Tech Tips: ಶುರುವಾಯಿತು ಬೇಸಿಗೆ ಕಾಲ: ಮೆಕ್ಯಾನಿಕ್ ಇಲ್ಲದೇ ನೀವೇ ಮನೆಯಲ್ಲಿ ಎಸಿ ಕ್ಲೀನ್ ಮಾಡಿ
Air Conditioner Tips: ನಿಮ್ಮ ಎಸಿಯನ್ನು ಸರ್ವಿಸ್ ಮಾಡುವುದು ಬಹಳ ಮುಖ್ಯ. ಹೀಗೆ ಮಾಡುವುದರಿಂದ ಬೇಸಿಗೆ ಕಾಲದಲ್ಲಿ ತಂಪಾದ ಗಾಳಿ ಸಿಗುವುದು ಮಾತ್ರವಲ್ಲ, ನಿಮ್ಮ ಎಸಿಯ ಜೀವಿತಾವಧಿ ಹೆಚ್ಚುತ್ತದೆ. ಸರ್ವಿಸ್ ಮಾಡದೆ ಇದ್ದರೆ, ಎಸಿ ಕೋಣೆಯನ್ನು ತಂಪಾಗಿಸಲು ಸಮಯ ತೆಗೆದುಕೊಳ್ಳಬಹುದು.
Updated on:Mar 08, 2024 | 12:57 PM
ಚಳಿಗಾಲ ಬಹುತೇಕ ಮುಗಿದಿದೆ. ಬೇಸಿಗೆ ಶುರುವಾಗಿದೆ. ಬೇಸಿಗೆಯ ಆರಂಭದಲ್ಲಿ ಬಿಸಿಲು ಸುಡುತ್ತಿರುತ್ತದೆ. ತೀವ್ರವಾದ ಶಾಖದಿಂದ ತಪ್ಪಿಸಿಕೊಳ್ಳಲು ಅನೇಕ ಜನರು ಹವಾನಿಯಂತ್ರಣವನ್ನು (Air Conditioner) ಅವಲಂಬಿಸಿದ್ದಾರೆ. ಅನೇಕ ಜನರು ಬೇಸಿಗೆಯಲ್ಲಿ ತಮ್ಮ ಮನೆಗಳಲ್ಲಿ ಎಸಿ ಬಳಸುತ್ತಾರೆ. ಆದರೆ ಮಾನ್ಸೂನ್ ಮತ್ತು ಚಳಿಗಾಲದಲ್ಲಿ ಎಸಿಗಳನ್ನು ಹೆಚ್ಚು ಬಳಸಲಾಗುವುದಿಲ್ಲ. ಈಗ ದಿಢೀರ್ ಆಗಿ ಎಸಿ ಬಳಸಲು ಹೋದಾಗ ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ. ಅದನ್ನು ಸ್ವಚ್ಛಗೊಳಿಸದಿದ್ದರೆ, ತಂಪಾದ ಗಾಳಿ ಬರುವುದಿಲ್ಲ. ಎಸಿಯನ್ನು ಸರಿ ಪಡಿಸಲಿ ಮೆಕ್ಯಾನಿಕ್ ಅನ್ನು ಕರೆಯುವುದು ದುಬಾರಿಯಾಗಬಹುದು. ಅದಕ್ಕಾಗಿಯೇ ಹಣವನ್ನು ಉಳಿಸಲು ನಿಮ್ಮ ಮನೆಯಲ್ಲಿ ಎಸಿ ಅನ್ನು ನೀವೇ ಸ್ವಚ್ಛಗೊಳಿಸಬಹುದು.
ಚಳಿಗಾಲದಲ್ಲಿ ಹಲವು ದಿನಗಳ ಕಾಲ ಎಸಿಯನ್ನು ಬಳಸದ ಕಾರಣ ಅದರಲ್ಲಿ ಕೊಳೆ ಸೇರಿಕೊಂಡಿರುತ್ತದೆ. ಹಾಗಾಗಿ ಬೇಸಿಗೆಯಲ್ಲಿ ಬಳಸುವ ಮೊದಲು ಎಸಿಯನ್ನು ಸ್ವಚ್ಛಗೊಳಿಸುವುದು ಅಗತ್ಯ. ಎಸಿ ಕ್ಲೀನಿಂಗ್ ಎಂದರೆ ಮೆಕ್ಯಾನಿಕ್ ಅನ್ನು ಕರೆಯುವುದು ಎಂದಲ್ಲ. ಮನೆಯಲ್ಲಿಯೇ ನೀವೇ ಎಸಿ ಕ್ಲೀನ್ ಮಾಡಬಹುದು. ಎಸಿ ಕ್ಲೀನಿಂಗ್ಗೆ ಮೊದಲು ಮನೆಯ ವಿದ್ಯುತ್ ಸ್ವಿಚ್ ಆಫ್ ಮಾಡಿ. ನಂತರ ಎಸಿ ಪ್ಯಾನೆಲ್ ತೆರೆದು ಎಸಿ ಫಿಲ್ಟರ್ ಅನ್ನು ಹೊರತೆಗೆಯಿರಿ.
ನಿಮ್ಮ ಫೋನ್ನಲ್ಲಿ ಡಿಲೀಟ್ ಆದ ಕಾಂಟೆಕ್ಟ್ ರಿಕವರಿ ಮಾಡುವುದು ಹೇಗೆ?: ಇಲ್ಲಿದೆ ಟ್ರಿಕ್
ಹಲ್ಲುಜ್ಜುವ ಬ್ರಷ್ ಅನ್ನು ತೆಗೆದುಕೊಂಡು ಎಲ್ಲಾ ಕೊಳೆಯನ್ನು ತೆಗೆದು ಹಾಕಬಹುದು. ಆದರೆ, ಇದನ್ನು ನಿಧಾನವಾಗಿ ಸ್ವಚ್ಛಗೊಳಿಸಬೇಕು. ಬ್ರಷ್ ಮೃದುವಾಗಿದ್ದಷ್ಟು ಉತ್ತಮ. ಏಕೆಂದರೆ ಚೂಪಾದ ಬ್ಲೇಡ್ಗಳು ನಿಮ್ಮ ಕೈಗಳನ್ನು ಗಾಯಗೊಳಿಸಬಹುದು. ಎಚ್ಚರಿಕೆ ವಹಿಸುವುದು ಮುಖ್ಯ.
ಟೂತ್ ಬ್ರಶ್ ಬಳಸುವಾಗ ಸ್ವಚ್ಛವಾದ ಬಟ್ಟೆಯನ್ನು ತೆಗೆದುಕೊಂಡು ಧೂಳನ್ನು ತೆಗೆದುಹಾಕಿ. ಫಿಲ್ಟರ್ಗಳನ್ನು ಸ್ವಚ್ಛಗೊಳಿಸಲು ಟ್ಯಾಪ್ ಅಡಿಯಲ್ಲಿ ಇರಿಸಿ. ನೀರಿನಲ್ಲಿ ಚೆನ್ನಾಗಿ ತೊಳೆಯಬೇಕು. ನಂತರ ಫಿಲ್ಟರ್ಗಳನ್ನು ಸ್ವಲ್ಪ ಸಮಯದವರೆಗೆ ಒಣಗಲು ಬಿಡಿ. ಒಣಗಿದ ನಂತರ, ಅವುಗಳನ್ನು ಎಸಿ ಘಟಕಕ್ಕೆ ಲಗತ್ತಿಸಿ. ನಿಮ್ಮ ಎಸಿ ಅನ್ನು ಸ್ವಚ್ಛಗೊಳಿಸಿದ ನಂತರ ನೀವು ಅದನ್ನು ಆನ್ ಮಾಡಬಹುದು.
ನಿಮ್ಮ ಎಸಿ ಇದ್ದಕ್ಕಿದ್ದಂತೆ ಕಾರ್ಯನಿರ್ವಹಿಸುವುದು ನಿಲ್ಲಿಸಿದರೆ ಅದರ ಥರ್ಮೋಸ್ಟಾಟ್ ಅನ್ನು ಪರಿಶೀಲಿಸಿ. ಥರ್ಮೋಸ್ಟಾಟ್ ಕೋಣೆಯ ಉಷ್ಣಾಂಶವನ್ನು ಹೊಂದಿಸುತ್ತದೆ. ಅಗತ್ಯಕ್ಕೆ ತಕ್ಕಂತೆ ಎಸಿ ಆನ್ ಮತ್ತು ಆಫ್ ಮಾಡುತ್ತದೆ. ಥರ್ಮೋಸ್ಟಾಟ್ ಅನ್ನು ಸರಿಯಾದ ತಾಪಮಾನಕ್ಕೆ ಇಡುವುದು ಮುಖ್ಯ.
Zeiss ಕ್ಯಾಮೆರಾ, 80W ಫಾಸ್ಟ್ ಚಾರ್ಜರ್: ಭಾರತದಲ್ಲಿ ವಿವೋ V30 ಸರಣಿ ಬಿಡುಗಡೆ: ಬೆಲೆ ಎಷ್ಟು?
ಹಾಗೆಯೆ ನಿಮ್ಮ ಎಸಿಯನ್ನು ಸರ್ವಿಸ್ ಮಾಡುವುದು ಬಹಳ ಮುಖ್ಯ. ಹೀಗೆ ಮಾಡುವುದರಿಂದ ಬೇಸಿಗೆ ಕಾಲದಲ್ಲಿ ತಂಪಾದ ಗಾಳಿ ಸಿಗುವುದು ಮಾತ್ರವಲ್ಲ, ನಿಮ್ಮ ಎಸಿಯ ಜೀವಿತಾವಧಿ ಹೆಚ್ಚುತ್ತದೆ. ಅದೇ ಸಮಯದಲ್ಲಿ, ನೀವು ಎಸಿಯನ್ನು ಸರ್ವಿಸ್ ಮಾಡದೆ ಇದ್ದರೆ, ಎಸಿ ಕೋಣೆಯನ್ನು ತಂಪಾಗಿಸಲು ಸಮಯ ತೆಗೆದುಕೊಳ್ಳಬಹುದು. ಇದು ನಿಮ್ಮ ವಿದ್ಯುತ್ ಬಳಕೆಯನ್ನು ಹೆಚ್ಚಿಸುತ್ತದೆ, ಅಂದರೆ ವಿದ್ಯುತ್ ಬಿಲ್ ಹೆಚ್ಚುಬರಬಹುದು.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 12:57 pm, Fri, 8 March 24
