ಐಪಿಎಲ್‌ನಲ್ಲಿ ಕೊಹ್ಲಿ ಎಷ್ಟು ಪಂದ್ಯಗಳಿಗೆ ಗೈರಾಗಿದ್ದಾರೆ ಗೊತ್ತಾ?
Author: ಪೃಥ್ವಿ ಶಂಕರ
ಐಪಿಎಲ್‌ನಲ್ಲಿ ಇಂದು ಸನ್‌ರೈಸರ್ಸ್ ಹೈದರಾಬಾದ್‌ ವಿರುದ್ಧ ಪಂದ್ಯವನ್ನಾಡುತ್ತಿರುವ ಆರ್ಸಿಬಿಗೆ ಇಂದಿನ ಪಂದ್ಯ ಐತಿಹಾಸಿಕ ಪಂದ್ಯವಾಗಿದೆ.
ಐಪಿಎಲ್ ಮೊದಲ ಸೀಸನ್ನಿಂದಲೂ ಈ ಮಿಲಿಯನ್ ಡಾಲರ್ ಟೂರ್ನಿಯಲ್ಲಿ ಆಡುತ್ತಿರುವ ಆರ್ಸಿಬಿಗೆ ಇಂದಿನ ಪಂದ್ಯ 250ನೇ ಪಂದ್ಯವಾಗಿದೆ.
ಮುಂಬೈ ಇಂಡಿಯನ್ಸ್ ನಂತರ ಈ ಸಾಧನೆ ಮಾಡಿದ ಎರಡನೇ ತಂಡ ಎಂಬ ದಾಖಲೆಯನ್ನು ಆರ್ಸಿಬಿ ನಿರ್ಮಿಸಿದೆ.
ಇಂದಿನ ಪಂದ್ಯವನ್ನು ಹೊರತುಪಡಿಸಿ 249 ಪಂದ್ಯಗಳನ್ನಾಡಿರುವ ಆರ್ಸಿಬಿ, ಇದರಲ್ಲಿ 115 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದರೆ, 127ರಲ್ಲಿ ಸೋಲು ಕಂಡಿದೆ.
ಆರಂಭದಿಂದಲೂ ಆರ್ಸಿಬಿ ಪರ ಆಡುತ್ತಿರುವ ಮಾಜಿ ನಾಯಕ ವಿರಾಟ್ ಕೊಹ್ಲಿ ಫ್ರಾಂಚೈಸಿ ಪರ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಬರೆದಿದ್ದು, ಕೊಹ್ಲಿ ಇದುವರೆಗೆ 7642 ರನ್ ಬಾರಿಸಿದ್ದಾರೆ.
ವಿಕೆಟ್ಗಳ ವಿಚಾರದಲ್ಲಿ ಮಾಜಿ ಆರ್ಸಿಬಿ ಆಟಗಾರ ಯುಜುವೇಂದ್ರ ಚಹಾಲ್ ಫ್ರಾಂಚೈಸಿ ಪರ ಅತಿ ಹೆಚ್ಚು 139 ವಿಕೆಟ್‌ಗಳನ್ನು ಪಡೆದಿದ್ದಾರೆ.
ಮೇಲೆ ಹೇಳಿದಂತೆ ವಿರಾಟ್ ಕೊಹ್ಲಿ ಮೊದಲ ಸೀಸನ್‌ನಿಂದ ಈ ಫ್ರಾಂಚೈಸಿಯ ಭಾಗವಾಗಿದ್ದಾರೆ. ಹೀಗಿರುವಾಗ ಕೊಹ್ಲಿ ಐಪಿಎಲ್‌ಗೆ ಎಷ್ಟು ಪಂದ್ಯಗಳನ್ನು ಮಿಸ್ ಮಾಡಿಕೊಂಡಿದ್ದಾರೆ ಎಂಬುದು ಪ್ರಶ್ನೆ.
ಇದುವರೆಗೆ ಆರ್‌ಸಿಬಿಯ 249 ಪಂದ್ಯಗಳಲ್ಲಿ ಕೊಹ್ಲಿ 245 ಪಂದ್ಯಗಳನ್ನು ಆಡಿದ್ದಾರೆ. ಅಂದರೆ ಕೊಹ್ಲಿ 17 ಸೀಸನ್‌ಗಳಲ್ಲಿ ಕೇವಲ 4 ಪಂದ್ಯಗಳನ್ನು ಮಾತ್ರ ಮಿಸ್ ಮಾಡಿಕೊಂಡಿದ್ದಾರೆ.