Facebook Scam: ಫೇಸ್ಬುಕ್ ಹೊಸ ಸ್ಕ್ಯಾಮ್ಗೆ ಬೆಚ್ಚಿಬಿದ್ದ ಜನತೆ: ನಿಮಗೂ ಹೀಗೆ ಮೆಸೇಜ್ ಬರಬಹುದು
Hack: ಇದೀಗ ಫೇಸ್ಬುಕ್ನಲ್ಲಿ ನಡೆಯುತ್ತಿರುವ ದೊಡ್ಡ ಸ್ಕ್ಯಾಮ್ ಒಂದು ಹೊರಬಿದ್ದಿದೆ. ಸ್ಕ್ಯಾಮರ್ಗಳು ಫೇಸ್ಬುಕ್ನಲ್ಲಿ ಸ್ವಲ್ಪವೂ ಅನುಮಾನ ಬರದ ರೀತಿಯಲ್ಲಿ ಬಳಕೆದಾರರನ್ನು ತಮ್ಮ ಬಲೆಗೆ ಬೀಳಿಸಿಕೊಳ್ಳುತ್ತಿದ್ದಾರೆ.
Updated on: Jun 01, 2023 | 2:43 PM
ಮುಖ್ಯಾಂಶಗಳು
- ಫೇಸ್ಬುಕ್ ಹೊಸ ಸ್ಕ್ಯಾಮ್ಗೆ ಬೆಚ್ಚಿಬಿದ್ದ ಜನತೆ
- ನಿಮಗೂ ಹೀಗೆ ಮೆಸೇಜ್ ಬರಬಹುದು
- ಹೊಸ ಸ್ಕ್ಯಾಮ್ನ ಹೆಸರು “look who just died”
ಇಂದಿನ ಡಿಜಿಟಲ್ ಯುಗದಲ್ಲಿ ಸ್ಕ್ಯಾಮರ್ಗಳು (Scam) ಎಗ್ಗಿಲ್ಲದೆ ಅಮಾಯಕರ ಹಣ ಎಗರಿಸುತ್ತಿದ್ದಾರೆ. ಈ ಬಗ್ಗೆ ಪ್ರತಿ ದಿನ ಒಂದಲ್ಲ ಒಂದು ವರದಿ ಆಗುತ್ತಲೇ ಇದೆ. ಬ್ಯಾಂಕುಗಳು ಕಳುಹಿಸುವ ಸಂದೇಶದಂತೆ ಫೇಕ್ ಮೆಸೇಜ್ಗಳನ್ನು (Fake Message) ಕಳುಹಿಸಿ ಜನರ ಹಣವನ್ನು ಲೂಟಿ ಮಾಡುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲೂ ಈರೀತಿಯ ಪ್ರಕರಣ ಹೆಚ್ಚುತ್ತಿದೆ. ಇದೀಗ ಫೇಸ್ಬುಕ್ನಲ್ಲಿ ನಡೆಯುತ್ತಿರುವ ದೊಡ್ಡ ಸ್ಕ್ಯಾಮ್ ಒಂದು ಹೊರಬಿದ್ದಿದೆ. ಹ್ಯಾಕರ್ಗಳು ಫೇಸ್ಬುಕ್ನಲ್ಲಿ (Facebook) ಸ್ವಲ್ಪವೂ ಅನುಮಾನ ಬರದ ರೀತಿಯಲ್ಲಿ ಬಳಕೆದಾರರನ್ನು ತಮ್ಮ ಬಲೆಗೆ ಬೀಳಿಸಿಕೊಳ್ಳುತ್ತಿದ್ದಾರೆ.
ಫೇಸ್ಬುಕ್ನಲ್ಲಿ ನಡೆಯುತ್ತಿರುವ ಹೊಸ ಸ್ಕ್ಯಾಮ್ನ ಹೆಸರು “look who just died” ಎಂದು. ಫೇಸ್ಬುಕ್ನಲ್ಲಿ ಹ್ಯಾಕರ್ಗಳು ಅಮಾಯಕ ಬಳಕೆದಾರರ ಖಾತೆಗೆ ನೇರವಾಗಿ ಒಂದು ಮೆಸೇಜ್ ಕಳುಹಿಸುತ್ತಾರೆ. ಇದರಲ್ಲಿ ನಿಮ್ಮ ಫೇಸ್ಬುಕ್ನ ಆತ್ಮಿಯರು ನಿಧನ ಹೊಂದಿರುವ ಸುದ್ದಿ ಇರುತ್ತದೆ. ಜೊತೆಗೆ ಈ ವ್ಯಕ್ತಿ ನಿಮಗೆ ಗೊತ್ತು, ನಿಮ್ಮ ತುಂಬಾ ಆತ್ಮೀಯರು ನಿಧನರಾಗಿದ್ದಾರೆ ಎಂದು ಬರೆದು ಕಳುಹಿಸುತ್ತಾರೆ. ಈ ಸುದ್ದಿಯನ್ನು ಓದಲು ನಿಮ್ಮ ಫೇಸ್ಬುಕ್ ಲಾಗಿನ್ ಐಡಿ ಮತ್ತು ಪಾಸ್ವರ್ಡ್ ನಮೋದಿಸಿ ಎಂದು ಕೇಳಲಾಗುತ್ತಿದೆ. ಅದರಂತೆ ನೀವು ಸುದ್ದಿ ಓದಲು ಪಾಸ್ವವರ್ಡ್ ಮತ್ತು ಐಡಿ ಹಾಕಿದರೆ ಮುಗಿಯಿತು. ನಿಮ್ಮ ಖಾತೆ ಹ್ಯಾಕ್.
iQoo Z7s 5G: ಸೂಪರ್ ಸ್ಪೀಡ್ ಫೋನ್ ಕ್ರೇಜಿ ಬೆಲೆಗೆ ಲಭ್ಯ
ಹ್ಯಾಕರ್ ನಿಮ್ಮ ಖಾತೆಯ ಮಾಹಿತಿ ಪಡೆದುಕೊಂಡು ಲಾಗಿನ್ ಆಗಿ, ನಿಮ್ಮ ಫ್ರೆಂಡ್ ಲಿಸ್ಟ್ನಲ್ಲಿ ಇರುವ ಇತರರಿಗೂ ಈ ಮೆಸೇಜ್ ಕಳುಹಿಸುತ್ತಾರೆ. ಬಳಿಕ ಅವರ ಖಾತೆಯನ್ನೂ ಹ್ಯಾಕ್ ಮಾಡುತ್ತಾರೆ. ಅಲ್ಲದೆ ನಿಮ್ಮ ಖಾತೆಯಲ್ಲಿರುವ ಮೊಬೈಲ್ ನಂಬರ್, ಜನ್ಮ ದಿನಾಂಕ, ವೈಯಕ್ತಿಕ ಮೆಸೇಜ್ ಅನ್ನು ಪಡೆದುಕೊಳ್ಳುತ್ತಾರೆ. ಈ ರೀತಿಯ ಫೇಕ್ ಮೆಸೇಜ್, ಹ್ಯಾಕರ್ಗಳಿಂದ ನಿಮ್ಮನ್ನ ನೀವು ರಕ್ಷಿಸಿಕೊಳ್ಳಲು ಈ ಕೆಳಗಿನ ಸೂತ್ರ ನೆನಪಿನಲ್ಲಿಡಿ.
ಫೇಸ್ಬುಕ್ ವಂಚನೆಯಿಂದ ಪಾರಾಗುವುದು ಹೇಗೆ?:
- ಫೇಸ್ಬುಕ್ನಿಂದ ಬಂದಿರುವುದು ಎಂದು ಹೇಳಿಕೊಳ್ಳುವ ಅನುಮಾನಾಸ್ಪದ ಇಮೇಲ್ ಅಥವಾ ಸಂದೇಶವನ್ನು ನೀವು ಪಡೆದರೆ, ಯಾವುದೇ ಲಿಂಕ್ಗಳು ಅಥವಾ ಲಗತ್ತುಗಳನ್ನು ಕ್ಲಿಕ್ ಮಾಡಬೇಡಿ. ನಿಮ್ಮ ಫೇಸ್ಬುಕ್ ಸೆಟ್ಟಿಂಗ್ಗಳಲ್ಲಿ ಫೇಸ್ಬುಕ್ನಿಂದ ಕಳುಹಿಸಲಾದ ಇತ್ತೀಚಿನ ಇಮೇಲ್ಗಳನ್ನು ಮೊದಲು ಪರೀಕ್ಷಿಸಿ.
- ಸ್ಕ್ಯಾಮರ್ಗಳು ನಿಮ್ಮಿಂದ ಹಣ ದೋಚಲು ವಿವಿಧ ಮಾರ್ಗಗಗಳನ್ನು ಹುಡುಕುತ್ತಾರೆ. ನಿಮಗೆ ಬೆದರಿಕೆ ಹಾಕಬಹುದು. ಪರಿಚಿತ ವ್ಯಕ್ತಿಯಿಂದ ಮೆಸೇಜ್ ಬಂದರೂ ಮತ್ತೊಮ್ಮೆ ಪರಿಶೀಲಿಸಿ.
- ಸ್ಕ್ಯಾಮರ್ಗಳು ಆಗಾಗ್ಗೆ ಮೆಸೇಜ್ ಮಡುತ್ತಲೆ ಇರುತ್ತಾರೆ. ಈ ಲಿಂಕ್ಗಳ ಮೇಲೆ ಕ್ಲಿಕ್ ಮಾಡಿ ಅಥವಾ ಫೈಲ್ಗಳನ್ನು ಡೌನ್ಲೋಡ್ ಮಾಡಿ. ಹೀಗೆ ಮೆಸೇಜ್ ಬರುತ್ತಿರುತ್ತದೆ.
- ಸ್ಕ್ಯಾಮರ್ಗಳು ಹೆಚ್ಚಾಗಿ ನಿಮಗೆ ಪರಿಚಿತರ ಫೋಟೋವನ್ನು ಬಳಸಬಹುದು. ನಂತರ ಹಣಕ್ಕೆ ಬೇಡಿಕೆ ಇಡಬಹುದು.
- ನಿಮ್ಮ ಪಾಸ್ವರ್ಡ್, ಸಾಮಾಜಿಕ ಭದ್ರತೆ ಸಂಖ್ಯೆ, ಕ್ರೆಡಿಟ್ ಕಾರ್ಡ್ ಸಂಖ್ಯೆಗಳಂತಹ ಹಣಕಾಸಿನ ಮಾಹಿತಿ ಮತ್ತು ನಿಮ್ಮ ಆನ್ಲೈನ್ ಭದ್ರತೆಯನ್ನು ಬಲಪಡಿಸಲು ಕೇಳುವ ಸಂದೇಶಗಳಿಗೆ ಉತ್ತರಿಸಬೇಡಿ ಮತ್ತು ವರದಿ ಮಾಡಬೇಡಿ. ಟು-ಸ್ಟೆಪ್ ವೆರಿಫಿಕೇಷನ್ ಸಕ್ರಿಯಗೊಳಿಸಿ.
- ವಿಶ್ವಾಸಾರ್ಹ ಆಂಟಿವೈರಸ್ ಸಾಫ್ಟ್ವೇರ್ ಬಳಸಿ. ಈ ಸಾಫ್ಟ್ವೇರ್ ಅನ್ನು ಅಪ್ಡೇಟ್ ಮಾಡುತ್ತಿರಿ.
- ಲಾಗಿನ್ ಎಲರ್ಟ್ ಆನ್ ಮಾಡಿ. ಇದರಿಂದ ಯಾರಾದರೂ ನಿಮ್ಮ ಖಾತೆಯನ್ನು ಪ್ರವೇಶಿಸಲು ಪ್ರಯತ್ನಿಸುತ್ತಿದ್ದರೆ ನಿಮಗೆ ಮೆಸೇಜ್ ಬರುತ್ತದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
