Magha Gupta Navratri 2025: ಮಾಘ ಗುಪ್ತ ನವರಾತ್ರಿ ಯಾವಾಗ? ಈ ದಿನ ದುರ್ಗೆಯನ್ನು ರಹಸ್ಯವಾಗಿ ಏಕೆ ಪೂಜಿಸಲಾಗುತ್ತದೆ?
ಮಾಘ ಗುಪ್ತ ನವರಾತ್ರಿಯು ಹಿಂದೂ ಧರ್ಮದಲ್ಲಿ ಬಹಳ ಮಹತ್ವದ್ದಾಗಿದೆ. ಈ ವರ್ಷ ಇದು ಜನವರಿ 30 ರಿಂದ ಫೆಬ್ರವರಿ 7 ರವರೆಗೆ ನಡೆಯಲಿದೆ. ಕಲಶ ಸ್ಥಾಪನೆ, ಪೂಜಾ ವಿಧಾನ ಮತ್ತು ಗುಪ್ತ ನವರಾತ್ರಿಯ ಮಹತ್ವದ ಬಗ್ಗೆ ಈ ಲೇಖನ ವಿವರಿಸುತ್ತದೆ. ಭಕ್ತರು ತಮ್ಮ ಆಸೆಗಳನ್ನು ಈಡೇರಿಸಿಕೊಳ್ಳಲು ಮತ್ತು ದುಃಖಗಳಿಂದ ಮುಕ್ತಿ ಪಡೆಯಲು ದುರ್ಗಾ ದೇವಿಯನ್ನು ಪೂಜಿಸುತ್ತಾರೆ. ರಹಸ್ಯವಾಗಿ ನಡೆಸುವ ಪೂಜೆಯು ಹೆಚ್ಚು ಫಲಪ್ರದವೆಂದು ನಂಬಲಾಗಿದೆ.
ಹಿಂದೂ ಧರ್ಮದಲ್ಲಿ, ನವರಾತ್ರಿಯ ದಿನಗಳನ್ನು ಅತ್ಯಂತ ಪವಿತ್ರ ಮತ್ತು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಒಂದು ವರ್ಷದಲ್ಲಿ ನಾಲ್ಕು ನವರಾತ್ರಿಗಳಿವೆ. ಅವುಗಳಲ್ಲಿ 2 ಗುಪ್ತ ನವರಾತ್ರಿ ಮತ್ತು 2 ಪ್ರತ್ಯಕ್ಷ ನವರಾತ್ರಿ. ಪ್ರತ್ಯಕ್ಷ ನವರಾತ್ರಿಯ ದಿನಗಳಲ್ಲಿ ದುರ್ಗೆಯ ಒಂಬತ್ತು ರೂಪಗಳನ್ನು ಪೂಜಿಸಲಾಗುತ್ತದೆ. ಗುಪ್ತ ನವರಾತ್ರಿಯ ಉಪವಾಸವನ್ನು ಮಾಘ ಮತ್ತು ಆಷಾಢ ಮಾಸಗಳಲ್ಲಿ ಆಚರಿಸಲಾಗುತ್ತದೆ. ಗುಪ್ತ ನವರಾತ್ರಿಯ ಸಮಯದಲ್ಲಿ ದುರ್ಗಾ ಮಾತೆಯನ್ನು ರಹಸ್ಯವಾಗಿ ಪೂಜಿಸಲಾಗುತ್ತದೆ.
ಮಾಘ ಗುಪ್ತ ನವರಾತ್ರಿ ಯಾವಾಗ?
ಪಂಚಾಂಗದ ಪ್ರಕಾರ, ಈ ವರ್ಷ ಮಾಘ ಗುಪ್ತ ನವರಾತ್ರಿಯು ಜನವರಿ 30 ರಂದು ಪ್ರಾರಂಭವಾಗುತ್ತದೆ. ಇದು ಫೆಬ್ರವರಿ 7 ರಂದು ಕೊನೆಗೊಳ್ಳುತ್ತದೆ. ಜನವರಿ 30 ರಂದು ಕಲಶವನ್ನು ಸ್ಥಾಪಿಸಲಾಗುವುದು. ಗುಪ್ತ ನವರಾತ್ರಿಯ ಕಲಶವನ್ನು ಸ್ಥಾಪಿಸುವ ಶುಭ ಮುಹೂರ್ತವು ಜನವರಿ 30 ರಂದು ಬೆಳಿಗ್ಗೆ 9.25 ಕ್ಕೆ ಪ್ರಾರಂಭವಾಗುತ್ತದೆ. ಬೆಳಗ್ಗೆ 10.46ರವರೆಗೆ ಈ ಶುಭ ಮುಹೂರ್ತ ನಡೆಯಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಭಕ್ತರು ಒಟ್ಟು 1 ಗಂಟೆ 21 ನಿಮಿಷಗಳಲ್ಲಿ ಕಲಶವನ್ನು ಸ್ಥಾಪಿಸಬಹುದು. ಎರಡನೇ ಶುಭ ಮುಹೂರ್ತವು ಮಧ್ಯಾಹ್ನ 12:13 ರಿಂದ 12:56 ರವರೆಗೆ ಇರುತ್ತದೆ. ಈ ಮುಹೂರ್ತದಲ್ಲಿ ಕಲಶವನ್ನು ಪ್ರತಿಷ್ಠಾಪಿಸಲು ಭಕ್ತರಿಗೆ 43 ನಿಮಿಷಗಳ ಕಾಲಾವಕಾಶ ದೊರೆಯುತ್ತದೆ.
ಕಲಶ ಪ್ರತಿಷ್ಠಾಪಿಸುವುದು ಹೇಗೆ ?
- ಗುಪ್ತ ನವರಾತ್ರಿಯ ಮೊದಲ ದಿನದ ಮಂಗಳಕರ ಸಮಯದಲ್ಲಿ ಈಶಾನ್ಯ ಮೂಲೆಯಲ್ಲಿ ಮಣ್ಣಿನ ಕಲಶವನ್ನು ಸ್ಥಾಪಿಸಲಾಗುತ್ತದೆ.
- ಮೊದಲಿಗೆ, ಸ್ವಲ್ಪ ಮಣ್ಣು ಮತ್ತು ಬಾರ್ಲಿಯನ್ನು ಕಲಶದಲ್ಲಿ ಹಾಕಬೇಕು.
- ನಂತರ ಒಂದು ಪದರದ ಮಣ್ಣನ್ನು ಹರಡಬೇಕು ಮತ್ತು ಬಾರ್ಲಿಯನ್ನು ಮತ್ತೆ ಸೇರಿಸಬೇಕು.
- ಇದರ ನಂತರ ಮತ್ತೆ ಮಣ್ಣಿನ ಪದರವನ್ನು ಹಾಕಬೇಕು.
- ಮಣ್ಣಿನ ಪದರದ ಮೇಲೆ ನೀರು ಚಿಮುಕಿಸಬೇಕು.
- ಮಡಕೆಯನ್ನು ಮೇಲ್ಭಾಗದವರೆಗೆ ಮಣ್ಣಿನಿಂದ ತುಂಬಿಸಬೇಕು.
- ನಂತರ ಕಲಶವನ್ನು ಸ್ಥಾಪಿಸಿ ಭಕ್ತಿಯಿಂದ ಪೂಜಿಸಬೇಕು.
- ಕಲಶವನ್ನು ಪ್ರತಿಷ್ಠಾಪಿಸುವ ಸ್ಥಳದಲ್ಲಿ ಕಲ್ಲು ಇಟ್ಟು ಅದರ ಮೇಲೆ ಕೆಂಪು ಬಟ್ಟೆಯನ್ನು ಹಾಕಬೇಕು. ಅದರ ಮೇಲೆ ಕಲಶವನ್ನು ಸ್ಥಾಪಿಸಬೇಕು.
- ಕಲಶದ ಮೇಲೆ ಚಂದನ್ ಸ್ವಸ್ತಿಕವನ್ನು ಮಾಡಬೇಕು.
ಮಾಘ ಗುಪ್ತ ನವರಾತ್ರಿ ಪೂಜಾ ವಿಧಾನ:
ಮಾಘ ಗುಪ್ತ ನವರಾತ್ರಿಯಂದು ಬೆಳಿಗ್ಗೆ ಬೇಗ ಎದ್ದು ಸ್ನಾನ ಮಾಡಬೇಕು. ನಂತರ ಮನೆಯನ್ನು ಸ್ವಚ್ಛಗೊಳಿಸಬೇಕು. ಬಳಿಕ ತಾಯಿಯ ವಿಗ್ರಹ ಅಥವಾ ಚಿತ್ರವನ್ನು ಇಡಬೇಕು. ಕಲಶವನ್ನು ಶುಭ ಮುಹೂರ್ತದಲ್ಲಿ ಸ್ಥಾಪಿಸಬೇಕು. ದೇಸಿ ತುಪ್ಪದಿಂದ ಮಾಡಿದ ದೀಪವನ್ನು ಹಚ್ಚಬೇಕು. ತಾಯಿಗೆ ಕೆಂಪು ಹೂವುಗಳನ್ನು ಅರ್ಪಿಸಬೇಕು. ಕೆಂಪು ಅಥವಾ ಹಳದಿಯನ್ನು ಸಹ ಅರ್ಪಿಸಬೇಕು. ಪಂಚಾಮೃತ, ತೆಂಗಿನಕಾಯಿ, ಹಣ್ಣುಗಳು ಮತ್ತು ಸಿಹಿತಿಂಡಿಗಳನ್ನು ಅರ್ಪಿಸಬೇಕು. ಕೊನೆಯಲ್ಲಿ ತಾಯಿಯ ಆರತಿಯನ್ನು ಮಾಡಬೇಕು.
ಇದನ್ನೂ ಓದಿ: ಲಕ್ಷ ಲಕ್ಷ ಸಂಬಳ ಬರುವ ಏರೋಸ್ಪೇಸ್‌ ಇಂಜಿನಿಯರಿಂಗ್‌ ಕೆಲಸ ಬಿಟ್ಟು ಸನ್ಯಾಸಿ ಆದ ವ್ಯಕ್ತಿ
ಗುಪ್ತ ನವರಾತ್ರಿ ಅಘೋರಿಗಳಿಗೆ, ಸಾಧುಗಳಿಗೆ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಇದೇ ಸಮಯದಲ್ಲಿ ಅವರು ಮಂತ್ರ ಮತ್ತು ತಂತ್ರದ ಸಾಧನೆಗಾಗಿ ರಹಸ್ಯವಾಗಿ ದೇವಿಯನ್ನು ಪೂಜಿಸುತ್ತಾರೆ. ಇದನ್ನು ಸಾಮಾನ್ಯ ಭಕ್ತರು ಸಹ ಆಚರಣೆ ಮಾಡಬಹುದು. ತಮ್ಮ ಬಯಕೆಗಳ ಈಡೇರಿಕೆಗಾಗಿ ಮತ್ತು ದುಃಖದಿಂದ ಪರಿಹಾರ ಕಂಡುಕೊಳ್ಳಲು ದುರ್ಗಾ ದೇವಿಯನ್ನು ಪೂಜಿಸುತ್ತಾರೆ. ನಂಬಿಕೆಗಳ ಪ್ರಕಾರ, ಈ ಪೂಜೆಯನ್ನು ಹೆಚ್ಚು ರಹಸ್ಯವಾಗಿ ಮಾಡಿದಷ್ಟು ಪೂಜೆಯ ಫಲಿತಾಂಶಗಳು ಬೇಗನೆ ಈಡೇರುತ್ತವೆ.
ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ