Pro Kabaddi League 2022: ತೆಲುಗು ಟೈಟನ್ಸ್​ಗೆ ಸೋಲುಣಿಸಿದ ಬೆಂಗಳೂರು ಬುಲ್ಸ್

Pro Kabaddi League 2022: ತೆಲುಗು ಟೈಟನ್ಸ್​ಗೆ ಸೋಲುಣಿಸಿದ ಬೆಂಗಳೂರು ಬುಲ್ಸ್
Bengaluru Bulls

Bengaluru Bulls vs Telugu Titans: ದ್ವಿತಿಯಾರ್ಧದಲ್ಲಿ ಬೆಂಗಳೂರು ಬುಲ್ಸ್​ 5 ಪಾಯಿಂಟ್ ಕಲೆಹಾಕುವಷ್ಟರಲ್ಲಿ ತೆಲುಗು ಟೈಟನ್ಸ್ 9 ಪಾಯಿಂಟ್​ಗಳಿಸಿತು. ಟೈಟನ್ಸ್ ಪರ ಅತ್ಯುತ್ತಮ ರೈಡಿಂಗ್ ಪ್ರದರ್ಶಿಸಿದ ಅಂಕಿತ್ 5 ಪಾಯಿಂಟ್ ಕಲೆಹಾಕಿ ಗಮನ ಸೆಳೆದರು.

TV9kannada Web Team

| Edited By: Zahir PY

Jan 23, 2022 | 9:48 PM

ಪ್ರೋ ಕಬಡ್ಡಿ ಲೀಗ್​ನ 74ನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡವು ತೆಲುಗು ಟೈಟನ್ಸ್ ವಿರುದ್ದ ಭರ್ಜರಿ ಜಯ ಸಾಧಿಸಿದೆ. ಈ ಪಂದ್ಯದಲ್ಲಿ ಆರಂಭದಲ್ಲೇ ಮೇಲುಗೈ ಸಾಧಿಸಿದ ಬೆಂಗಳೂರು ಬುಲ್ಸ್ ಸತತ ಪಾಯಿಂಟ್​ಗಳನ್ನು ಕಲೆಹಾಕಿತು. ಮತ್ತೊಂದೆಡೆ ಒತ್ತಡಕ್ಕೆ ಸಿಲುಕಿದ ತೆಲುಗು ಟೈಟನ್ಸ್ ತಂಡದಲ್ಲಿ ಹೊಂದಾಣಿಕೆ ಆಟದ ಕೊರತೆ ಕಂಡು ಬಂತು. ಈ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಂಡ ಬೆಂಗಳೂರು ಬುಲ್ಸ್ ತಂಡದ ನಾಯಕ ಪವನ್ ಕುಮಾರ್ ಶೆಹ್ರಾವತ್ 6 ಬೋನಸ್ ಅಂಕಗಳನ್ನು ಕಲೆಹಾಕಿದರು. ಅಷ್ಟೇ ಅಲ್ಲದೆ ಮೊದಲಾರ್ಧದಲ್ಲಿ 5 ರೈಡಿಂಗ್ ಪಾಯಿಂಟ್​ ಪಡೆದರು. ಪರಿಣಾಮ ಮೊದಲಾರ್ಧದಲ್ಲೇ ಬೆಂಗಳೂರು ಬುಲ್ಸ್ ತಂಡವು ಭರ್ಜರಿ ಮುನ್ನಡೆ ಪಡೆಯಿತು.

ಅದರಂತೆ ಮೊದಲಾರ್ಧದ ಮುಕ್ತಾಯದ ವೇಳೆ ಬೆಂಗಳೂರು ಬುಲ್ಸ್ ತಂಡವು 22 ಅಂಕ ಕಲೆಹಾಕಿದರೆ, ತೆಲುಗು ಟೈಟನ್ಸ್ ತಂಡವು ಕೇವಲ 11 ಅಂಕಗಳನ್ನು ಮಾತ್ರಗಳಿಸಿತ್ತು. 11 ಪಾಯಿಂಟ್​ಗಳ ಮುನ್ನಡೆಯೊಂದಿಗೆ ದ್ವಿತಿಯಾರ್ಧ ಆರಂಭಿಸಿದ ಬೆಂಗಳೂರು ಬುಲ್ಸ್​ಗೆ ತೆಲುಗು ಟೈಟನ್ಸ್ ಪೈಪೋಟಿ ನೀಡುವ ಪ್ರಯತ್ನ ಮಾಡಿತು.

ಅದರಂತೆ ದ್ವಿತಿಯಾರ್ಧದಲ್ಲಿ ಬೆಂಗಳೂರು ಬುಲ್ಸ್​ 5 ಪಾಯಿಂಟ್ ಕಲೆಹಾಕುವಷ್ಟರಲ್ಲಿ ತೆಲುಗು ಟೈಟನ್ಸ್ 9 ಪಾಯಿಂಟ್​ಗಳಿಸಿತು. ಟೈಟನ್ಸ್ ಪರ ಅತ್ಯುತ್ತಮ ರೈಡಿಂಗ್ ಪ್ರದರ್ಶಿಸಿದ ಅಂಕಿತ್ 5 ಪಾಯಿಂಟ್ ಕಲೆಹಾಕಿ ಗಮನ ಸೆಳೆದರು. ಅಷ್ಟೇ ಅಲ್ಲದೆ ಬೆಂಗಳೂರು ಬುಲ್ಸ್ ತಂಡವನ್ನು ಆಲೌಟ್ ಮಾಡಿ ಪಾಯಿಂಟ್​ ಅಂತರವನ್ನು 4ಕ್ಕೆ ಇಳಿಸಿದರು. ಇದಾಗ್ಯೂ ಅಂತಿಮ ಹಂತದಲ್ಲಿ ಎಚ್ಚರಿಕೆಯ ಆಟವಾಡಿದ ಬೆಂಗಳೂರು ಬುಲ್ಸ್ ತಂಡವು 36 ಅಂಕಗಳಿಸುವ ಮೂಲಕ 5 ಪಾಯಿಂಟ್​ಗಳ ಅಂತರದಿಂದ (36-31) ಜಯ ಸಾಧಿಸಿತು.

ಇದನ್ನೂ ಓದಿ: Ind vs SA: ಭರ್ಜರಿ ಶತಕ ಸಿಡಿಸಿ ಸಚಿನ್, ಸೆಹ್ವಾಗ್ ದಾಖಲೆ ಮುರಿದ ಕ್ವಿಂಟನ್ ಡಿಕಾಕ್

ಇದನ್ನೂ ಓದಿ: ICC Mens ODI Team: ಐಸಿಸಿ ಏಕದಿನ ತಂಡ ಪ್ರಕಟ: ಟೀಮ್ ಇಂಡಿಯಾದ ಆಟಗಾರರಿಗಿಲ್ಲ ಸ್ಥಾನ

ಇದನ್ನೂ ಓದಿ: IPL 2022: ಹೊಸ ಎರಡು ತಂಡಗಳು ಆಯ್ಕೆ ಮಾಡಿದ 6 ಆಟಗಾರರು ಇವರೇ..!

(Pro Kabaddi League (PKL) 2022: Bengaluru Bulls Beat Telugu Titans)

Follow us on

Most Read Stories

Click on your DTH Provider to Add TV9 Kannada