Pro Kabaddi 2021: ಪರ್ದೀಪ್ vs ಪವನ್: ಯಾರು ಬೆಸ್ಟ್ ರೈಡರ್..?

Pro Kabaddi 2021: ಪರ್ದೀಪ್ vs ಪವನ್: ಯಾರು ಬೆಸ್ಟ್ ರೈಡರ್..?
Pardeep Narwal vs Pawan Sehrawat

Pardeep Narwal vs Pawan Sehrawat: ಪವನ್ ಕುಮಾರ್ ಶೆಹ್ರಾವತ್ 463 ಪಾಯಿಂಟ್​ಗಳಿಸುವ ಮೂಲಕ ನಂಬರ್ 1 ಆಟಗಾರ ಎನಿಸಿಕೊಂಡಿದ್ದರು. ಈ ಬಾರಿ ಕೂಡ ಪರ್ದೀಪ್ ನರ್ವಾಲ್​ಗಿಂತ ಶೆಹ್ರಾವತ್ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದಾರೆ.

TV9kannada Web Team

| Edited By: Zahir PY

Jan 09, 2022 | 5:53 PM

ಪ್ರೋ ಕಬಡ್ಡಿ ಲೀಗ್​ನ 44ನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಹಾಗೂ ಯುಪಿ ಯೋಧಾ ಮುಖಾಮುಖಿಯಾಗಲಿದೆ. ಈ ಪಂದ್ಯವು ಬೆಂಗಳೂರು ಬುಲ್ಸ್ ಹಾಗೂ ಯುಪಿ ಯೋಧಾ ನಡುವಣ ಪಂದ್ಯಕ್ಕಿಂತ ಇಬ್ಬರು ಸ್ಟಾರ್ ಆಟಗಾರರ ನಡುವಣ ಕದನವಾಗಿ ಮಾರ್ಪಟ್ಟಿದೆ. ಹೌದು, ಈ ಪಂದ್ಯದ ಮೂಲಕ ಪರ್ದೀಪ್ ನರ್ವಾಲ್ ಹಾಗೂ ಪವನ್ ಕುಮಾರ್ ಶೆಹ್ರಾವತ್ ಮುಖಾಮುಖಿಯಾಗುತ್ತಿದ್ದಾರೆ. ಇಬ್ಬರೂ ಪ್ರೋ ಕಬಡ್ಡಿ ಲೀಗ್​ನ ಅತ್ಯುತ್ತಮ ಆಟಗಾರರು ಎಂಬುದು ಡೌಟೇ ಇಲ್ಲ.

ಅದರಲ್ಲೂ ಪರ್ದೀಪ್ ನರ್ವಾಲ್ ಪ್ರೋ ಕಬಡ್ಡಿ ಲೀಗ್​ನಲ್ಲಿ ಕಳೆದ 7 ಸೀಸನ್​ಗಳಿಂದ ಸಾವಿರಕ್ಕೂ ಅಧಿಕ ರೈಡಿಂಗ್ ಪಾಯಿಂಟ್ ಗಳಿಸಿ ದಾಖಲೆ ನಿರ್ಮಿಸಿದ್ದಾರೆ. ಆದರೆ ಕಳೆದೆರಡು ಸೀಸನ್​ಗಳನ್ನು ಗಮನಿಸಿದರೆ ಪವನ್ ಕುಮಾರ್ ಶೆಹ್ರಾವತ್ ಪರ್ದೀಪ್ ನರ್ವಾಲ್​ಗಿಂತ ಮುಂದಿದ್ದಾರೆ. ಹೌದು, ಕಳೆದ ಸೀಸನ್​ನಲ್ಲಿ ಪಟ್ನಾ ಪೈರೇಟ್ಸ್​ ಪರ ಆಡಿದ್ದ ಪರ್ದೀಪ್ ನರ್ವಾಲ್ 452 ಪಾಯಿಂಟ್ ಗಳಿಸಿದ್ದರು.

ಆದರೆ ಪವನ್ ಕುಮಾರ್ ಶೆಹ್ರಾವತ್ 463 ಪಾಯಿಂಟ್​ಗಳಿಸುವ ಮೂಲಕ ನಂಬರ್ 1 ಆಟಗಾರ ಎನಿಸಿಕೊಂಡಿದ್ದರು. ಈ ಬಾರಿ ಕೂಡ ಪರ್ದೀಪ್ ನರ್ವಾಲ್​ಗಿಂತ ಶೆಹ್ರಾವತ್ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. 7 ಪಂದ್ಯಗಳಿಂದ ಪರ್ದೀಪ್ 44 ಸಕ್ಸಸ್ ರೈಡ್ ಪಾಯಿಂಟ್ ಪಡೆದರೆ ಪವನ್ ಕುಮಾರ್ ಶೆಹ್ರಾವತ್ 74 ಸಕ್ಸಸ್​ಫುಲ್ ರೈಡಿಂಗ್ ಪಾಯಿಂಟ್ ತಮ್ಮದಾಗಿಸಿಕೊಂಡಿದ್ದಾರೆ.

ಇನ್ನು ಈ ಬಾರಿ ಪರ್ದೀಪ್ ನರ್ವಾಲ್ ಒಟ್ಟಾರೆ 53 ಪಾಯಿಂಟ್​ಗಳನ್ನು ಕಲೆಹಾಕಿದ್ದರೆ, ಪವನ್ ಕುಮಾರ್ ಶೆಹ್ರಾವತ್ 90 ಪಾಯಿಂಟ್​ಗಳನ್ನು ಗಳಿಸಿದ್ದಾರೆ. ಈ ಮೂಲಕ ಬೆಂಗಳೂರು ಬುಲ್ಸ್ ತಂಡ ಗೆಲುವಿನಲ್ಲಿ ಪವನ್ ಕುಮಾರ್ ಶೆಹ್ರಾವತ್ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ. ಇಲ್ಲಿ ಪ್ರೋ ಕಬಡ್ಡಿ ಲೀಗ್​ ಇತಿಹಾಸದ ಅತ್ಯುತ್ತಮ ರೈಡರ್​ಗಳಲ್ಲಿ ಪರ್ದೀಪ್ ನರ್ವಾಲ್ ಅಗ್ರಸ್ಥಾನದಲ್ಲಿದ್ದರೂ, ಪ್ರಸ್ತುತ ಅತ್ಯುತ್ತಮ ಆಟಗಾರನಾಗಿ ಪವನ್ ಶೆಹ್ರಾವತ್ ಮುಂಚೂಣಿಯಲ್ಲಿದ್ದಾರೆ. ಹೀಗಾಗಿ ಪ್ರಸ್ತುತ ಫಾರ್ಮ್​ನಂತೆ ಪರ್ದೀಪ್​ಗಿಂತ ಪವನ್ ಕುಮಾರ್​ ಶೆಹ್ರಾವತ್ ಬೆಸ್ಟ್ ರೈಡರ್ ಎಂದೇ ಹೇಳಬಹುದು.

ಇದನ್ನೂ ಓದಿ: IPL 2022: ಮತ್ತೆ RCB ಪರ ಆಡಬೇಕೆಂದ ಸ್ಟಾರ್ ಬೌಲರ್

ಇದನ್ನೂ ಓದಿ:  Sachin Tendulkar: ಆಲ್‌ ಟೈಮ್ ಬೆಸ್ಟ್‌ 11 ಹೆಸರಿಸಿದ ಸಚಿನ್: ಪ್ರಮುಖ ಆಟಗಾರರಿಗಿಲ್ಲ ಸ್ಥಾನ

ಇದನ್ನೂ ಓದಿ: Steve Smith: 11 ಶತಕ, 11 ಅರ್ಧಶತಕ: ವಿಶೇಷ ದಾಖಲೆ ಬರೆದ ಸ್ಟೀವ್ ಸ್ಮಿತ್

ಇದನ್ನೂ ಓದಿ: IPL 2022: ಅಹಮದಾಬಾದ್ ತಂಡಕ್ಕೆ ಟೀಮ್ ಇಂಡಿಯಾ ಮಾಜಿ ಆಟಗಾರ ಕೋಚ್..!

Follow us on

Most Read Stories

Click on your DTH Provider to Add TV9 Kannada