ನಾವು ಆರೋಗ್ಯವಾಗಿರಬೇಕೆಂದರೆ ನಮ್ಮ ದೇಹದ ಫಿಟ್ನೆಸ್ ಕೂಡ ಬಹಳ ಮುಖ್ಯ. ಇದಕ್ಕೆ ಗಂಟೆಗಟ್ಟಲೆ ಜಿಮ್ನಲ್ಲಿ ಬೆವರು ಹರಿಸಬೇಕೆಂದೇನೂ ಇಲ್ಲ. ಮನೆಯಲ್ಲೇ ಅಥವಾ ನಾವು ಕೆಲಸ ಮಾಡುವ ಸ್ಥಳದಲ್ಲೇ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ನಾವು ಫಿಟ್ ಆಗಿರಬಹುದು.
ಬೊಜ್ಜು ಈಗೀಗ ಪ್ರತಿಯೊಬ್ಬರನ್ನೂ ಕಾಡುತ್ತಿರುವ ಸಾಮಾನ್ಯ ಆರೋಗ್ಯ ಸಮಸ್ಯೆಯಾಗಿದೆ. ಈ ಬೊಜ್ಜು ಕೆಲವೊಮ್ಮೆ ನಮ್ಮ ಆರೋಗ್ಯಕ್ಕೆ ಅಪಾಯವನ್ನು ಕೂಡ ಉಂಟುಮಾಡಬಹುದು. ಹೀಗಾಗಿ, ಫಿಟ್ ಆಗಿರುವುದು ಅತ್ಯಗತ್ಯ.
1 / 9
ಇದಕ್ಕೆ ಜಿಮ್ಗೆ ಹೋಗಿಯೇ ವರ್ಕ್ಔಟ್ ಮಾಡಬೇಕೆಂದೇನೂ ಇಲ್ಲ. ನಮ್ಮ ಆಹಾರ, ಜೀವನಶೈಲಿಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ನಮ್ಮ ದೇಹವನ್ನು ಶೇಪ್ನಲ್ಲಿ ಇಟ್ಟುಕೊಳ್ಳಬಹುದು.
2 / 9
ಫಿಟ್ ಆಗಿರಲು ಜಿಮ್ನಲ್ಲಿ ವರ್ಕ್ಔಟ್ ಮಾಡಬೇಕೆಂದೇನೂ ಇಲ್ಲ. ಇಡೀ ದಿನ ಚಟುವಟಿಕೆಯಿಂದ ಇರಿ. ಅಂದರೆ, ಒಂದೇ ಕಡೆ ಕುಳಿತುಕೊಂಡಿರಬೇಡಿ. ಓಡಾಡುತ್ತಿರಿ. ಲಿಫ್ಟ್ ಬದಲು ಮೆಟ್ಟಿಲುಗಳನ್ನು ಹತ್ತಿ ಇಳಿಯಿರಿ. ಆದಷ್ಟು ನಡೆದಾಡುತ್ತಾ ಇರಿ.
3 / 9
ಗುಣಮಟ್ಟದ ನಿದ್ರೆಯು ಆರೋಗ್ಯಕರ ಜೀವನಶೈಲಿಗೆ ಅತ್ಯಗತ್ಯವಾಗಿದೆ. ನಿಯಮಿತವಾದ ಮಲಗುವ ಸಮಯದ ದಿನಚರಿಯನ್ನು ರೂಢಿಸಿಕೊಳ್ಳಿ. ಮಲಗುವ ಮುನ್ನ ಹೆಚ್ಚು ಟಿವಿ, ಮೊಬೈಲ್ ನೋಡಬೇಡಿ.
4 / 9
ನಾವು ತಿನ್ನುವ ಆಹಾರ ಕೂಡ ಫಿಟ್ನೆಸ್ ಮೇಲೆ ಪರಿಣಾಮ ಬೀರುತ್ತದೆ. ಸಮತೋಲಿತ ಆಹಾರವು ಆರೋಗ್ಯಕರ ಜೀವನಶೈಲಿಯ ಮೂಲಾಧಾರವಾಗಿದೆ. ಹಣ್ಣುಗಳು ಮತ್ತು ತರಕಾರಿಗಳು, ಧಾನ್ಯಗಳು, ನೇರ ಪ್ರೋಟೀನ್ ಮತ್ತು ಆರೋಗ್ಯಕರ ಕೊಬ್ಬುಗಳನ್ನು ನಿಮ್ಮ ಊಟದಲ್ಲಿ ಸೇರಿಸಿಕೊಳ್ಳಿ. ಸಂಸ್ಕರಿಸಿದ ಆಹಾರಗಳು, ಜಂಕ್ ತಿಂಡಿಗಳು ಮತ್ತು ಅತಿಯಾದ ಸಿಹಿತಿಂಡಿಗಳನ್ನು ಕಡಿಮೆ ಮಾಡಿ.
5 / 9
ನಿಮ್ಮ ಮನೆಯನ್ನು ನಿಮ್ಮ ವೈಯಕ್ತಿಕ ಫಿಟ್ನೆಸ್ ಜಾಗವನ್ನಾಗಿ ಮಾಡಿಕೊಳ್ಳಿ. ಯೋಗ ಮಾಡಿ. ಸಣ್ಣಪುಟ್ಟ ವ್ಯಾಯಾಮಗಳನ್ನು ಮಾಡಿ. ಆನ್ಲೈನ್ ಮೂಲಕ ಯೋಗ ಕ್ಲಾಸ್ಗೆ ಸೇರಿಕೊಳ್ಳಿ.
6 / 9
ಬಿಡುವಿದ್ದಾಗ ಧ್ಯಾನ ಮಾಡುತ್ತಾ ನಿಮ್ಮ ಗಮನವನ್ನು ಕೇಂದ್ರೀಕರಿಸಿ. ಇದು ನಿಮ್ಮ ಮಾನಸಿಕ ಆರೋಗ್ಯವನ್ನು ಕಾಪಾಡುತ್ತದೆ. ಇದು ಕೂಡ ಫಿಟ್ ಆಗಿರಲು ಸಹಕಾರಿಯಾಗಿದೆ.
7 / 9
ಆಫೀಸ್ನಲ್ಲಿ ಇಡೀ ದಿನ ಕುಳಿತು ಕೆಲಸ ಮಾಡುವಾಗಲೂ ಆಗಾಗ ಬ್ರೇಕ್ ತೆಗೆದುಕೊಳ್ಳುತ್ತಿರಿ. ಆಚೀಚೆ ಓಡಾಡಿ. ಕೈ-ಕಾಲುಗಳನ್ನು ಸ್ಟ್ರೆಚ್ ಮಾಡುತ್ತಿರಿ.
8 / 9
ನಮ್ಮ ದೇಹಕ್ಕೆ ಅಗತ್ಯವಾದ ದ್ರವವನ್ನು ನಾವು ನೀಡುತ್ತಿದ್ದರೆ ಮಾತ್ರ ಜೀರ್ಣಕ್ರಿಯೆ ಸರಾಗವಾಗುತ್ತದೆ. ಆಗ ತೂಕ ಕಡಿಮೆಯಾಗುತ್ತದೆ. ಸಕ್ಕರೆ ಪಾನೀಯಗಳು ಮತ್ತು ಆಲ್ಕೋಹಾಲ್ ಸೇವಿಸುವುದನ್ನು ಬಿಟ್ಟು ಶುದ್ಧ ನೀರನ್ನು ಸೇವಿಸಿ.
