OnePlus 11R Offer: ಒನ್​ಪ್ಲಸ್ ಪ್ರಿಯರು ಇಲ್ಲಿ ಗಮನಿಸಿ: ಒನ್​ಪ್ಲಸ್ 11R 5G ಫೋನ್ ಮೇಲೆ ಬಂಪರ್ ಡಿಸ್ಕೌಂಟ್

ಚೀನೀ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್‌ ಪ್ರಸಿದ್ಧ ಒನ್​ಪ್ಲಸ್ ಕಂಪನಿ ಕಳೆದ ವರ್ಷ ಫೆಬ್ರವರಿಯಲ್ಲಿ ಒನ್​ಪ್ಲಸ್ 11R 5G (OnePlus 11R) ಸ್ಮಾರ್ಟ್​ಫೋನ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿತ್ತು. ಇದೊಂದು ಮಧ್ಯಮ ಶ್ರೇಣಿಯ ಪ್ರೀಮಿಯಂ 5G ಮೊಬೈಲ್ ಆಗಿದೆ. ಒನ್​ಪ್ಲಸ್ ಪ್ರಸ್ತುತ ದೇಶದಲ್ಲಿ ಈ ಹ್ಯಾಂಡ್‌ಸೆಟ್ ಅನ್ನು ರಿಯಾಯಿತಿ ದರದಲ್ಲಿ ನೀಡುತ್ತಿದೆ. ಇದಲ್ಲದೆ, ಗ್ರಾಹಕರು ಬೆಲೆಯನ್ನು ಮತ್ತಷ್ಟು ಕಡಿಮೆ ಮಾಡಲು ಬ್ಯಾಂಕ್ ರಿಯಾಯಿತಿಗಳನ್ನು ಸಹ ಪಡೆಯಬಹುದು. ಹೆಚ್ಚುವರಿ ವಿನಿಮಯ ಕೊಡುಗೆಗಳೂ ಇವೆ. ಒನ್​ಪ್ಲಸ್ 11R 5G ಸ್ನಾಪ್‌ಡ್ರಾಗನ್ 8+ Gen 1 SoC ಯನ್ನು ಹೊಂದಿದೆ ಮತ್ತು 100W SuperVOOC ಫಾಸ್ಟ್ ಚಾರ್ಜಿಂಗ್ ಬೆಂಬಲವಿದೆ.

ಭಾರತದಲ್ಲಿ ಒನ್​ಪ್ಲಸ್ 11R 5G ನೂತನ ಬೆಲೆ

ಒನ್​ಪ್ಲಸ್ 11R 5G ಬೆಲೆಯನ್ನು 3,000 ರೂ. ಕಡಿಮೆ ಮಾಡಲಾಗಿದೆ. ಈ ಹಿಂದೆ ಭಾರತದಲ್ಲಿ ಈ ಹ್ಯಾಂಡ್‌ಸೆಟ್ ಏಕೈಕ 8GB RAM + 128GB ಸ್ಟೋರೇಜ್ ರೂಪಾಂತದಲ್ಲಿ ರಿಲೀಸ್ ಆಗಿತ್ತು. ಆಗ ಇದರ ಬೆಲೆ 39,999 ರೂ. ಇತ್ತು. ಇದೀಗ ಈ ಫೋನ್ 37,999 ರೂ. ಗೆ ಸೇಲ್ ಆಗುತ್ತಿದೆ. ಹಾಗೆಯೆ 16GB RAM + 256GB ಸ್ಟೋರೇಜ್ ಮಾಡೆಲ್​ಗೆ ರೂ. 44,999 ಇತ್ತು. ಇದನ್ನೀಗ 41,999 ರೂ. ಗೆ ಖರೀದಿಸಬಹುದು. ಹೊಸ ಬೆಲೆಯನ್ನು ಅಮೆಜಾನ್ ಮತ್ತು ಒನ್​ಪ್ಲಸ್ ಇಂಡಿಯಾ ವೆಬ್‌ಸೈಟ್‌ನಲ್ಲಿ ತೋರಿಸಲಾಗುತ್ತಿದೆ. ಇದು ಗ್ಯಾಲಟಿಕ್ ಸಿಲ್ವರ್, ಸೋನಿಕ್ ಬ್ಲಾಕ್ ಮತ್ತು ಸೋಲಾರ್ ರೆಡ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ.

ಶುರುವಾಯಿತು ಬೇಸಿಗೆ ಕಾಲ: ಮೆಕ್ಯಾನಿಕ್ ಇಲ್ಲದೇ ನೀವೇ ಮನೆಯಲ್ಲಿ ಎಸಿ ಕ್ಲೀನ್ ಮಾಡಿ

ಇದಲ್ಲದೆ, ಒನ್​ಪ್ಲಸ್ ICICI ಬ್ಯಾಂಕ್, ಒಂದು ಕಾರ್ಡ್ ಕ್ರೆಡಿಟ್ ಕಾರ್ಡ್‌ಗಳು ಮತ್ತು EMI ವಹಿವಾಟುಗಳನ್ನು ಬಳಸಿಕೊಂಡು ಮಾಡಿದ ಖರೀದಿಗಳಿಗೆ 1000 ರೂ. ರಿಯಾಯಿತಿ ಇದೆ. EMI ಆಯ್ಕೆಯು ತಿಂಗಳಿಗೆ 4,334 ರೂ. ನಿಂದ ಪ್ರಾರಂಭವಾಗುತ್ತದೆ. Amazon Pay ICICI ಕ್ರೆಡಿಟ್ ಕಾರ್ಡ್‌ಗಳೊಂದಿಗೆ 2,500 ವೆಲ್ಕಂ ಗಿಫ್ಟ್ ಕೂಡ ಇದೆ.

ಒನ್​ಪ್ಲಸ್ 11R 5G ಫೀಚರ್ಸ್

ಒನ್​ಪ್ಲಸ್ 11R 5G ಆಂಡ್ರಾಯ್ಡ್ 13- ಆಧಾರಿತ OxygenOS ನಲ್ಲಿ ಕಾರ್ಯನಿರ್ವಹಿಸುತ್ತದೆ. 6.74-ಇಂಚಿನ ಪೂರ್ಣ-HD+ (1,240×2,772 ಪಿಕ್ಸೆಲ್‌ಗಳು) ಬಾಗಿದ AMOLED ಡಿಸ್​ಪ್ಲೇ ಜೊತೆಗೆ 120Hz ನ ಅಡಾಪ್ಟಿವ್ ಡೈನಾಮಿಕ್ ರಿಫ್ರೆಶ್ ದರವನ್ನು ಹೊಂದಿದೆ. ಇದು ಕ್ವಾಲ್ಕಂ ಸ್ನಾಪ್‌ಡ್ರಾಗನ್ 8+ Gen 1 SoC ನಿಂದ ಚಾಲಿತವಾಗಿದೆ, ಜೊತೆಗೆ 16GB ವರೆಗಿನ ಆನ್‌ಬೋರ್ಡ್ RAM ಮತ್ತು 256GB ವರೆಗಿನ ಆನ್‌ಬೋರ್ಡ್ ಸ್ಟೋರೇಜ್ ಇದೆ.

ನಿಮ್ಮ ಫೋನ್​ನಲ್ಲಿ ಡಿಲೀಟ್ ಆದ ಕಾಂಟೆಕ್ಟ್ ರಿಕವರಿ ಮಾಡುವುದು ಹೇಗೆ?: ಇಲ್ಲಿದೆ ಟ್ರಿಕ್

ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಒನ್​ಪ್ಲಸ್ 11R 5G ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಹೊಂದಿದೆ. ಇದರಲ್ಲಿ 50-ಮೆಗಾಪಿಕ್ಸೆಲ್ ಸೋನಿ IMX890 ಪ್ರಾಥಮಿಕ ಸಂವೇದಕ, 8-ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್-ಆಂಗಲ್ ಸಂವೇದಕ ಮತ್ತು 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಸೇರಿವೆ. 16 ಮೆಗಾಪಿಕ್ಸೆಲ್ ಸೆಲ್ಫಿ ಶೂಟರ್ ಅನ್ನು ಹೊಂದಿದೆ. ದೃಢೀಕರಣಕ್ಕಾಗಿ ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ಸಂವೇದಕವನ್ನು ಹೊಂದಿದೆ. ಈ ಫೋನ್​ನಲ್ಲಿ 100W SuperVOOC ವೇಗದ ಚಾರ್ಜಿಂಗ್ ಜೊತೆಗೆ 5,000mAh ಬ್ಯಾಟರಿಯನ್ನು ನೀಡಲಾಗಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ