Sanju Samson IPL 2021 RR team player: ಐಪಿಎಲ್​ನಲ್ಲಿ ಅಬ್ಬರದ ಆಟವೇ ಸಂಜು ಸ್ಯಾಮ್ಸನ್​ ಅವರನ್ನು ತಂಡದ ನಾಯಕನಾಗಿ ಮಾಡಿದೆ!

Sanju Samson Profile: ಸಂಜು ಇದುವರೆಗೆ ಐಪಿಎಲ್‌ನಲ್ಲಿ ಒಟ್ಟು 107 ಪಂದ್ಯಗಳನ್ನು ಆಡಿದ್ದು, 27.78 ಸರಾಸರಿಯಲ್ಲಿ 2584 ರನ್ ಗಳಿಸಿದ್ದಾರೆ. ಸಂಜು ಐಪಿಎಲ್ ಹೆಸರಿನಲ್ಲಿ ಎರಡು ಶತಕಗಳು ಮತ್ತು 13 ಅರ್ಧಶತಕಗಳನ್ನು ಹೊಂದಿದ್ದಾರೆ.

  • TV9 Web Team
  • Published On - 9:53 AM, 12 Apr 2021
Sanju Samson IPL 2021 RR team player: ಐಪಿಎಲ್​ನಲ್ಲಿ ಅಬ್ಬರದ ಆಟವೇ ಸಂಜು ಸ್ಯಾಮ್ಸನ್​ ಅವರನ್ನು ತಂಡದ ನಾಯಕನಾಗಿ ಮಾಡಿದೆ!
ಸಂಜು ಸ್ಯಾಮ್ಸನ್

ಭಾರತದ ಪ್ರೀಮಿಯರ್ ಲೀಗ್ ಅನೇಕ ಯುವ ಆಟಗಾರರನ್ನು ಭಾರತಕ್ಕೆ ನೀಡಿದೆ. ಅವರಲ್ಲಿ ಒಬ್ಬರು ಸಂಜು ಸ್ಯಾಮ್ಸನ್. ಸಂಜು ಮೊದಲಿನಿಂದಲೂ ತಮ್ಮ ಬ್ಯಾಟ್‌ನಿಂದ ಐಪಿಎಲ್‌ನಲ್ಲಿ ಗುಡುಗಿದ್ದಾರೆ. ಅವರು ಐಪಿಎಲ್​ನಲ್ಲಿ ಆಡಲಾರಂಭಿಸಿದಾಗಿಂದಲೂ ಅವರ ಬ್ಯಾಟ್ ಪ್ರತಿ ಬಾರಿಯೂ ಗುಟುರು ಹಾಕಿದೆ. ಐಪಿಎಲ್‌ನ 14 ನೇ ಆವೃತ್ತಿಯಲ್ಲಿ, ಸಂಜು ಸ್ಯಾಮ್ಸನ್‌ಗೆ ಹೆಗಲ ಮೇಲೆ ದೊಡ್ಡ ಜವಾಬ್ದಾರಿ ಇದೆ. ಸಂಜು ಅವರು ರಾಜಸ್ಥಾನ್ ರಾಯಲ್ಸ್ ಜೊತೆ ದೀರ್ಘಕಾಲದವರೆಗೆ ಸಂಬಂಧ ಹೊಂದಿದ್ದಾರೆ ಮತ್ತು ಈ ಆವೃತ್ತಿಯಲ್ಲಿ ತಂಡವು ಅವರನ್ನು ನಾಯಕನನ್ನಾಗಿ ನೇಮಿಸಿದೆ. ರಾಜಸ್ಥಾನವು ಐಪಿಎಲ್‌ನ ಮೊದಲ ಆವೃತ್ತಿಯ ಪ್ರಶಸ್ತಿಯನ್ನು ಗೆದ್ದಿತ್ತು ಆದರೆ ಅದರ ನಂತರ, ಒಂದು ಬಾರಿ ಸಹ ಪ್ರಶಸ್ತಿಯನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ.

ಸಂಜು ರಾಜಸ್ಥಾನ್ ರಾಯಲ್ಸ್ ಜೊತೆ ಐಪಿಎಲ್ ಪ್ರಾರಂಭಿಸಿದರು. ಅವರು 2013, 2014 ಮತ್ತು 2015 ರಲ್ಲಿ ರಾಜಸ್ಥಾನ ಪರ ಆಡಿದ್ದಾರೆ ಮತ್ತು ಕ್ರಮವಾಗಿ 206, 339 ಮತ್ತು 204 ರನ್​ಗಳನ್ನು ಗಳಿಸಿದ್ದಾರೆ. ಸಂಜು ಇದುವರೆಗೆ ಐಪಿಎಲ್‌ನಲ್ಲಿ ಒಟ್ಟು 107 ಪಂದ್ಯಗಳನ್ನು ಆಡಿದ್ದು, 27.78 ಸರಾಸರಿಯಲ್ಲಿ 2584 ರನ್ ಗಳಿಸಿದ್ದಾರೆ. ಸಂಜು ಐಪಿಎಲ್ನಲ್ಲಿ ಎರಡು ಶತಕಗಳು ಮತ್ತು 13 ಅರ್ಧಶತಕಗಳನ್ನು ಹೊಂದಿದ್ದಾರೆ. ಐಪಿಎಲ್‌ನಲ್ಲಿ ಅವರ ಸ್ಟ್ರೈಕ್ ರೇಟ್ 133.74.

ರಾಹುಲ್ ದ್ರಾವಿಡ್ ಕಾಲದಲ್ಲಿ ಪ್ರವರ್ಧಮಾನಕ್ಕೆ ಬಂದರು
ದೇಶದ ಅನೇಕ ಆಟಗಾರರಂತೆ, ಸಂಜು ಅವರನ್ನು ಭಾರತದ ಮಾಜಿ ನಾಯಕ ಮತ್ತು ಶ್ರೇಷ್ಠ ಬ್ಯಾಟ್ಸ್‌ಮನ್ ರಾಹುಲ್ ದ್ರಾವಿಡ್ ಪ್ರವರ್ಧಮಾನಕ್ಕೆ ತಂದರು. ಮೊದಲ ಬಾರಿಗೆ ಸಂಜು ದ್ರಾವಿಡ್ ಉಪಸ್ಥಿತಿಯಲ್ಲಿ ಐಪಿಎಲ್‌ಗೆ ಕಾಲಿಟ್ಟಿದ್ದರು. 2016 ರಲ್ಲಿ, ದ್ರಾವಿಡ್ ದೆಹಲಿ ಡೇರ್ ಡೆವಿಲ್ಸ್​ಗೆ ಬಂದಾಗ, ಅವರು ಸಂಜು ಅವರನ್ನೂ ಕರೆತಂದರು. ಸಂಜು ದೆಹಲಿಯಿಂದ ಎರಡು ಆವೃತ್ತಿಯಲ್ಲಿ ಆಡಿದ್ದರು. 2016 ರಲ್ಲಿ ದೆಹಲಿ ಪರ ಸಂಜು 14 ಪಂದ್ಯಗಳಲ್ಲಿ 291 ರನ್ ಗಳಿಸಿದ್ದರು. 2017 ರಲ್ಲಿ ಸಂಜು 14 ಪಂದ್ಯಗಳಲ್ಲಿ 386 ರನ್ ಗಳಿಸಿದರು. ಈ ಆವೃತ್ತಿಯಲ್ಲಿ, ಅವರು ತಮ್ಮ ಮೊದಲ ಐಪಿಎಲ್ ಶತಕವನ್ನು ಗಳಿಸಿದರು. ದೆಹಲಿಯಲ್ಲಿ ಎರಡು ಆವೃತ್ತಿಗಳನ್ನು ಕಳೆದ ನಂತರ ಸಂಜು ರಾಜಸ್ಥಾನಕ್ಕೆ ಮರಳಿದರು.

ರಾಜಸ್ಥಾನ್ ರಾಯಲ್ಸ್‌ನ ಪ್ರಮುಖ ಭಾಗ
ಸಂಜು 2018 ರಲ್ಲಿ ರಾಜಸ್ಥಾನಕ್ಕೆ ಮರಳಿದಾಗ, ಅವರು ತಂಡದ ಪ್ರಮುಖ ಸದಸ್ಯರಾಗಿ ತಮ್ಮನ್ನು ತಾವು ಸ್ಥಾಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. 2018 ರಲ್ಲಿ ಅವರು 15 ಪಂದ್ಯಗಳಲ್ಲಿ 441 ರನ್, 2019 ರಲ್ಲಿ 12 ಪಂದ್ಯಗಳಲ್ಲಿ 342 ಮತ್ತು 2020 ರಲ್ಲಿ 14 ಪಂದ್ಯಗಳಲ್ಲಿ 375 ರನ್ ಗಳಿಸಿದ್ದಾರೆ. ಸಂಜು ಅವರ ಬ್ಯಾಟಿಂಗ್ ಸಾಮರ್ಥ್ಯವನ್ನು ನೋಡಿ ತಂಡವು ಅವರಿಗೆ ತಂಡದ ನಾಯಕತ್ವವನ್ನು ಹಸ್ತಾಂತರಿಸಿದೆ. ಆದರೆ, ನಾಯಕತ್ವದೊಂದಿಗೆ ತನ್ನ ಫಾರ್ಮ್ ಅನ್ನು ಉಳಿಸಿಕೊಳ್ಳುವುದು ಸಂಜುಗೆ ದೊಡ್ಡ ಜವಾಬ್ದಾರಿಯಾಗಿದೆ.