T. Natrajan IPL 2021 SRH Team Player: ಯಾರ್ಕರ್​ ಕಿಂಗ್ ನಟರಾಜನ್​ ಹೈದರಾಬಾದ್​ ತಂಡದ ಡೆತ್​ ಓವರ್ ಸ್ಪೆಷಲಿಸ್ಟ್​!

ಅನೇಕ ಆಟಗಾರರು ಐಪಿಎಲ್ ಮೂಲಕ ಮಿಂಚಿದ್ದಾರೆ. ಈ ಟಿ 20 ಲೀಗ್ ಟೀಮ್ ಇಂಡಿಯಾಕ್ಕೆ ಅನೇಕ ಸ್ಟಾರ್ ಆಟಗಾರರನ್ನ ನೀಡಿದೆ. ಆದರೆ, ಟಿ.ನಟರಾಜನ್ ಇಷ್ಟು ವೇಗದಲ್ಲಿ ಮಾಡಿದಷ್ಟು ಹೆಸರು ಮತ್ತು ಯಶಸ್ಸನ್ನು ಬೇರೆ ಯಾರಿಗೂ ಸಿಕ್ಕಿಲ್ಲ. ಟೀಮ್ ಇಂಡಿಯಾ ಪರ ಕ್ರಿಕೆಟ್​ನ ಎಲ್ಲಾ ಮೂರು ಸ್ವರೂಪಗಳಲ್ಲಿ ನಟರಾಜನ್ ಪಾದಾರ್ಪಣೆ ಮಾಡಿದ್ದಾರೆ. ಇನ್ನೂ ಆಶ್ಚರ್ಯಕರ ಸಂಗತಿಯೆಂದರೆ, ಅವರು ಮೂರು ಆವೃತ್ತಿಗಳಿಗೆ ಒಂದೇ ಪ್ರವಾಸದಲ್ಲಿ ಪಾದಾರ್ಪಣೆ ಮಾಡಿದರು ಮತ್ತು ಈ ಸಾಧನೆ ಮಾಡಿದ ಮೊದಲ ಭಾರತೀಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಟಿ.ನಟರಾಜನ್ ಪಡೆದ ಯಶಸ್ಸು ಸಂಪೂರ್ಣವಾಗಿ ಐಪಿಎಲ್‌ನ ಫಲಿತಾಂಶವಾಗಿದೆ.

ನಟರಾಜನ್ ಅವರ ಪ್ರತಿಭೆ ಎಂದರೆ ಅವರು ಎಡಗೈ ವೇಗದ ಬೌಲರ್ ಮತ್ತು ಅವರು 6 ಕ್ಕೂ ಹೆಚ್ಚು ಯಾರ್ಕರ್‌ಗಳ 6 ಎಸೆತಗಳನ್ನು ಬೌಲ್ ಮಾಡುವ ಸಾಮಥ್ರ್ಯ ಹೊಂದಿದ್ದಾರೆ. ಟೀಮ್ ಇಂಡಿಯಾ ಬಯಸಿದ್ದು ಇದನ್ನೇ. ಭಾರತಕ್ಕೆ ಎಡಗೈ ವೇಗದ ಬೌಲರ್ ಕೊರತೆ ಇತ್ತು. ಹೀಗಾಗಿ ಎಡಗೈ ವೇಗದ ಬೌಲರ್ ನಟರಾಜನ್ ಇಷ್ಟು ಬೇಗ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಕಾಲುಡಲು ಇದೇ ಕಾರಣ.

ಐಪಿಎಲ್‌ನಲ್ಲಿ ತಂಡ ಬದಲಾದಂತೆ ಅದೃಷ್ಟ ಬದಲಾಗಿದೆ
ಟಿ.ನಟರಾಜನ್ ಐಪಿಎಲ್‌ಗೆ ಪ್ರವೇಶಿಸಿದ್ದು ಕಿಂಗ್ಸ್ ಇಲೆವೆನ್ ಪಂಜಾಬ್ ಮೂಲಕ, 2017 ರಲ್ಲಿ 3 ಕೋಟಿ ಬಿಡ್‌ನೊಂದಿಗೆ ನಟರಾಜನ್ ಪಂಜಾಬ್​ ಪರ ಆಡಿದ್ದರು. ಈ ಆವೃತ್ತಿಯಲ್ಲಿ ಕಿಂಗ್ಸ್ ಇಲೆವೆನ್ ಪರ ಆಡಿದ 6 ಪಂದ್ಯಗಳಲ್ಲಿ ನಟರಾಜನ್ ಕೇವಲ 2 ವಿಕೆಟ್ ಪಡೆದರು. ನಟರಾಜನ್ 2018 ರ ಹರಾಜಿನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್‌ಗೆ ಸೇರಿದರು. ಆದಾಗ್ಯೂ, ಐಪಿಎಲ್ 2020 ರಲ್ಲಿ ಆರೆಂಜ್ ಆರ್ಮಿ ಆಡುವ ಇಲೆವೆನ್‌ನಲ್ಲಿ ಅವರು ಪ್ರಥಮ ಸ್ಥಾನ ಪಡೆದರು. ಎಡಗೈ ವೇಗದ ಬೌಲರ್, ತನ್ನ ಯಾರ್ಕರ್​ನಿಂದಾಗಿ 16 ಪಂದ್ಯಗಳಲ್ಲಿ 16 ವಿಕೆಟ್ ಪಡೆದರು

22 ಪಂದ್ಯಗಳಲ್ಲಿ 18 ವಿಕೆಟ್ ಪಡೆದಿದ್ದಾರೆ
2017 ಮತ್ತು 2020 ರಲ್ಲಿ ಐಪಿಎಲ್ ಆವೃತ್ತಿಗಳಲ್ಲಿ ಆಡಿದ ನಟರಾಜನ್ 22 ಪಂದ್ಯಗಳಲ್ಲಿ 18 ವಿಕೆಟ್ ಪಡೆದಿದ್ದಾರೆ. ಐಪಿಎಲ್ 2020 ರ ಯಶಸ್ಸು ಟಿ.ನಟರಾಜನ್ ಅವರನ್ನು ಉದಯೋನ್ಮುಖ ತಾರೆಯನ್ನಾಗಿ ಮಾಡಿದೆ. ಈಗ ಅದನ್ನು ಹಾಗೇ ಉಳಿಸಿಕೊಳ್ಳುವ ಅವಶ್ಯಕತೆಯಿದೆ. ಐಪಿಎಲ್ 2021 ರಲ್ಲಿ, ಅವರು ಈ ಭರವಸೆಯೊಂದಿಗೆ ಕಣಕ್ಕಿಳಿಯಲ್ಲಿದ್ದಾರೆ.

ಇದನ್ನೂ ಓದಿ: Rashid Khan IPL 2021 SRH Team Player: ಗೂಗ್ಲಿ ಮಾಸ್ಟರ್​ ರಶೀದ್​ ಖಾನ್​ ಐಪಿಎಲ್​ನ ಬಹುಬೇಡಿಕೆಯ ಆಟಗಾರ

(T. Natrajan ipl 2021 SRH team player profile stats icc ranking photos videos indian cricket players latest news in kannada)