17ನೇ ಆವೃತ್ತಿಯ ಐಪಿಎಲ್ನ ಮೊದಲಾರ್ಧದ ಮುಗಿದಿದ್ದು, ದ್ವಿತೀಯಾರ್ಧ ಈಗಾಗಲೇ ಆರಂಭವಾಗಿದೆ. ಇದುವರೆಗೆ ನಡೆದಿರುವ ಪಂದ್ಯಗಳು ಅಭಿಮಾನಿಗಳಿಗೆ ರಸದೌತಣವನ್ನೇ ನೀಡಿವೆ.
ಇದಕ್ಕೆ ಕಾರಣ ಐಪಿಎಲ್‌ನಲ್ಲಿ ಬಿಸಿಸಿಐ ತಂದಿರುವ ಕೆಲವು ನಿಯಮಗಳು ಕಾರಣವಾಗಿವೆ. ಅದರಲ್ಲಿ ಪ್ರಮುಖವಾದದ್ದು ಇಂಪ್ಯಾಕ್ಟ್ ಪ್ಲೇಯರ್ ನಿಯಮ.
ಈ ನಿಯಮದನುಸಾರವಾಗಿ ತಂಡಗಳು ತಮ ಅಗತ್ಯಕ್ಕೆ ತಕ್ಕಂತೆ ಒಬ್ಬ ಬ್ಯಾಟರ್ ಅಥವಾ ಒಬ್ಬ ಬೌಲರ್ನನ್ನು ಪಂದ್ಯದಲ್ಲಿ ಅಧಿಕವಾಗಿ ಬಳಸಬಹುದಾಗಿದೆ.
ಹೀಗಾಗಿ ಎಲ್ಲಾ ತಂಡಗಳು ಪಂದ್ಯದ ಸ್ಥಿತಿಗನುಗುಣವಾಗಿ ಬೌಲರ್ ಬೇಕಾದರೆ ಬೌಲರ್, ಬ್ಯಾಟರ್ ಬೇಕಾದರೆ ಬ್ಯಾಟರ್ನನ್ನು ಕಣಕ್ಕಿಳಿಸುತ್ತಿವೆ.
ಆದರೆ ಈ ನಿಯಮ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾಗೆ ಹಿಡಿಸಿಲ್ಲ ಎಂದು ತೊರುತ್ತದೆ. ಹೀಗಾಗಿ ರೋಹಿತ್ ಐಪಿಎಲ್ ಮಧ್ಯದಲ್ಲಿ ಈ ನಿಯಮದ ಬಗ್ಗೆ ಅಸಮಾಧಾನ ಹೊರಹಾಕಿದ್ದಾರೆ.
ಇಂಪ್ಯಾಕ್ಟ್ ಪ್ಲೇಯರ್ ನಿಯಮದ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ರೋಹಿತ್, ಈ ನಿಯಮ ಆಲ್‌ರೌಂಡರ್‌ಗಳಿಗೆ ಅನಾನುಕೂಲವಾಗಿದೆ ಎಂದಿದ್ದಾರೆ.
ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ಭಾರತೀಯ ಕ್ರಿಕೆಟ್‌ನಲ್ಲಿ ಆಲ್‌ರೌಂಡರ್‌ಗಳ ಬೆಳವಣಿಗೆಯಲ್ಲಿ ಸಮಸ್ಯೆಗಳನ್ನು ಸೃಷ್ಟಿಸುತ್ತದೆ ಎಂದು ರೋಹಿತ್ ಹೇಳಿದ್ದಾರೆ.
ಈ ನಿಯಮದಿಂದಾಗಿ ವಾಷಿಂಗ್ಟನ್ ಸುಂದರ್, ಶಿವಂ ದುಬೆ ಸೇರಿದಂತೆ ಅನೇಕ ಆಲ್‌ರೌಂಡರ್‌ಗಳಿಗೆ ಬೌಲಿಂಗ್ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ರೋಹಿತ್ ಅಸಮಾಧಾನ ಹೊರಹಾಕಿದ್ದಾರೆ.
ರೋಹಿತ್ ಅಸಮಾಧಾನಕ್ಕೂ ಕಾರಣವಿದೆ. ಏಕೆಂದರೆ ಜೂನ್ನಲ್ಲಿ ಟಿ20 ವಿಶ್ವಕಪ್ ನಡೆಯಲ್ಲಿದೆ. ಈ ಚುಟುಕು ಮಾದರಿ ಹೆಚ್ಚಾಗಿ ಆಲ್‌ರೌಂಡರ್‌ಗಳನ್ನು ಕೇಳುತ್ತದೆ.
ಆದರೆ ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ಬಂದ ನಂತರ ಆಲ್‌ರೌಂಡರ್‌ಗಳು ಬ್ಯಾಟಿಂಗ್ ಕಡೆ ಹೆಚ್ಚು ಒತ್ತು ನೀಡುತ್ತಿದ್ದು, ಬೌಲಿಂಗ್ನಿಂದ ದೂರ ಸರಿದಿದ್ದಾರೆ. ಇದು ಟಿ20 ವಿಶ್ವಕಪ್ ದೃಷ್ಟಿಯಿಂದ ಟೀಂ ಇಂಡಿಯಾಗೆ ಹಿನ್ನಡೆಯನ್ನುಂಟು ಮಾಡಿದೆ.