ಬಾಲಿವುಡ್​ ಬೆಡಗಿ ಕಿಯಾರಾ ಅಡ್ವಾಣಿ ತಮಿಳಿ ಚಿತ್ರರಂಗದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಹೊಸ ತಮಿಳು ಸಿನಿಮಾನಲ್ಲಿ ಕಿಯಾರಾ ಅಡ್ವಾಣಿ ನಟಿಸಲಿದ್ದಾರೆ.

ಕಿಯಾರಾ ಅಡ್ವಾಣಿಗೆ ದಕ್ಷಿಣ ಭಾರತ ಚಿತ್ರರಂಗ ಹೊಸದಲ್ಲ. ಆದರೆ ಕಿಯಾರಾ ಈ ವರೆಗೆ ಕೇವಲ ತೆಲುಗಿನ ಒಂದೆರಡು ಸಿನಿಮಾಗಳಲ್ಲಿ ಮಾತ್ರವೇ ನಟಿಸಿದ್ದಾರೆ.

ಇದೀಗ ಕಿಯಾರಾ ಅಡ್ವಾಣಿಗೆ ಭಾರಿ ದೊಡ್ಡ ತಮಿಳು ಸಿನಿಮಾದ ಆಫರ್ ದೊರಕಿದೆ. ತಮಿಳಿನ ಯುವ ಸ್ಟಾರ್ ನಟರೊಬ್ಬರ ಸಿನಿಮಾದಲ್ಲಿ ಕಿಯಾರಾ ಅಡ್ವಾಣಿ ನಾಯಕಿಯಾಗಲಿದ್ದಾರೆ.

ಕಿಯಾರಾ ಅಡ್ವಾಣಿ ಮಹೇಶ್ ಬಾಬು ಜೊತೆಗೆ ‘ಭರತ್ ಅನೇ ನೇನು’ ಸಿನಿಮಾನಲ್ಲಿ ನಾಯಕಿಯಾಗಿ ನಟಿಸಿದ್ದರು. ಆ ಸಿನಿಮಾ ಸೂಪರ್ ಹಿಟ್ ಎನಿಸಿಕೊಂಡಿತ್ತು.

‘ಭರತ್ ಅನೆ ನೇನು’ ಸಿನಿಮಾದ ಬಳಿಕ ‘ವಿನಯ ವಿದೇಯ ರಾಮ’ ಸಿನಿಮಾನಲ್ಲಿ ಕಿಯಾರಾ ಅಡ್ವಾಣಿ ನಟಿಸಿದರು. ಆ ಸಿನಿಮಾದಲ್ಲಿ ರಾಮ್ ಚರಣ್ ನಾಯಕರಾಗಿ ನಟಿಸಿದ್ದರು.

ಕಿಯಾರಾ ಅಡ್ವಾಣಿಗೆ ಇದೀಗ ಹೊಸ ತಮಿಳು ಸಿನಿಮಾ ಆಫರ್ ದೊರೆತಿದ್ದು, ಆ ಸಿನಿಮಾ ಕೇವಲ ತಮಿಳು ಮಾತ್ರವೇ ಅಲ್ಲದೆ ಪ್ಯಾನ್ ಇಂಡಿಯಾ ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.

ಕಿಯಾರಾ ಅಡ್ವಾಣಿ ಕಳೆದ ವರ್ಷ ನಟ ಸಿದ್ಧಾರ್ಥ್ ಮಲ್ಹೋತ್ರಾ ಜೊತೆ ವಿವಾಹವಾಗಿದ್ದಾರೆ. ಮದವೆಯಾದ ಬಳಿಕವೂ ಸಹ ಕಿಯಾರಾ ಅಡ್ವಾಣಿಯ ಬೇಡಿಕೆ ಕಡಿಮೆ ಆಗಿಲ್ಲ.