VIDEO: ಕೊನೆಯ ಎಸೆತದಲ್ಲಿ 5 ರನ್​ಗಳ ಅವಶ್ಯಕತೆ: ಬೌಂಡರಿ ಬಾರಿಸದೇ ಗೆದ್ದ ತಂಡ..!

ಕ್ರಿಕೆಟ್​ನಲ್ಲಿ ಏನು ಬೇಕಾದರೂ ನಡೆಯಬಹುದು. ಒಂದು ಬಾಲ್​ ಇಡೀ ಪಂದ್ಯದ ಗತಿಯನ್ನೇ ಬದಲಿಸಬಲ್ಲದು ಅಥವಾ ಒಂದು ಅತ್ಯುತ್ತಮ ಫೀಲ್ಡಿಂಗ್ ಪಂದ್ಯದ ಫಲಿತಾಂಶವನ್ನು ಬದಲಿಸಿಬಹುದು. ಹಾಗೆಯೇ ಒಂದು ಕೆಟ್ಟ ಯೋಚನೆ ಕೂಡ ಪಂದ್ಯದ ಸೋಲಿಗೆ ಕಾರಣವಾಗಬಹುದು. ಇದಕ್ಕೆ ಸಾಕ್ಷಿಯೇ ಈ ಪಂದ್ಯ. ಸ್ಥಳೀಯ ಟೂರ್ನಿಯ ಈ ಪಂದ್ಯದಲ್ಲಿ ಕೊನೆಯ ಎಸೆತದಲ್ಲಿ ಗೆಲುವಿಗೆ 5 ರನ್‌ಗಳ ಅಗತ್ಯವಿತ್ತು. ಬೌಂಡರಿ ಬಾರಿಸದೇ ಗೆಲುವು ಅಸಾಧ್ಯ ಎಂಬ ಪರಿಸ್ಥಿತಿಯಲ್ಲಿತ್ತು. ಹೀಗಾಗಿಯೇ ನಾಯಕ ಎಲ್ಲಾ ಫೀಲ್ಡರ್​ಗಳನ್ನು ಬೌಂಡರಿಯಲ್ಲಿ ಸೆಟ್ ಮಾಡಿದ್ದರು.

ಉಭಯ ತಂಡಗಳ ನಡುವಿನ ತೀವ್ರ ಹೋರಾಟವು ಕೊನೆಯ ಎಸೆತಕ್ಕೆ ಬಂದು ನಿಂತಿತು. ಪಂದ್ಯ ವೀಕ್ಷಿಸುತ್ತಿದ್ದವರಲ್ಲಿ ರೋಚಕತೆ ಉತ್ತುಂಗಕ್ಕೇರಿತು. ಕೊನೆಯ ಎಸೆತಯಲ್ಲಿ 5 ರನ್​ಗಳ ಅವಶ್ಯಕತೆ. ಎಲ್ಲರೂ ಸಿಕ್ಸರ್ ನಿರೀಕ್ಷೆಯಲ್ಲಿದ್ದರು. ಆದರೆ ಆದರೆ ಸಿಕ್ಸ್ ಅಥವಾ ಫೋರ್ ಬಾರಿಸಲಾಗಲಿಲ್ಲ. ಇದಾಗ್ಯೂ ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಂಡ ಬ್ಯಾಟ್ಸ್‌ಮನ್‌ಗಳು ಓಟದ ಮೂಲಕ ಗೆಲುವು ಪಡೆದರು.

ಬೌಲರ್‌ನ ಕೊನೆಯ ಎಸೆತದಲ್ಲಿ ಬ್ಯಾಟ್ಸ್‌ಮನ್ ಹೊಡೆದ ಶಾಟ್ ನೇರವಾಗಿ ಫೀಲ್ಡರ್ ಕೈಗೆ ಸೇರಿತ್ತು. ಅಷ್ಟರಲ್ಲಾಗಲೇ ಬ್ಯಾಟ್ಸ್‌ಮನ್‌ಗಳು 2 ರನ್ ಪೂರ್ಣಗೊಳಿಸಿದ್ದರು. ಆದರೆ ಬ್ಯಾಟ್ಸ್‌ಮನ್‌ಗಳು ಹೆಚ್ಚು ರನ್ ಕದಿಯುವುದನ್ನು ತಡೆಯಲು, ಫೀಲ್ಡರ್ ದೊಡ್ಡ ತಪ್ಪು ಮಾಡಿದರು. ಚೆಂಡು ಹಿಡಿದು ನೇರವಾಗಿ ವಿಕೆಟ್ ಹತ್ತಿರ ಓಡಿ ಬಂದರು. ಈ ವೇಳೆ ಬ್ಯಾಟ್ಸ್ ಮನ್ ರನ್ ಔಟ್ ಮಾಡಲು ಚೆಂಡು ಎಸೆದರೂ ಚೆಂಡು ಸ್ಟಂಪ್ ಗೆ ತಾಗಲಿಲ್ಲ. ಓವರ್ ಥ್ರೋ ಸಿಕ್ಕ ಅವಕಾಶವನ್ನು ಬಳಸಿಕೊಂಡ ಬ್ಯಾಟ್ಸ್​ಮನ್​ಗಳು ಉಳಿದ ರನ್ ಪೂರೈಸುವ ಮೂಲಕ 5 ರನ್​ ಕಲೆಹಾಕಿತು. ಈ ಮೂಲಕ ಕೊನೆಯ ಎಸೆತದಲ್ಲಿ 5 ರನ್​ ಓಡುವ ಮೂಲಕ ಗೆಲುವು ದಾಖಲಿಸಿತು. ಇದೀಗ ಈ ಪಂದ್ಯದ ವಿಡಿಯೋ ವೈರಲ್ ಆಗಿದೆ.

How to score 5 runs off the last ball to win without hitting a boundary… @ThatsSoVillage pic.twitter.com/0nIyl5xbxi

— The ACC (@TheACCnz) February 1, 2022

ಇದನ್ನೂ ಓದಿ: IPL 2022 auction: ಮೆಗಾ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿರುವ 590 ಆಟಗಾರರ ಹೆಸರು ಇಲ್ಲಿದೆ

ಇದನ್ನೂ ಓದಿ: IPL 2022: ಮೆಗಾ ಹರಾಜಿನಲ್ಲಿ 590 ಆಟಗಾರರು: ಯಾವ ದೇಶದಿಂದ ಎಷ್ಟು ಆಟಗಾರರು? ಇಲ್ಲಿದೆ ಸಂಪೂರ್ಣ ಪಟ್ಟಿ

ಇದನ್ನೂ ಓದಿ: Jason Holder: ಡಬಲ್ ಹ್ಯಾಟ್ರಿಕ್ ಪಡೆದು ವಿಶ್ವ ದಾಖಲೆ ನಿರ್ಮಿಸಿದ ಜೇಸನ್ ಹೋಲ್ಡರ್

(VIDEO: Batsman score 5 runs off the last ball to win without hitting a boundary)