ಮಳೆಗಾಲದಲ್ಲಿ ಹರಡುವ ಕಣ್ಣಿನ ಸಮಸ್ಯೆಗೆ ಮನೆಮದ್ದು ಇಲ್ಲಿದೆ
"ಗುಲಾಬಿ ಕಣ್ಣು" ಎಂದು ಕರೆಯಲ್ಪಡುವ ಕಂಜಂಕ್ಟಿವಿಟಿಸ್ ಮಳೆಗಾಲದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.
ಆದ್ದರಿಂದ ಇಂತಹ ಕಣ್ಣಿನ ಸಮಸ್ಯೆಗೆ ಮನೆಯಲ್ಲಿಯೇ ಪ್ರಥಮ ಚಿಕಿತ್ಸೆಯನ್ನು ಕಂಡುಕೊಳ್ಳಿ.
ಗುಲಾಬಿ ಕಣ್ಣುಗಳು, ಕಣ್ಣು ತುರಿಕೆ ಸಮಸ್ಯೆಗೆ ಆರೋಗ್ಯ ತಜ್ಞರಾದ ಶ್ರೇಯಾ ರುಸ್ತಗಿ ಕೆಲವು ಮನೆ ಮದ್ದು ಹಂಚಿಕೊಂಡಿದ್ದಾರೆ.
ತ್ರಿಫಲ: ಅರ್ಧಲೋಟ ನೀರಿಗೆ ತ್ರಿಫಲ ಪುಡಿಯನ್ನು ಹಾಕಿ ರಾತ್ರಿಯಿಡೀ ನೆನೆಸಿಡಿ. ಬೆಳಗ್ಗೆ ಆ ನೀರಿನಿಂದ ಮುಖ ತೊಳೆಯಿರಿ.
ಹತ್ತಿಯನ್ನು ಹಾಲಿನಲ್ಲಿ ಅದ್ದಿ ನಿಮ್ಮ ಕಣ್ಣುಗಳ ಸುತ್ತಲೂ ಹಚ್ಚಿ, ಕೆಲಹೊತ್ತಿನ ಹಾಗೆಯೇ ಬಿಡಿ.
ನೀರಿನಲ್ಲಿ ಅರಶಿನವನ್ನು ಬೆರೆಸಿ, ಆ ನೀರನ್ನು ಕಣ್ಣು ತುರಿಕೆ ಅಥವಾ ಕೆಂಪಾಗಿರುವ ಭಾಗಕ್ಕೆ ಹಚ್ಚಿ.
ಬೇವಿನ ಪುಡಿಯನ್ನು ಸ್ವಲ್ಪ ಹಾಲು ಅಥವಾ ನೀರಿನಲ್ಲಿ ಬೆರೆಸಿ ಪೇಸ್ಟ್ ತಯಾರಿಸಿ ಕಣ್ಣಿನ ಸುತ್ತಲೂ ಹಚ್ಚಿ.
ಒಂದು ಹಿಡಿ ಕೊತ್ತಂಬರಿ ಬೀಜವನ್ನು ನೀರಿನಲ್ಲಿ ಕುದಿಸಿ, ಸ್ವಲ್ಪ ತಣ್ಣಗಾದ ನಂತರ ಆ ನೀರಿನಿಂದಲೇ ಕಣ್ಣಿನ ಭಾಗ ತೊಳೆಯಿರಿ.