Tokyo Olympics 2020: ಒಲಂಪಿಕ್ ಗ್ರಾಮದಲ್ಲಿ ಹರಿದಾಡುತ್ತಿರುವ ಸುದ್ದಿ; ಮೀರಾಬಾಯಿಗೆ ಬೆಳ್ಳಿ ಬದಲು ಚಿನ್ನದ ಪದಕ ಸಿಗಲಿದೆ!

ಭಾರತಕ್ಕೊಂದು ಸತೋಷದ ಸುದ್ದಿ ಲಭ್ಯವಾಗುವ ಸಾಧ್ಯತೆಯಿದೆ. ಟೊಕಿಯೋ ಒಲಂಪಿಕ್ಸ್ 2020 ಆರಂಭಗೊಂಡ ದಿನವೇ ಮಹಿಳೆಯರ 49 ಕೆಜಿ ವೇಟ್-ಲಿಫ್ಟಿಂಗ್ ವಿಭಾಗದಲ್ಲಿ ಭಾರತಕ್ಕೆ ಬೆಳ್ಳಿ ಪದಕ ಗೆದ್ದು ಕೊಟ್ಟ ಮಣಿಪುರದ ಹುಡುಗಿ ಮೀರಾಬಯಿಯು ಚಾನುಗೆ ಸ್ವರ್ಣ ಪದಕ ಸಿಗಬಹದೆಂದು ಹೇಳಲಾಗುತ್ತಿದೆ. ಅದು ಹೇಗೆ ಸಾಧ್ಯ ಅಂತ ನೀವು ಯೋಚಿಸುತ್ತಿರಬಹುದು, ಅಸಲಿಗೆ ವಿಷಯ ಏನೆಂದರೆ, ಈ ನಿರ್ದಿಷ್ಟ ಕೆಟೆಗೆರಿಯಲ್ಲಿ ಚಿನ್ನದ ಪದಕ ಗೆದ್ದ ಚೀನಾದ ಚಿಯು ಹು ಅವರು ಉದ್ದೀಪನಾ ಮದ್ದು ಸೇವಿಸಿರಬಹುದಾದ ಶಂಕೆಗೆ ಗುರಿಯಾಗಿದ್ದಾರೆ. ಒಂದು ಪಕ್ಷ ಅದು ನಿಜವಾದರೆ ಆಕೆಯನ್ನು ಅನರ್ಹಗೊಳಿಸಿ ಚಿನ್ನದ ಪದಕ ಕಸಿದು ಮೀರಾಬಾಯಿಗೆ ಕೊಡುತ್ತಾರೆ.

ನೀವು ಮರೆತಿರಲಾರಿರಿ. 2 ದಿನಗಳ ಹಿಂದೆ (ಶನಿವಾರ) ಹು ಅವರು ಒಟ್ಟು 210 ಕೆಜಿ ಭಾರ ಎತ್ತಿ ಹೊಸ ಒಲಂಪಿಕ್ ದಾಖಲೆಯೊಂದಿಗೆ ಚಿನ್ನದ ಪದಕ ತಮ್ಮದಾಗಿಸಿಕೊಂಡಿದ್ದರು. ಆದರೆ, ಕ್ಲೀನ್ ಮತ್ತು ಜರ್ಕ್​ನಲ್ಲಿ ವಿಶ್ವ ದಾಖಲೆ ಹೊಂದಿರುವ ಮೀರಾಬಾಯಿ, ಹು ಅವರಿಗಿಂತ 8ಕೆಜಿ ಕಡಿಮೆ ಆಂದರೆ ಒಟ್ಟು 202 ಕೆಜಿ ಎತ್ತಿ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದರು. ಆದರೆ ಅವರ ಸಾಧನೆ ಮಹಳ ಮಹತ್ವದ್ದು, 2000 ಸಿಡ್ನಿ ಒಲಂಪಿಕ್ಸ್​ನಲ್ಲಿ ಕರ್ಣಂ ಮಲ್ಲೇಶ್ವರಿ ಅವರು ಕಂಚಿನ ಪದಕ ಗೆದ್ದ ನಂತರ ಭಾರತಕ್ಕೆ ವೇಟ್-ಲಿಫ್ಟಿಂಗ್​ನಲ್ಲಿ ಪದಕ ಬಂದಿರಲಿಲ್ಲ.

ಹಾಗೆ ನೋಡಿದರೆ, ಒಲಂಪಿಕ್ಸ್​ನಲ್ಲಿ ಭಾಗವಹಿಸುವ ಎಲ್ಲ ಕ್ರೀಡಾಪಟುಗಳ ಡೋಪಿಂಗ್ ಟೆಸ್ಟ್ ನಡೆಸಲಾಗುತ್ತದೆ. ಆದರೆ ಹು ಅವರ ಪ್ರಕರಣದಲ್ಲಿ ಅಡ್ವರ್ಸ್​ ಅನಾಲಿಟಿಕಲ್ ಫೈಂಡಿಂಗ್ (ಪ್ರತಿಕೂಲ ವಿಶ್ಲೇಷಣಾತ್ಮಕ ಶೋಧನೆ ) ನೋಡಲಾಗುತ್ತಿದೆ. ಅದರರ್ಥ ಅವರ ಮೊದಲ ಸ್ಯಾಂಪಲ್​ನಲ್ಲಿ ಸಂಶಯಾಸ್ಪದ ಅಂಶವೇನಾದರೂ ಇತ್ತಾ ಎನ್ನುವುದನ್ನು ಪತ್ತೆ ಮಾಡಲಾಗುತ್ತದೆ.

ವಾಡಾ (WADA-World Anti-Doping Agency) ಪ್ರಕಾರ, ಪ್ರತಿಕೂಲ ವಿಶ್ಲೇಷಣಾತ್ಮಕ ಶೋಧನೆ ನಿರ್ದಿಷ್ಟ ಸ್ಯಾಂಪಲ್​ನಲ್ಲಿ ನಿಷೇಧಿತ ವಸ್ತುಗಳು ಅಥವಾ ವಿಧಾನಗಳ ಉಪಸ್ಥಿತಿಯನ್ನು ಸೂಚಿಸುತ್ತದೆ, ಸದರಿ ಟೆಸ್ಟ್​ ಫಲಿತಾಂಶ ಲಭ್ಯವಾಗುವವರೆಗೆ ಹು ಅವರನ್ನು ಒಲಂಪಿಕ್ ಗ್ರಾಮ ಬಿಟ್ಟು ಕದಲದಂತೆ ತಾಕೀತು ಮಾಡಲಾಗಿದೆ.

ಇದನ್ನೂ ಓದಿ: ಟೊಕಿಯೋ ಒಲಂಪಿಕ್ಸ್​ 2020: ಒಟ್ಟು 202 ಕೆಜಿ ಭಾರ ಎತ್ತಿದ ಮೀರಾಬಾಯಿ ಚಾನು ಭಾರತೀಯರೆಲ್ಲ ಗರ್ವದಿಂದ ತಲೆ ಎತ್ತುವಂತೆ ಮಾಡಿದ್ದಾರೆ!