ಭಾರತ ಮೂಲದ ವಿವೇಕ್ ರಾಮಸ್ವಾಮಿ ಅಮೆರಿಕದ ರಿಪಬ್ಲಿಕನ್ ಪಕ್ಷದಲ್ಲಿ ಅಧ್ಯಕ್ಷೀಯ ಅಭ್ಯರ್ಥಿ ಆಕಾಂಕ್ಷಿ. ಮೂಲತಃ ಉದ್ಯಮಿ.

38 ವರ್ಷದ ವಿವೇಕ್ ರಾಮಸ್ವಾಮಿ ಪತ್ನಿ ಹೆಸರು ಅಪೂರ್ವಾ; ಇಬ್ಬರಿಗೂ ಇಬ್ಬರು ಗಂಡುಮಕ್ಕಳಿದ್ದಾರೆ. ವಯಸ್ಸು 1 ಮತ್ತು 4 ವರ್ಷ.

ವಿವೇಕ್ ರಾಮಸ್ವಾಮಿ ತಮ್ಮ ಮಕ್ಕಳನ್ನು ಪಾಲನೆ ಮಾಡಲು ಒಬ್ಬ ದಾದಿಯ ಹುಡುಕಾಟದಲ್ಲಿದ್ದಾರೆ. ಜಾಹೀರಾತು ಕೂಡ ನೀಡಿದ್ದಾರೆ.

ಹೈಪ್ರೊಫೈಲ್ ಕುಟುಂಬದೊಂದಿಗೆ ಕೆಲಸ ಮಾಡುವ ಅಪೂರ್ವ ಅವಕಾಶ. ಅವರ ಮಕ್ಕಳ ಏಳ್ಗೆಗೆ ನೆರವಾಗಬಹುದು ಎಂದಿದೆ ಜಾಹೀರಾತು.

ಮಕ್ಕಳನ್ನು ಪಾಲನೆ ಮಾಡುವ ದಾದಿ ಕೆಲಸಕ್ಕೆ ಸೇರಬಯಸುವ ಅಭ್ಯರ್ಥಿಗಳ ವಯಸ್ಸು ಕನಿಷ್ಠ 21 ವರ್ಷ ಇರಬೇಕು. ಅನುಭವವೂ ಇರಬೇಕು.

ವಿವೇಕ್ ರಾಮಸ್ವಾಮಿ ಮನೆಯಲ್ಲಿ ಈಗಾಗಲೇ ದಾದಿಯರ ತಂಡ ಸೇರಿದಂತೆ ಹೌಸಿಂಗ್ ಸಿಬ್ಬಂದಿ ಇದ್ದಾರೆ. ಅವರ ಜೊತೆ ಸಮನ್ವಯತೆ ಹೊಂದಿರಬೇಕು.