Vidura Neeti: ಎಲ್ಲ ಕಾಲದಲ್ಲೂ ಸಲ್ಲುವ ವಿದುರ ಹೇಳಿದ 10 ಜೀವನ ಪಾಠಗಳಿವು
ಮಹಾಭಾರತದಲ್ಲಿ ವಿದುರ ನೀತಿಗೆ ವಿಶೇಷ ಪ್ರಾಶಸ್ತ್ಯ. ಎಲ್ಲ ಕಾಲಕ್ಕೂ ಸಲ್ಲುವಂಥ ಜೀವನದ ಪಾಠಗಳವು. ಆ ಪೈಕಿ ಆಯ್ದ 10 ಜೀವನದ ಪಾಠಗಳ ವಿವರಣೆ ಇಲ್ಲಿದೆ.
Updated on: Jul 27, 2021 | 7:11 AM
ಮಹಾಭಾರತದಲ್ಲಿ ಬರುವಂಥ ಮೇರು ವ್ಯಕ್ತಿತ್ವಗಳು ಅನೇಕ. ಅದರಲ್ಲಿ ವಿದುರನ ಪಾತ್ರವೂ ಒಂದು. ವಿದುರ ಹೇಳಿದ ನೀತಿಗಳು ಸಾರ್ವಕಾಲಿಕವಾದಂಥವು. ಎಲ್ಲ ಕಾಲ, ದೇಶಗಳಿಗೂ ಅನ್ವಯ ಆಗುವಂಥವು. ಈ ಲೇಖನದಲ್ಲಿ ವಿದುರ ನೀತಿಯ ಟಾಪ್ ಟೆನ್ಗಳ ಪಟ್ಟಿ ಮಾಡಲಾಗುತ್ತಿದೆ. ನೀವೇ ಇವುಗಳನ್ನು ಓದಿದ ಮೇಲೆ ನಿರ್ಧರಿಸಿ, ವಿದುರ ನೀತಿಯಲ್ಲಿ ತೆಗೆದುಹಾಕುವಂಥ ಅಂಶ ಯಾವುದಿದೆ ನೀವೇ ಹೇಳಿ. ವಿದುರ ಹೇಳಿದ ನೀತಿಗಳ ಬಗ್ಗೆ ತಿಳಿದುಕೊಳ್ಳುವುದಕ್ಕೆ ಇನ್ನು ತಡ ಮಾಡುವುದು ಬೇಡ, ಮುಂದಕ್ಕೆ ಓದಿ. ಹೇಗಿದೆ ಅನ್ನೋದನ್ನು ತಿಳಿಸಿ.
1. ಬುದ್ಧಿವಂತ ವ್ಯಕ್ತಿಯು ಜೀವನದ ಉನ್ನತ ಗುರಿಗಳಿಂದ ವಿಮುಖನಾಗುವುದಿಲ್ಲ ಏಕೆಂದರೆ ಅವನ ಕಾರ್ಯಗಳು ಸ್ವಯಂ ಜ್ಞಾನ, ಪ್ರಯತ್ನ, ತಾಳ್ಮೆ ಮತ್ತು ಧರ್ಮದ ಮೇಲಿನ ಭಕ್ತಿಯಂತಹ ಗುಣಗಳನ್ನು ಆಧರಿಸಿವೆ.
2. ಬುದ್ಧಿವಂತ ವ್ಯಕ್ತಿಯ ಕಾರ್ಯಗಳು ಮತ್ತು ಕೈಗೆತ್ತಿಕೊಳ್ಳುವ ಕೆಲಸಗಳು ಶೀತೋಷ್ಣ, ಪ್ರೀತಿ, ಭಯ ಮತ್ತು ಶ್ರೀಮಂತಿಕೆ ಅಥವಾ ಬಡತನದಿಂದ ಪ್ರಭಾವಿತವಾಗುವುದಿಲ್ಲ.
3. ಬುದ್ಧಿವಂತ ವ್ಯಕ್ತಿಯು ಸಾಧಿಸಲಾಗದ ಗುರಿಗಳಿಗಾಗಿ ತನ್ನ ಶ್ರಮ ಮತ್ತು ಸಮಯವನ್ನು ವ್ಯರ್ಥ ಮಾಡುವುದಿಲ್ಲ. ತಾನು ಕಳೆದುಕೊಂಡ ವಸ್ತುಗಳ ಬಗ್ಗೆ ಚಿಂತಿಸುವುದಿಲ್ಲ ಮತ್ತು ಕಷ್ಟದ ಸಮಯದಲ್ಲಿ ತನ್ನ ವಿವೇಕವನ್ನು ಕಳೆದುಕೊಳ್ಳುವುದಿಲ್ಲ.
4. ಬುದ್ಧಿವಂತ ವ್ಯಕ್ತಿಯು ತನ್ನ ಪ್ರಯತ್ನಕ್ಕೆ ಮುಂಚಿತವಾಗಿ ಬದ್ಧನಾಗಿರುತ್ತಾನೆ, ಅವನು ಕೆಲಸವನ್ನು ಪೂರ್ಣಗೊಳಿಸುವ ಮೊದಲು ದೀರ್ಘ ವಿರಾಮಗಳನ್ನು ತೆಗೆದುಕೊಳ್ಳುವುದಿಲ್ಲ, ಸಮಯವನ್ನು ವ್ಯರ್ಥ ಮಾಡುವುದಿಲ್ಲ ಮತ್ತು ಅವನ ಮನಸ್ಸಿನ ಮೇಲೆ ನಿಯಂತ್ರಣವನ್ನು ಹೊಂದಿರುತ್ತಾನೆ. ನಾವೆಲ್ಲರೂ ತಾತ್ಕಾಲಿಕ ಗುರಿಗಳ ನಂತರ ಓಡುವ ತಪ್ಪುಗಳನ್ನು ಮಾಡುತ್ತಲೇ ಇರುತ್ತೇವೆ ಮತ್ತು ಅದನ್ನು ತ್ಯಜಿಸುತ್ತೇವೆ.
5. ಒಬ್ಬ ಮೂರ್ಖ ಮಾತ್ರ ತನ್ನ ಸ್ನೇಹಿತರನ್ನು ಶತ್ರುಗಳನ್ನಾಗಿ ಮಾಡಿಕೊಳ್ಳುತ್ತಾನೆ, ತನ್ನ ಸ್ನೇಹಿತನನ್ನು ನೋಯಿಸುತ್ತಾನೆ ಮತ್ತು ಕೊಲ್ಲುತ್ತಾನೆ ಮತ್ತು ದುಷ್ಕೃತ್ಯದಲ್ಲಿ ತನ್ನನ್ನು ತೊಡಗಿಸಿಕೊಳ್ಳುತ್ತಾನೆ. ಇರುವೆಗಳಂತೆ, ನಾವು ಮಾನವರು ಸಾಮಾಜಿಕ ಜೀವಿಗಳು. ಯಶಸ್ವಿಯಾಗಲು ನಮಗೆ ಜನರ ಸಹಾಯ ಬೇಕು. ಹೀಗಾಗಿ, ನಾವು ಜನರೊಂದಿಗೆ ಸ್ನೇಹಪರರಾಗಿರಬೇಕು ಮತ್ತು ಎಲ್ಲರಿಗೂ ಒಳ್ಳೆಯವರಾಗಿರಬೇಕು. ಕಷ್ಟದಲ್ಲಿಯೂ ಸಹ ಸಹಾಯ ಮಾಡುವ ಸ್ನೇಹಿತರನ್ನು ಮಾಡಲು ಇದು ನಮಗೆ ಸಹಾಯ ಮಾಡುತ್ತದೆ. ಅಂತೆಯೇ, ಅವರು ಶತ್ರುಗಳಿಂದ ದೂರವಿರಲು ಕಲಿಯಬೇಕು ಮತ್ತು ಅವರಿಗೆ ಹತ್ತಿರವಾಗಬಾರದು.
6. ಯಾವಾಗಲೂ ವಸ್ತು ವಿಷಯಗಳ ಬಗ್ಗೆ ಮಾತ್ರ ಆಲೋಚಿಸುವುದು ತಪ್ಪು. ಆದ್ದರಿಂದ ನಮ್ಮ ಆಲೋಚನೆಗಳು ಪೂರ್ವಗ್ರಹ ಆಗದಂತೆ ನೋಡಿಕೊಳ್ಳಬೇಕು. ನಿರ್ಧಾರವನ್ನು ಕೈಗೊಳ್ಳುವಾಗ ನಾಲ್ಕು ಜನರ ಜತೆಗೆ ಚರ್ಚೆ ಮಾಡಬೇಕು.
7. ಈ ಆರು ಗುಣಗಳನ್ನು ಎಂದಿಗೂ ಕೈಬಿಡಬಾರದು – ಸತ್ಯವನ್ನೇ ನುಡಿಯುವುದು, ಸೋಮಾರಿ ಆಗದಿರುವುದು, ಕೆಟ್ಟದ್ದರಲ್ಲಿ ಸಹ ತಪ್ಪು ಕಂಡುಕೊಳ್ಳದಿರುವುದು, ಕ್ಷಮೆ ಮತ್ತು ದೃಢ ನಿಶ್ಚಯ ಅಥವಾ ಧೈರ್ಯ.
8. ಅತಿಯಾದ ಸಂತೋಷದಲ್ಲಿ ಮೈ ಮರೆಯುವ ವ್ಯಕ್ತಿಯು ಹಾನಿಗೆ ಒಳಗಾಗುತ್ತಾನೆ; ಸಂತೋಷದ ಉತ್ತುಂಗಕ್ಕೇರಿದ ಸನ್ನಿವೇಶವು ಇಂದ್ರಿಯ ನಿಗ್ರಹ ಇಲ್ಲದಂತೆ ಮಾಡುತ್ತದೆ. ಮತ್ತು ಸರಿಯಾಗಿ ಯೋಚಿಸುವ ಸಾಮರ್ಥ್ಯವನ್ನು ಹಾಳು ಮಾಡುತ್ತದೆ. ಅಂತೆಯೇ, ಅತೃಪ್ತಿಯ ವಿಪರೀತ ಮಟ್ಟವು ಸಹ ಆಲೋಚನೆಯ ಮೇಲೆ ಪ್ರಭಾವ ಬೀರಿ, ಪಕ್ಷಪಾತವಿಲ್ಲದ ನಿರ್ಧಾರಕ್ಕೆ ಅವಕಾಶ ನೀಡುವುದಿಲ್ಲ. ಆದ್ದರಿಂದ ಭಾವನೆಗಳಿಂದ ಪ್ರಭಾವಿತವಾಗದ ರೀತಿಯಲ್ಲಿ ಕೆಲಸ ಮಾಡುವ ಮತ್ತು ಜೀವನವನ್ನು ನಡೆಸುವ ಸಾಮರ್ಥ್ಯವನ್ನು ಬೆಳೆಸಿಕೊಳ್ಳಬೇಕು.
9. ಸಮಾಜದಲ್ಲಿ ಇತರರ ಸಂಪತ್ತು, ಸೌಂದರ್ಯ, ಕುಟುಂಬದ ಖ್ಯಾತಿ, ಉದಾತ್ತ ಜನನ, ಸಂತೋಷ, ಅದೃಷ್ಟ ಅಥವಾ ಗೌರವವನ್ನು ಅಸೂಯೆಯಿಂದ ನೋಡುವ ವ್ಯಕ್ತಿಯು ಅನಾರೋಗ್ಯಪೀಡಿತ ಎನಿಸಿಕೊಳ್ಳಲಿದ್ದು, ಅಂಥವರಿಗೆ ಯಾವುದೇ ಚಿಕಿತ್ಸೆ ಇಲ್ಲ.
10. ಪ್ರಸ್ತುತ ಜಗತ್ತಿನಲ್ಲಿ ಕ್ಷಮೆ ಒಬ್ಬ ವ್ಯಕ್ತಿಗೆ ಬಹಳ ಮುಖ್ಯವಾದ ಮೌಲ್ಯ. ತನಗೆ ಹಾನಿ ಮಾಡಿದ ವ್ಯಕ್ತಿ ಬಗ್ಗೆ ಅಸಮಾಧಾನ ಅಥವಾ ಪ್ರತೀಕಾರದ ಭಾವನೆಯನ್ನು ಬಿಡಲು ನಿರ್ಧರಿಸುವ ಕ್ರಿಯೆ ಇದು. ಕ್ಷಮೆಯ ಆರೋಗ್ಯ ಮತ್ತು ಮಾನಸಿಕ ಲಾಭವು ದೊಡ್ಡದು. ಕ್ಷಮೆಯಿಂದಾಗಿ ಕೋಪ, ಆತಂಕ ಮತ್ತು ಖಿನ್ನತೆ ಕಡಿಮೆ ಆಗುತ್ತದೆ. ಇದು ಆರೋಗ್ಯಕರ ಜೀವನಕ್ಕೂ ಕಾರಣವಾಗುತ್ತದೆ.
ಇದನ್ನೂ ಓದಿ: Vidura neeti: ಮಹಾಭಾರತದಲ್ಲಿನ ವಿದುರ ನೀತಿಯ ಪ್ರಕಾರ ಈ 6 ಕಾರಣಗಳಿಂದಾಗಿ ಒಬ್ಬ ವ್ಯಕ್ತಿಯು ನಿದ್ದೆಯನ್ನು ಕಳೆದುಕೊಳ್ತಾರೆ
(10 Life Lessons By Vidura Neeti Must Adopt By Everyone)
