1983 ವಿಶ್ವಕಪ್+ ಟೆಸ್ಟ್ ಚಾಂಪಿಯನ್​ಶಿಪ್ 2021; ವಿಶ್ವ ವಿಜೇತ ತಂಡಗಳ ಹೀನಾಯ ಸೋಲಿನ ಕಾಕತಾಳೀಯದ ಕತೆಯಿದು!

ಭಾರತ ತಂಡ, ಅತಿಥಿ ನ್ಯೂಜಿಲೆಂಡ್‌ಗೆ ಆತಿಥ್ಯ ನೀಡಿ ಅವರನ್ನು ಬರಿಗೈಯಲ್ಲಿ ತಮ್ಮ ದೇಶಕ್ಕೆ ಹಿಂದಿರುಗಿಸಿದೆ. ಮೊದಲು ಟಿ20 ಸರಣಿಯನ್ನು ವಶಪಡಿಸಿಕೊಂಡ ಟೀಂ ಇಂಡಿಯಾ ನಂತರ ಟೆಸ್ಟ್ ಸರಣಿಯನ್ನು 1-0 ಅಂತರದಿಂದ ವಶಪಡಿಸಿಕೊಂಡಿತ್ತು.

1983 ವಿಶ್ವಕಪ್+ ಟೆಸ್ಟ್ ಚಾಂಪಿಯನ್​ಶಿಪ್ 2021; ವಿಶ್ವ ವಿಜೇತ ತಂಡಗಳ ಹೀನಾಯ ಸೋಲಿನ ಕಾಕತಾಳೀಯದ ಕತೆಯಿದು!
ಪ್ರಾತಿನಿಧಿಕ ಚಿತ್ರ

ಭಾರತ ತಂಡ, ಅತಿಥಿ ನ್ಯೂಜಿಲೆಂಡ್‌ಗೆ ಆತಿಥ್ಯ ನೀಡಿ ಅವರನ್ನು ಬರಿಗೈಯಲ್ಲಿ ತಮ್ಮ ದೇಶಕ್ಕೆ ಹಿಂದಿರುಗಿಸಿದೆ. ಮೊದಲು ಟಿ20 ಸರಣಿಯನ್ನು ವಶಪಡಿಸಿಕೊಂಡ ಟೀಂ ಇಂಡಿಯಾ ನಂತರ ಟೆಸ್ಟ್ ಸರಣಿಯನ್ನು 1-0 ಅಂತರದಿಂದ ವಶಪಡಿಸಿಕೊಂಡಿತ್ತು. ಕಾನ್ಪುರ ಟೆಸ್ಟ್ ಡ್ರಾಗೊಂಡ ನಂತರ ಮುಂಬೈ ಟೆಸ್ಟ್​ನಲ್ಲಿ ಟೀಂ ಇಂಡಿಯಾ ದಾಖಲೆಯ 372 ರನ್​ಗಳ ಜಯ ಸಾಧಿಸಿದೆ. ಈ ಗೆಲುವು ಭಾರತ ತಂಡದ ಅಭಿಮಾನಿಗಳಿಗೆ ಮತ್ತೊಮ್ಮೆ ಸಂಭ್ರಮಿಸುವ ಅವಕಾಶ ನೀಡಿದೆ. ಈ ಗೆಲುವಿನಿಂದ 2021ರ ಟೆಸ್ಟ್ ಚಾಂಪಿಯನ್​ಶಿಪ್​ನ ಸೋಲಿನ ಸೇಡನ್ನು ಭಾರತ ತೀರಿಸಿಕೊಂಡಿದೆ ಎಂದು ಅಭಿಮಾನಿಗಳ ಪಾಳಯ ಮಾತನಾಡಿಕೊಳ್ಳುತ್ತಿದೆ.

ಟೆಸ್ಟ್ ಚಾಂಪಿಯನ್​ಶಿಪ್​ನಲ್ಲಿ ಸೋಲು 2021ರಲ್ಲಿ​ ಸೌತಾಂಪ್ಟನ್‌ನಲ್ಲಿ ನಡೆದ ಟೆಸ್ಟ್ ಕ್ರಿಕೆಟ್‌ನ ವಿಶ್ವ ಚಾಂಪಿಯನ್ ಆಗುವ ಉತ್ತಮ ಅವಕಾಶವನ್ನು ಭಾರತೀಯ ಕ್ರಿಕೆಟ್ ತಂಡ ಕಳೆದುಕೊಂಡಿತ್ತು. ವಿರಾಟ್ ಕೊಹ್ಲಿ ನೇತೃತ್ವದ ಭಾರತೀಯ ತಂಡವನ್ನು 8 ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ನ್ಯೂಜಿಲೆಂಡ್ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತ್ತು. ಮಳೆ ಪೀಡಿತ ಈ ಪಂದ್ಯದಲ್ಲಿ ಎರಡೂ ತಂಡಗಳು ಉತ್ತಮ ಆಟ ತೋರಿಸಿದರೂ ನ್ಯೂಜಿಲೆಂಡ್ ಜಯಗಳಿಸಿತು. ಈ ಸೋಲಿನ ಹತಾಶೆಯಿಂದ ಬಳಲುತ್ತಿದ್ದ ಭಾರತ, ಟಿ20 ಹಾಗೂ ಟೆಸ್ಟ್ ಸರಣಿಗೆಂದು ಭಾರತಕ್ಕೆ ಬಂದಿದ್ದ ಚಾಂಪಿಯನ್ ನ್ಯೂಜಿಲೆಂಡ್ ತಂಡವನ್ನು ಎರಡೂ ಸರಣಿಯಲ್ಲೂ ವೈಟ್​ವಾಷ್ ಮಾಡಿದೆ. ಟೆಸ್ಟ್ ಚಾಂಪಿಯನ್​ಶಿಪ್​ನಲ್ಲಿ ಭಾರತದೆದುರು ಅಬ್ಬರಿಸಿದ ಕಿವೀಸ್ ಪಡೆ, ಭಾರತದಲ್ಲಿ ಟೀಂ ಇಂಡಿಯಾ ಎದುರು ಯಾವುದೇ ಪ್ರತಿರೋಧ ತೋರದೆ ಮಂಡಿಯೂರಿದೆ.

ಹೀಗೊಂದು ಕಾಕತಾಳೀಯ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಭಾರತವನ್ನು ಮಕಾಡೆ ಮಲಗಿಸಿದ ಕಿವೀಸ್ ಪಡೆ ಭಾರತ ಪ್ರವಾಸದಲ್ಲಿ ಯಾವ ಸರಣಿಯನ್ನೂ ಗೆಲ್ಲಲಾಗದೆ ಬರಿಗೈಯಲ್ಲಿ ತವರಿಗೆ ವಾಪಸ್ಸಾಗುತ್ತಿದೆ. ಈ ಘಟನೆಗೆ ಸಂಬಂಧಿಸಿದಂತೆ 1983ರ ವಿಶ್ವಕಪ್ ಮತ್ತು ಅನಂತರದ ವೆಸ್ಟ್ ಇಂಡೀಸ್ ಭಾರತ ಪ್ರವಾಸವೂ ಕಾಕತಾಳೀಯವೆಂಬಂತೆ ನಮ್ಮ ಕಣ್ಮುಂದೆ ಬಂದು ನಿಲ್ಲುತ್ತದೆ. ಆ ಘಟನೆಯ ಸಂಪೂರ್ಣ ಚಿತ್ರಣ ಹೀಗಿದೆ.

ವೀಂಡಿಸ್ ಮಣಿಸಿ ವಿಶ್ವಕಪ್ ಎತ್ತಿಹಿಡಿದಿದ್ದ ಭಾರತ 60 ಓವರ್‌ಗಳ ಪಂದ್ಯದಲ್ಲಿ ವಿಂಡೀಸ್ ಕ್ಯಾಪ್ಟನ್ ಕ್ಲೈವ್ ಲಾಯ್ಡ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡಿದ್ದರು. ಕೃಷ್ಣಮಾಚಾರಿ ಶ್ರೀಕಾಂತ್(38) ಅವರ ಉಪಯುಕ್ತ ರನ್ ನೆರವಿನಿಂದ ಭಾರತ ಕೇವಲ 183 ರನ್​ಗಳನ್ನು ಕಲೆಹಾಕಿತು. ಆಗಲೂ ವಿಂಡೀಸ್ ಸುಲಭ ಜಯ ಸಾಧಿಸಲಿದೆ ಎಂದೇ ಲೆಕ್ಕಾಚಾರ ಹಾಕಿದ್ದರು. ಆದರೆ ಕಪಿಲ್ ಪಡೆ ಕಳೆದುಕೊಳ್ಳುವುದು ಏನು ಇಲ್ಲ ಎನ್ನುವಂತೆ ಮೈಚಳಿ ಬಿಟ್ಟು ಬೌಲಿಂಗ್ ಮಾಡಲು ಆರಂಭಿಸಿತು. ಪರಿಣಾಮ ವಿಂಡೀಸ್ ನಿಗದಿತ 60 ಓವರ್‌ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 140 ರನ್ ಬಾರಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಕಪಿಲ್ ಪಡೆ ಲಾರ್ಡ್ಸ್ ಬಾಲ್ಕನಿಯಲ್ಲಿ ವಿಶ್ವಕಪ್ ಎತ್ತಿ ಹಿಡಿದು ಕುಣಿದು ಕುಪ್ಪಳಿಸಿತು.

ತಾಯ್ನಾಡಲ್ಲೇ ಕೆರಿಬಿಯನ್ನರ ಎದುರು ಹೀನಾಯ ಸೋಲೂಂಡಿದ್ದ ಭಾರತ ಜೂನ್ 25 ರಲ್ಲಿ ಚೊಚ್ಚಲ ವಿಶ್ವಕಪ್​ ಗೆದ್ದು ಚಾಂಪಿಯನ್​ಗಳೆಂದು ಮೆರೆಯುತ್ತಿದ್ದ ಭಾರತ ತನ್ನ ಫೈನಲ್ ಎದುರಾಳಿ ವೀಂಡಿಸ್ ತಂಡವನ್ನು ಅದೇ ವರ್ಷ ಆಕ್ಟೋಬರ್​ ತಿಂಗಳಲ್ಲಿ ಏಕದಿನ ಸರಣಿಯ ಸಲುವಾಗಿ ಭಾರತಕ್ಕೆ ಆಹ್ವಾನಿಸಿತ್ತು. 5 ಪಂದ್ಯಗಳ ಈ ಏಕದಿನ ಸರಣಿಯಲ್ಲಿ ಕೆರಿಬಿಯನ್ ತಂಡ ಭಾರತವನ್ನು ಹೇಳ ಹೆಸರಿಲ್ಲದಂತೆ ಸೋಲಿಸಿತ್ತು. ಮೊದಲ ಪಂದ್ಯದಲ್ಲಿ ವೀಂಡಿಸ್​ಗೆ 28 ರನ್​ಗಳ ಜಯ ಸಿಕ್ಕರೆ, 2ನೇ ಪಂದ್ಯದಲ್ಲಿ 4 ವಿಕೆಟ್​ಗಳ ಜಯ ದಾಖಲಿಸಿತು. 3ನೇ ಪಂದ್ಯದಲ್ಲಾದರೂ ಭಾರತ ಪುಟಿದೇಳುತ್ತದೆ ಎಂದುಕೊಂಡಿದ್ದರೆ ಅದೂ ಕೂಡ ಸುಳ್ಳಾಯಿತು. 3ನೇ ಪಂದ್ಯದಲ್ಲೂ ಕೆರಿಬಿಯನ್ ಪಡೆ 8 ವಿಕೆಟ್​ಗಳ ಜಯ ಸಾಧಿಸಿತು. ಹಾಗೆಯೇ 4ನೇ ಮತ್ತು 5ನೇ ಪಂದ್ಯದಲ್ಲೂ ವೀಂಡಿಸ್ ದಂತಕಥೆಗಳೆ ಗೆಲುವಿನ ನಗೆ ಬೀರಿದ್ದರು. ವಿಶ್ವಕಪ್ ಫೈನಲ್​ನಲ್ಲಿ ಕ್ರಿಕೆಟ್ ದೈತ್ಯರನ್ನು ಮಣಿಸಿ ಕಪ್ ಎತ್ತಿ ಹಿಡಿದಿದ್ದ ಭಾರತ ಏಕದಿನ ಸರಣಿಯಲ್ಲಿ ಹೀನಾಯ ಸೋಲು ಅನುಭವಿಸಿತ್ತು.

ಇದನ್ನೂ ಓದಿ:ಅಲ್ಲಿ 36 ರನ್​ಗಳಿಗೆ ಆಲ್​ಔಟ್.. ಇಲ್ಲಿ 372 ರನ್​ಗಳ ಗೆಲುವು! ಇದು ಟೀಂ ಇಂಡಿಯಾದ 12 ತಿಂಗಳ ಸಿಹಿ- ಕಹಿ ಕತೆ

Published On - 6:37 pm, Mon, 6 December 21

Click on your DTH Provider to Add TV9 Kannada