ಮೈದಾನದಲ್ಲಿ ಜಾವೆಲಿನ್ ಎಸೆಯುತ್ತಿರುವುದನ್ನು ನೋಡಿದ ನೀರಜ್ ತಾವು ಸಹ ಈ ಆಟದಲ್ಲಿ ತಮ್ಮ ಕೈಚಳಕ ತೋರಬೇಕೆಂದು ಧೃಡ ಸಂಕಲ್ಪ ಮಾಡಿದರು. ಆ ದಿನದಿಂದ ಪ್ರಾರಂಭವಾದ ನೀರಜ್ ಪಯಣ ಅವರನ್ನು ವಿಶ್ವ ಚಾಂಪಿಯನ್ ಆಗಿ ಮಾಡಿದೆ.
ಪ್ರಮುಖ ದಾಖಲೆಗಳನ್ನು ಮಾಡಿರುವ ನೀರಜ್, 2016 ರಲ್ಲಿ ವಿಶ್ವ ಅಥ್ಲೆಟಿಕ್ಸ್ ಯು 20 ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಿ 86.48 ಮೀಟರ್ ಜಾವೆಲಿನ್ ಎಸೆದು ವಿಶ್ವ ದಾಖಲೆ ನಿರ್ಮಿಸಿದರು.
2019 ರ ವರ್ಷ ನೀರಜ್‌ಗೆ ನಿರಾಶದಾಯಾಕವಾಗಿತ್ತು. ಮೊಣಕೈ ನೋವಿನಿಂದಾಗಿ ಅವರು ಕ್ರೀಡೆಯಿಂದ ಹೊರಗುಳಿಯಬೇಕಾಯಿತು. ಈ ಸಮಯದಲ್ಲಿ ನೀರಜ್ ಆಟಕ್ಕೆ ಮರಳುವುದು ತುಂಬ ಕಷ್ಟಕರ ಎಂದು ಜನರು ಭಾವಿಸತೊಡಗಿದರು. ಆದಾಗ್ಯೂ, ಗಾಯದಿಂದ ಚೇತರಿಸಿಕೊಂಡ ನೀರಜ್, ದಕ್ಷಿಣ ಆಫ್ರಿಕಾದಲ್ಲಿ ನಡೆದ ದೇಶೀಯ ಪಂದ್ಯಾವಳಿಯಲ್ಲಿ ಸ್ಪರ್ಧಿಸಿ ಒಲಿಂಪಿಕ್ಸ್ಗೆ ಅರ್ಹತೆ ಪಡೆದರು.
