ಇಂಡಿಯಾ ಅಲ್ಲ ಭಾರತ್..! ಹೆಸರು ಬದಲಿಸಿದ ಪ್ರಮುಖ ದೇಶಗಳಿವು

ಆಫ್ರಿಕಾ ಖಂಡದಲ್ಲಿರುವ ಸ್ವಾಜಿಲ್ಯಾಂಡ್ ದೇಶ 2018ರಲ್ಲಿ ಇಸ್ವಾಟಿನಿ (Eswatini) ಎಂದು ಹೆಸರು ಬದಲಿಸಿಕೊಂಡಿತು. ಸ್ಥಳೀಯ ಭಾಷೆಯಲ್ಲಿ ಮೊದಲಿಂದಲೂ ಇಸ್ವಾಟಿನಿ ಎಂದೇ ಕರೆಯಲಾಗುತ್ತಿತ್ತು.

ಹಾಲೆಂಡ್ ದೇಶದ ಹೆಸರನ್ನು 2020ರಲ್ಲಿ ನೆದರ್ಲ್ಯಾಂಡ್ಸ್ (Netherlands) ಎಂದು ಅಧಿಕೃತವಾಗಿ ಬದಲಾಯಿಸಲಾಗಿದೆ. ಹಿಂದೆ ಎರಡೂ ಹೆಸರುಗಳು ಚಾಲ್ತಿಯಲ್ಲಿದ್ದವು. ದೇಶದ ಮುಕ್ತತೆಗೆ ಪ್ರತೀಕವಾಗಿ ನೆದರ್ಲ್ಯಾಂಡ್ಸ್ ಹೆಸರಿದೆ.

ಭಾರತದ ನೆರೆಯ ದೇಶವಾದ ಶ್ರೀಲಂಕಾವನ್ನು ಹಿಂದೆ ಸಿಲೋನ್ ಎಂದು ಸಂಬೋಧಿಸಲಾಗುತ್ತಿತ್ತು. ಅದು ಪೋರ್ಚುಗೀಸರು 16ನೇ ಶತಮಾನದಲ್ಲಿ ಇಟ್ಟ ಹೆಸರು. ಕೆಲ ವರ್ಷಗಳ ಹಿಂದೆ ಶ್ರೀಲಂಕಾ ಎಂದು ಹೆಸರು ಬದಲಿಸಲಾಯಿತು.

ಆಫ್ರಿಕಾ ಖಂಡದಲ್ಲಿರುವ ದ್ವೀಪ ರಾಷ್ಟ್ರ ಕೇಪ್ ವೆರ್ಡೆಯನ್ನು 2013ರಲ್ಲಿ ರಿಪಬ್ಲಿಕ್ ಆಫ್ ಕೇಬೋ ವೆರ್ಡೆ (Cabo Verde) ಎಂದು ಬದಲಿಸಲಾಯಿತು. ಕೇಪ್ ಎಂಬ ಇಂಗ್ಲೀಷ್ ಪದದ ಬದಲು ಪೋರ್ಚುಗೀಸ್ ಪದ ಕೇಬೋವನ್ನು ಸೇರಿಸಲಾಯಿತು.