ಕೋಸುಗಡ್ಡೆ ಮತ್ತು ಹೂಕೋಸುಗಳಂತಹ ತರಕಾರಿಗಳು ರಾಫಿನೋಸ್ ಅನ್ನು ಹೊಂದಿರುತ್ತವೆ. ಇದನ್ನು ನಮ್ಮ ದೇಹವು ಚೆನ್ನಾಗಿ ಜೀರ್ಣಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಇದರಿಂದ ರಾತ್ರಿ ಗ್ಯಾಸ್ಟ್ರಿಕ್, ಹೊಟ್ಟೆನೋವು ಹೆಚ್ಚಾಗಬಹುದು. ನೀವು ರಾತ್ರಿ ಈ ಆಹಾರವನ್ನು ಸೇವಿಸಿದರೆ ನಿದ್ರಿಸುವಾಗ ನಿಮ್ಮ ಕರುಳು ಸಕ್ರಿಯವಾಗಿ ಕೆಲಸ ಮಾಡುತ್ತಿರುವ ಸಾಧ್ಯತೆಯಿದೆ.
ಕ್ರೂಸಿಫೆರಸ್ ತರಕಾರಿಗಳು
ನೂಡಲ್ಸ್ ಸಾಮಾನ್ಯವಾಗಿ ಸೋಡಿಯಂನೊಂದಿಗೆ ಲೋಡ್ ಆಗಿರುತ್ತದೆ. ಅದರಲ್ಲಿ ಹೆಚ್ಚಿನವು ಅಧಿಕ ರಕ್ತದೊತ್ತಡ, ಪಾರ್ಶ್ವವಾಯು, ಹೃದಯ ವೈಫಲ್ಯ, ಮೂತ್ರಪಿಂಡದ ಕಲ್ಲುಗಳು ಮತ್ತು ಹೊಟ್ಟೆಯ ಕ್ಯಾನ್ಸರ್ನಂತಹ ಅನೇಕ ಗಂಭೀರ ಸಮಸ್ಯೆಗಳನ್ನು ಉಂಟುಮಾಡಬಹುದು.
ನೂಡಲ್ಸ್
ರಾತ್ರಿಯಲ್ಲಿ ಮೊಟ್ಟೆಗಳನ್ನು ತಿನ್ನುವುದರಿಂದ ನಿದ್ರಾಹೀನತೆ ಉಂಟಾಗಬಹುದು. ಏಕೆಂದರೆ ಅವುಗಳು ಹೆಚ್ಚಿನ ಪ್ರೋಟೀನ್ ಅನ್ನು ಹೊಂದಿದ್ದು, ಚೆನ್ನಾಗಿ ಜೀರ್ಣವಾಗುವುದಿಲ್ಲ.
ಮೊಟ್ಟೆಗಳು
ಚೀಸ್ ಮತ್ತು ಸಂಸ್ಕರಿಸಿದ ಮೇಲೋಗರಗಳಿಂದಾಗಿ ಪಿಜ್ಜಾವು ಸ್ಯಾಚುರೇಟೆಡ್ ಕೊಬ್ಬಿನಿಂದ ತುಂಬಿರುತ್ತದೆ. ಇದು ನಿಮ್ಮ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಹೃದಯದ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ಪಿಜ್ಜಾ
ಸೌತೆಕಾಯಿ ಬಹಳ ಆರೋಗ್ಯಕರವಾದ ತರಕಾರಿ. ಆದರೆ ಇದನ್ನು ರಾತ್ರಿಯ ಊಟವಾಗಿ ಸೇವಿಸಬಾರದು. ಸೌತೆಕಾಯಿಯು ನೀರಿನಿಂದ ತುಂಬಿರುತ್ತದೆ. ಇದು ನಿಮ್ಮ ನಿದ್ರೆಯನ್ನು ಅಡ್ಡಿಪಡಿಸುತ್ತದೆ. ಸೌತೆಕಾಯಿ ತಿಂದರೆ ನೀವು ರಾತ್ರಿಯಿಡೀ ಮೂತ್ರ ವಿಸರ್ಜಿಸಲು ಏಳಬೇಕಾದೀತು.
ಸೌತೆಕಾಯಿ
ಉರಿಯೂತದ ಕರುಳಿನ ಕಾಯಿಲೆ, ಅಜೀರ್ಣ ಅಥವಾ ಇತರ ಜೀರ್ಣಕಾರಿ ಸಮಸ್ಯೆಗಳಿಂದ ಬಳಲುತ್ತಿರುವವರು ರಾತ್ರಿಯ ವೇಳೆ ಮಸಾಲೆಯುಕ್ತ ಮಟನ್ ಆಹಾರವನ್ನು ತಿನ್ನಬಾರದು. ಏಕೆಂದರೆ ಇದು ತೀವ್ರವಾದ ಎದೆಯುರಿ ಉಂಟುಮಾಡಬಹುದು.
ಮಸಾಲೆಯುಕ್ತ ಮಟನ್
ಎಣ್ಣೆಯಲ್ಲಿ ಕರಿದ ಚಿಕನ್ ಅಥವಾ ಪನೀರ್ ತುಂಬಾ ರುಚಿಕರವಾದ ಆಹಾರವಾಗಿದೆ. ಆದರೆ ರಾತ್ರಿಯ ಊಟಕ್ಕೆ ಇದನ್ನು ನಿಯಮಿತವಾಗಿ ಸೇವಿಸಿದರೆ ತೀವ್ರ ಆಸಿಡ್ ರಿಫ್ಲಕ್ಸ್ ಉಂಟಾಗಬಹುದು.
ಕರಿದ ಪನೀರ್ ಅಥವಾ ಚಿಕನ್
ರಾತ್ರಿಯ ಊಟಕ್ಕೆ ನೀವು ಬ್ರೆಡ್ ಸೇವಿಸುವುದಾದರೆ ಆದಷ್ಟೂ ಅದನ್ನು ಕಡಿಮೆ ಮಾಡಿ. ಏಕೆಂದರೆ ಇದರಲ್ಲಿ ಪಿಷ್ಟ ಅಧಿಕವಾಗಿರುತ್ತದೆ. ನಿಮ್ಮ ಹೊಟ್ಟೆಯು ಖಾಲಿಯಾಗಿರುವಾಗ, ಬ್ರೆಡ್‌ನಂತಹ ಪಿಷ್ಟ ಆಹಾರಗಳು ಗ್ಲೂಕೋಸ್ ಮಟ್ಟವನ್ನು ಹೆಚ್ಚಿಸುತ್ತದೆ. ಇದು ನಿಮ್ಮ ದೇಹದ ಜೀರ್ಣಕ್ರಿಯೆಯ ಪ್ರಕ್ರಿಯೆಯ ಮೇಲೆ ಪರಿಣಾಮ ಬೀರಬಹುದು.