Tech Tips: ನೀವು ಯುಪಿಐ ಬಳಸುತ್ತಿದ್ದರೆ ಈ ವಿಷಯ ನೆನಪಿನಲ್ಲಿಡಿ: ಸಣ್ಣ ತಪ್ಪು ಬ್ಯಾಂಕ್ ಖಾತೆಯನ್ನು ಖಾಲಿ ಮಾಡಬಹುದು

ಭಾರತದಲ್ಲಿ ಯುಪಿಐ ವ್ಯವಸ್ಥೆ (UPI) ದಿನದಿಂದ ದಿನಕ್ಕೆ ಪ್ರಬಲವಾಗುತ್ತಲೇ ಹೋಗುತ್ತಿದೆ. ಇಂದು ಹೆಚ್ಚಿನ ಹಣದ ವಹಿವಾಟು ಯುಪಿಐ ಮೂಲಕವೇ ನಡೆಯುತ್ತಿದೆ. ಇದರ ಜೊತೆಗೆ ದೇಶದಲ್ಲಿ ಪ್ರತಿದಿನ ಹೊಸ ಹೊಸ ಸೈಬರ್ ಕ್ರೈಂ ಪ್ರಕರಣಗಳು ಕೂಡ ದಾಖಲಾಗುತ್ತಿದೆ. ಆನ್‌ಲೈನ್ ವಹಿವಾಟು ನಡೆಸುವಾಗ ಜನರು ವಂಚನೆಗೆ ಬಲಿಯಾಗುತ್ತಿದ್ದಾರೆ. ಪ್ರಸ್ತುತ ಹೆಚ್ಚಿನ ವಹಿವಾಟುಗಳನ್ನು UPI ಮೂಲಕ ಮಾಡಲಾಗುತ್ತಿರುವುದರಿಂದ ವಂಚಕರು ಯುಪಿಐ ಬಳಸಿ ಜನರನ್ನು ವಂಚಿಸುತ್ತಿದ್ದಾರೆ.

ಜನರು ತಮ್ಮ ಖಾತೆಯಲ್ಲಿ ಹಣವನ್ನು ಪಡೆಯಲು ಯುಪಿಐ ಪಿನ್ ಅನ್ನು ನಮೂದಿಸುವ ಅಗತ್ಯವಿಲ್ಲ ಎಂದು ಎನ್‌ಪಿಸಿಐ ಎಚ್ಚರಿಸಿದೆ.

ಈ ರೀತಿ ವಂಚನೆ ಮಾಡಲಾಗುತ್ತದೆ

ವಂಚಕರು ಸಾಮಾನ್ಯವಾಗಿ ಕ್ಯೂಆರ್ ಕೋಡ್‌ಗಳನ್ನು ಹೊಂದಿರುವ ಫಿಶಿಂಗ್ ಇಮೇಲ್‌ಗಳನ್ನು ಕಳುಹಿಸುತ್ತಾರೆ. ಇದು ಪ್ರಸಿದ್ಧ ಇ-ಕಾಮರ್ಸ್ ಸೈಟ್ ಅಥವಾ ಬ್ಯಾಂಕ್​ನಿಂದ ಬಂದ ಮೆಸೇಜ್​ನಂತೆ ಕಾಣುತ್ತದೆ. ಈ ಇ-ಮೇಲ್‌ಗಳು ಸಾಮಾನ್ಯವಾಗಿ ‘ನಿಮ್ಮ ಕೊನೆಯ ಪಾವತಿ ವಿಫಲವಾಗಿದೆ ಆದ್ದರಿಂದ ದಯವಿಟ್ಟು ಮತ್ತೊಮ್ಮೆ ಪಾವತಿಸಿ’ ಅಥವಾ ‘ಈ QR ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ನಿಮ್ಮ ಖಾತೆಯನ್ನು ಸಕ್ರಿಯಗೊಳಿಸಿ’ ಮುಂತಾದ ಸಂದೇಶಗಳನ್ನು ಒಳಗೊಂಡಿರುತ್ತದೆ. ಜನರು ಇದನ್ನು ನಿಜವೆಂದು ಅರಿತು ಮೋಸಗಾರರ ಬಲೆಗೆ ಬೀಳುತ್ತಾರೆ. ಆದ್ದರಿಂದ UPI QR ಕೋಡ್ ಮೂಲಕ ಪಾವತಿ ಮಾಡುವಾಗ ಯಾವಾಗಲೂ ಜಾಗರೂಕರಾಗಿರಿ.

ಇದನ್ನೂ ಓದಿ

ಹೊಸ ಸ್ಮಾರ್ಟ್ ಟಿವಿ ಬೇಕೇ?: ಕೂಡಲೇ ಖರೀದಿಸಿ, 15000 ರೂ. ಒಳಗೆ ಸಿಗುತ್ತಿದೆ

ಸದ್ದಿಲ್ಲದೆ ರಿಲೀಸ್ ಆಯಿತು ಮೋಟೋರೊಲಾ ಎಡ್ಜ್ 2023: ಭರ್ಜರಿ ಸೇಲ್ ಖಚಿತ

ನಿಮ್ಮ ಮೊಬೈಲ್​ಗೆ ಎಮರ್ಜೆನ್ಸಿ ಅಲರ್ಟ್ ಮೆಸೇಜ್ ಬಂದಿಲ್ಲವಾ? ಇಲ್ಲಿದೆ ಕಾರಣ

ಪೊಲೀಸರು ಅರೆಸ್ಟ್ ಮಾಡುತ್ತಾರೆ: ಗೂಗಲ್​ನಲ್ಲಿ ಈ ವಿಷಯ ಹುಡುಕಲೇ ಬಾರದು

ಒಪ್ಪೋದಿಂದ ಇಂದು ಬಹುನಿರೀಕ್ಷಿತ ಮಡಚುವ ಸ್ಮಾರ್ಟ್​ಫೋನ್ ಬಿಡುಗಡೆ: ಯಾವುದು ನೋಡಿ

ನೀವು ಅಪರಿಚಿತರಿಗೆ ಹಣಗಳನ್ನು ಪಾವತಿಸುತ್ತಿದ್ದರೆ, ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡುವಾಗ ಜಾಗರೂಕರಾಗಿರಿ ಎಂಬುದನ್ನು ಮೊದಲನೆಯದಾಗಿ ನೆನಪಿನಲ್ಲಿಡಿ. ನಿಮ್ಮ UPI ವಾಲೆಟ್ ಪಿನ್, ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ವಿವರಗಳ ಪಿನ್, ಒನ್ ಟೈಮ್ ಪಾಸ್‌ವರ್ಡ್ (OTP), CVV, ಮುಕ್ತಾಯದ ದಿನಾಂಕವನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ.

ವಂಚನೆಯನ್ನು ತಪ್ಪಿಸಲು ಈ ವಿಷಯಗಳನ್ನು ನೆನಪಿನಲ್ಲಿಡಿ

• QR ಕೋಡ್ ಅನ್ನು ಸ್ಕ್ಯಾನ್ ಮಾಡಿದ ನಂತರ ಯಾವಾಗಲೂ ಶಾಪ್​ನವರ ಬಳಿಕ ಹಣ ಬಂದಿದೆಯೇ ಎಂಬ ಪರಿಶೀಲಿಸಿಕೊಂಡು ನಂತರವೇ ಹೊರಡಿ.
• ಅಪರಿಚಿತ ಫೋನ್ ಸಂಖ್ಯೆ ಅಥವಾ ಯಾವುದೇ ಇತರ ಮೂಲದಿಂದ ಪಡೆದ UPI ಗೆ ಸಂಬಂಧಿಸಿದ ಯಾವುದೇ ಸಂದೇಶವನ್ನು ನಂಬಬೇಡಿ.
• ರಾಂಗ್ ನಂಬರ್​ಗೆ ತಪ್ಪಾಗಿ UPI ಹಣವನ್ನು ವರ್ಗಾಯಿಸಿದರೆ, ತಕ್ಷಣವೇ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಗೆ ದೂರು ನೀಡಿ.
• ನೀವು ವಂಚನೆಗೊಳಗಾಗಿದ್ದರೆ, ಟೋಲ್ ಫ್ರೀ ಸಂಖ್ಯೆ 1930 ಗೆ ಕರೆ ಮಾಡಬಹುದು ಅಥವಾ ನೀವು cybercrime.gov.in ನಲ್ಲಿ ದೂರು ಸಲ್ಲಿಸಬಹುದು.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ