ಫ್ರಾನ್ಸ್ ಭೇಟಿ, 2019 ರ ಸೌದಿ ಅರೇಬಿಯಾ ಪ್ರವಾಸ ಮತ್ತು ಇತ್ತೀಚೆಗೆ ಅಮೆರಿಕದಲ್ಲಿ ನಡೆದ ಅಲಾಸ್ಕಾ ಶೃಂಗಸಭೆಯ ಸಮಯದಲ್ಲಿ ಈ ಪದ್ಧತಿಯನ್ನು ಗಮನಿಸಲಾಗಿದೆ.ಅಧ್ಯಕ್ಷರು 1999 ರಲ್ಲಿ ತಮ್ಮ ನಾಯಕತ್ವದ ಆರಂಭದಿಂದಲೂ ಈ ಪದ್ಧತಿಯನ್ನು ಅನುಸರಿಸುತ್ತಿದ್ದಾರೆ.

2012ರ ಸಂದರ್ಭದಲ್ಲಿ ಫ್ರಾನ್ಸ್ ಮತ್ತು ಸೌದಿ ಅರೇಬಿಯಾ ಪ್ರವಾಸದ ಸಮಯದಲ್ಲಿ, ಪುಟಿನ್ ಅವರ ಭದ್ರತಾ ತಂಡವು ಶೌಚಾಲಯದಿಂದ ಹೊರಬರುವಾಗಲೆಲ್ಲಾ ವಿಶೇಷ ಸೂಟ್‌ಕೇಸ್ ಅನ್ನು ಒಯ್ಯುವುದನ್ನು ಮಾಧ್ಯಮಗಳು ಮೊದಲು ಗಮನಿಸಿದವು. ರಷ್ಯಾದ ಅಧ್ಯಕ್ಷರು ತಮ್ಮ ಮಲವನ್ನು ರಷ್ಯಾಕ್ಕೆ ಹಿಂತಿರುಗಿಸುತ್ತಿದ್ದರು, ಆದ್ದರಿಂದ ಯಾರೂ ಅವರ ಆರೋಗ್ಯವನ್ನು ಪರಿಶೀಲಿಸಲು ಸಾಧ್ಯವಿಲ್ಲ ಎಂದು ಫ್ರೆಂಚ್ ಮಾಧ್ಯಮ ವರದಿ ಮಾಡಿದೆ

ಪುಟಿನ್ ಕಾರು 4 ಟೈರ್‌ಗಳು ಪಂಕ್ಚರ್ ಆಗಿದ್ದರೂ ಓಡಬಲ್ಲದು ಪುಟಿನ್ ಅವರು ಔರಸ್ ಮೋಟಾರ್ಸ್ ಮತ್ತು ರಷ್ಯಾದ NAMI ಇನ್ಸ್ಟಿಟ್ಯೂಟ್ ವಿನ್ಯಾಸಗೊಳಿಸಿದ ಸರ್ಕಾರಿ ಕಾರು ಔರಸ್ ಸೆನಾಟ್‌ನಲ್ಲಿ ಪ್ರಯಾಣಿಸುತ್ತಾರೆ. ಈ ವಾಹನವು ಗುಂಡು ನಿರೋಧಕ, ಗ್ರೆನೇಡ್-ನಿರೋಧಕವಾಗಿದ್ದು, ಬೆಂಕಿ ನಿಗ್ರಹ ವ್ಯವಸ್ಥೆ, ತುರ್ತು ಆಮ್ಲಜನಕ ಪೂರೈಕೆ ಮತ್ತು ಸುಧಾರಿತ ಕಮಾಂಡ್ ವ್ಯವಸ್ಥೆಯನ್ನು ಹೊಂದಿದೆ. ಇದು ಎಲ್ಲಾ ನಾಲ್ಕು ಟೈರ್‌ಗಳನ್ನು ಪಂಕ್ಚರ್ ಆಗಿದ್ದರೂ ಪ್ರಯಾಣಕ್ಕೆ ಯಾವುದೇ ತೊಂದರೆಯಾಗುವುದಿಲ್ಲ.

2010 ರ ಹೊತ್ತಿಗೆ, ಪುಟಿನ್ ವಿದೇಶಗಳಲ್ಲಿ ನಡೆಯುವ ಯಾವುದೇ ಔತಣಕೂಟಗಳಲ್ಲಿ ಊಟ ಮಾಡುವುದಿಲ್ಲ ಎಂಬ ಮಾತು ಕೇಳಿಬಂದಿತ್ತು. ಅವರೊಂದಿಗೆ ಬಾಣಸಿಗರು, ರುಚಿ ನೋಡುವವರು ಮತ್ತು ವಿಜ್ಞಾನಿಗಳನ್ನು ಒಳಗೊಂಡ ಮೊಬೈಲ್ ಆಹಾರ ಪ್ರಯೋಗಾಲಯವೂ ಇತ್ತು. ನೀರಿನಿಂದ ಹಿಡಿದು ಸಲಾಡ್‌ಗಳವರೆಗೆ ಎಲ್ಲವನ್ನೂ ಬಡಿಸುವ ಮೊದಲು ಪ್ರಯೋಗಾಲಯದಲ್ಲಿ ಪರೀಕ್ಷಿಸಲಾಯಿತು. ಪುಟಿನ್ ಮುಟ್ಟಿದ ಯಾವುದೇ ಗಾಜು, ಟಿಶ್ಯೂ ಅಥವಾ ವಸ್ತುವನ್ನು ತಕ್ಷಣವೇ ಸಂಗ್ರಹಿಸಿ ಅವರ ತಂಡವು ರಷ್ಯಾಕ್ಕೆ ಹಿಂತಿರುಗಿಸುತ್ತಿತ್ತು. ಯಾವುದೇ ಜೈವಿಕ ಮಾದರಿಗಳು ಪತ್ತೆಯಾಗದಂತೆ ಹೋಟೆಲ್‌ನ ಪ್ಲಂಬಿಂಗ್ ಅನ್ನು ಸಹ ಮುಚ್ಚಲಾಯಿತು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 11:50 am, Fri, 5 December 25