Drone Rules: ದೀಪಾವಳಿಯಂದು ಡ್ರೋನ್ ಹಾರಿಸುವ ಮುನ್ನ ಎಚ್ಚರ: ಈ ನಿಯಮ ಮುರಿದ್ರೆ 1 ಲಕ್ಷ ದಂಡ
Indian Drone Rules: ಡ್ರೋನ್ ಶೂಟ್ ಸಹಾಯದಿಂದ ನೀವು ದೀಪಾವಳಿಯ ವಿಶೇಷ ಕ್ಷಣಗಳನ್ನು ಸೆರೆಹಿಡಿಯಲು ಬಯಸಿದರೆ, ಅದಕ್ಕೆ ಸಂಬಂಧಿಸಿದ ನಿಯಮಗಳನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ. ಡ್ರೋನ್ ಹಾರಿಸುವುದು ಮಾಮೂಲಿ ವಿಷಯವಲ್ಲ. ಇದಕ್ಕಾಗಿ ಕೆಲವು ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸುವುದು ಬಹಳ ಮುಖ್ಯ.
ದೀಪಾವಳಿ ಅಥವಾ ಹಬ್ಬದ ಸಮಯದಂದು ಡ್ರೋನ್ ಅನ್ನು ಹಾರಿಸಿ ಅದ್ಭುತ ಕ್ಷಣಗಳನ್ನು ಸೆರೆ ಹಿಡಿಯುವುದು ಇಂದು ಕಾಮನ್. ಆದರೆ ಡ್ರೋನ್ ಅನ್ನು ಹಾರಿಸುವುದು ಕಾನೂನಿನ ವ್ಯಾಪ್ತಿಯಲ್ಲಿ ಬರುತ್ತದೆ. ಆದ್ದರಿಂದ, ಡ್ರೋನ್ ಅನ್ನು ಉಪಯೋಗಿಸುವ ಮೊದಲು ಎಲ್ಲಾ ನಿಯಮಗಳು ಮತ್ತು ಕಾನೂನುಗಳ ಬಗ್ಗೆ ತಿಳಿದುಕೊಳ್ಳುವುದು ಮುಖ್ಯ. ನೀವು ಈ ನಿಯಮಗಳನ್ನು ಅನುಸರಿಸಿದರೆ ಯಾವುದೇ ತೊಂದರೆಯಿಲ್ಲದೆ ಡ್ರೋನ್ ಮೂಲಕ ಶೂಟ್ ಮಾಡಬಹುದು.
ಡ್ರೋನ್ ಹಾರಿಸುವ ಮೊದಲು ಈ ನಿಯಮಗಳನ್ನು ತಿಳಿದುಕೊಳ್ಳಿ
ನೀವು ಡ್ರೋನ್‌ನಿಂದ ಶೂಟ್ ಮಾಡಲು ಯೋಜಿಸುತ್ತಿದ್ದರೆ, ಹಾಗೆ ಮಾಡುವ ಮೊದಲು ಡ್ರೋನ್‌ಗಳಿಗೆ ಸಂಬಂಧಿಸಿದ ಈ ನಿಯಮಗಳನ್ನು ತಿಳಿದುಕೊಳ್ಳಿ.
ಡ್ರೋನ್ ನೋಂದಣಿ: ಭಾರತದಲ್ಲಿ ಡ್ರೋನ್ ಹಾರಲು ಡ್ರೋನ್ ನೋಂದಣಿ ಕಡ್ಡಾಯವಾಗಿದೆ. ಇದಕ್ಕಾಗಿ ನೀವು ಆನ್‌ಲೈನ್ ಪೋರ್ಟಲ್ DigitalSky ಗೆ ಹೋಗುವ ಮೂಲಕ ಅರ್ಜಿ ಸಲ್ಲಿಸಬೇಕಾಗುತ್ತದೆ.
ಡ್ರೋನ್ ಸ್ವೀಕೃತಿ ಸಂಖ್ಯೆ: ಡ್ರೋನ್ ನೋಂದಣಿಯ ನಂತರ, ನೀವು ಡ್ರೋನ್ ಸ್ವೀಕೃತಿ ಸಂಖ್ಯೆಯನ್ನು ಪಡೆಯುತ್ತೀರಿ. ಈ ಸಂಖ್ಯೆಯನ್ನು ಯಾವಾಗಲೂ ನಿಮ್ಮ ಡ್ರೋನ್‌ನೊಂದಿಗೆ ಇರಿಸಬೇಕಾಗುತ್ತದೆ. ಇದು ಡ್ರೋನ್‌ನ ವಿಶಿಷ್ಟ ಗುರುತಿನ ಸಂಖ್ಯೆ (UIN).
ಜಿಯೋ-ಫೆನ್ಸಿಂಗ್: ಭಾರತದ ವಾಯುಪ್ರದೇಶವನ್ನು ಮೂರು ಭಾಗಗಳಾಗಿ ವಿಂಗಡಿಸಲಾಗಿದೆ – ಹಸಿರು ವಲಯ, ಹಳದಿ ವಲಯ ಮತ್ತು ಕೆಂಪು ವಲಯ. ಈ ಮೂರು ವಲಯಗಳಲ್ಲಿ ಡ್ರೋನ್‌ಗಳನ್ನು ಹಾರಿಸಲು ವಿಭಿನ್ನ ಷರತ್ತುಗಳಿವೆ.
ರಿಮೋಟ್ ಪೈಲಟ್ ಪರವಾನಗಿ: ಡ್ರೋನ್ ಅನ್ನು ಹಾರಿಸುವ ಮೊದಲು, ನೀವು ರಿಮೋಟ್ ಪೈಲಟ್ ಪರವಾನಗಿಯನ್ನು ಪಡೆಯಬೇಕು. ನಿಗದಿತ ತರಬೇತಿಯನ್ನು ಪೂರ್ಣಗೊಳಿಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ ಈ ಪರವಾನಗಿಯನ್ನು ಪಡೆಯಲಾಗುತ್ತದೆ.
ಇದನ್ನೂ ಓದಿ: ಫೋನ್ ಚಾರ್ಜ್ ಮಾಡಲು ಕರೆಂಟ್ ಬೇಡ: ಬಂದಿದೆ ಸೂರ್ಯನ ಬೆಳಕಲ್ಲಿ ಚಾರ್ಜ್ ಮಾಡುವ ಪವರ್ ಬ್ಯಾಂಕ್
ಡ್ರೋನ್‌ಗಳನ್ನು ಎಲ್ಲಿ ಹಾರಿಸಬಾರದು?
ಹಸಿರು ವಲಯ: ಇದು ಯಾವುದೇ ಅನುಮತಿಯಿಲ್ಲದೆ ನೀವು ಡ್ರೋನ್ ಅನ್ನು ಹಾರಿಸಬಹುದಾದ ಪ್ರದೇಶವಾಗಿದೆ, ಆದರೆ ಕೆಲವು ಮಿತಿಗಳೊಂದಿಗೆ. ಈ ಪ್ರದೇಶದಲ್ಲಿ ನೀವು ಡ್ರೋನ್ ಅನ್ನು 400 ಅಡಿ ಅಥವಾ 120 ಮೀಟರ್ ಎತ್ತರದವರೆಗೆ ಹಾರಿಸಬಹುದು. ಇದಕ್ಕಿಂತ ಹೆಚ್ಚಿನ ಎತ್ತರದಲ್ಲಿ ಡ್ರೋನ್ ಹಾರಿಸಬೇಕಾದರೆ ಸಂಬಂಧಪಟ್ಟ ಪ್ರಾಧಿಕಾರದಿಂದ ಅನುಮತಿ ಪಡೆಯಬೇಕಾಗುತ್ತದೆ.
ಹಳದಿ ವಲಯ: ಈ ವಾಯುಪ್ರದೇಶದಲ್ಲಿ ಡ್ರೋನ್‌ಗಳನ್ನು ಹಾರಿಸುವುದಕ್ಕೆ ನಿಷೇಧವಿದೆ. ನೀವು ಇಲ್ಲಿ ಡ್ರೋನ್ ಅನ್ನು ಹಾರಿಸಲು ಬಯಸಿದರೆ, ನಂತರ ವಾಯು ಸಂಚಾರ ನಿಯಂತ್ರಣ ಪ್ರಾಧಿಕಾರದಿಂದ ಅನುಮತಿ ತೆಗೆದುಕೊಳ್ಳಬೇಕು. ಕಾರ್ಯಾಚರಣೆಯ ವಿಮಾನ ನಿಲ್ದಾಣದ 8 ಮತ್ತು 12 ಕಿಲೋಮೀಟರ್ ವ್ಯಾಪ್ತಿಯಲ್ಲಿರುವ ಪ್ರದೇಶವನ್ನು ಹಳದಿ ವಲಯ ಎಂದು ಕರೆಯಲಾಗುತ್ತದೆ.
ರೆಡ್ ಝೋನ್: ಡ್ರೋನ್ ಹಾರಾಟಕ್ಕೆ ಕಟ್ಟುನಿಟ್ಟಿನ ನಿಷೇಧವಿರುವ ಪ್ರದೇಶವಿದು. ಇವು ಸೇನಾ ನೆಲೆಗಳು ಇತ್ಯಾದಿ ಅತ್ಯಂತ ಸೂಕ್ಷ್ಮ ಪ್ರದೇಶಗಳಾಗಿವೆ. ಇಲ್ಲಿ ಡ್ರೋನ್‌ಗಳನ್ನು ಹಾರಿಸಲು ಕೇಂದ್ರ ಸರ್ಕಾರ ಮಾತ್ರ ಅನುಮತಿ ನೀಡಬಹುದು.
ಡ್ರೋನ್ ಅನ್ನು ಹಾರಿಸಲು ಅಥವಾ ಡ್ರೋನ್ ಮೂಲಕ ಶೂಟ್ ಮಾಡಲು, ನೀವು ಈ ನಿಯಮಗಳನ್ನು ಅನುಸರಿಸಬೇಕು. ಡ್ರೋನ್ ನಿಯಮಗಳನ್ನು ಉಲ್ಲಂಘಿಸಿದರೆ, 1 ಲಕ್ಷದವರೆಗೆ ದಂಡ ವಿಧಿಸಬಹುದು. DigitalSky ಪೋರ್ಟಲ್‌ನಲ್ಲಿ ನೀವು ಡ್ರೋನ್‌ಗಳಿಗೆ ಸಂಬಂಧಿಸಿದ ಎಲ್ಲಾ ಅಪ್ಲಿಕೇಶನ್‌ಗಳನ್ನು ಸಲ್ಲಿಸಬಹುದು.