ಬ್ಯಾಂಕ್ ಖಾತೆ ಸಂಖ್ಯೆ, ಐಎಫ್​ಎಸ್​ಸಿ ಕೋಡ್ ರಗಳೆ ಇಲ್ಲದೇ ಮೊಬೈಲ್ ನಂಬರ್, ವಿಪಿಎ ಅಥವಾ ಕ್ಯುಆರ್ ಕೋಡ್​ನಿಂದ ಹಣ ಪಾವತಿಸಲು ಅನುವು ಮಾಡಿಕೊಡುತ್ತದೆ.

ಭೀಮ್, ಪೇಟಿಎಂ, ಫೋನ್ ಪೇ, ಗೂಗಲ್ ಪೇ, ವಾಟ್ಸಾಪ್, ಅಮೇಜಾನ್ ಪೇ ಇತ್ಯಾದಿ ವಿವಿಧ ಆ್ಯಪ್​ಗಳು ಯುಪಿಐ ಪೇಮೆಂಟ್​ಗೆ ಪ್ಲಾಟ್​ಫಾರ್ಮ್ ಒದಗಿಸುತ್ತವೆ.

ಯುಪಿಐ ಮೂಲಕ ಯಾರಿಗಾದರೂ ಹಣ ಕಳುಹಿಸುವಾಗ ಕೆಲವೊಮ್ಮೆ ತಪ್ಪಾಗಿ ಕಳುಹಿಸಬಹುದು. ಹೀಗಾದಾಗ ಏನು ಮಾಡಬೇಕು? ಮುಂದಿದೆ ವಿವರ...

ನೀವು ತಪ್ಪಾಗಿ ಯಾರಿಗಾದರೂ ಹಣ ಕಳುಹಿಸಿದ್ದರೆ ಅವರನ್ನು ಸಂಪರ್ಕಿಸಿ ಪರಿಸ್ಥಿತಿ ವಿವರಿಸಿ. ಹಣ ಹಿಂದಿರುಗಿಸುವಂತೆ ವಿನಮ್ರ ಮನವಿ ಮಾಡಿ. ಜಬರದಸ್ತು ಬೇಡ.

ನಿಮ್ಮ ಯುಪಿಐ ಸರ್ವಿಸ್ ಪ್ರೊವೈಡರ್​ನ ಕಸ್ಟಮರ್ ಕೇರ್ ಸಪೋರ್ಟ್ ಟೀಮ್​ಗೆ ಕೂಡಲೇ ಮಾಹಿತಿ ನೀಡಿ. ಪೇಮೆಂಟ್​ನ ಸ್ಕ್ರೀನ್​ಶಾಟ್ ಇತ್ಯಾದಿ ದಾಖಲೆ ಒದಗಿಸಿ.

ಯುಪಿಐ ಆ್ಯಪ್​ನಲ್ಲಿ ನಿಮ್ಮ ಮನವಿಗೆ ಸ್ಪಂದನೆ ಸಿಗದೇ ಹೋದಲ್ಲಿ ಅಥವಾ ನಿಮಗೆ ಸಮಾಧಾನ ತರದೇ ಇದ್ದಲ್ಲಿ ಎನ್​ಪಿಸಿಐ ಪೋರ್ಟಲ್​ನಲ್ಲಿ ದೂರು ದಾಖಲಿಸಿ.

ನಿಮ್ಮ ಹಣ ಸ್ವೀಕರಿಸಿದ ವ್ಯಕ್ತಿಯ ಸಂಪರ್ಕ ಸಾಧ್ಯವಾಗದೇ ಹೋದಾಗ ನೀವು ಬ್ಯಾಂಕ್​ನ ಕಸ್ಟಮರ್ ಕೇರ್ ಹೆಲ್ಪ್​ಲೈನ್ ಅಥವಾ ಬ್ಯಾಂಕ್ ಕಚೇರಿ ಸಂಪರ್ಕಿಸಬಹುದು.