Ishan Kishan IPL 2021 MI Team Player: ದ್ರಾವಿಡ್​ ಪಟ್ಟಾ ಶಿಷ್ಯ ಕಿಶನ್​.. ಈ ಬಾರಿಯ ಐಪಿಎಲ್​ನ ಪ್ರಮುಖ ಕೇಂದ್ರ ಬಿಂದು!

Ishan Kishan Profile: ಐಪಿಎಲ್ 2020 ರಲ್ಲಿ ಕಿಶನ್ ಅಬ್ಬರಿಸಲು ಪ್ರಾರಂಭಿಸಿದರು. ಕೇವಲ 14 ಪಂದ್ಯಗಳಲ್ಲಿ 516 ರನ್ ಗಳಿಸಿದ ಕಿಶನ್, ಗರಿಷ್ಠ 30 ಸಿಕ್ಸರ್‌ಗಳನ್ನು ಬಾರಿಸಿದರು.

  • TV9 Web Team
  • Published On - 11:49 AM, 9 Apr 2021
Ishan Kishan IPL 2021 MI Team Player: ದ್ರಾವಿಡ್​ ಪಟ್ಟಾ ಶಿಷ್ಯ ಕಿಶನ್​.. ಈ ಬಾರಿಯ ಐಪಿಎಲ್​ನ ಪ್ರಮುಖ ಕೇಂದ್ರ ಬಿಂದು!
ಇಶಾನ್ ಕಿಶನ್

ಇಶಾನ್ ಕಿಶನ್.. ಟೀಂ ಇಂಡಿಯಾದ ಉದಯೋನ್ಮುಖ ಎಡಗೈ ಬ್ಯಾಟ್ಸ್‌ಮನ್. ಇಷ್ಟು ದಿನ ಮಿಲಿಯನ್ ಡಾಲರ್​ ಟೂರ್ನಿ ಐಪಿಎಲ್​ ಪಂದ್ಯಾವಳಿಗಳಲ್ಲಿ ಮುಂಬೈ ಇಂಡಿಯನ್ಸ್​ ತಂಡದ ಪರ ಮಿಂಚು ಹರಿಸುತ್ತಿದ್ದ ಈ ಯುವ ಕ್ರಿಕೆಟಿಗ, ಕೇವಲ ರಾತ್ರಿ ಕಳೆದು ಹಗಲಾಗುವುದರೊಳಗೆ ಕ್ರಿಕೆಟ್​ ಪ್ರೇಮಿಗಳ ಹೃದಯ ಸಿಂಹಾಸನದ ಮೇಲೆ ಕುಳಿತುಬಿಟ್ಟಿದ್ದಾನೆ. ಭಾರತದ ಪರ ಎರಡನೇ ಟಿ 20 ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಪಾದಾರ್ಪಣೆ ಮಾಡಿದ ಕಿಶನ್ ಮೊದಲ ಪಂದ್ಯದಲ್ಲಿಯೇ ಅಬ್ಬರಿಸಿದರು. 32 ಎಸೆತಗಳಲ್ಲಿ ಐದು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್‌ಗಳೊಂದಿಗೆ 56 ರನ್ ಗಳಿಸಿದ ಕಿಶನ್ ಭಾರತಕ್ಕೆ ಸುಲಭ ಜಯ ದಕ್ಕುವುದರಲ್ಲಿ ಪ್ರಮುಖ ಪಾತ್ರವಹಿಸಿದರು. ಇದರಿಂದಾಗಿ ಇಶಾನ್ ಕಿಶನ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು.

19 ವರ್ಷದೊಳಗಿನವರ ವಿಶ್ವಕಪ್ ಉತ್ತಮವಾಗಿರಲಿಲ್ಲ
ಕಿಶನ್ ಮೂಲತಃ ಬಿಹಾರದಿಂದ ಬಂದವರು. ಆದರೆ ಜಾರ್ಖಂಡ್ ಪರ ದೇಶೀಯ ಕ್ರಿಕೆಟ್‌ನಲ್ಲಿ ಆಡುತ್ತಿದ್ದಾರೆ. ಆಕ್ರಮಣಕಾರಿ ಎಡಗೈ ಬ್ಯಾಟ್ಸ್‌ಮನ್ ಮತ್ತು ಅಗ್ರ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವ ಸಾಮಥ್ರ್ಯ ಕಿಶನ್​ಗಿದೆ. ಇಶಾನ್ 2016 ರ ಅಂಡರ್ 19 ವಿಶ್ವಕಪ್‌ನಲ್ಲಿ ಭಾರತದ ನಾಯಕರಾಗಿದ್ದರು. ಆದರೆ ಕಿಶನ್​ಗೆ 19 ವರ್ಷದೊಳಗಿನವರ ವಿಶ್ವಕಪ್ ಉತ್ತಮವಾಗಿರಲಿಲ್ಲ. ಆರು ಪಂದ್ಯಗಳಲ್ಲಿ ಕೇವಲ 73 ರನ್ ಗಳಿಸಲಷ್ಟೇ ಕಿಶನ್​ ಶಕ್ತರಾದರು. ಫೈನಲ್‌ನಲ್ಲಿ ತಂಡವು ವೆಸ್ಟ್ ಇಂಡೀಸ್ ವಿರುದ್ಧ ಸೋತು ಸರಣಿಯಿಂದ ಹೊರಬರಬೇಕಾಯಿತು. ಆದರೆ 19 ವರ್ಷದೊಳಗಿನವರ ಸಾಧನೆಯಿಂದಾಗಿ ಅವರು ಐಪಿಎಲ್ 2016 ರಲ್ಲಿ ಅವಕಾಶ ಗಿಟ್ಟಿಸಿಕೊಂಡರು. ಗುಜರಾತ್ ಲಯನ್ಸ್ ಅವರನ್ನು 35 ಲಕ್ಷ ರೂಪಾಯಿಗೆ ಖರೀದಿಸಿತು.

14 ಪಂದ್ಯಗಳಲ್ಲಿ 516 ರನ್ ಗಳಿಸಿದ ಕಿಶನ್
ಮೊದಲ ಆವೃತ್ತಿಯಲ್ಲಿ ಐದು ಪಂದ್ಯಗಳನ್ನಾಡಿದ ಕಿಶನ್​ ತನ್ನ ಬ್ಯಾಟ್‌ನಿಂದ ಕೇವಲ 42 ರನ್ ಗಳಿಸಿದರು. ಆದರೆ ಎರಡನೇ ಆವೃತ್ತಿಯಲ್ಲಿ 11 ಪಂದ್ಯಗಳನ್ನು ಆಡಿದ ಅವರು 277 ರನ್ ಗಳಿಸಿದರು. ಆ ಸಮಯದಲ್ಲಿ ಅವರು 13 ಸಿಕ್ಸರ್‌ಗಳನ್ನು ಸಹ ಹೊಡೆದರು. ಇದರ ಫಲವಾಗಿ ಐಪಿಎಲ್ 2018 ರಲ್ಲಿ ಕಿಶನ್​ ಅವರನ್ನು ಖರೀದಿಸಲು ತಂಡಗಳು ಸ್ಪರ್ಧೆಗೆ ಬಿದ್ದಿದ್ದವು. ಕೊನೆಗೆ ಮುಂಬೈ 5.5 ಕೋಟಿ ರೂ. ನೀಡಿ ತನ್ನ ತೆಕ್ಕೆಗೆ ಹಾಕಿಕೊಂಡಿತು. ಐಪಿಎಲ್ 2018 ರಲ್ಲಿ ಮುಂಬೈ ಪರ ಮಿಂಚಿದ ಕಿಶನ್ 14 ಪಂದ್ಯಗಳನ್ನಾಡಿ 275 ರನ್ ಗಳಿಸಿದರು. ಇದರಲ್ಲಿ ಬರೋಬ್ಬರಿ 17 ಸಿಕ್ಸರ್​ಗಳನ್ನು ಸಹ ಬಾರಿಸಿದರು. ನಂತರ 2019 ರ ಆವೃತ್ತಿಯಲ್ಲಿ ಕಿಶನ್​ ಪ್ರದರ್ಶನ ಉತ್ತಮವಾಗಿರಲಿಲ್ಲ. ಏಳು ಪಂದ್ಯಗಳಿಂದ ಕೇವಲ 191 ರನ್ ಗಳಿಸಿದರು. ಆದರೆ ಐಪಿಎಲ್ 2020 ರಲ್ಲಿ ಕಿಶನ್ ಅಬ್ಬರಿಸಲು ಪ್ರಾರಂಭಿಸಿದರು. ಕೇವಲ 14 ಪಂದ್ಯಗಳಲ್ಲಿ 516 ರನ್ ಗಳಿಸಿದ ಕಿಶನ್, ಗರಿಷ್ಠ 30 ಸಿಕ್ಸರ್‌ಗಳನ್ನು ಬಾರಿಸಿದರು.

ಮೊದಲ 10 ಪಂದ್ಯಗಳಲ್ಲಿ ಒಂದು ಶತಕ ಮತ್ತು ಐದು ಅರ್ಧಶತಕ
ಪ್ರಥಮ ದರ್ಜೆ ಕ್ರಿಕೆಟ್ ಬಗ್ಗೆ ಮಾತನಾಡಿದರೆ, ಕಿಶನ್ ಕೇವಲ 44 ಪಂದ್ಯಗಳಲ್ಲಿ 2665 ರನ್ ಗಳಿಸಿದ್ದಾರೆ. ಈ ಸ್ವರೂಪದಲ್ಲಿ ಅವರು ಐದು ಶತಕಗಳು ಮತ್ತು 15 ಅರ್ಧಶತಕಗಳನ್ನು ಗಳಿಸಿದ್ದಾರೆ. ಕಿಶನ್​ ತಮ್ಮ ಮೊದಲ ಪಂದ್ಯದಲ್ಲಿಯೇ ಅರ್ಧಶತಕವನ್ನು ಗಳಿಸಿದ್ದರು. ಅವರು ತಮ್ಮ ಮೊದಲ 10 ಪ್ರಥಮ ದರ್ಜೆ ಪಂದ್ಯಗಳಲ್ಲಿ ಒಂದು ಶತಕ ಮತ್ತು ಐದು ಅರ್ಧಶತಕಗಳನ್ನು ಗಳಿಸಿದ್ದರು. ಆದರೆ ಅವರು ಇಲ್ಲಿಯವರೆಗೆ ಪ್ರಥಮ ದರ್ಜೆಯಲ್ಲಿ ಉತ್ತಮ ಪ್ರದರ್ಶನ ನೀಡಲು ವಿಫಲರಾಗಿದ್ದಾರೆ. ಪಟ್ಟಿ ಎ ಯಲ್ಲಿ ಅವರು ಮೂರು ಶತಕಗಳ ಸಹಾಯದಿಂದ 72 ಪಂದ್ಯಗಳಲ್ಲಿ 2334 ರನ್ ಗಳಿಸಿದ್ದಾರೆ.

ವರ್ಷ ಪಂದ್ಯ ರನ್ ಅತ್ಯಧಿಕ ರನ್ ಸರಾಸರಿ ಶತಕ ಅರ್ಧ ಶತಕ
2020 14 516 99 57.33 0 4
2019 7 101 28 16.83 0 0
2018 14 275 62 22.91 0 2
2017 11 277 61 27.7 0 1
2016 5 42 27 8.4 0 0