ಜಪಾನ್ನಲ್ಲಿ ಗೃಹಿಣಿಯಾಗಿದ್ದ ಮಹಿಳೆಯರಿಗಿಲ್ಲ ಉದ್ಯೋಗ ಭಾಗ್ಯ
ಜಪಾನಿನ ಹೆಣ್ಣು ಮಕ್ಕಳು ಕೆಲಸದ ಕುರಿತು ಅತ್ಯಂತ ಹೆಚ್ಚು ಒಲವು ಕಂಡುಕೊಂಡಿರುವ ವ್ಯಕ್ತಿಗಳು. ವ್ಯಕ್ತಿಗಳು ಎನ್ನುವುದಕ್ಕಿಂತ ಶ್ರಮ ಜೀವಿ ಎನ್ನಬಹುದು. ಆದರೆ, ಈಗ ಜಪಾನ್ನಲ್ಲಿ ಉತ್ತಮ ಶಿಕ್ಷಣ ಪಡೆದ, ಬುದ್ಧಿವಂತ ಮಹಿಳೆಯರಿಗೆ ಉದ್ಯೋಗ, ರಾಜಕೀಯದಲ್ಲಿ ಸರಿಯಾದ ಸ್ಥಾನಮಾನ ಸಿಗುತ್ತಿಲ್ಲ.
ತನ್ನ ದಣಿವರಿಯದ ಕೆಲಸಗಳು ಮತ್ತು ಬದ್ಧತೆಗಳಿಗೆ ಹೆಸರಾಗಿರುವ ದೇಶ ಜಪಾನ್ (Japan). ಇಲ್ಲಿ ಉದ್ಯೋಗದ ಸಲುವಾಗಿ ಸ್ವಾತಂತ್ರ್ಯವನ್ನು ಕಂಡುಕೊಳ್ಳಲು ಮದುವೆಯನ್ನೇ ಆಗುತ್ತಿಲ್ಲ ಎಂಬ ಕಾಲವಿತ್ತು. ತಮ್ಮ ಕೆಲಸದ ಶೇ. 100 ಗಮನ ಹರಿಸುತ್ತಿದ್ದರು. ಜಪಾನಿಗರು ಕೆಲಸದ ಬದ್ಧತೆ ಮೂಲಕ ತಮ್ಮ ಜೀವನದ ಭದ್ರತೆಯನ್ನು ಕಾಪಾಡಿಕೊಳ್ಳಲು ಹಾತೋರೆಯುತ್ತಿದ್ದರು. ಆದರೆ, ಇದು ಮೂರು-ನಾಲ್ಕು ವರ್ಷಗಳ ಹಿಂದಿನ ಮಾತು. ಈಗ ಜಪಾನ್ನಲ್ಲಿ ಎಲ್ಲವೂ ಬದಲಾಗಿದೆ. ಹಲವು ಬಾರಿ ಇತರೆ ದೇಶಕ್ಕೆ ಉದಾಹರಿಸಲ್ಪಡುತ್ತಿದ್ದ ಜಪಾನ್ನಲ್ಲಿ ಈಗ ಮಹಿಳೆಯರಿಗೆ ಸರಿಯಾದ ಉದ್ಯೋಗ ಸಿಗುತ್ತಿಲ್ಲ.
ಜಪಾನಿನ ಹೆಣ್ಣು ಮಕ್ಕಳು ಕೆಲಸದ ಕುರಿತು ಅತ್ಯಂತ ಹೆಚ್ಚು ಒಲವು ಕಂಡುಕೊಂಡಿರುವ ವ್ಯಕ್ತಿಗಳು. ವ್ಯಕ್ತಿಗಳು ಎನ್ನುವುದಕ್ಕಿಂತ ಶ್ರಮ ಜೀವಿ ಎನ್ನಬಹುದು. ಆದರೆ, ಈಗ ಜಪಾನ್ನಲ್ಲಿ ಉತ್ತಮ ಶಿಕ್ಷಣ ಪಡೆದ, ಬುದ್ಧಿವಂತ ಮಹಿಳೆಯರಿಗೆ ಉದ್ಯೋಗ, ರಾಜಕೀಯದಲ್ಲಿ ಸರಿಯಾದ ಸ್ಥಾನಮಾನ ಸಿಗುತ್ತಿಲ್ಲ.
ಉದ್ಯೋಗ ಸಿಕ್ಕರೂ ಅದಕ್ಕೆ ತಕ್ಕಂತೆ ಉತ್ತಮ ಸಂಬಳ ನೀಡುತ್ತಿಲ್ಲ ಎಂಬ ಪರಿಸ್ಥಿತಿ ಎದುರಾಗಿದೆ. 2019 ರಲ್ಲಿ ಜಪಾನ್ ನಲ್ಲಿ ಮದುವೆ ಪ್ರಮಾಣ ಇಳಿಕೆಯಾಗಿತ್ತು. 7 ಜನರಲ್ಲಿ 1 ಮದುವೆಯಾಗುತ್ತಿರಲಿಲ್ಲ. ಅವರಿಗೆ ವಯಸ್ಸು 50 ಆದರೂ ಮದುವೆಯತ್ತ ಗಮನ ಕೆಂದ್ರೀಕರಿಸುತ್ತಿರಲಿಲ್ಲ.
ಈಗ ಮದುವೆ, ಮಕ್ಕಳು ಎಂದು ಸಂಸಾರದಲ್ಲಿ ತೊಡಗಿ ಮತ್ತೆ ಕೆಲಸಕ್ಕೆ ಹಾಜರಾಗುವ ಮಾಜಿ ಗೃಹಿಣಿಯರಿಗೆ ಅವಕಾಶ, ವೇತನದ ಕೊರತೆ ಎದುರಾಗಿದೆ. ಅಚ್ಚರಿಯ ವಿಚಾರ ಎಂದರೆ ಇಂಥಹ ನಿರ್ಲಕ್ಷಿತ ಮಹಿಳೆಯರ ದೊಡ್ಡ ದಂಡು ಜಪಾನ್ನಲ್ಲಿ ತಲೆ ಎತ್ತಿದೆ. ಇದು ಒಳ್ಳೆಯ ಹವಾಮಾನ ಅಲ್ಲ ಎಂದು ಕೆಲವು ವಿಮರ್ಶಕರು ಎಚ್ಚರಿಕೆ ನೀಡಿದ್ದಾರೆ. ಇದಕ್ಕೆ ಮುಖ್ಯವಾಗಿ ಜಪಾನ್ನಲ್ಲಿರುವ ಪುರುಷ ಪ್ರಧಾನ ಸಮಾಜ ಕೂಡ ಕಾರಣ ಎಂದು ಹೇಳಿದ್ದಾರೆ.
ಈ ಹಿಂದೆ ಜಪಾನ್ನಲ್ಲಿ ಶಿಂಝೋ ಅಬೆ ಪ್ರಧಾನಿಯಾಗಿದ್ದಾಗ, 2013ರಲ್ಲಿ ಒಂದು ವುಮೆನೊಮಿಕ್ಸ್ ಎಂಬ ನೀತಿಯನ್ನು ಜಾರಿಗೆ ತಂದಿದ್ದರು. ಇದರ ಪ್ರಕಾರ ದೇಶದ ಆರ್ಥಿಕ ಪುನಶ್ಚೇತನಕ್ಕೆ ಸಂಬಂಧಪಟ್ಟಂತೆ ಮಹಿಳೆಯರು ಸಕ್ರಿಯವಾಗಿ ಉದ್ಯೋಗದಲ್ಲಿ ತೊಡಗಬೇಕು, ಆರ್ಥಿಕತೆ ಉತ್ತೇಜನಕ್ಕೆ ಮಹಿಳೆಯರ ಸಕ್ರಿಯತೆ ಹೆಚ್ಚಬೇಕು ಎಂಬುದು ಇದರ ಉದ್ದೇಶವಾಗಿತ್ತು. ಹೀಗಿದ್ದರು ಕೂಡ ಜಪಾನ್ನಲ್ಲಿ ಮಹಿಳೆಯರಿಗೆ ಸೂಕ್ತ ವೇದಿಕೆ ಇಲ್ಲ ಎಂಬುದು ಅಚ್ಚರಿಯ ವಿಚಾರ. ಅಷ್ಟೇ ಅಲ್ಲದೆ ವಿವಾಹವಾದ ಬಳಿಕ ಕೆಲಸಕ್ಕೆ ಬರುವ ಮಹಿಳೆಯರಿಗೆ ಫುಲ್ಟೈಂ ಕೆಲಸಗಳು ಸಿಗುತ್ತಿಲ್ಲ.
ಜಪಾನ್ನಲ್ಲಿ 25 ವಯಸ್ಸಿನಲ್ಲಿ ಭಾರತದಂತೆ ಮದುವೆ ಮಾಡಿಸಲಾಗುತ್ತದೆ. “25 ಕಳೆದರೆ ಕ್ರಿಸ್ಮಸ್ ಕೇಕ್ ನಂತೆ’ ಎಂಬ ಮಾತಿದೆ. ಅಂದರೆ ಕ್ರಿಸ್ಮಸ್ ಕೆಕ್ ಅನ್ನು ಡಿಸೆಂಬರ್ 25ರ ಬಳಿಕ ಮಾರಾಟ ಮಾಡಲಾಗುವುದಿಲ್ಲ ಎಂದರ್ಥ. ಈ ಕಾರಣಕ್ಕೆ 25ನೇ ವಯಸ್ಸಿಗೆ ಮದುವೆಯಾಗುತ್ತಾರೆ. ಆದರೆ, ಮದುವೆಯ ಬಳಿಕ ಬುದ್ಧಿವಂತ ಮಹಿಳೆಯರಿಗೆ ಉದ್ಯೋಗ ಸರಿಯಾದ ಸ್ಥಾನಮಾನ ಸಿಗುತ್ತಿಲ್ಲ ಎಂಬುದು ಅಚ್ಚರಿಗೆ ಕಾರಣವಾಗಿದೆ.
(Japans huge army of under-employed ex-housewives)