ಟೀಮ್ ಇಂಡಿಯಾ ಆಟಗಾರ ಯುಜ್ವೇಂದ್ರ ಚಹಲ್ ಹಾಗೂ ಧನಶ್ರೀ ವರ್ಮಾ ಕ್ಯೂಟ್ ಕಪಲ್ಸ್ ಎಂಬುದರಲ್ಲಿ ಡೌಟೇ ಇಲ್ಲ. ಆದರೆ ಈ ಇಬ್ಬರು ಇತ್ತೀಚೆಗೆ ಜೊತೆಯಾಗಿ ಕಾಣಿಸಿಕೊಂಡಿದ್ದು ತುಂಬಾ ಕಡಿಮೆ.
ಇದರ ಬೆನ್ನಲ್ಲೇ ಇಬ್ಬರ ಡೈವೋರ್ಸ್ ಸುದ್ದಿಗಳು ಹರಿದಾಡಿದ್ದವು. ಆ ಬಳಿಕ ಸೋಷಿಯಲ್ ಮೀಡಿಯಾ ಮೂಲಕ ಚಹಲ್ ಹಾಗೂ ಧನಶ್ರೀ ಸ್ಪಷ್ಟನೆ ನೀಡಿ ಎಲ್ಲಾ ವದಂತಿಗಳಿಗೆ ತೆರೆ ಎಳೆದಿದ್ದರು.
ಇದಾಗ್ಯೂ ಈ ಬಾರಿಯ ಐಪಿಎಲ್ ವೇಳೆ ಧನಶ್ರೀ ವರ್ಮಾ ಸ್ಟೇಡಿಯಂನಲ್ಲಿ ಕಾಣಿಸಿಕೊಂಡಿರಲಿಲ್ಲ. ಹೀಗಾಗಿಯೇ ಮತ್ತೊಮ್ಮೆ ಇಬ್ಬರ ನಡುವೆ ಎಲ್ಲವೂ ಸರಿಯಿಲ್ಲವೆಂಬ ಗುಲ್ಲೆದ್ದಿತ್ತು.
ಮತ್ತೊಂದೆಡೆ ಹಾರ್ದಿಕ್ ಪಾಂಡ್ಯ ಹಾಗೂ ನತಾಶಾ ಸ್ಟಾಂಕೋವಿಕ್ ವಿಚ್ಛೇದನ ನೀಡಲಿದ್ದಾರೆ ಎಂಬ ಸುದ್ದಿಗಳು ಕೂಡ ಕೇಳಿ ಬರುತ್ತಿದೆ. ಈ ಸುದ್ದಿಗಳ ಬೆನ್ನಲ್ಲೇ ಇತ್ತ ಚಹಲ್ ಫ್ಯಾನ್ಸ್ ಧನಶ್ರೀ ವರ್ಮಾಗೆ ಸೋಷಿಯಲ್ ಮೀಡಿಯಾದಲ್ಲಿ ಮನವಿ ಸಲ್ಲಿಸುತ್ತಿದ್ದಾರೆ.
ಧನಶ್ರೀ ವರ್ಮಾ ಅವರ ಪೋಸ್ಟ್ಗೆ ಕಾಮೆಂಟ್ ಮಾಡಿರುವ ಕೆಲವರು ಹಾರ್ದಿಕ್ಗೆ ನತಾಶಾ ಕೈ ಕೊಟ್ಟಂತೆ, ನೀವು ಯುಜ್ವೇಂದ್ರ ಚಹಲ್ಗೆ ಮೋಸ ಮಾಡಬೇಡಿ ಎಂದು ಮನವಿ ಮಾಡಿದ್ದಾರೆ.
ಇನ್ನು ಕೆಲವರು ಮತ್ತೊಂದು ಹೆಜ್ಜೆ ಮುಂದೆ ಹೋಗಿ, ನಿಮ್ಮ ಆಸ್ತಿಗಳನ್ನು ತಾಯಿಯ ಹೆಸರಿನಲ್ಲಿ ರಿಜಿಸ್ಟರ್ ಮಾಡಿಸಿಕೊಳ್ಳಿ. ಡೈವೋರ್ಸ್ ವೇಳೆ ಆಸ್ತಿ ಹಂಚಿಕೆ ತಪ್ಪಿಸಿಕೊಳ್ಳಬಹುದು ಎಂದು ಯುಜ್ವೇಂದ್ರ ಚಹಲ್ಗೆ ಬಿಟ್ಟಿ ಸಲಹೆ ನೀಡುತ್ತಿದ್ದಾರೆ.
ಅಷ್ಟಕ್ಕೂ ಧನಶ್ರೀ ವರ್ಮಾ ಪೋಸ್ಟ್ಗಳಿಗೆ ಇಂತಹ ಕಾಮೆಂಟ್ಗಳು ಬರಲು ಕಾರಣ, ಶ್ರೇಯಸ್ ಅಯ್ಯರ್ ಜೊತೆ ಕಾಣಿಸಿಕೊಂಡಿರುವುದು. ಈ ಹಿಂದೆ ಧನಶ್ರೀ ಹಾಗೂ ಅಯ್ಯರ್ ಜೊತೆಯಾಗಿ ಪಾರ್ಟಿಗಳಲ್ಲಿ ಕಾಣಿಸಿಕೊಂಡಿದ್ದರು.
ಇದರ ಬೆನ್ನಲ್ಲೇ ಯುಜ್ವೇಂದ್ರ ಚಹಲ್ಗೆ ಧನಶ್ರೀ ವರ್ಮಾ ಕೈ ಕೊಡಲಿದ್ದಾರೆ ಎಂಬ ಪುಕಾರುಗಳನ್ನು ಎಬ್ಬಿಸಲಾಗಿತ್ತು. ಇದಾಗ್ಯೂ ಚಹಲ್ ಹಾಗೂ ಧನಶ್ರೀ ಅನೋನ್ಯವಾಗಿಯೇ ದಾಂಪತ್ಯ ಜೀವನವನ್ನು ಮುಂದುವರೆಸಿದ್ದಾರೆ.